هۆزانڤان و خەباتکەر و شوڕەشگێر ، ل سالا (1924) ێ ل گوندێ (هەسن پیرکا) ل باکورێ رۆژ ئاڤایێ (دەشتا زێ - شێلادزێ) ل دەڤەرا ئامێدیێ هاتیە دۆنیایێ، ژ هۆزا (مزوری باڵا) یە، هەر دژیێ زاروکینیێ دا ل بەردەستێ بابێ خۆ دەست ب خاندنا قورئانا پیرۆز کریە و ل سەر رێکا فەقیاتیێ چوویە و پەرتوکێن ئایینی خواندی نە، ل سالا (1934) ێ هاتیە رێکخستن بۆ ناف رێزێن بزاڤا رزگاریخوازا کوردی دگەل (مەلا مستەڤایێ بارزانی) و پشکداری دگەل برایێ خوە سەدیق بخشی(1924-1998) سەرهەلدانا بارزان دا کری یە، هەردیسا ل 18-06-1947 دگەل بارزانی ل ریبارێ (ئاراس) دەرباز بوویە بەرەف ئێکەتیا سوڤیەتی، پشتی ژیانەکا پری تێکوشان و بەرگری و بزاڤەکا ئێکجار مەزن د سەنگەرێن خەباتێدا، ل تیرمەها سالا (1996) ێ چوویە بەر دلوڤانیا خودێ.