ناو: مەلا کاکەحەمە
ناوی باوک: حاجی سەیفوڵڵا
ڕۆژی لەدایکبوون: 1890
ڕۆژی کۆچی دوایی: #10-05-1961#
شوێنی لەدایکبوون: #سلێمانی#
شوێنی کۆچی دوایی: سلێمانی
$ژیاننامە$
مەلا کاکەحەمە کوڕی حاجی سەیفوڵڵای کوڕی حاجی حەبیبوڵڵای کوڕی مەلا میر مەلیک بووە لە بنەچەدا لە کوردەکانی (تاڵشی دوڵاین).
حاجی حەبیبوڵڵا سەرۆکی هۆزی تاڵشی بووە لەسەر داوای سەربەخۆی وڕزگاربوونی کوردەکانی تاڵش هەڵهاتووە بۆ شاری سلێمانی و لەوێوە لەگەڵ حاجی سەیفوڵڵای کوڕی چوون بۆ حەج و لەوێ کۆچی دوایی کردووە. حاجی سەیفوڵڵای کوڕی دەگەڕێتەوە سلێمانی بە پارەیەکی زۆری باوکییەوە بازرگانی دەکات لەوێ حاجی فاتمە کچی مەلا محەمەدی چاوهار کە برای موفتی چاوهار بووە خواستووە. و مەلا کاکەحەمە ساڵی (1890) لە گەڕەکی دەرگەزێن.
مەلا کاکەحەمە هەر لە منداڵییەوە لە لای دایک و باوکی خوێندوویەتی چونکە هەردووکیان خوێندەوارێکی باش بوون مەلا فاتمەی دایکی حوجرەی هەبووە دەرسی بە کوڕ و کچ ئەوت لە گەڕەکی دەرگەزێن لە سلێمانی شارەزایی هەبووە لە زمانی عەرەبی و فارسی و یەکێک لە قوتابییەکانی مەلا کاکەحەمەی کوڕی بووە.
کە حاجی سەیفوڵڵا کۆچی دوایی کردووە مەلا کاکە حەمە تەمەنی (13) ساڵ بووە چووەتە سەر دووکانەکەی باوکی دەستی کردووە بە بازرگانی بەڵام لەبەر ئەوەی زۆر حەزی لە خوێندن بووە لەلای مەلا حسێنی پیسکەندی و چرۆستانی و مەلا عەزیزی موفتی دەرسی خوێندووە تا تەواوکردنی (مەنتیق و عیلمی بەلاغە و عەقاید).
ساڵی 1905 لەگەڵ حەلاوە خانی کچی کەریم ئەفەندی حاجی مەلا عەزیزی قازانقایە هاوسەرگیری کردووە. هەر لەبەر پەرۆشی زیاتری بۆ خوێندن ماڵ و منداڵ بەجێ ئەهێڵێ و ڕوو لە ڕۆژهەڵاتی کوردستان دەکات لە #سنە# و #سەقز# و #سابڵاخ# و #سەردەشت# دەست بە خوێندن دەکات . پاشان هاتووەتەوە #کۆیە# لەوێ زانستە دینییەکانی تەواوکردووە.
ساڵی (1914) لەلای مەلا بەهادین مۆڵەتی مەلایەتی وەرگرتووە و بە جبەو مێزەری مەلایەتییەوە دەگەڕێتەوە سلێمانی.
لە تەمەنی (25) ساڵیدا دووبارە ماڵ و منداڵ بەجێ دەهێڵت و ئەڕواتە لادێ و پاش ماوەیەک دەبێتە سەرباز لە (بەیرووت). پاش تاقیکردنەوەیەکی کتوپر دەکرێتە مەئموری ئازوقە. بەشداری چەندین شەری هاوبەشی کردووە .پاشان دەگەڕێتەوە سلێمانی و بەڵام لە شار نیشتەجێ نابێ و دەگەڕێتەوە ناو ئەو دێهاتانەی کە خوێندەواری تیادا نەبووە دەست دەکات بە وتنەوەی وانە بە خۆبەخشی.
وازی لە هەموو خۆشیەکی ژیان هێناوە بۆ ماوەی (47) ساڵ بەووتنەوەی وانەو بڵاوکردنەوەی خوێندەواری لە زۆربەی دێکان ژیان دەباتە سەر کە وانەی ئایینی و نیشتمانپەروەری و تەندرووستی و کشتوکاڵ و وەرزش و پەیوەندی کۆمەڵایەتی بە قوتابییان وتوەتەوە.
تا نەخۆش دەکەوێت لە دێی باقوبە شارەدێی مەیدان و کورەکانی ئەیهێننەوە بۆ نەخۆشخانەی سلێمانی، تا دواجار لە ڕۆژی چوارشەممە ڕێکەوتی
10-05-1961 کۆچی دوایی کردووە.
ناردنی زانیاری مامۆستا (بەختیار جەلال)
ئامادەکردنی: نیهایەت مەحمود [1]