بەڕێوەبەری بانکی خانووبەرەی سنووری هەر چوار قەزای سۆران دەڵێت، لە ساڵی 2008 بانکی خانووبەرە لە سۆران کراوەتەوە و تا ئێستا 11 هەزار و 170 هاووڵاتی سنووری ئەو چوار قەزایە پێشینەی خانووبەرەیان وەرگرتووە، بەڵام ئێستا بە بڕیارێکی فەرمی تا ساڵی نوێ و پەسەندکردنی بوودجەی 2014 پێشینەکان لە کوردستان ڕاگیراون.
بەڕێوەبەری بانکی خانووبەرەی سۆران فەرهاد جەلال بە ماڵپەڕی زاری کرمانجی ڕایگەیاند، ئەمساڵ لە سنووری هەر چوار قەزای سۆران،
مێرگەسوور، چۆمان، ڕواندز دوو هەزار و 159 هاووڵاتی پێشینەی خانووبەرەیان وەرگرتووە، لە ساڵی 2008 بانکی خانووبەرە لە سۆران کراوەتەوە، لەو ساڵەوە تا ئێستا لە سنووری ئەو چوار قەزایە 11 هەزار و 170 هاووڵاتی پێشینەی خانووبەرەیان وەرگرتووە، بەڵام بە بڕیارێکی فەرمی دانی پێشینەکان ڕاگیراون تا ساڵی نوێ.
#26-12-2013#