لە کانتۆنی #عەفرین#ی داگیرکراو، ڕفاندنی هاوڵاتیان و دەستدرێژیکردنە سەر ژنانی کورد ئیدی دیاردەشی تێپەڕاندوە و ڕۆژانە لە هەڵکشانێکی زۆر مەترسیدار دایە. سەربازان و چەتەکانی تورکیا وێڕای ڕفاندن و دەستدرێژیەکەش هاوڵاتیان دەڕفێنن و بێسەروشوێنیان دەکەن و دەستیش بەسەر ماڵ و موڵکیاندا دەگرن.
بە گوێرەی زانیاری بەدەستخراو لە ناو کانتۆنی عەفرینەوە، تەنها لە مانگی ئایاری ڕابردوودا، 3 هەزار و 295 هاوڵاتی کورد لەلایەن سوپای تورکیای داگیرکەر و تاقمە چەتەکانیەوە ڕفێندراون، کە 30 یان ژنانی دووگیان بوون و دەستدرێژی سێکسی کراوەتە سەریان.
ڕاگەیەندرا، تا ئێستا چارەنوسی ڕفێندراوەکان نادیارە و هەندێک سەرچاوەش لە ناوچەکانی ژێر دەسەڵاتە داگیرکەرەکەی تورکیا ئاشکرایان کردووە، ڕفێندراوەکانی عەفرین بەتایبەتی ژن و منداڵەکان وەک غەنیمەتی جەنگ مامەڵەیان لەگەڵ کراوە و دابەش کراون بەسەر ئەندامانی تاقمە چەتەکانی سەر بە تورکیا.[1]
#03-06-2018#