بەپێی دۆکۆمێنتەکانی پەڕڵەمانی کوردستان کە کۆپییەکی دەست بوار کەوتووە، لە ساڵی 2011 ەو لە خولی پێنجەمی پەڕڵەمانی کوردستان، بە زۆرینەی دەنگی پەڕڵەمانتاران لەنێوشیان پەڕڵەمانتارانی #یەکگرتووی ئیسلامیی کوردستان# و #کۆمەڵی دادگەریی کوردستان# لە چوارچێوەی لیستی خزمەتگوزاری لەگەڵ ئەندامانی فراکسیۆنی #بزووتنەوەی گۆڕان# دەنگیان لەسەر ئەو ماددەیە داوە کە ڕێگە دەدات هەواڵگری نهێنی لە یاسایی توندوتێژی خێزانی هەبێت.
بەپێی دۆکۆمێنتە تۆمارکراوەکانی خولی سێهەمی پەڕڵەمان، ئەندامانی فراکسیۆنی لیستی خزمەتگوزاری کە ئیسلامییەکان 10 پەڕڵەمانتاریان تێدا هەبوو سەرجەمیان دەنگیان بە و ماددەیە داوە.
ئەو پەڕڵەمانتارانەش شەش پەڕڵەمانتار یەکگرتووی ئیسلامی و چوار پەڕڵەمانتاریش لە کۆمەڵی دادگەری بوون کە ئەوانیش بریتی بوون لە: (بەیان ئەحمەد حەسەن بەرواری، #حەمە سەعید حەمە عەلی#، ئەورەحمان محەمەد، سەمیر سەلیم ئەمین بەگ حەمە بەگ، عومەر عەبدولعەزیز بەهادین، ناسک تۆفیق عەبدول کەریم عەبدول ڕەحیم، #هاوڕاز شێخ ئەحمەد حەمەد#، ئەحمەد سلێمان، عەبدوڵڵا حەمە، ئەیوب نیعمەت قادر ڕەحمان، سەرگوڵ ڕەزا حەسەن حەمەخان، سەباح محەمەد. [1]

پەڕڵەمانتارێکی دەستلەکارکێشاوەی یەکگرتوو لەسەر کۆبوونەوەکەی دوێنێی #22-05-2023# پەڕڵەمان و کاراکردنەوەی کۆمیسیۆن هاتەدەنگ. #ئەبوبەکر هەڵەدنی#، ئەندامی دەستلەکارکێشاوەی پەڕڵەمانی کوردستان ڕایگەیاند هەریەکە لە یەکگرتو، کۆمەڵ و گۆران کە ئەندامیان لە ناو کۆمیسیۆنی سەربەخۆ هەڵبژاردن و ڕاپرسی هەرێمی کوردستان هەیە، ئەگەر بەم گاڵتەجاڕییەی ئەمڕۆی #23-05-2023# کۆبوونەوەی پەڕڵەمانی ماوە بەسەرچوو کەناونرا کاراکردنەوەی کۆمیسیۆن ڕازی بن عەییبەیەکی گەورەیە چونکە کۆمیسیۆن کارانەکراوەتەوە و بەم نزیکانەش کاراناکرێتەوە فراکسیۆنی #یەکگرتووی ئیسلامیی کوردستان# لە ماوەی ڕابردوودا دەستلەکارکێشانەوەی خۆیان لە پەڕڵەمانی کوردستان ڕاگەیاند و لەگەڵ درێژکردنەوەی تەمەنی پەڕڵەماندا نەبوون. [1]

دوای دەنگدان بۆ هەڵبژاردنی ڕێکخەری گشتی و خانەی ڕاپەڕاندنی بزووتنەوەی گۆڕان، #عومەر سەید عەلی# بە 38 دەنگ، بوو بە ڕێکخەری گشتیی بزووتنەوەی گۆڕان.
رۆژی سێشەممە، 25-07-2017، لە ساڵیادی یەکەم بەشداریی گۆڕان لە پرۆسەی هەڵبژاردن، کە هەڵبژاردنی پەرلەمانی کوردستان بوو، جڤاتی نیشتمانیی بزووتنەوەی گۆڕان لە شاری سلێمانی کۆبووەوە و ڕێکخەری گشتی و خانەی ڕاپەڕاندن هەڵبژێردران.
بەپێی جیاکردنەوەی دەنگەکان، عومەر سەید عەلی بە 38 دەنگی ئەندامانی بزووتنەوەی گۆڕان بە ڕێکخەری نوێی بزووتەنەوەی گۆڕان هەڵبژێردرا.
ئەنجامی دەنگەکانی خانەی ڕاپەڕاندنی بزووتنەوەی گۆڕان بەمشێوەیەیە:
#محەمەد تۆفیق ڕەحیم#، بە 34 دەنگ بۆ کاروباری ژوورەکان هەڵبژێردرا
#جەمال حاجی محەمەد#، بە 39 دەنگ بە جڤاتی نیشتمانی، هەڵبژێردرا
رەئووف عوسمان، بە جڤاتی گشتی هەڵبژێردرا
#جەلال جەوهەر#، بە 37 دەنگ بوو بە سکرتێری فراکسیۆنەکانی گۆڕان
#عوسمان حاجی مەحمود#، بە 45 دەنگ بوو بە سکرتێری کاروباری باژێڕوانەکان
#شۆڕش حاجی#، بە 34 دەنگ بۆ پۆستی کاروباری خەڵک هەڵبژێردرا.
دەنگی سپی، 6 دەنگ
25-07-2017

#31-10-2018#

لەم ڕۆژانەی دواییدا و دوای شکستی ھەوڵێکی دڵسۆزانەی دکتۆر بورھان یاسین بۆ یەکخستنەوەی ناڕازیەکانی خوار گردەکە و پشت گردەکەی #بزووتنەوەی گۆڕان#، سەرۆکی #یەکێتیی نیشتمانیی کوردستان# #بافڵ تاڵەبانی# ھەوڵ و فشارەکانی خۆی چڕتر کردۆتەوە بۆ یەکگرتنەوەی حزبەکەی لەگەڵ بزووتنەوەی گۆڕاندا.
بەندە وەک ئەندامێکی دەستەی سەرپەرشتیارانی ھەوڵی ناڕازیەکانی گۆڕەپانەکە / ھەودای نیشتمان و گەل (ھەنگ) دووجار لەگەڵ دکتۆر بورھان یاسین لەسەر پرسی ڕێکخستنەوەی ڕیزەکانی بزووتنەوەی گۆڕان بە ھاوەڵی ھەندێک لە ھاوڕێکانم لە دەستەی سەرپەرشتیارانی پڕۆژەی ھەنگ کۆبوونەوەم کردووە. لە ھەردوو کۆبوونەوەکاندا، جەختمان لەسەر پێگەی خۆمان کردۆتەوە لەوەی بزووتنەوەی گۆڕان لە ئێستادا بۆ ئێمەی ئەندامانی پڕۆژەی ھەنگ گوزەشتێکە لە چاکە و خراپەکاریەکانیدا پەشیمان نین و نەبووینە. پڕۆژەی ھەنگیش بەشێک نییە لە ناڕازیەکانی خوار گردەکە و پشت گردەکە. بەڵکوو نەیارێکی سەرسەختی ئەو پێگە خۆڵەمێشیەی گۆڕانە لەنێوان خراپ (یەکێتی) و خراپتردا (پارتی). کەواتە، ھەتاوەکو گۆڕان لەو پێگە مەترسیدارە نەیەتە دەرەوە، ئێمەی ھەنگ ئامادەنین گفتوگۆ و دانووستاندنیشیان لەگەڵدا بکەین. بە واتایەکی دیکە، ھەتا بڕیار بەدەستانی گۆڕان لە حکومەت و پەڕڵەمانی کوردستان نەکشێنەوە و پاشگەز نەبنەوە لە درێژکردنەوەی تەمەنی بێ بەرھەمی حکومەت و پەڕڵەمانی کوردستان، پڕۆژەی ھەنگ ئامادە نییە و نابێت پەیوەندی ھەبێت و سەودا بکات لەگەڵ لایەنێکی خۆڵەمێشی ناو ئەو سیستەمە ستەمکاریەی کە بەرقەراربووە لەنێوان خراپ و خراپتردا.
لە ڕوانگەی بەندەوە، لە ئێستادا بزووتنەوەی گۆڕان تێکەڵەیە لە خراپ و خراپتر. بەپێی زۆرێک لە توێژینەوە زانستییە سیاسی و ئیداری و ئابووری و کۆمەڵایەتییەکان، دەکرێ بە چاکسازی خراپ لە نەرێنییەوە بگۆڕدرێت بۆ ئەرێنی. بەڵام ئاستەمە خراپتر بە چاکسازی گۆڕانکاری تێدا بکڕێت. ھەر بۆیە، باشتر وایە بە ڕاپەڕینی مەدەنی لایەنی خراپتر لە ڕەگ و ڕیشەوە ھەڵتەکێندرێت و سوود لەو لق و پۆپ و جومگانەی وەربگیرێت کە شیاوی بەکارھێنانن.
لەناو بزووتنەوەی گۆڕانی ئەمڕۆدا، وادیارە لایەنی خراپتر زاڵبووەتە سەر لایەنی خراپ. ھەر بۆیە، بۆ دەربازبوون لەم قەیرانە، باشترە بۆ لایەنە خراپەکەی یەکبگرێتەوە لەگەڵ یەکێتی. بەوەش، لە ئەگەری بوونی خواستی ڕاستەقینەی چاکسازی لەناو یەکێتیدا، ئەوا ئەگەری ھەماھەنگی و پێکەوە کارکردن بۆ دەستەبەرکردنی چاکسازی ڕاستەقینە کارێکی باش و خوازراوە بۆ بەرجەستە کردنی گۆڕانکاری ڕیشەیی لە شێوازی ئیدارەدانی حکومەت و بەئاکام گەیشتنە بە خۆشگوزەرانی بۆ ھەموو تاکەکانی کۆمەڵگاکەمان. [1]
#سەعید کاکەیی#

#بافڵ تاڵەبانی#، سەرۆکی #یەکێتیی نیشتمانیی کوردستان# پەیامێکی هۆشداریداوەتە بەرپرسانی #بزووتنەوەی گۆڕان#، کە تایبەت بووە بە پەیوەندییەکانی بزووتنەوەکە و پارتی دیموکرات.
بافڵ تاڵەبانی نیگەرانە لە باشی پەیوەندییەکانی نێوان گۆڕان و پارتی، بۆیە ئەو پەیامە هۆشدارییەی داوە بە بەرپرسانی بزووتنەوەکە.
بافڵ تاڵەبانی لە پەیامەکەیدا بۆ بەرپرسانی گۆڕان جەختیکردووەتەوە کە ئەگەر ئەجێندای پارتی لە سنووری #سلێمانی# جێبەجێدەکەن، ئەوە بچنە #هەولێر# سیاسەت بکەن، نەک لە سلێمانی.
هۆشدارییەکەی بافڵ تاڵەبانی زیاتر پەیوەندی بەباشی پەیوەندی تیمی حکومی گۆڕان و تیمی حکومی پارتییەوە هەبووە و باسی لەوەش کردووە، کە دەبێت لە هەڵوێستە سیاسییەکان پشتگیری یەکێتی بکەن، نەک پارتی. [1]

سەرۆکی #یەکێتیی نیشتمانیی کوردستان# لە دانیشتنەکانی ئەم دوایەی لەگەڵ #مەسعود بارزانی# بەڕوونی بە بارزانی وتووە: ئێستا کاتی ئەوەیە پارتی خۆی یەکلابکاتەوە کە لە سنووری زۆنی سەوز مامەڵە لەگەڵ چ هێزێکی سیاسی دەکات.
بەپێی زانیارییەکانی بوار، #بافڵ تاڵەبانی#، لە کۆبوونەوەکانی ئەم دواییەی لەگەڵ مەسعود بارزانی، سەرۆکی #پارتی دیموکراتی کوردستان# ڕایگەیاندووە، ئێستا کاتی ئەوەیە بزانین کە پارتی دەوێ لە سنووری زۆنی سەوز مامەڵە لەگەڵ چ هێزێکی سیاسی دەکات، چونکە بەدیلی یەکێتیی تەنها پەکەکە و #بزووتنەوەی گۆڕان# و #نەوەی نوێ#یە.
سەرۆکی یەکێتیی لە کۆبوونەوەکە ویستوویەتی ئه و پەیامە بە سەرۆکی پارتی دیموکراتی کوردستان بگەیەنێت ئەو هێزانەی کە لە سنووری زۆنی سەوزن چۆن دەتوانن ببنە بەدیلی یەکێتیی و پارتی چۆن مامەڵەیان لەگەڵ دەکات.
هەر بەپێی زانیارییەکان، له و کۆبوونەوەیەدا سەرۆکی یەکێتیی داواکاری هەبووە، بۆ ئەوەی یەکێتیی و پارتی بتوانن بەردەوام بن لە حوکمڕانی کوردستان. پێویستە لاپەڕەیەکی نوێ هەڵبدرێتەوە و ڕێککەوتنێکی نوێ ئەنجامبدرێت، چونکە هێزەکانی دیکەی #سلێمانی# ناتوانن ببنە بەدیلی یەکێتیی. [1]

ئەو پەیامەی #بافڵ تاڵەبانی# سەرۆکی #یەکێتیی نیشتمانیی کوردستان# کە بۆ #عومەری سەید عەلی# ڕێکخەری پێشووی #بزووتنەوەی گۆڕان# و چیا نەوشیروان مستەفای ناردووە، کێشەی لەناوخۆی بزووتنەوەکە درووست کردووە.
پەیامەکە جگە لەوەی نیگەرانی یەکێتی تێدابووە لە نزیکبوونەوەی بزووتنەوەی گۆڕان و #پارتی دیموکراتی کوردستان#، تێدا پشتگیری خۆشی بۆ چیا نەوشیروان مستەفا دووپاتکردووەتەوە کە ببێتە ڕێکخەری گشتی گۆڕان.
بافڵ تاڵەبانی جەختی کردووەتەوە کە ئەگەر چیا نەوشیروان مستەفا پۆستی ڕێکخەری گۆڕان وەربگرێت، ئەوە وەک یەکێتی بە تەواوی پشتگیرییان دەکەن و ئامادەن هەموو هاوکارییەکیان بکەن.
ئەم پەیامە کێشەی لەناو سەرکردەکانی گۆڕان درووست کردووە، بەهۆی پەیامەکەش جارێکی تر وادەی بەستی کۆنفرانسی نیشتمانی بزووتنەوەی گۆڕان دواخراوە. [1]

#بافڵ تاڵەبانی# سەرۆکی #یەکێتیی نیشتمانیی کوردستان# پڕۆژەی ئاشتەوایی حیزبەکەی دەخاتە بەردەم بەرپرسانی #بزووتنەوەی گۆڕان#.
بەشێکی سەردانەکەی بافڵ تاڵەبانی بۆ مەکۆی سەرەکی گۆڕان و کۆبوونەوەی لەگەڵ عومەر سەید عەلی بۆ تاوتوێکردنی پڕۆژەی ئاشتەوایی یەکێتی بووە.
بافڵ تاڵەبانی دەیەوێت گۆڕانیش ببێت لە بەشێک لە پڕۆژەکەی یەکێتی، کە بەم نزیکانە بافڵ تاڵەبانی ڕایدەگەیەنێت.
پڕۆژەی ئاشتەوایی ناو یەکێتی بۆ چارەسەری کێشەکانی ناو حیزبەکە و درووستکردنی بەرەیەکە بۆ هەڵبژاردنی داهاتوو. [1]