ناو: مەهدی
ناوی باوک: عەزیز
نازناو: هەورامی
مەهدی عەزیز حەمە ناسراو بە مەهدی هەورامی لە ساڵی 1972 لەدایکبووە، نزیکەی 25 ساڵ لە بواری نووسین و شیعر وێنەکێشان و ڕۆژنامەوانیدا کاری کردووە و لە زۆرێک لەفێستیڤاڵە ئەدەبی و هونەری و ڕۆشنبیرییەکاندا بەشداریکردووە، شیعرەکانی بەشێوەزاری سۆرانی و هەورامی دەنووسی، یەکێکبوو لە شاعیر و پێشکەشکارە دیارەکان، لەگەڵ ئەوەشدا چەند نامیلکەیەکی شیعری هەیە، جگە لە بواری نووسین لە بواری شێوەکاریشدا کاری کردووە و چەندین پێشانگای لەو بوارەوە کردۆتەوە.مەهدی هەورامی خێزانداربوو وە خاوەنی چوار منداڵ بوو، لە 14-07-2017 بەهۆی جەڵتەی مێشکەوە کۆچی دوایی کرد. [1]