دەقی پرسەنامەکەی شاڵاو کۆسرەت ڕەسوڵ:
هەڤاڵ و برای ئازیز: محەمەد شێخ عوسمان- ئەندامی مەکتەبی ڕاگەیاندن و سەرنووسەری المرصد
هەڤاڵ: هەرێم عوسمان
بەڕێزان: خانەوادە و کەسوکاری خاتوو نەعیمە شێخ سەعید
بەداخێکی زۆرەوە هەواڵی کۆچی دوایی خاتوو (نەعیمە شێخ سەعید) دایکی بەڕێزتانم بیست، دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆمتان ئاڕاستە دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و دایکی کۆچکردووتان جێگای بەهەشتی بەرین بێت.
براتان
شاڵاو کۆسرەت ڕەسوڵ[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی شاڵاو کۆسرەت ڕەسوڵ:
بەڕێزان: خانەوادە و کەسوکاری تێکۆشەر و فەرماندە کاک عەبدوڵڵا وسو
بەداخێکی زۆرەوە هەواڵی کۆچی دوایی فەرماندەو پێشمەرگەی دێرین و تێکۆشەری دیاری کوردستان و ناوچەکە کاک عەبدوڵڵا وسوم بیست، دڵگران و خەمباری کردم.
کاک عەبدوڵڵا وسو وەک پێشمەرگەیەکی ئازاو فەرماندەیەکی تێکۆشەر لەژیانی خۆیدا سەربەرزانە خەباتی کرد لەپێناو مافەکانی میللەتەکەی، بەلەدەستدان و کۆچی دوایی دڵگران و نیگەرانین، پرسەو سەرەخۆشی و هاوخەمی خۆم ئاراستەی ئێوەو کەسوکارتان دەکەم، هیواخوازم ئەمەدواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.
براتان
شاڵاو کۆسرەت ڕەسوڵ[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

‎شاڵاو کۆسرەت ڕەسوڵ پیرۆزبایی لەڕێکخراوی ئازادی لاوان دەکات.
بەڕێزان لە سکرتاریەتی ڕێکخراوی ئازادی لاوان
‎بە بۆنەی ساڵیادی ڕێکخراوی ئازادی لاوان پیرۆزبایی گەرمی خۆمتان ئاڕاستە دەکەم، هیوام. وایە ساڵی داهاتوو ساڵی گەشەکردنی ڕێکخراوەییتان و ساڵی بەدیهاتنی مافەکانی لاوان بێ لەژیانی باش و خزمەتی زیاتری لاوان.
‎بیست ساڵی ڕابردووی تەمەنی ڕێکخراوەکەتان لە خەباتی کاری پیشەیی و دیموکراسیدا، خەباتێکی دوورو درێژ و نەپساوەیە و هاوشانی ڕێکخراوە هاوپێشەکانتان جێ پەنجەتان دیارە لەخزمەتکردنی لاوان و هەوڵدان بۆ پێشکەوتنی زیاتری لاوان لەنێو کۆمەڵگەدا.
‎بۆ ساڵانی داهاتوو لاوان بەئومێدەوە چاوەڕێی بەرنامە و پلانی وردن بۆ خزمەتی لاوان و هەوڵدانی جدی بە بەرنامەی نوێوە بە ئاڕاستەی دۆزینەوەی هەلی کار و ڕەخساندنی کەشی لەبار تا لاوان بتوانن ئاوات و ئامانجەکانیان بهێننە دی، ئێمەش وەک هەمیشە بۆ سەرخستنی هەنگاوەکانتان هاوکار و پشتیوانتان دەبین.
‎جارێکی تر یادی دامەزراندنتان پیرۆزبێت.
‎#شاڵاو کۆسرەت ڕەسوڵ#
‎ئەندامی سەرکردایەتی و
‎لێپرسراوی مەڵبەندی 3ی #هەولێر#
#26-04-2019#
[1]

دەقی پیرۆزباییەکەی #شاڵاو کۆسرەت ڕەسوڵ#:
بەڕێزان: سەرنووسەرو ستافی ماڵپەڕی PUKmedia
نۆزدەهەمین ساڵیادی دامەزراندنی ماڵپەڕی PUKmedia لە ئێوەو تەواوی ستافی ماڵپەڕەکەتان پیرۆز دەکەم و هیوای پێشکەوتنی بەردەوامتان بۆ دەخوازم.
ماڵپەڕی PUKmedia وەک سەرجەم دەستپێشخەرییەکانی تری #یەکێتیی نیشتمانیی کوردستان# لە بواری ڕاگەیاندن، لە میدیای ئەلیکترۆنی هەنگاوێکی گرنگ بوو بەئاراستەی بایەخدانی بەمیدیای نوێ، لەوساوە بۆ ئەمڕۆ ماڵپەڕەکە توانیویەتی پیشەییانە کاربکات و وەک ماڵپەڕی فەرمی و زمانحاڵی حزب کاریگەری خۆی دروستکردووەو بەردەوامە.
ئومێد دەکەم ساڵی تازەی کارکردنی PUKmedia وێستگەیەکی تازەبێ لە کارکردن و پێشکەوتنی زیاتر بەخۆوە ببینێ پیشەییانە مامەڵە لەگەڵ ڕووداوەکان بکات و دەنگ و ڕەنگی جیاوازییەکان بێت.
دووبارە پیرۆزەو بەهیوای سەرکەوتن و پێشکەوتنی زیاتر.
شاڵاو کۆسرەت ڕەسول[1]

دەقی پیرۆزباییەکەی شاڵاو کۆسرەت ڕەسوڵ:
هەڤاڵان و هاوکارانم لە ڕۆژنامەی کوردستانی نوێ
سێ دەیە تێپەڕبوون بەسەر دەرچوونی یەکەم ژمارەی ڕۆژنامەی کوردستانی نوێ و داگیرساندنی مۆمی 31 ساڵە لە سەرنووسەرو ستافی نووسین و تەواوی کارمەندانی ڕۆژنامەکەمان پیرۆز دەکەم و ئومێدی پێشکەوتن و بەردەوامیتان بۆ دەخوازم.
دەرکردنی ڕۆژنامەیەکی ڕۆژانە لەدوای ڕاپەڕین، کە یەکەم ڕۆژنامەی ڕۆژانەی دوای ڕاپەڕین بووە بایەخی یەکێتیی نیشتمانیی کوردستان بۆ بواری ڕۆشنبیری و ڕاگەیاندن دەردەخات و دووپاتی ئەوە دەکاتەوە کە لە سەرەتای دامەزراندنیەوەو لەنێو فەلسەفەو دیدگای یەکێتیدا ڕاگەیاندن ڕۆڵی دیارو بەرچاوی هەبووە، هەر بۆیە بۆ ئایندەش دەبێت ڕاگەیاندنی یەکێتیی بەهەمان ڕۆحیەتەوە کاربکات و ببێتەوە پێشەنگی ڕاگەیاندنەکان، ئەم هەنگاوەش پێویستی بە نوێکردنەوەو بەخۆداچوونەوە هەیە لەسەرجەم بوارە فیکری و مەعریفییەکان و تەنانەت ناوەرۆکی بەرهەمە میدیاییەکانیش، بەهیوام لەم هەنگاوەدا کوردستانی نوێ پێشەنگ بێت و ببێتە خاڵی دەستپێکی بووژانەوەی میدیای یەکێتیی.
جارێکی تر پیرۆزبایی خۆم ئاراستەی یەکە بەیەکەتان دەکەم و سڵاوی تایبەتیش دەنێرم بۆ هەموو ئەوانەی ڕۆژێک لە ڕۆژان لەم ڕۆژنامە سەنگینە کاریان کردووەو جێدەستیان دیار بووە.
شاڵاو کۆسرەت ڕەسوڵ[1]

دوای کۆتایی هاتنی هەڵبژاردنی سەرۆک کۆماری عێراق لە ئەنجومەنی نوێنەران و دەرچوونی کاندیدی یەکێتی نیشتمانی کوردستان بۆ ئەو پۆستە،
‎لە سۆنگەی هەستکردنمان بە بەرپرسیاریەتی نیشتمانی و نەتەوەیی و لەپێناو پاراستنی دۆخی کوردستان و تەبایی نێوانمان، داواتان لێدەکەین بە هەموو شێوەیەک دوورکەونەوە لەکاری توندوتیژی و ئیستفزازی، بەهیچ شێوەیەک نزیک مەکەونەوە لە هەر هەوڵێکی توندوتیژی و مەکەونە هیچ کاردانەوەیەک.
‎یەکێتی نیشتمانی کوردستان هەمیشە ویستویەتی و دەیەوێ کوردستان ئارام بێ و دوور بێ لە هەر بارگرژییەکی سیاسی و ئەمنی.
#‎شاڵاو کۆسرەت ڕەسوڵ#
‎لێپرسراوی مەڵبەندی 3ی ڕێکخستنی #هەولێر#
#02-10-2018#

دەقی پەیامەکەی #شاڵاو کۆسرەت ڕەسوڵ#:
هەڤاڵان و هاوڕێیانم لە کەناڵی کوردساتی ئازیز
ساڵیادی دامەزراندنی کەناڵی کوردسات لە بەڕێوەبەرو کارمەندان و سەرجەم ستافی کەناڵە ئازیزەکەتان پیرۆز دەکەم و هیوای پێشکەوتن و سەرکەوتنی بەردەوامتان بۆ دەخوازم.
لە ماوەی (22) ساڵ تەمەنی خۆیدا کەناڵی کوردسات وەک کەناڵێکی گرنگ و سەکۆیەکی ئازادانەی خەڵک توانیویەتی خزمەتی بەرچاوی گەلەکەمان بکات، بەرنامەکانی لەبواری کلتوورو فەرهەنگ و سیاسیدا ڕۆڵی گرنگی بینیوه و توانیویەتی خزمەتێکی بەرچاو پێشکەش بکات و وێستگەیەکی جیاواز بێت لە ڕاگەیاندنی کوردی.
(22)هەمین ساڵیادی دامەزراندنی کەناڵی کوردساتی ئازیز پیرۆز دەکەم و ئاواتەخوازم سەرجەم کەناڵە جیاوازەکانی دەزگای میدیایی کوردسات پێشکەوتنی زیاتر بەخۆوە ببینن.
شاڵاو کۆسرەت ڕەسول[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

جەماوەری خۆڕاگرو تێکۆشەری #هەولێر#
قارەمانانی شارو شارۆچکەکانی هەولێرو دەوروبەری
لە ساڵڕۆژی ڕاپەڕینی هەولێرو ڕاماڵینی بەعس لەشارە خۆڕاگرەکەمان، بەناوی خۆم و هەڤاڵانم لە مەڵبەندی 3ی ڕێکخستنی هەولێر گەرمترین پیرۆزباییتان ئاراستە دەکەم، هیوادارم ئەم ڕۆژە پیرۆز و پڕ ش#کۆیە# ببێتە هەوێنی سەرکەوتنی زیاترو بەدیهێنانی ئاوات و ئامانجەکانی ڕاپەڕین.
هەولێرییە سەربەرزەکان...
28 ساڵ لەمەوبەر، جەماوەری دڵ پڕ لەقین بەرامبەر بەعس، ڕێکخستنە نهێنییەکان و شانە چەکدارەکانی بروسک، بە پاڵپشتی و پشتیوانی و بەشداری ڕاستەوخۆی پێشمەرگە پارتیزانەکان و هێزی پێشمەرگەی کوردستان لە بەرەبەیانی 11ی 3 و لەدوای گەیشتنی پەیامی لەباوکی ڕێناسەوە بۆ شانە چەکدارەکانی بروسک، لێتانەوە نزیکین، دەستبەکاربن هەموومان تێکڕا بەبێ جیاوازی دژی دڕندەترین و فاشیستترین ڕژێمی ناوچەکە ڕاپەڕین و لە هەولێری سەرکەشی قەڵاو منارە وەدەرمان نان.
بەڵێ، ئەوێ ڕۆژێ کچان و کوڕانی هەولێر، قارەمانان و تێکۆشەرانی هەولێری هۆلاکۆ بەزێن، لە چەند سەعاتێکدا توانیان گەورەترین مۆڵگەکانی بەعس لەمشارە ڕابماڵن و پێیان بڵێن هەولێری پایتەخت وەک هەمیشە دژی زوڵم و ستەم وەستاوەو دەوەستێ، ناهەقی قبوڵ نەکردووەو نایکا، ئەمە کلتووری هەولێرە.
کەسوکاری سەربەرزی شەهیدان...
پێشمەرگە قارەمانەکان...
کەمئەندامانی سەنگەر...
رێکخستنە دێرینەکان...
جەماوەری خۆڕاگری هەولێر...
بەرهەمی ڕاپەڕین و ئازادکردنی هەولێرو شار و شارۆچکەکانی تری کوردستان، حوکمڕانی کوردی و دام و دەزگا شەرعیەکانی کوردستانی لێ بەرهەم هات، باش دەزانین بەشێکی زۆر لە ئامانجەکانی ڕاپەڕین بەدی نەهاتوون، ئەرکی لەپێشینەی هەموومانە، وەفادار بین بەرامبەر خەبات و قوربانیدانی هەڤاڵانمان و خوێنی شەهیدە سەربەرزەکانمان و دەست لەناو دەست خەبات بکەین بۆ حوکمڕانییەکی تەندروست و هاوسەنگ لە کوردستان، مافی هاووڵاتیبوون بەبێ جیاوازی بە هەمووان بدرێ و یەکسانی و دادپەروەری بنەمای حوکمڕانیمان بێ.
نابێ ئەوەمان لەبیر بچێ، ئەوە هەولێرییە ڕەسەنەکان بوون ئەوێ ڕۆژێ بوونە قەڵغانی بەرەنگاری بەعس و شارەکەیان لێ پاککردنەوە، بۆ ئەمڕۆش دەبێ هەولێر هەولێری هەموو هەولێریان بێ و پایتەختی هەموو کوردستانیان بێ.
جارێکی تر، لەم ڕۆژە پیرۆزەدا، پیرۆزبایی گەرمی خۆم لە پێشمەرگە قارەمانەکان و کەسوکاری سەربەرزی شەهیدان و زیندانیانی سیاسی و گەنجان و لاوانی هەولێر و تەواوی هەولێریان دەکەم، ئومێد دەکەم ئەم یادە پیرۆزە بکەینە هەوێنی خزمەتکردنی زیاتری هاووڵاتیانمان و بەهێزکردنی پایەکانی حوکمڕانیەکی تەندروست لە کوردستان.
شاڵاو کۆسرەت ڕەسوڵ
لێپرسراوی مەڵبەندی 3ی ڕێکخستنی هەولێری
یەکێتی نیشتمانی کوردستان
#10-03-2019#

ساڵی 1983 لە #هەولێر# لەدایکبووە.
خاوەنی بڕوانامەی بەکالۆریۆسە لەدەرمانسازی و زانستی کیمیاییدا.
لەسێهەمین کۆنگرەی یەکێتیدا، بەئەندامی سەرکردایەتی هەڵبژێردرا.

#شاڵاو کۆسرەت ڕەسوڵ# پرسەنامەیەک ئاراستەی #هیوا جەمال# دەکات و ڕایدەگەیەنێت، کۆچی دوایی خاتوو (بەهێ قادر ڕەسوڵ) دایکی بەڕێزتان، دڵگران و خەمباری کردم، هاوبەشی خەمتانم.

=KTML_Bold=دەقی پرسەنامەکە...=KTML_End=
برای بەڕێزم کاک هیوا جەمال
بەداخێکی زۆرەوە هەواڵی کۆچی دوایی خاتوو (بەهێ قادر ڕەسوڵ) دایکی بەڕێزتانم بیست، دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆمتان ئاراستە دەکەم، هیواخوازم ئەمە دواکۆست و ناخۆشیتان بێت، خوای گەورە سەبووریتان بدات و دایکی کۆچکردووت جێگای بەهەشتی بەرین بێت. [1]

براتان
شاڵاو کۆسرەت ڕەسوڵ
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=