دواڕۆژ، بورهان یەحیا
بسپۆر و راوێژکارێ حوکمەتا هەرێمێ د کەرتێ نەفتنەفت و گازێ دا رۆهنکر کو؛ حوکمەتا تورکیا ب هنارتنا هەر بەرمیلەکا نەفتا هەرێمێ بۆ بەندەرێ جیهان نێزیکی 4 دۆلاران مفای وەردگریت و ئەگەر هنارتنا وێ بهێتە راوەستاندن مەهانە دێ تورکیا 78 ملیۆن دۆلاران زیان ڤێ کەڤیت.
د. بێوار خنسی بسپۆر و راوێژکارێ حوکمەتا هەرێمێ د نەفت و گازێ دا بۆ دواڕۆژ رۆهنکر کو؛ رۆژانە 650 هزار بەرمیلێن نەفتێ ژ هەرێمێ ب رێکا تورکیا بۆ بەندەرێ جیهان و ل وێرێ بەرەڤ بازاڕێن جیهانی دچیت و بۆ هەر بەرمیلەکێ ژی تورکیا نێزیکی 4 دۆلاران پارەی وەردگریت و ئەگەر ڤێ هنارتنێ ب راوەستینیت رۆژانە دێ 2 ملیۆن و 600 هزار دۆلاران و مەهانە 78 ملیۆن دۆلار و سالانە دێ 936 ملیۆن دۆلار زیان ڤێ کەڤن و ئەڤە دێ کاریگەرییەکا مەزن لسەر ئابوورێ تورکیا هەبیت و دێ هەڤسەنگییا بهای ژی ل بازاری تێکچیت و بها دێ گەلەک بلند دبن و وەلاتێن زلهێز کو بەرژەوەندی دگەل کۆمپانیێن مەزنێن نەفتێ هەیە ئێکسەر دێ هێنە سەر هێلێ و رێکێ ل ڤێ چەندێ نادەن.
ناڤبۆری خویاکر کو؛ ئەگەر رێکا هنارتنا نەفتێ بهێتە گرتن راستە دێ هەرێم زیانێ بینیت لێ تورکیا و ئه و وەلاتێن باشۆرێ ئاسیا کو ب قەبارەکێ مەزن نەفتێ دکرن دێ ئەوژی زیانێن مەزن بینن و داخوازییا نەفتێ دێ بلند بیت و ئاسان ژی نینە وەلاتێن بەرهەمهێنەرێن نەفتێ بشێن وێ ڤالاتیێ پر بکەن و کۆمپانییەکا وەکو رووسنەفت پترییا نەفتا هەرێمێ بۆ پارزینگەهێن خۆ ل ئەورۆپا و ب تایبەت ئەلمانیا دهنێریت و ب ڤی رەنگی دێ ئه و وەلاتێن زلهێز زیان ڤێکەڤیت و ئاسان نینە لسەر ڤێ چەندێ بێدەنگ بن و دێ فشارێن مەزن ل سەر تورکیا پەیدا کەن.[1]
01-10-2017