سەرۆکی لیژنە هاوبەشەکانی #قائیمقامیەتی سلێمانی# ڕایدەگەیەنێت، زۆربەی دوکان و شوێنە گشتییەکان پابەندن بە مەرج و ڕێنماییەکانی کارکردنەوە و سەرپێچییەکان کەمی کردووە.
بەپێی بەیاننامەیەکی قایمقامییەتی سلێمانی، گۆران قادر، ڕایگەیاندووە، لەچوارچێوەی هەڵمەتە بەردەوامەکانی لیژنە هاوبەشەکانی قایمقامیەتی سلێمانی بۆ بازاڕ و شوێنە گشتییەکان، پشکنین بۆ کاڵاوشمەکەکان دەکرێت لەرووی تەندروستی و ڤێتەرنەری و نرخەوه و سەرپێچی کەمی کردووە.
ئاماژەی بەوەشکردووە، ئامانجی سەرەکی لیژنەکان پابەندکردنی دوکان و شوێنە گشتیەکانە بە ڕێنماییەکانی کارکردنەوە، نەک غەرامە کردنیانیان،ئەوەی جێی خۆش حاڵییە سەرپێچی بەرێژەیەکی زۆر کەم بۆتەوە و ڕوو لە نەمان دەکات بەجۆرێک لەگەڕان وبەدواچوونەکانی شەوی ڕابردوودا تەنها یەک پسوڵەی ئاگادارکردنەوە بۆ خاوەن کارێک کراوە.
بەوتەی گۆران قادر، لەکۆتایی مانگی ڕەمەزانیش لیژنە هاوبەشەکان لە ئێوارەوە تا بەرەبەیان و ڕۆژانی دواتر بەردەوامن لە سەردان و پشکنینزۆربەی دوکان و شوێنە گشتیەکان پابەندی مەرج و ڕێنماییەکانی کارکردنن.
خەندان
20-06-2017