ڕێکخراوی لێکۆڵینەوەو گەشەپێدان(RDO)
Research and Development Organization
پڕۆژەی چاودێریکردنی بەڵێنەکانی هەڵبژاردنی پەڕلەمانی کوردستانپەڕلەمانی کوردستان بڵاوکرایەوە
رێکخراوی لێکۆڵینەوەو گەشەپێدان(RDO) ڕایگەیاند، لەماوەی یەک ساڵی تەمەنی پەرلەمانی کوردستاندا، تەنها خوێندنەوەی یەکەم بۆ هەشت پێشنیارە یاسا کراوە کە دەچنە چوارچێوەی بەڵێنی لیستە براوەکانەوە دەشڵێتلەبەرئەوەی ئەو پێشنیارانە نەچونەتە قۆناغی کۆتایی و نەبونەتە یاسا، بۆیە وا تەماشایان ناکەین کە بەڵێنی جێبەجێکراون، بەڵکو تەنیا هەوڵن بۆ جێبەجێکردنی ئەم بەڵێنانە.
رێکخراوی لێکۆڵینەوه و گەشەپێدان (RDO)، ئەمرۆ چوارشەممە 2019-11-20، پرۆژەی چاودێریکردنی بەڵێنەکانی هەڵبژاردنی پەرلەمانی کوردستانی لەماوەی یەک ساڵی تەمەنی ئەم خولەی پەرلەماندا بڵاوکردەوە.
بەپێی پڕۆژەکە پەرلەمانی کوردستان لەماوەی یەک ساڵدا (2018-2019)، تەنیا دو یاساو 11 بڕیاری دەرکردوه و تەنیا (14) دانیشتنی ئاسایی و (3) دانیشتنی نائاسایی ئەنجامداوه و خوێندنەوەی تەنیا بۆ (10) پێشنیاری یاسایا کردوە.
لە هەڵسەنگاندنی ڕێکخراوەکەدا بۆ بەڵێنی هەڵبژاردنەکانی چوار لیستی گەورەی پەرلەمانی کوردستان کە پێکدێن لە لیستی پارتی دیموکراتی کوردستان، یەکێتی نیشتیمانی کوردستان، بزوتنەوەی گۆڕان و نەوەی نوێ هاتوەلەکاتی پێداچوونەوه و خوێندنەوەی بەرنامه و بەڵێنی هەڵبژاردنی لیستەکاندا، تێبینی ئەوە دەکەین ئەو (8) پێشنیارە یاساییەی لەماوەی یەک ساڵی تەمەنی پەرلەماندا خوێندنەوەی یەکەمیان بۆ کراوەو، هێشتا نەگەیشتونەتە قۆناغی کۆتایی تاوەکو ببنە یاسا، بەشێوەیەک لەشێوەکان ئەگەر بەڕونیش نەبێت، بەڵام لەنێو بەڵێنی هەڵبژاردنی لیستەکاندا ئاماژەیان بۆ کراوە، لەبەرئەوەی نەچونەتە قۆناغی کۆتایی و نەبوونەتە یاسا، بۆیە وا تەماشایان ناکەین کە بەڵێنی جێبەجێکراون، بەڵکو تەنیا هەوڵن بۆ جێبەجێکردنی ئەم بەڵێنانە. [1]