نووسەر و شانۆکار دانا ڕەووف نوێترین کتیبی بە ناونیشانی ساڵێک لە گەڵ کیژۆڵەکەم چاپ و بڵاوکردەوە. ئەم کتێبە یادەوەریی ساڵێکی نووسەرە لە گەڵ کیژۆڵەکەی و لە شێوەی دەقێکی ئەدەبیدا چاپ و بڵاوکراوەتەوە.
ئەم دەقە، هەوڵێکە بۆ نزیکبوونەوە لە دونیای باوکایەتی و هەستی باوکایەتی کاتێک کە منداڵێکی کچ دێتە دونیاوە. باوکێک کە بە تەواوی هەست و وزەوە چاودێری کیژۆڵەکەی دەکات و چرکەساتەکانی تەمەنی دەژمێرێت. ئەم کتێبە دژی بۆچوونە باوەی نێو کولتووری کوردی دەوەستێتەوە کە پێی وایە مێیینە بوونێکی کەمتری هەیە لە بوونی نێرینە. کتێبەکە گەشتێک بە خوێنەر دەکات بەرەو ئەو جیهانەی کە هەموو مرۆڤەکان یەکسانن و ئەوەی ئەوان جوان و بەهێز دەکات کردارەکانیانە، نەک ڕەگەزەکانیان.
ئەم کتێبە لە چاپخانەی سەردەم چاپکراوە.