دواڕۆژ، زریان محەمەد
لەماوەی یەک ساڵی ڕابردودا هاوردەکردنی ئاژەڵ بۆ شاری #سلێمانی# زیاتر لە 70هەزار سەر ئاژەڵ بووە.
#سۆران# غەفور، بەڕێوەبەری چاودێری بازرگانی سلێمانی بە دواڕۆژی ڕاگەیاند :لەساڵی ڕابردودا 73هەزار سەر ئاژەڵ هاوردەی شاری سلێمانی کراوە لەڕێگەی فڕۆکەخانە و سنورەکانەوە.
وتیشی :ئەو ئاژەڵانەی هاتون زۆری ڕەشەوڵاغبووە، ئاژەڵی بچوکیشی تیابووە کە زۆربەی لە وڵاتی جۆرجیا و ئێران-ەوە هاتۆتە سلێمانی هەندێک لەو ئاژەڵانە لێرەوە نێردراون بۆ شارەکانی خواروی عێراق، ئەوانی دیکەش لە سلێمانی بۆ گۆشت و بەخێوکردن ماونەتەوە.
بەڕێوەبەری چاودێری بازرگانی سلێمانی ئاماژەی بەوەشکرد :هاوردەکردنی ئاژەڵ بەردەوامی هەیە، ئەو بازرگانانەی کە ئاژەڵ دێنن لەڕێگەی کارگۆی سلێمانی و وڵاتانی دراوسێوە ئاژەڵەکان هاوردەدەکەن.
پێداچونەوە: ئاهەنگ حسێن[1]
#11-01-2019#