لەدوای باران کەپەنک
کەپەنک: فەرەنجی، فەرەجی، قاپووتی شوانە، کەرەستە خاوەکەی خورییه، وەستای(هەلاج) دەیکاتە (لوا و لباد)، ئینجا قاپووتی لێ دروست دەکات، بەگوێرەی ڕەنگی خورییەکان ڕەش و سپی(بازە) دەبێت، زۆربەی جار لە لوای سپی دروست دەکرێت بۆ جوانی پارچە یان هێڵی ڕەشی تێ دەکرێت، شوانەکان لە شەوین و لەوەڕی بوهارەی ڕانەکاندا دەیپۆشن بۆ ئەوەی تەڕ نەبن و لە سەرما و سۆڵەش دەیانپارێزێت، ئه و کەپەنکەی شوان بووە بە ئیدیۆم و لە دوای هەڵە و ڕووداو و بە سەرهات، پاسا و هێنانەوە و پەشیمان بوونەوه دادت نادات، بۆ ئه و حاڵەتە کورد بەدرکە و کینایەوە گووتویەتی: لە دوای باران کەپەنک یان پاشی باران کەپەنکم بۆ چییە؟.[1]