حازر خۆری بەر سێبەرێ
حازرخۆر واتە: ئەو کەسەی بێ ماندووبوون خواردنێکی ئامادەی لەبەر دەست بێت و لێی بخوات، کورد وتەنی: هاتۆتە سەر حازرەکی، سێبەر و سایە بەهۆی خانوو و دیوار و هەیوان و کەپر و درەخت و کەپکەشاخ و ئه و تەنانەوە دروست دەبێت کە تاو نایانبڕێت، هەندێجاریش پیاوێکی مەزن دەبێتە سێبەر و پەنای خەڵکانێکی زۆر، هەموو خواردنێک بەماندوو بوون و ڕەنج و تێکۆشان دێتە ئامادەکردن و هەموو سێبەرێکیش هەر لە خۆڕا پەیدا نەبووە، ئینجا ئەگەر کەسێک بێ ئارەق ڕشتن و ڕەنج و زەحمەتکێشان، لە بەرهەمی کارێک بخوات و مشەخۆر بێت بە تەوسەوە پێی دەوترێت: حازر خۆری بەر سێبەرێ. [1]