نووسینی: مارتن هایدیگەر
وەرگێڕانی: #ڕێبین ڕەسوڵ ئیسماعیل#
(چاپی یەکەم 2017)
لە بڵاوکراوەکانی #دەزگای ئایدیا بۆ فکر و لێکۆڵینەوە#
ئەم کتێبە پێکهاتوە لە دوو وتووێژی دوور و درێژ لەگەڵ مارتن هایدیگەردا، چونکە تیشک دەخەنە سەر بەشێکی گرنگی شاراوە و نادیاری ژیان و پەیوەندیی سیاسییانەی هایدیگەر بە سیستەم و حزبی نازیی ئەڵمانییەوە لە سەرەتاکانی دەسەڵاتی هیتلەردا. دوو وتووێژەکە لە دوو بۆنەی جیاوازدا ئەنجامدراون، لە وتووێژی یەکەمدا هایدیگەر زۆر ڕاشکاوانە دەدوێت و قسە دەکات، ڕاستە هەموو حەقیقەتێک ناڵێت، بەڵام بەشێکی زۆری ڕووداوەکانی هەردوو ساڵی (1933- 1934) ڕووندەکاتەوە، کە تێیدا پۆستی سەرۆکی زانکۆی فرایبۆرگی وەرگرتبوو. لە وتووێژی دوەمیشدا کە خۆی لە ئەسڵدا دیدارێکی تەلەفزیۆنی بوە و دواتر نووسراوەتەوە، وەکو بەشێک لە دیدار و وتووێژە گرنگەکانی هایدیگەر تەماشا دەکرێت، لەوێدا هایدیگەر قسە دەربارەی تەکنیک و تەکنەلۆژیا و پەیوەندیی کۆمەڵایەتی دەکات.