#وەزارەتی سامانە سرووشتییەکان# ڕایگەیاند، هەردوو کۆمپانیای نەوتی دی ئێن ئۆی نەرویجی و #گەنەل ئێنێرجی# تورکی لە قەرزەکانیان لە هەرێمی کوردستان خۆشدەبن.
رۆژی پێنجشەممە 24-8-2017 لە ڕاگەیێندراوێکیدا، وەزارەتی سامانە سرووشتییەکانی هەرێمی کوردستان ڕایگەیاند، حکومەتی هەرێمی کوردستان ڕێککەوتنێکی لەگەڵ هەردوو کۆمپانیای دی ئێن ئۆی نەرویجی و گەنەل ئێنێرجی تورکی کردووە، کە بەپێی ڕێککەوتنەکە ئەو دوو کۆمپانیایە لەبەرامبەر زیادکردنی قازانجی پشکەکانیان، لە قەرزەکانیان لەسەر هەرێمی کوردستان خۆشدەبن.
بەپێی ڕاگەیێندراوەکەی سامانە سرووشتییەکان، حکومەتی هەرێمی کوردستان لە بەرامبەر لێخۆشبوونی لە قەرزەکانی، %20ی پشکەکانی لە کێڵگەی تاوکێ بە دی ئێن ئۆی نەرویجی دەدات.
هاوکات %4.5ی پشکەکانی لەهەمان کێڵگە لە بەرامبەر لێخۆشبوونی لە قەرزەکانی، بە کۆمپانیای گەنەل ئێنێرجی دەدات.
سامانە سرووشتییەکان دەڵێت، ئەو ڕێککەوتنە لە 1ی ئابی 2017ەوە تاوەکو پێنج ساڵی دیکە، واتە تاوەکو 31ی تەمموزی 2022 کاری پێدەکرێت.[1]
24-08-2017

ئەم بابەتە بەپێی ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!

لەبەرامبەر بەرهەمهێنان و هەناردەکردنی نەوت لە کێڵگەی #تاوکێ#، کۆمپانیای #گەنەل ئێنێرج#ی حەقدەستی مانگی 9ی لە حکومەتی هەرێمی کوردستان وەرگرت.
لە ڕاگەیێندراوێکدا کۆمپانیاکە ڕایگەیاندووە، بڕی 6 ملیۆن و 410 هەزار دۆلاری وەک حەقدەستی کۆمپانیاکە لەلایەن حکومەتی هەرێمی کوردستانەوە وەرگرتووە.
گەنەل ئێنێرجی ڕوونیکردووەتەوە، ئەو پارەیە حەقدەستی کۆمپانیای گەنەل ئێنێرجییە لە مانگی 9ی ئەمساڵدا بەهۆی کارکردن و هەبوونی 4.5%ی پشکەکان لە کێڵگەی تاوکێ.
کێڵگەی تاوکێ کە دەکەوێتە سنووری #زاخۆ#، لەلایەن دوو کۆمپانیای دی ئێن ئۆی نەرویجی و کۆمپانیای گەنەل ئێنێرجی ئینگلیزی - تورکییەوە بەڕێوەدەبرێت. ئاستی بەرهەمهێنانی نەوت لەو کێڵگەیە ڕۆژانە نزیکەی 110 هەزار بەرمیلە.
سەرەڕای ڕووداوەکانی مانگی ڕابردووی کەرکووک و گرژی و ئاڵۆزییەکانی نێوان هەرێمی کوردستان و حکومەتی عێراق، هەردوو کۆمپانیای گەنەل ئێنێرجی و دی ئێن ئۆ ڕایانگەیاندووە، بەردەوام دەبن لە کارکردن لە هەرێمی کوردستان و کارەکانیان بەشێوەیەکی ئاسایی بەڕێوەدەچن.[1]
08-11-2017

کۆمپانیای نەوتی #گەنەل ئێنێرجی# ڕایگەیاند، لە ئەنجامی شیکارییەکی نوێ کە لەلایەن کۆمپانیای ڕاوێژکاری RPS ئێنێرجی لەسەر کێڵگەکانی بنەباوی و میران کە کێڵگەی گازی سرووشتین، ئەنجامدراوە، دەرکەوتووە کە ئەو کێڵگانە بڕێکی زیاتر لەوەی کە پێشتر خەمڵاندنی بۆ کراوە گازی سرووشتییان تێدایە.
بەپێی بەیاننامەکەی کۆمپانیای گەنەل ئێنێرج، لێکۆڵینەوە نوێیەکەی کۆمپانیای RPS دەریخستووە کە یەدەگی گازی سرووشتی ئەو دوو کێڵگانە 14 تریلیۆن و 792 پێی سێجا گازی سرووشتییە.پێشتر یەدەکی گازی سرووشتی ئەو دوو کێڵگەیە بە 10 تریلیۆن و 160 ملیار پێی سێجا خەمڵێندرابوو.
لەو لێکۆڵینەوەیە دەرکەوتووە، کە قەبارەی یەدەگی گازی سرووشتی کێڵگەی میران بەرێژەی سەدا 78 زیاترە لەو قەباریەی کە پێشتر مەزەندەکراوە. یەدەکی گازی سرووشتی لە کێڵگەی بنەباویش بەرێژەی سەدا 27 بەرزکراوەتەوە کە یەکێکیان لە سنووری پارێزگای سلێمانی و ئەوی دیکەیان لە سنووری پارێزگای هەولێرە.
رۆژی هەینی بەهۆی بڵاوبوونەوەی ئەو هەواڵە ئەرێنییە بەهای پشکەکانی کۆمپانیای گەنەل ئێنێرجی بەرێژەی سەدا 8.7 بەرزبووەوە بۆ 130 پێنس بۆ هەر پشکێک. کۆمپانیای گەنەل ئێنێرجی کۆمپانیایەکی نیوە تورکی نیوە بەریتانییە.[1]
#19-01-2018#

کۆمپانیای گەنەل ئێنێرجی کە لە کێڵگەی #تەقتەق# لە هەرێمی کوردستان کاردەکات، ئاشکرایکرد قەبارەی یەدەگی نەوتی کێڵگەی تەقتەق لە ئەنجامی هەڵکۆڵینی بیری نەوتی نوێی کۆمپانیاکە بەڕێژەی لە 40% بەرزبووەتەوە.
مورات ئۆزگول، بەڕێوەبەری جێبەجێکاری کۆمپانیای گەنەل ئێنێرجی ڕایگەیاند، بەرزبوونەوەی یەدەگی نەوتی تەقتەق دەبێتە هۆکار بۆ ئەوەی ئاستی بەرهەمهێنانی نەوت لەو کێڵگەیە جێگیربێت.
لەلایەکی دیکەوە، کۆمپانیای گەنەل ئێنێرجی ڕایگەیاندووە، لە بری هەناردەکردنی نەوت لە مانگی 11ی ساڵی 2017 لە کێلگەی تەقتەق، بڕی 11 ملیۆن و 50 هەزار دۆلاریان وەک حەقدەست لەلایەن حکومەتی هەرێمی کوردستانەوە پێدراوە.
کۆمپانیای گەنەل ئێنێرجی، کە یەکێکە لە کۆمپانیا بەشداربووەکان لە پەرەپێدانی کێڵگەی تاوکێ لە هەرێمی کوردستان، ئاشکراشیکردووە کۆمپانیای دی ئێن ئۆ (DNO)ی هاوبەشی بڕی 54 ملیۆن و 730 هەزار دۆلاری وەک حەقدەستی هەناردەکردنی نەوت لە کێڵگەی تاوکێ وەرگرتووە.[1]
#15-02-2018#