فراکسیۆنی #یەکێتیی نیشتمانیی کوردستان# لە ئەنجوومەنی نوێنەرانی ئێراق لە ڕێگەی درووستکردنی فشارەوە بڕیاری دانانی قائیمقامی #داقوق# لەلایەن ڕاکان جبورییەوە هەڵوەشاندەوە.
لە ڕوونکرنەوەیەکدا، فراکسیۆنی یەکێتیی نیشتمانیی کوردستان لە ئەنجوومەنی نوێنەرانی ئێراق ڕایگەیاند: لەدوای درووستکردنی فشارەکانمان بۆسەر پارێزگاری بەوەکالەتی #کەرکووک# ڕاکان جبوری لەبەرانبەر هەوڵەکانی بۆ دانانی کەسێک لە پێکهاتەی عەرەب بۆ پۆستی قائیمقامییەتی داقوق، ئەمڕۆ #25-01-2023# لەژێر کاریگەریی فشارەکانی دراکسیۆنی یەکێتیی نیشتمانی کوردستان لە ئەنجوومەنی نوێنەران، ئەو بڕیارە هەڵوەشێندرایەوە و بۆ ئەو مەبەستەش فراکسیۆنی یەکێتیی ڕوونکردنەوەیەکی بڵاوکردەوە.

$دەقی ڕوونکردنەوەکە:$
گردبوونەوەکەی بەردەم قائیمقامیەتی ناکرێت لە دژی بریاری دانانی قائیمقامێکی بە وەکالەت.
ڕوونکردنەوەیەک لە فراکسیۆنی یەکێتی
نیشتمانی کوردستان لە ئەنجوومەنی نوێنەرانی ئێراق
پەڕڵەمانتارانی فراکسیۆنی یەکێتیی نیشتمانیی کوردستان لەئەنجوومەنی نوێنەرانی ئێراق ڕایگەیاند، لە ئێستادا 25-01-2023 بە فشاری ئێمە توانیمان بریاری دانانی قائیمامی شارۆچکەی داقوق و پێدانی ئەو پۆستە لەلایەن ڕاکان جبوری پارێزگاری بەوەکالەتی کەرکووک بە کەسێک لە پێکهاتەی عەرەبی ڕاگیراوە و چاوەروانی ئەنجامێک دەکەین بەم هۆیەشەوە ئەمڕۆ خۆپیشاندان ناکرێت.
فراکسیۆنی یەکێتی ئاشکرای دەکات بریاربوو ئەمڕۆ 25-01-2023 لە بەردەم بینای قایمقامیەتی شارۆچکەی داقوق خەڵکی ناوچەکە کۆببنەوە . بە مەبەستی دەربرینی نارەزای بەڵام پاش ڕاگرتنی بریارەکە ئەو گردبوونەوە نارەزایەتیە ناکرێت. [1]

مەکتەبی سیاسی: #حەمید سابیر# خەباتکار و ڕاگەیاندکار و کادرێکی دیاری یەکێتی بوو
بەڕێزان کەسوکار و خانەوادەی هونەرمەند و ڕاگەیاندنکار هەڤاڵ حەمید سابیر
=KTML_Bold=هەڤاڵانی ڕاگەیاندن=KTML_End=
بەداخەوە هەواڵی کۆچی دوایی هونەرمەند و کادری دێرینی ڕاگەیاندن و ئەندامی ئەنجوومەنی ڕاوێژکاری مەکتەبی ڕاگەیاندن هەڤاڵ حەمید سابیرمان پێگەیشت. بۆ ئەم خەمە پرسە و ماتەمی خۆمان بە خانەوادە و هەڤاڵانی ڕادەگەیەنین.
هەڤاڵ حەمید خەباتکار و ڕاگەیاندکار و کادرێکی دیاری یەکێتیی نیشتمانیی کوردستان بوو، بەکۆچی دوایی هەمووانی لە ناخەوە خەمبار کرد.
لەیەزدانی مەزن داواکارین سەبوری و ئارامی هەموو لایەک بدات. کۆچکردوو بەبەهەشتی بەرین شاد بکات.[1]

مەکتەبی سیاسی
#یەکێتیی نیشتمانیی کوردستان#
#22-01-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

لە یەکی ئایار جەژنی جیهانیی کرێکاراندا، پیرۆزبایی گەرم لە کرێکارانی کوردستان و عێراق وجیهان دەکەین.
کرێکاران لە گەشە و بونیادنانی وڵاتەکەماندا ، لە کەرتی گشتی وکەرتی تایبەتدا ڕەنجی بازوییان بۆ ڕۆڵگێڕانی بەرچاوی ئاوەدانی خستۆتەگەڕ. وەک توێژێکی کارای کۆمەڵایەتیش هەمیشە لە سەنگەری پێشەوەی خەباتی نیشتمانیی و نەتەوەیی بۆ ڕزگاری و ئازادی ئامادەیی مەیدانییان هەبووە. خەباتی چینایەتی و نیشتمانیی کرێکارانی کوردستان و عێراق هوشیاری سیاسیی و سەندیکایی ئەوانی پێشخستووە و بۆ داکۆکی لەسەر ماف و داخوازییەکانیان شیلگیری کردون. بەڵام هێشتا هەلومەرجی کار و سەلامەتی ژیان و ئاستی گوزەرانیان بە ئەندازەی کۆششی ئاوەدانی و بارتەقای ڕەنجی خەباتی سیاسییان نییە.

لەساڵی 2012 وە یاسای (بیمەی کار) و لە سەرەتای ساڵی 2023 شەوە بەکۆششی تیمی حکومیی یەکێتیی نیشتمانی کوردستان و فراکسیۆنەکەی یاسای کار لە پەرلەمانی کوردستان دەرچوون و ماوە بکەوێتە بواری جێبەجێکرددنەوە.
وەک #یەکێتیی نیشتمانیی کوردستان# لە سونگەی باوەڕبوون بە دادپەروەری کومەڵایەتی و چینایەتی، پێداگری دەکەین لە بەدەستهێنانی مافەکانی کرێکاران و هەرچی زووە ئەو دوو یاسایە جێبەجێبکرێت و شوێنەواری یاساکانی ڕژێمی بەعسی ڕووخاو بە تایبەتی یاسای ناسراو بە (150) کە مافی خۆرێکخستن و بیمەی کرێکارانی هەڵوەشاندبۆوە نەهێڵڕێت ، هەموو ئەمانە لە پێناوی باشکردنی بژێو و ژینگەی کاری کرێکاراندایە.
داواش دەکەین سەندیکاکانی کرێکاران شیلگیرانەتر بن لە خەباتیان بۆ بەدیهێنانی گشت مافەکانی کرێکاران.
هەر لەم بۆنەیەدا درود بۆ گیانی پاکی ئەو کرێکارانەی لە مەیدانی کار وتێکۆشاندا گیانیان بەخشی، دەنێرین.
سڵاو لە ڕەنجدەرانی بیرو بازووی کوردستان. [1]

مەکتەبی سیاسی
یەکێتیی نیشتمانیی کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

لێپرسراوی مەڵبەندی خانەقینی ی.ن.ک لە 48 هەمین ساڵیادی دامەزراندنی #یەکێتیی نیشتمانیی کوردستان# –دا، پیرۆزبایی لە خانەوادەی سەربەرزی شەهیدان و سەرجەم کادیر و ئەندام و تەواوی کۆمەڵانی خەڵکی کوردستان بەتایبەت شاری #خانەقین# و ناوچەکانی دەوروبەری دەکەم، کە هەمیشە لە کۆڕبەندی خەباتی کوردایەتی و ڕێڕەوی ئاسۆی ماندوونەناسانەدا پێشەنگ بوون.

لەم یاد و کاتە پیرۆزەدا سەری ڕێز لە ئاست خوێن بەخشینی شەهیداندا دادەنوێنم و دووپاتی دەکەینەوە، یەکێتی وەک هەمیشە لە بەغدا و کوردستان لەسەر شاڕێگەی خزمەت بە خەڵک و لەپێناو خەڵکدا بەردەوام دەبێت ، و گەرم و گوڕتر و بەبەرنامەی نوێ وە بەرگری لە مافەڕەواکان دەکات.
شکۆدارتر، درێژە بە ڕێبازە پیرۆزەکەی سەرۆک مام جەلال دەدەین و بەجۆشتر و تامەزرۆیانە بەردەوام دەبین، و بەرز و پیرۆزبێت یادی جەژنی لەدایک بوونی حزبی شەهیدان. [1]

شێرکۆ میروەیس
لێپرسراوی مەڵبەندی خانەقینی ی.ن.ک
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=لەساڵیادی دامەزراندنی یەکێتیی مامۆستایانی کوردستاندا، پیرۆزبایی لە سەرۆک و سکرتارییەت و گشت مامۆستایانی کوردستان دەکەین.=KTML_End=

یەکێتیی مامۆستایانی کوردستان ، لەگشت قۆناغەجیاجیاکانی خەباتی زانستی و پەروەردەیی و پیشەیی خۆیدا ڕۆڵی مەزنی گێڕاوە ولەخەباتی نەتەوایەتی و ڕزگاریخوازی گەلەکەشماندا هەمیشە سەرقافڵەو پێشەنگ بوون و لەسەنگەری بەرگریداچەندین قوربانیان بەخشیوە بەگەل وڵات.
یەکێتیی نیشتمانیی کوردستان وەک چۆن لەگەرمەی خەباتی پێشمەرگایەتی شاخ و لەناوچە ڕزگارکراو و ئازادەکانی سنوری دەسەڵاتیدا شانبەشانی ئەرکی پێشمەرگایەتی هەلێکی گونجاوی بۆکاری ڕێکخراوە پیشەییەکانیش ڕەخساندبوو، لە ئیمڕۆی حوکمڕانی شاریشدا زیاتر و باشترپشتگیری لە ئامانج و داواکارییەکانی ڕێکخراوی یەکێتی مامۆستایانی کوردستان دەکات بۆداکۆکی کردن لەمافەکانی گشت مامۆستایان و برەودان بەبواری پەروەردەوخوێندن و زانست لەکوردستاندا .
هەرلەم یادەدا پشتیوانی تەواوی داوا ڕەواکانی مامۆستایان دەکەین، بەتایبەت لە بەرزرکرنەوەی پلەوگێرانەوەی پاشەکەوت و زیادکردنی مووچەی خانەنشینی و دابینکردنی شوێنی نیشتەجێبوون و ژیانێکی سەربەرزانەبۆیان، هەمووئەمانەبە فاکتەری گەشەو پێشکەوتنی پرۆسەی پەروەردەوزانست دەبینین.
لەم یادەپرشکۆیە سڵاوی ئەمەک و وەفاداری دەنێرین بۆئەومامۆستا تێکۆشەرانەی لە وێستگە جیاجیاکانی خەباتداخزمەتیان کردووەوهەمیشە چرای پەروەردەو زانستیان بڵند ڕاگرتووەودڕییان بەشەوەزەنگی تاریکی داوە. [1]

مەکتەبی سیاسی
#یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ڤیدیۆ: چەند دیمەنێکی کۆنگرەی 2ی #یەکێتیی نیشتمانی کوردستان#
ساڵی تۆمارکردنی ڤیدیۆ: 2001
شوێن: #سلێمانی#
[1]

لە کاتێکدا کە جەماوەری گەلەکەمان و دۆستانمان لەناوەوه و درەوەی هەرێم لە چاوەڕوانی ئەوەدابوون، لەپاش تێپەڕبونی نزیکەی چوار مانگ بەسەر ڕاگەیاندنی ئەنجامی کۆتایی هەڵبژاردنی پەرلەمانی کوردستان و لەدەرئەنجامی ڕێککەوتنێکی گشتگیری هەمەلایەنە لە نێوان لیستە براوەکاندا و بەشداربوانی ئەم خولەی پەرلەمان، ئەنجامدانی دانیشتنی تەواوکاری پەرلەمان بەمەبەستی گرتنەبەری ڕێکارە یاساییەکان بۆ هەڵبژاردنی دەستەی سەرۆکایەتی پەرلەمان و هەنگاونان بۆ پێکهێنانی کابینەی نوێی حکومەتی هەرێمی کوردستان، بەڵام جێگای سەرسوڕمانی هەموو لایەک بوو کە #پارتی دیموکراتی کوردستان# بە هاوکاری و هەماهەنگی چەند لیستێکی بچوکی تر بەدەر لە ڕێککەوتن لەگەڵ دووهەمین لیستی براوەی هەڵبژاردنەکان کە لیستی یەکێتی نیشتمانی کوردستانە، سەبارەت بە شێوزای حکومرانی و پلان و بەرنامەی هاوبەش بۆ باشترکردنی ژیان و گوزەرانی کۆمەڵانی خەلکی کوردستان و بوژانەوەی ژێرخانی ئابوری کوردستان، هەروەها بۆ چارەسەرکردنی کێشەکانی نێوان هەرێمی کوردستان لەگەڵ ناوەندو ئاسایکردنەوەی دۆخی ناسروشتی #کەرکووک# و ناوچە کێشە لەسەرەکانی تر بە شێوازێکی پەلەپرۆزێیانە کۆبوونەوەی پەرلەمانیان بە کەمو کوڕیەکی زۆری سیاسی و یاساییەوە ئەنجامدا، کورد ووتەنی (گرێی دەستیان خستە دەم)، لە کاتێکدا کە یەکێتی نیشتمانی کوردستان داوای دواخستنی کۆبوونەوەکەیان تەنها بۆ ماوەی بیست و چوار کاتژمێر کردبوو بەمەبەستی گەیشتن بە ڕێگا چارەی گونجاوو لەسەر تێپەڕاندنی جیاوازیەکان، بەڵام بەداخەوە لەوەشدا بڕیاری نابەرپرسانە دراو کۆبوونەوەکەیان به و شێوازە ئەنجامدا کە هەموو لایەک بینیمان هەر بۆیە یەکێتی نیشتمانی کوردستان تێبینی زۆری لەسەر ئه و دانیشتنە هەیه و پێمان وایە کە ئەوە خزمەت بە بەرەو پێشچوونی پرۆسەی سیاسی و لێکەوتەکانی لەداهاتوودا لە هەرێمی کوردستان و ناوچەکە ناکات.
‎مەکتەبی سیاسی
‎#یەکێتیی نیشتمانیی کوردستان#
#18-02-2019#

#مێژووی یەکێتیی نیشتمانی کوردستان# 1975-1976 (دامەزراندن و دەستپێکردنەوەی شۆڕش)
نووسەر: د. سەروەر عەبدولڕەحمان عومەر
چاپی دووەم – 2011
چاپخانەی هێڤی – هەولێر

دەقی پەیامەکە...
هەڤاڵ عادل ناصر حجی تێکۆشەری دیرین و وەزیری پێشووتری کشتوکاڵ و ئاودێری.
بە نیگەرانیەوە هەواڵی کۆچی دوایی کەسایەتی کۆمەڵایەتی و براتان خدر ناصر حەجیمان پێگەیشت.
بۆ ئەم کۆستە پرسە هاوخەمی خۆمان ئاراستەی ئێوە و خانەوادە تێکۆشەرەکەتان دەکەین.
داواکارین لە خوای گەورە سەبوری و ئارامی هەموولایەک بدات و کۆچکردوو بە بەهەشتی بەرین شاد بکات. [1]
مەکتەبی سیاسی
#یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

مەکتەبی سیاسیی یەکێتیی نیشتمانی کوردستان لەڕاگەیەنراوێکدا هەواڵی کۆچی دوایی تێکۆشەر و پێشمەرگە و ڕاگەیاندکاری دێرینی یەکێتیی و شۆڕشی نوێی مامۆستا موحسن عەلی ئەکبەری ڕاگەیاند:

هەڤاڵانی یەکێتیی
هاوسەنگەر و هاوخەباتانی یەکێتیی نیشتمانیی کوردستان

بەداخ و کەسەرێکی زۆرەوە کۆچی یەکجارەکی تێکۆشەر و پێشمەرگە و ڕاگەیاندکاری دێرینی یەکێتیی و شۆرشی نوێی گەلەکەمان مامۆستا موحسن عەلی ئەکبەر ڕادەگەیەنین کە ئەمشه و دوای ململانێیەکی زۆر لەگەڵ نەخۆشی و دەرکەوتەکانی کۆرۆنای نەگریس گیانی پاکی سپارد.

مامۆستا موحسن وەزیر، پەرلەمانتار و بەرپرس و سەرکردەیەکی دیاری ڕیزەکانی یەکێتیی بوو لە دەستپێکی خەباتی ڕێکخراوەیی و پێشمەرگایەتی و میدیایی یەکێتییەوە قۆڵی خەباتی سیاسیی و پێشمەرگانە و حزبیانەی لێهەڵماڵی و لەهەموو وێستگەکانی ئه و خەباتەدا هەر ئەرک و بەرپرسیارێتییەکی پێ سپێردرابێت دڵسۆزانە و یەکێتیانە ڕایپەڕاندووە و جێدەستی دیار بووە. کە دوا ئەرکی لەم کایەدا سەرپەرشتی میحوەری گەرمەسێر و خانەقین بوو لە هەڵمەتی هەڵبژاردندا. نموونەی تێکۆشەر و سەرکردەی مەیدانی بەهیمەت بوو وێرای ئەوەش نووسەر و وەرگێر و میدیاکارێکی بە سەلیقەبوو.

رۆحی مامۆستا موحسن شاد و جێگای بەهەشت بێت. سەرخۆشیمان بۆ کەسوکار و خانەوادەکەی و خەڵکی شەهیدپەروەری خانەقین و کوردستان.

ماڵئاوا هەڤاڵ و هاوڕێی دێرینمان کە تا دوا سات کۆڵت نەدا
مەکتەبی سیاسیی یەکێتیی نیشتمانی کوردستان[1]
1-12-2021