دەقی پرسەنامەکەی ڕێواز فایەق:
بەڕێز کاوە مەحمود، سکرتێری حزبی شیوعیی کوردستان
بەڕێزان لە مەکتەبی سیاسیی حزبی شیوعیی کوردستان
زۆر بەداخەوە هەواڵی کۆچی داویی تێکۆشەری دێرین و سکرتێری پێشووتری حزبی شیوعیی کوردستان و عێراق، مامۆستا (کەریم ئەحمەد)_مان پێگەیشت. بەم بۆنە خەمناکەوە پرسە و هاوخەمیی خۆمان ئاراستەی بنەماڵە و کەسوکار و سەرجەم هاوڕێ و هاوسەنگەرانی دەکەین.
مامۆستا کەریم ئەحمەد بۆ ماوەی زیاتر لە نیوسەدە یەکێک بووە لە سیمبولە هەرە دیارەکانی نێو کایە و خەباتی سیاسیی گەلەکەمان لە ڕووبەڕووبوونەوەی دیکتاتۆریەت و بەگژداچوونەوەی نادادیی کۆمەڵایەتی و تێکۆشان لەپیناو بەدیهێنانی یەکسانی و دادپەروەری.
بە کۆچی دوایی مامۆستا، کوردستان یەکێک لە دیارترین سەرکردە ئازا و داناکانی لەدەستدا، داواکارین لە خوای گەورە سەبر و ئارامی بخاتە دڵی کەسوکار و بنەماڵە و سەرجەم ئازیزان و هاوخەباتانی.
انا للە وانا الیە ڕاجعون
د. ڕێواز فائق
سەرۆکی پەرلەمانی کوردستان
14ی تەمووزی 2022[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!