لەماوەی مانگی ئەیلولدا هەزار و 283 ماڵ بەهۆی زیادەڕەوی لە بەکارهێنانی ئاوی خواردنەوەوە سزادراون و 171 ماڵیش بە شێوەی کاتی هاوبەشەکانیان بڕدراوە
.
ئامانج جەلال، بەڕێوەبەری ڕاگەیاندنی بەڕێوەبەرایەتی ئاوی سلێمانی بە (خەندان)ی ڕاگەیاند: تیمەکانی بەشی زیادەڕەوی لە بەڕێوەبەرایەتی ئاوی سلێمانی لە مانگی ڕابردودا ئەیلول، هەزار و 283 ماڵ و دوکان و شوێنیان، بەهۆی زیادەڕەوی کردن لە بەکارهێنانی ئاوی خواردنەوەوە سزاداوە، کە کۆی گشتی پارەی غەرامەکەش نۆ ملیۆن و 625 هەزار و 500 دینارە
.
راشیگەیاند: 171 شوێن بەهۆی بە فیڕۆدانی ئاو و نەبوونی تەوافه و شکانی بۆری ماڵەکانیان و دووبارە بوونەوەی بە فیڕۆدانی ئاوی خواردنەوە، هاوبەشەکانیان بۆ ماوەیەکی کاتی بڕدراوە.
داواشی لە هاوڵاتیان کرد، پابەندبن بە ڕێنماییەکانی بەڕێوەبەرایەتیەکەیانەوه و ئاوی خواردنەوە بە فیڕۆ نەدەن، بۆ ئەوەی هەموان بەبێ کەموکوڕی ئاوی خواردنەوەیان بەر بکەوێت.
- 02-10-2013