کوردیپێدیا - فۆڕمی تۆمارکردنی بابەت

فۆڕمی تۆمارکردنی بابەت | 24-03-2020
ناوی نێرەر
ئیمێڵ
سەرباس
زمان
پۆل
درێژەی بابەت:
$باکووری کوردستان$
- ئۆپەراسیۆنی سەربازیی سوپای تورکیا لە چەند پارێزگا و ناوچەیەکی باکووری کوردستان دژ بە گەریلاکانی پارتی کرێکارانی کوردستان (#پەکەکە#) درێژەی هەیە.[3]
- پۆلیسەکانی دەوڵەتی تورک ئەم بەیانییە لە #سێرت# هەڵیانکویە سەر ماڵان و لە هەڵکوتانەکەیاندا ئەندامانی #هەدەپە# لەیلا ئۆزاڵپ، ئیبراهیم ئەکینجی، مەتین ئەکینجی، بەرخودان دایان، کەشتی دایان، فەرهاد دایان و قەدری دایان-یان دەستگیرکرد. پۆلیسەکانی دەوڵەتی تورک دەستیشیان بەسەر کەلوپەلە دیجیتاڵەکانی ئەو ماڵانەا گرت. کەسە دەستگیرکراوەکانیش براون بۆ بەڕێوەبەرایەتیی ئاسایشی سێرت.[2]
- حەسەن سەفا هاوسەرۆکی شارەوانیی ناوچەی هالفەلی لە پارێزگای ئیدر بەهۆی ئەوەی داوایەکی پارێزگاری دەوڵەتی تورکی ڕەتکردبووە، لەسەر کارەکەی دوورخرایەوە و دەست بەسەر شارەوانییەکەیدا گیرا و قەیومی لە شوێن دانرا و دەستگیرکرا.[2]
$رۆژهەڵاتی کوردستان$
- لقی یەکی دادگای ئینقلابی #سنە#، بە سەرۆکایەتیی دادوەر سەعیدی، حوکمی سێ ساڵ زیندانیی تەعزیریی بەسەر #پەریسا سەیفی#، چالاکی مەدەنیی خەڵکی #کامیاران#دا سەپاند.[6]
- حەوت کەس لە ئەندامانی سپای پاسداران بەهۆی کەوتنەخوارەوە هێلیکۆپتێرێکی شەڕکەر لە #کێلەشین#ی #شنۆ# بریندار بوون.[6]
$باشووری کوردستان$
- #وەزارەتی تەندروستی#ی هەرێمی کوردستان تووشبوونی شەش کەسی دیکەی لە هەولێر بە ڤایرۆسی کۆرۆنا ڕاگەیاند کە لە نێویاندا دوو منداڵی تەمەن یەک ساڵ و نۆ ساڵ هەن لەگەڵ سێ ئافرەت و پیاوێک.[1]
- لە بەردەم قایمقامیەتی #هەولێر# سەدان کەس سەرەیان گرتووە داوای مۆڵەتی چوونە دەرەوە دەکەن. سەریان بەناو یەکدا کردووە، هەناسەیان بە ڕووی یەکدا دەچێ، بەشێکیان دەسکێش و دەمامکیان نییە ئەگەر توشبوی کۆرۆنایان تیابێ ڕەنگە هەموو لە یەکەوە بیگرن، سەرەگرتنەکە درێژە و هیچ نیشانەی قەدەخەی هاتووچۆ و پابەندی بە ڕێنماییەکانەوە پێوە دیار نییە.[3]
- ڕێوشوینەکانی قەدەخەی هاتوچۆ لە هەرێمی کوردستان گەیشتە نێو کوچە و کۆڵانەکان و هێزی ئەمنی بەنێو گەڕەک و شەقامی شارەکاندا بڵاوکراونەتەوە. ڕۆژ لەگەڵ ڕۆژ شەقامەکانی هەرێمی کوردستان بەرتەسکتر و چاودێریی هاتووچۆی هاونیشتمانییان پتەوتر دەکرێت.[3][4]
- پێنج هاووڵاتی توشبووی ڤایرۆسی کۆرۆنا لە شاری سلێمانی چاکبوونەوە و گەڕانەوە ماڵەکانی خۆیان، بەمەش ژمارەی چاکبوونەوە گەیشتە 27 کەس.[4]
- دەزگای مرۆیی مام پێداویستی پزیشکی بۆ #گەرمیان# دابین دەکات بە مەبەستی خۆپارێزی لە پەتای #کۆرۆنا#.[4]
- بۆ ڕێگری لەهاتوچۆی هاووڵاتیان هێزەکانی 70ی #وەزارەتی پێشمەرگە# هاوکاری هێزە ئەمنییەکان دەکات.[4]
- کاروانێکی هاوکاری چین لە ڕێگەی فڕۆکەخانەی نێودەوڵەتی هەولێر گەیشتە هەرێمی کوردستان. وەزیری تەندروستیش ئاشکرای دەکات بڕیارە لە چەند ڕۆژی داهاتوودا ژمارەیەک شارەزای چین سەردانی هەرێمی کوردستان بکەن.[5]
- ئەمڕۆ سێ تیمی تەندروستی ویستویانە بۆ پشکنین سەردانی مەرزی نێودەوڵەتی باشماخ بکەن، بەڵام لەلایەن بەرپرسانی مەرزەکە ڕێگریان لێکراوە.[5]
- چەند چەکدارێکی نەناسراو پێشمەرگەیەکیان لە #خانەقین# لە نزیک یاریگای خانەقین شەهید کرد و منداڵێکی تەمەن چوار ساڵ کە کوڕی شەهیدەکەیە لە ڕووداوەکە برینداربووە. پێشمەرگەکە سەر فەوجی سێی لیوای سێی هاوبەشی پێشمەرگە بووە و ناوی (بەهزاد ڕەئوف)ە.[5]
- لە هەولێر ڕۆژنامەنووس #هێمن مامەند# بەهۆی پۆستێکییەوە کە نووسیبووی بچنە دەرەوە، لەلایەن پۆلیسی هەولێرەوە دەستگیرکرا.[1]
$رۆژئاوای کوردستان$
- سندوقی هاوکاریی منداڵانی #نەتەوە یەکگرتووەکان# (یونیسیف) ڕایگەیاند، دەوڵەتی تورک، کە #سەرێکانی#ی داگیرکردووە بە چەندین ڕۆژ جارێک ڕێگا نادات ئاو لە وێستگەکانی ئاوەوە بەسەر هاووڵاتییانی #حەسەکە# و هۆل دا دابەش بکرێت.[2]
- هێزەکانی سوریای دیموکراتیک- #قەسەدە#، پشتگیریی خۆی بۆ بانگەوازییەکەی سکرتێری گشتی نەتەوە یەکگرتووەکان دەربڕی، کە داوای لە لایەنە جیاوازەکانی سوریا کردبوو، ئاگربەستی مرۆیی ڕابگەیێنن.[7]
$دەرەوەی کوردستان$
- ژمارەی ئەو کەسانەی لە تورکیا تووشی ڤایرۆسی کۆرۆنا بوون گەیشتوەتە 1549 کەس و ژمارەی ئەو کەسانەشی بەهۆی ئەو ڤایرۆسەوە گیانیان لە دەستداوە گەیشتووەتە 37 کەس.[1]
- بەبۆنەی تێپەڕینی پێنج ساڵ بەسەر دروستکردنی هاوپەیمانیی نێودەوڵەتی دژ بە #داعش#، هاوپەیمانیی نێودەوڵەتی ڕاگەیێندراوێکی هاوبەشیان بڵاوکردووەتەوە و ڕایانگەیاندووە، داعش لە ڕووی فیزیکییەوە بەتەواوەتی تێکشکێندراوە، بەڵام هێشتا وەک هەڕەشەیەکی جیدیە بۆسەر ئاسایشی جیهان و ناوچەکە.[3]
- دەستەڵاتی فڕۆکەوانی شارستانی عێراق ڕاگرتنی گەشتە ئاسمانییەکانی تاوەکو 28 ئەم مانگە درێژکردەوە.[5]
- لەڕاگەیەندراوێکدا وەزارەتی تەندروستی عیراق ئاشکرایکرد کە 316 هاووڵاتی تووشی ڤایرۆسی کۆرۆنا بوون و 27 کەس گیانیان لەدەستداوە و 75 کەسیش چاک بوونەتەوە.[4]
چاککردنی بابەت:
تکایە گۆڕانکارییەکانت لەم خانەیەدا بنووسە!
سەرچاوە:
پاراستن - ناردن
Kurdipedia.org (2008 - 2025) version: 17.08
| پەیوەندی | CSS3 | HTML5
| کاتی ئافراندنی لاپەڕە: 0.125 چرکە!