کوردیپێدیا - فۆڕمی تۆمارکردنی بابەت

🏠 دەستپێک

فۆڕمی تۆمارکردنی بابەت | بەهۆی بوومەلەرزەکەوە، بەنداوی دەربەندیخان بە بڕی 17 ملیۆن دۆلار زیانی بەرکەوتووە

ناوی نێرەر:

ئیمێڵی نێرەر:

ناوی بابەت:

🏳️ زمانی بابەت:

🏷️ پۆل:

درێژەی بابەت:

#بوومەلەرزە#کەی شەوی یەکشەممەی رابردوو، بە بڕی ملیۆنان دۆلار زیانی بە #بەنداوی دەربەندیخان# گەیاندووە. بەڕێوەبەری گشتیی بەنداوەکانی هەرێمی کوردستانیش دەڵێ: دەبێ زوو فریای چاککردنەوەی بەنداوەکە بکەوین، ئێستا چەند تیمێکی نێودەوڵەتی زیانەکانی دەخەمڵێنن و لەمڕۆوە بە کرداری دەست بە نۆژەنکردنەوەی دەکەن.
بەهۆی بوومەلەرزەکەی شەوی 12-11-2017 بەنداوی دەربەندیخان زیانی بەرکەوت و بەشێکی زۆری بەنداوەکە پێویستی بە نۆژەنکردنەوەیە، بوومەلەرزەکە لەچەند شوێنێک درزی لە بەنداوەکە دروستکردووە، ئەمەش وایکردووە ئاوی بەنداوەکە گوشاری زۆر بخاتەسەر بەنداوەکە و مەترسی دروست بکات.
ئەکرەم ئەحمەد، بەڕێوەبەری گشتیی بەنداوەکانی هەرێمی کوردستان بە تۆڕی میدیایی رووداوی راگەیاند ئێستا بەنداوی دەربەندیخان هیچ مەترسێیکی لەسەر نییە، بەڵام ئەو کێشانەی بەهۆی بوومەلەرزەوە لە بەنداوەکە دروستبوون، پێویستە بەزووترین کات چاکبکرێنەوە.
بەڕێوەبەری گشتیی بەنداوەکان دەشڵێت سەرقاڵی بەدواداچوونین بۆ دیاریکردنی زیانەکانی بوومەلەرزەکە لەسەر بەنداوەکە، دوو لیژنەش بۆ ئەم مەبەستە لە هەرێمی کوردستان و لە بەغداوەش لەنزیکەوە پشکنینیان بۆ بەنداوەکە کردووە، دوای پرۆسەی بەدواداچوونەکە، گەیشتینە ئەو ئەنجامەی؛ پشکنینێکی خێرا ئامادەبکەین و بۆ وەزارەتی سەرچاوەکانی ئاوی بەغدای بنێرین.
هەروەها لەبارەی قەبارەی زیانەکانی بوومەلەرزە لەسەر بەنداوەکە رەحمان خانی، بەڕێوەبەری بەنداوی دەربەندیخان بە تۆڕی میدیایی رووداوی راگەیاند، بەنداوەکە بە درێژی‌ و پانی چەندین درزی تێدا دروست بووە، بۆ کەمکردنەوەی مەترسی و گوشارەکانی سەر بەنداوەکەش، دوو رۆژە دەستکراوە بە بەردانەوەی ئاو.
بەڕێوەبەری بەنداوی دەربەندیخان دەڵێت بەنیازن 100ملیۆن مەترسێجا ئاو بەربدەنەوە، ئەو کارەش هەفتەیەک دەخایەنێ‌ و ئەو ئاوەی بەردەدرێتەوە، دەچێتە بەنداوی حەمرین، کە لە ناوچە کێشە لەسەرەکانە.
بەڕێوەبەری بەنداوەکە ئاماژە بەوەشدەکات، پێویستە سەرەتا کۆمپانیایەکی تایبەتمەندی راوێژکاری بواری بەنداو بێتە هەرێمی کوردستان، بۆ ئەوەی بزانن چاککردنەوەکە چەندی تێدەچێت و بەگشتی بەنداوەکە چەند زیانی بەرکەوتووە.
بەپێی خەمڵاندنی سەرەتایی؛ بەهۆی بوومەلەرزەکەوە، بەنداوی دەربەندیخان بە بڕی 17ملیۆن دۆلار زیانی بەرکەوتووە. 
شەوی یەکشەممە 12-11-2017 بوومەلەرزەیەکی بەهێز هەرچوار پارچەی کوردستان و چەند وڵاتێکی دیکەی هەژاند. بەپێی سەنتەرەکانی جیۆلۆجی ئەمریکا و بەڕێوەبەرایەتی کەشناسی و بوومەلەرزەزانی هەرێمی کوردستان، ناوەندی بوومەلەرزەکە نێوانی باشوور و رۆژهەڵاتی کوردستان (هەڵەبجە و کرماشان) بووە، گوڕەکەشی لە هەندێک ناوچە گەیشتووەتە 7.6 پلەی رێختەر.[1]
16-11-2017

⚠️ چاککردنی بابەت: تکایە گۆڕانکارییەکانت لەم خانەیەدا بنووسە!

سەرچاوە:

Kurdipedia.org (2008 - 2021) version: 13.01
| 📩 contact@kurdipedia.org | ✔️CSS3 | ✔️HTML5
| کاتی ئافراندنی لاپەڕە: 0,032 چرکە!

☎ +9647701579153 +9647503268282
|

☎ +31654710293 +31619975574