دەقی ڕاگەیەندراوی کەژەکە:
بەبۆنەی ڕۆژی جیهانی ژنانی زەحمەتکێش لە ساڵی 2022 لە کوردستان، ڕۆژهەڵاتی ناوەڕاست و لە هەموو شوێنێکی جیهان دا سڵاو لە هەموو ئەو ژنانە دەکەین، کە بەرامبەر بە دید و تێڕوانینی پیاوسالارانە و سیستمە داگیرکەرەکەکان بەرەنگاری دەکەن.
تێکۆشانی ئێمە بۆ ئازادیی ژنان لە ساراکانەوە تا ڕۆساکان، لە لەیلاکانەوە تا بێریتانەکان، دەنیز و میناکان لەسەر بنەمای ڕەنج، بیر، ڕامان، بەرخۆدان و یادی ژنان، گەشە دەکات و دەگاتە ئاستی شۆڕشی ژنان.
لە کوردستان و کاتێک ئێمە پێشەنگایەتیی شۆڕشی ژنان و خۆپاراستنیان دەکەین، ساڵی ڕابڕدوود هەڤاڵانی ژنمان سۆسن بیرهات، نوژین ئامەد، تۆڵهەڵدان ڕامان، سۆزدار جودی و شیلان گۆیی لە هێرشە پاکتاوکارییەکانی فاشیزم دا پاکتاوکران. لە کەسایەتیی ئەو هەڤاڵانەدا یادی هەموو شەهیدانمان دەکەینەوە و بەڵێنمان دووپات دەکەینەوە، کە ئیمە ئاواتەکان و خەونەکانیان بەدی بهێنین. ئێمە بە خۆشەویستی و پەرۆشییەوە سڵاو لە ڕێبەر ئاپۆ دەکەین، نەفرەت لە هێزە پیلانگێڕەکان دەکەین و جارێکی تر ڕایدەگەیەنین، بەردەوام دەبین لە تێکۆشانمان تاوەکو تێکشکاندنی سیستمی گۆشەگیری و ئەشکەنجەی ئیمراڵی.
ئەم پرۆسە و قۆناغە، کە پیایدا تێیدەپەڕین ئەوەمان نیشان دەدات، کە ژیانی ئازاد لەسەر بنەمای خەباتی ڕزگاریخوازانەی ژنانی ڕادیکاڵ بەدی دەهێنرێت. کاتێک سەیری دەوروبەر دەکەین دەبینین، کە جەنگ، داگیرکاری، میلیتاریزم، سیاسەتی کۆچبەرکردن، توندوتیژی، هەژاری و کوشتاری سروشت لە هەموو جیهاندا ڕوودەدات و پێشی پێگرتوین. ئەو ڕێگایانەی خۆدەربڕینی مۆدێرنیتەی کاپیتالیستی نەک هەر لە کوردستان و ڕۆژهەڵاتی ناوەڕاست، بەڵکو لە هەموو جیهاندا خۆی دەردەخات، ئەمەش بنەمای سیستمی پیاوسالارییە. ئەگەر سیستمی جیهانیی پیاوسالاری و سەرمایەداری لە کوردستان، ئەفغانستان و ئۆکرانیا خۆی نیشان دەدات، ئەوا یانی ئاستی قەیرانەکەی و گرژییەکەی بە شێوەیەکی بەرچاو زیادی کردووە. ئەوەش ئەوەندەی گوزارشت لە دەرفەتی ستراتیژی دەکات بەو ئەندازەیەش مەترسی بۆ سەر ژنان و خەڵک دروست دەکات.
لە کۆتایی سەدەی بیستەمدا ڕێبەر ئاپۆ بۆ سەدەی 21 وتبوی، دەبێتە سەدەی ئازادیی ژنان، کە ئەمڕۆ بە تێکۆشانی ژنانی ڕێکخستنکراو لە سەرتاسەری جیهان دا ئەوە بنیاد دەنرێت و بەدی دێت، گەل و هێزە دیموکراسیخوازەکان لە هەموو کاتێکی تر زیاتر خاوەنداریی لێدەکەن. چونکە دەبینرێت، کە تێکۆشانی ئازادیی ژنان ئەمڕۆ پێشەنگایەتی بۆ تێکۆشانی دیموکراسی و ئیکۆلۆژی و ئازادی دەکات. خەبات و تێکۆشانی ئەمڕۆی ژنان گەیشتووەتە ئەو ئاستە، کە نوێنەرایەتیی هەموو تێکۆشانێک لە دژی سیستم دەکات، بۆیە پێویستە تێکۆشانی ئازادیی ژن ببێت بە هێزی ستراتیژی سەرەکیی هەموو بزووتنەوە کۆمەڵایەتیەکان و بگاتە ئاستی ڕێکخستنکردنی ئەوە.
بۆ ئەوەی ئاستی خۆ ڕێکخستنکردن بەهێز بکەین و لە دژی هێرشە فاشیست و پیاوسالارییەکان پەرە بە تێکۆشانی ئازادیی ژنان بدەن، ئێمە هەڵمەتی لە دژی پاکتاوکردنی ژنان کات کاتی پاراستنی ژنانی ئازاد و کۆمەڵگایە دەستپێکردووە. ئێمە بە 8ی ئازار هەڵمەتەکەمان دەگەیەنینە بەرزترین ئاست و ئەوەش چەندین هۆکاری گرنگ و بەرچاوی هەیە. یەکێکیان ئەوەیە، کە دەیانەوێت ئەو تێکۆشانەی لە کوردستان لە دژی هێرشی فاشیست و پیاوسالارانەکان هەیە لە ناو ببەن و بەوەش دەستکەوتەکانی ژنان لەناوببەن. لە کوردستان ئەو ڕاستییە لە چوارچێوەی تیرۆرکردن، سیاسەتی پاکتاوکردنی سیاسی، پاکتاوکردنی ژنان، هەراسانکردن و دەستدرێژیکردنە سەر ژنان خۆی نیشان دەدات. لە ساڵی ڕابردوودا کوشتنی دەنیز پۆیراز، ئەندامانی ژنانی گەنج لە کۆبانێ لەلایەن فڕۆکە بێفڕۆکەوانەکانی تورکەوە کرانە ئامانج، غەریبە گەزەر، ئایسەل توغڵوک و زەینەب جەلالیان، بە شێوەیەکی سەرەکی لە زیندانەکاندا لە دژی ژنانی خۆڕاگر ئەشکەنجە ئەنجام دەدرێت. مافی پارێزبەندیی پەرلەمانتاری هەدەپە سەمرا گوزەل زەوتکرا. ئێمەی ژنان دەبێت خۆمان لە بەرامبەر هێرشە هەمەجۆرە فاشیستییەکان خۆمان بە ڕێکخستن بکەین و خۆپاراستنی خۆمان بکەین. کاتێک کۆمەڵگایەک ڕێکخستنکراو بێت دەتوانێت بوونی خۆی بپارێزێت و ئازادی خۆی بەدیبێنێت.
لایەنی دووەمی ستراتیژیی هەڵمەتەکەمان ئەوەیە، کە لە دژی ڕژێمی فاشیستیی ئاکەپە و مەهەپە بە شێوەیەکی سەرەکی هێزە سەرمایەدارییەکانی ناوچەکە و نێونەتەوەیی لە گۆڕپانێکدا، کە کۆمەڵگەبون لەسەر بنەمای کوردبوونی ئازاد گەشە دەکات، سیاسەتی پاکتاوکاری ئەنجام دەدەن. دەبێت ئێمە لە دژی ئەو سیاسەتە پاکتاوکارییانە بین و لێرە ژیانی ئازاد بپارێزین. کاتێک مرۆڤ سەرنج لە باکور و ڕۆژهەڵاتی سوریا، مەخمور و شەنگال دەدات، کە بە پێشەنگایەتیی ژنان بەرخودان ئەنجام دەدرێت و هێڵی کوردی ئازاد بونیات دەنرێت، هێرشە پاکتاوکارییەکان لە دژیان زیادی کردووە. هێزی هەژموونگەریی سەرمایەداریی جیهانی و هاوپەیمانەکانی لە ناوچەکەدا پێکەوە کار دەکەن بۆ ئەوەی کورد لە سەدەی 21دا سیستمی خۆبەڕێوەبەریی خۆی دروست نەکات. لە کوردستان ژیانی ئازاد بە تێکۆشانی ژنانی ڕێکخستنکراو بونیات دەنرێت. بۆیە پاراستنی ئەوەش بە زۆری و بە شێوەی سەرەکی ئەرکی مێژوویی ژنانە. ئێمە وەک کەژەکە لە 8ی ئازاردا، دووپاتی دەکەینەوە، کە ئێمە هەرگیز دەستبەرداری ژیانی ئازاد نابین و داوا لە هەموو پێکهاتەکانی بزووتنەوەی کۆنفیدراڵی خۆمان دەکەین، کە تێکۆشانی ژنانی ئازاد و کۆمەڵگا زیاتر و بەهێزتر و گەشتر بکەن.
لایەنێکی تری ستراتیژیی هەڵمەتەکەمان ئەوەیە، کە پێویستە ئازادیی جەستەیی ڕێبەر ئاپۆ بەدیبهێنین، واتە سیستمی ئەشکەنجە و گۆشەگیریی سەر ئیمراڵی تێکبشکێنین. پێش 8ی ئازار لە 15ی شوباتدا بۆ ئیدانەکردنی پیلانگێڕی نێونەتەوەیی ئێمە ڕژابووینە گۆڕەپانەکان. لە دژی پیلانگێڕیی نێونەتەوەیی بۆ ئەوەی دیوارەکانی ئیمراڵی بشکێنین، سیستمی گۆشەگیری و ئەشکەنجە نەهێڵین و ئازادیی جەستەیی ڕێبەر ئاپۆ بەدی بهێنین، ئێمە گەشە و پەرە بە هەڵمەتەکەمان دەدەین. کات کاتی ئازادییە!.
لە کوردستانیشدا بۆ بونیاتنانی ژیانی ئازاد و دیموکراتیک، دەبێت پیاوانیش خۆیان بگۆڕن. ئەگەر لە شوێنێک دەستکەوتی ژنان هەبێت، ئەوە مانای ئەوە نییە، کە پیاوان لەوێ خۆیان لە عەقڵییەت و تێگەیشتنی پیاوسالاری ڕزگار کردووە، دەبێت پیاوانیش خۆیان لە تێگەیشتن، عەقڵ، هەڵوێستی زاڵ، دەسەڵاتخواز و داگیرکەر ڕزگار بکەن. دەبێت لەسەر فەلسەفەی 'کوشتنی پیاوی دەسەڵاتخوازی ڕێبەر ئاپۆ بەشداری لە ژیاندا بکەن و لەسەر ئەو بنەمایە لە 8ی ئازار نزیک ببنەوە.
8 ی ئازار لە لایەکەوە وەک ڕۆژی گەشەپێدانی تێکۆشان لە دژی فاشیزم و تێگەیشتنی پیاوسالارانەیە و لە لایەکی تریشەوە دەبێت وەک ڕێکخستنکردن، ئافراندنی گۆڕەپانی ژیانی ئازادی ئەڵتەرناتیڤ و بونیاتنانی سیستمی ژنان تێبگات. ئێمە پێشوازی لە 8ی ئازار دەکەین وەک بە کۆمەڵگەیکردنی هەڵمەتی لە دژی پاکتاوکردنی ژنان کات کاتی پاراستنی ژنانی ئازاد و کۆمەڵگایە. بۆ گەلانی میزۆپۆتامیاش وەک ڕۆیشتنە ناو مانگی ئازار، کە بە مانای بەرخۆدانە، هیوا و ئازادی دەبینین. دەبێت ئێمە لە 8ی ئازارەوە تا نەورۆز کە جەژنی ژیانی ئازادی گەلانی میزۆپۆتامیایە، بە ڕەنگی شۆڕشی ژنان پردێک دروست بکەین و ئەمساڵ بکەینە ساڵی بەدیهێنانی بەرخۆدان و ئازادی.[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی ڕاگەیەندراوەکەی کەژەکە:
ئێمە لە نۆیەمین ساڵیادی شەهیدبوونی ساکینە جانسز کادری پێشەنگی #پەکەکە# و تەڤگەری ژنانی کورد، فیدان دۆغان نوێنەری دبلۆماسی و لەیلا شایلەمەز ئەندامی بزووتنەوەی گەنجانداین کە لەلایەن میتی تورکەوە بە فەرمانی سەرۆکی فاشیستی ئاکەپە تەیب ئەردۆغان لە 9ی تشرینی دووەمی 2013دا لە پاریس شەهیدکران.
ئەزموونی ژیانی هەڤاڵ ساکینە جانسز مێژووی ژنانی کوردە. هەموو ساتێکی ژیان کە لە کەسایەتی هاوڕێی ساکینە جانسزدا بینرا داواکاری بۆ ئازادیە. ئەمە ژیانێکی فیدایی داخوازی ئازادیە. هەڤاڵ ساکینە قارەمانانە شێوازەکانی ژیانی سیستەمی سەرمایەداری و ئەو نەریتەی کە ژن کۆیلە دەکات پچڕاند و بووە گەورەترین بەرخۆدانی ژنان زیندانە تاریکەکانی 12ی ئەیلولی ڕۆناک کردەوە. هەڤاڵ ساکینە بەبەشداریی خۆی سەرچاوەی سوودبەخشینی بزووتنەوەکەمان و گەلەکەمان بوو. بە سەرکەوتوویی نوێنەرایەتی ژنی قارەمانی کورد دەکات لە ژیانیدا، هەروەها #شەڕڤان#ێکی خۆبەخشی ئازادی بوو. ئەو هەرگیز دەستبەرداری بەرخۆدان نەبوو و بە سووربوونی خۆی هەمیشە پێشەنگی تێکۆشانی ئازادیی ژنان و گەلەکەمان بوو. نیشانی داین کە چۆن ژنێک لە ژیاندا ئازاد دەکرێت و بەم شێوەیە ژنێکی بەهێز لە ژیاندا دروست دەبێت. ئەمە نموونەیەک بوو بۆ ئێمە. لەسەر ئەم بنەمایە لە کەسایەتی ساکینە جانسز و فیدان دۆغان و لەیلا شایلەمەز هەموو ژنە شەهیدەکانمان بە ڕێز و خۆشەویستی و سوپاسەوە بەبیر دەهێنینەوە. ژنە شەهیدەکانمان میراتێکی گەورەی بەرخۆدان و ئازادیان بۆ ئێمە بەجێ هێشت. ئێمە شایستەی بیرەوەرییەکانی ئەوان دەبین. بێگومان سەردەکەوین.
ئەو کۆمەڵکوژیە قێزەونە لە پاریس جارێکی تر ڕووی ڕاستەقینەی دەوڵەتانی وەک فەرەنسا و ئەڵمانیای ئاشکرا کرد. هەرچەندە نۆ ساڵ تێپەڕیوە بەڵام هێشتا کۆمەڵکوژیەکە ڕوون نەکراوەتەوە کە ئەمە جگە لە خواستی پەردەپۆشکردنی ڕاستی و ئەم تاوانە گەورەیە هیچی تر ناگەیەنێت. ئەو دەوڵەتانە کە خۆیان بە پێشکەوتنخواز و دیموکرات و ئازاد دەبینن، پێوەرەکانی یاسا و دادپەروەرییان پێشێل کردووە بۆ ئەوەی سزای تاوانبارانی کۆمەڵکوژییەکەی پاریس نەدرێت. بەم شێوەیە نیشانیاندا کە چۆن لە تێکۆشانی ئازادیی گەلی کورد و تەڤگەری ئازادیی ژنانی ئێمە نزیک دەبنەوە. بۆیە نەک هەر دەوڵەتی تورک بەڵکو فەرەنسا و ئەڵمانیاش کە سیستەمی مۆدێرنیتەی کاپیتالیزمن بەرپرسیارن لە کۆمەڵکوژییەکەی 9ی کانوونی دووەم لە پاریس. بۆیە لەگەڵ بەرپرسانی سەرەکی ئەم کۆمەڵکوژییە فەرەنسا و ئەڵمانیاش شەرمەزار دەکەین.
هێڵی ئازادی و بەهاکان کە لەلایەن هەڤاڵان ساکینە جانسز و فیدان دۆغان و لەیلا شایلەمەزەوە نوێنەرایەتی دەکرێن، بەهای جیهانین. دەیانویست ژیانێکی ئازاد و یەکسان بۆ مرۆڤایەتی و ژنان دروست بکەن. هێرشکردنە سەر ئەو ژنانەی کە بەها جیهانییەکانی لەو جۆرەیان لە کەسایەتی خۆیاندا هەڵگرتبوو، جارێکی تر ڕووی قێزەونی سیستمی حوکمڕانی و دەوڵەتداریان خستەڕوو. بۆیە لە کەسایەتی ئەو هەڤاڵانەدا، هێرش کرایە سەر ژنانی جیهان کە هەوڵی ئازادی ژنان و گەلان دەدەن.
ژنانی کورد هەمیشە لەسایەی ڕێبازی ئازادی سەرۆک ئاپۆ بەرەو پێشەوە چوون. لە سەرەتای دامەزراندنی پەکەکەوە لە ڕیزی پێشەوەی تێکۆشان و بەرخۆداندا جێگەی خۆیان گرت. تەڤگەری ئازادی ژنانی ئێمە کە بە ساکینە جانسز دەستی پێکرد، ئەمڕۆ لەسەر بنەمای پارتیبوون و سوپای ژنان گەیشتووەتە ئاستی بنیاتنانی کۆنفیدرالیزمی ژنانی دیموکرات. لەگەڵ شۆڕشی ڕۆژاڤادا شۆڕشی ژنان بەڕێوە دەچێت. بۆیە سەرکردایەتی شۆڕشی ژنان دەکەن. بە کارەکانمان بووینە سەرچاوەی سوود وەرگرتن بۆ بزاڤە ئازادیخوازەکان و بزووتنەوەی ژنان لە هەموو جیهاندا.
بۆیە دەوڵەتی تورکی فاشیست کە دوژمنی ژنان و گەلانە، پشت بە ئەمریکا و ئەوروپا دەبەستێت و بە بەردەوامی هێرش دەکاتە سەر بزووتنەوەی ڕزگاریخوازی ژنان.
ئەو عەقڵییەتەی ساکینە جانسز و فیدان دۆغان و لەیلا شایلەمەزی شەهید کرد، پاشان پشتگیری #داعش#ی کرد و سەرکردایەتی داعشی کرد و ڕۆڵی سەرەکیان لە کۆمەڵکوژیی ژناندا بینی، هێشتاش هەمان ڕۆڵ دەبینێت. ئەو عەقڵییەتیە بەرپرسیارە لە کۆمەڵکوژیی ژنانی شەنگال لە ساڵی 2014دا تاوەکو ڕفاندن و دەستدرێژیکردنە سەر ژنان لە #عەفرین# لە ساڵی 2018ەوە کە تاوەکو ئێستاش بەردەوامە.
لە باکوری کوردستان چەندین ساڵە هێرش دەکرێتە سەر ژنان. ڕۆژی 4ی کانوونی دووەمی 2016 لە کەسایەتی سێڤێ دەمیر و پاکیزە نایر و فاتمە ئویاردا وڵامی ئەو ژنانەیان دایە کە بەرخۆدانیان دەکرد. ویستیان کە ئەو پەیامە بدەن کە ئەگەر بەرگری بکەیت، ئەوا کۆمەڵکوژ دەکرێن. سەرەڕای هێرشەکان بە هەموو شێوەیەک ژنان هەمیشە ڕاپەڕین و بەرخۆدانیان کردووە. ئەمڕۆ کۆمەڵکوژی دژی ژنان بەردەوامە. کوشتنی دەنیز پۆیرازی #هەدەپە#یی، کردەوەی تایبەت لە دژی ژنانی کورد لە زیندانەکان لەسەر ئاستی ئەشکەنجە بەردەوامە. لە ئەنجامی ئەم کردەوانەدا غەریبە گەزەر لە 9ی کانوونی یەکەمی 2021دا لە زیندان شەهیدکرا.
نەک هەر لەباکوری کوردستان هێرش دەکاتە سەر ژنان لەهەموو ناوچەیەک کە بتوانێت خۆی بگەیەنێت هێرش بەردەوامە. لە ڕۆژئاوا لە ساڵی 2019دادا هەڤرین خەلەف، لە ساڵی 2020 لەیلا ئاکگری، ساڵی 2021 لە #حەسەکە#، بەڕێوەبەرانی کۆمەڵەی ژنان، هیند و سەنی عەرەب، هەروەها سێ ژنی گەنج بە ناوەکانی ڤیان و نوژیان و ڕۆژین لە کۆبانێ کۆمەڵکوژکران. ئێمە بە ڕێزەوە یادی ئەو شەهیدانە دەکەینەوە. ژیان و ئامانجەکانی شەهیدان سەرچاوەی سەرەکی هێزن بۆ ئێمە. هەموو ئەمانە ئەوە دەردەخات کە بزووتنەوەی ژنانی کورد و سەرکردەکانی لەلایەن دەوڵەتی تورکەوە دەکرێنە ئامانج.
لەگەڵ ئەو کۆمەڵکوژییەی کە لە کەسایەتی هەڤاڵ ساکینە جانسزدا ئەنجامدرا، دەوڵەتی تورک چەندین پەیامی ڕۆژانە و مێژوویی دا بە گەلەکەمان و ژنانی خۆڕاگر. وەک دەزانرێت دەوڵەتی تورک لە باکوری کوردستان ویستی بە کۆمەڵکوژیی دێرسیم بە تەواوی کۆتایی بە پرسی کورد بهێنێت. هەنگاوی ئازادی پەکەکە ئەم پلانەی پووچەڵ کردەوە. واقیعی ژنانی کورد، کوردێکی تێگەیشتوو و ڕێکخراوەیی دروست کرد. هەڤاڵ ساکینە جانسز یەکێک بوو لەو هەڤاڵە بێوێنەیانەی کە باوەڕی بە ئازادی گەلەکەمان و ژنان و مرۆڤایەتی هەبوو. ئەو شەڕڤانێکی پێشەنگ بوو کە دڵسۆزانە باوەڕی بە ئاشتی و پێکەوەژیانی گەلان هەبوو. ساکینە جانسز و پاشان دەیان ژن کە باوەڕیان بەم بزووتنەوەیە هەبوو لەسەر ئەم بنەمایە کرانە ئامانج. بەهەزاران ژنی چالاک بەناحەقی و بێئەخلاقی دەستگیرکران. سەدان گەریلای ژن شەهید بوون. کچانی لاوی کورد لەسەر بنەمای سیاسەتی شەڕی تایبەت بە کاری لەشفرۆشی و دەرمان و سیخوڕی و دەستدرێژی سێکسی کرانە ئامانج. دەوڵەتی تورک لە ڕێگەی ئەو سیاسەتە دڕندانە و قێزەون و نائەخلاقی و بێویژدانیەوە هێرشی کردە سەر دۆز و هێڵی ئازادی ژنان. لە کەسایەتی ژنانی کورددا ئەمڕۆ ژنانی کورد بە شۆڕشی ڕۆژئاوا پێشەنگی تەڤگەری ئازادی ژنان لە ڕۆژهەڵاتی ناوەڕاست و جیهان دەکەن. سیاسەتەکانی دەوڵەتی ئاکەپە – مەهەپە لە دژی ژنان نەک تەنها دژی بزووتنەوەی ژنانی کوردە، بەڵکو دژی هێڵی ئازادی جیهانی ژنانە لە کەسایەتی ژنانی کورددا.
هەرچەندە سیستەمی مۆدێرنیتەی سەرمایەداری بە هەموو شێوەیەک پشتگیری لە حکومەتی فاشیستی ئاکەپە - مەهەپە دەکات، بەڵام بە شێوەیەکی سەرەکی بەرخۆدانی ژنانی یەژا ستار و هەڤاڵانی زیندان، دایکانمان و ژنانی گەنج لە هەموو ئەو جێگەیانەی کە بزووتنەوەکەمان لەوێیە بەردەوامە.
هەڤاڵ ساکینە جانسز ڕێبەری بزووتنەوەی ژنانی کوردە. ئێمە خاوەن هەستێکی گەورەین بۆ تۆڵەسەندنەوەی کۆمەڵکوژیەکە. ئێمە قبوڵی ناکەین و تۆڕەین لەوەی ئەم کەیسە لە تاریکیدا ماوەتەوە. ژنان لە ئەوروپا، هاوڕێیانی ئێمە، هەمیشە لە تێکۆشاندان بۆ ئەوەی بکوژەکان سزا بدەن. سڵاو و ڕێزەو و خۆشەویستی خۆمان ئاڕاستەی گەلەکەمان لە ئەوروپا و ژنان و دۆستانی نێودەوڵەتیمان دەکەین کە هەوڵی ئاشکراکردنی ئەم کەیسە دەدەن.
خۆشەویستی و بەشداری لەخەباتی ئازادی ژنان لەجیهان و ڕۆژهەڵاتی ناوەڕاست و کوردستان ڕۆژ لەدوای ڕۆژ ڕوو لەزیادبوون دەکات. ئەمەش هێزە دەسەڵاتدارە پیاوسالارەکان دەترسێنێت. لایەنی لاوازی سیستەمی مۆدێرنیتەی کاپیتالیزم، خەباتە بۆ ئازادی ژنان. کاپیتالیزم سیستمێکی نێرسالارانەی دامەزراند بۆ داگیر کردنی خەڵک و ژنان، بە قێزەونکردنی خۆشەویستی و عەشق، سیستمی پیاوسالاری دامەزرند. ئێمە لەگەڵ هاوڕێکانمان گەورەترین تۆڵە لەم سیستەمە دەکەینەوە لە سەدەی 21 دا. بە بەرخۆدانی تەڤگەری ئازادیی ژن، لەگەڵ ئەو بزووتنەوانەی لە دژی سیستم کار دەکەن و ژیانێکی یەکسان ئازادیان دەوێت، بە فکر و ڕێکخراوەیی و وەک بەشێک لە خەباتێکی گەردونی، هەموو ڕۆژێک سەرلەنوێ ژیان بنیات دەنێین.
حەز و باوەڕی ئێمە بەئازادی گەورەیە. ژنانی کورد ڕوویان لەئازادی و سەرکەوتن کردووە. هیچ هێزێک ئەمڕۆ ناتوانێت لە بەرامبەر ویست و هەستی ژیانی یەکسان و ئازادی ژنان بوەستێتەوە. وەک ساکینە جانسز هەمیشە بەرخۆدان دەکەین و ژیانێکی ئازاد و یەکسان و شکۆمەندانە بۆ ژنان و هەموو گەلان بەدەست دێنین. سەرکەوتن بۆ ژنان دەبێت کە بۆ ئازادی بەرخۆدان دەکەن.[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی ڕاگەیەندراوەکە:
ئێمە دەکەوینە ساڵی 24مەوە کە هێزە هەژموونییەکان و هاوپەیمانەکانیان بە پیلانگێڕییەکی نێودەوڵەتی ڕێبەری ئێمەیان دەستگیر کرد. ئێمە بە ڕێز و خۆشەویستی و دڵسۆزی هەتاهەتایی سڵاو لە سەرچاوەی ژیانی ئازاد، ڕێبەر ئاپۆ و خۆڕاگری گەورەکەی دەکەین. بە ناوی هەموو مرۆڤایەتییەوە شەهیدانی هەڵمەتی 'ئێوە ناتوانن ڕۆژی ئێمە تاریک بکەن' کە لە دەوری ڕێبەر ئاپۆدا کۆبونەوە، بە ڕێز و خۆشەویستی و سوپاسەوە بەبیردێنینەوە.
ئەمڕۆ، ساڵیادی هێرشەکانی سەر گارەیە، کە بە ئۆپەراسیۆنێکی تایبەت هەوڵی نوێکردنەوەی پیلانگێڕییەکە و تێکشکاندنی گەریلاکانیاندا. بەرخۆدانی گەریلا کە باجێکی قورس بوو بۆ فاشیزمی ئاکەپە – مەهەپە، بە فەرمانداری شۆڕش بەیتۆشەباب دوژمنی تێکشکاند. بەم بۆنەیەوە هەڤاڵ شۆڕش بەیتوشەباب و شەهیدانی بەرخۆدانی گارێ جارێکی دیکە بە ڕێزەوە یادیان دەکەیەنوە. ئێمە سووربوونی خۆمان بۆ زیادکردنی تێکۆشان و ڕووخاندنی فاشیزمی ئاکەپە - مەهەپە نیشان دەدەین. هێزە پیلانگێڕەکان هەموویان بە تووڕەیییەکی زۆرەوە شەرمەزار دەکەن.
ئەو هێزانەی دەیانویست ڕێبەری ئاپۆ بە پیلانگێڕیی 15ی شوبات بێگاریگەر بکەن و کۆتایی بە بزووتنەوەکە بهێنین، بە هەڵوێست و بەرخۆدانی ڕێبەرمان و شەهیدە مەزنەکانمان و گەل و بزووتنەوەکەمان بە سووربوون و باج و ڕەنجی گەورە پوچەڵکرایەوە، بەڵام عەقڵییەتی پیلانگێڕی و تەسفیەکاری دژی بزووتنەوەکەمان هەرگیز کۆتایی پێنەهات و بەردەوام بوو.
پێش هەموو شتێک لە دژی کادرە پێشەنگ و گەریلاکانمان، بزووتنەوەکەمان بە عەقڵییەت و پیلانگێڕیی 'کۆتاییپێهێنان' بەردەوام بوو، بەڵام بە ئامانجی خۆی نەگەیشت.
ئێمە ڕووبەڕووی هێزێکی فاشیستی بووینەەتەوە کە هێندەی هێرشکردنە سەر نیشتمانپەروەرەکانمان چاوی سوور بووە. لە خەڵکی ئێزدیمان لە شەنگال کە زۆرترین قوربانی بە دەستی #داعش#ن بینیەوە تاوەکو کامپی پەنابەرانی مەخمور و هەروەها دژی گەلەکەمان لە ڕۆژئاوا کە لە دژی داعش شەڕیان کرد و شایستەی ژیانێکی ئازاد و شکۆمەندانە بوون، لە بەردەم چاوی جیهان هێرش ئەنجام دەدات. ئەم هێرشە ئەوە نیشان دەدات کە ئەم پیلانگێڕییە گەیشتووەتە چ ئاستێک. لەبەرامبەر ئەو عەقڵییەتەی کە دەیەوێت گەلەکەمان بە تۆقاندن و سەرکوتکردنی گەلەکەمان لە بزووتنەوەی ئازادیی دوور بخەنەوە، گەلەکەمان بە بەرخۆدان و تێکۆشانی شکۆدارەوە وەڵامی دوژمنانی گەلی کوردیان دایەوە. ئەمڕۆ هێزە نێودەوڵەتییەکانی داڕێژەری پیلانگێڕیی 19ی شوباتی 1999 لە دژی ئەو هێرشانەی حکومەتی فاشیستی ئاکەپە - مەهەپە لە دژی گەلەکەمان بێدەنگن و دەیانەوێت پیلانگێڕییەکە بە گرتنە بەری تاکتیک و هێرشی نوێ سەربکەوێت. ئێمە جارێکی دیکە هێرشەکانی فاشیزمی ئاکەپە - مەهەپە بۆ سەر گەلەکەمان لە مەخمور و شەنگال و ڕۆژئاوا و هێزە نێودەوڵەتییەکان کە ئەو هێرشانە قبوڵ دەکەن شەرمەزار دەکەین.
ئێمە باش ئاگادارین کە دەستگیرکردنی جەستەیی ڕێبەر ئاپۆ هێرشێک بوو بۆ لەناوبردن و تەسفیەکردنی سیاسەت و عەقڵییەت لەسەر بنەمای بەردەوامی پیلانگێڕیی نێودەوڵەتی.
بۆیە تا ئەو هێرشانە تێکنەشکێنرێت و ئەو عەقڵییەتە و سیاسەتانەی کە دەبنە هۆی تێکشکان، هیچ دەرفەتێک نییە بۆ ژیانێکی ئازاد و بوونی کوردایەتی. گۆشەگیری و دەستگیرکردنی ڕێبەرمان بە واتای بەردەوامیی هێرشە کۆمەڵکوژییەکانە بۆ سەر کوردان. بۆیە هیچ خەبات و قسە و بانگەشەیەک کە نەگەڕێتەوە بۆ ئازادی جەستەیی ڕێبەر ئاپۆ ناتوانێت لەگەڵ کورددا سەربکەوێت. بۆیە پێش هەموو شتێک ژنان و هەموو گەل دەبێت ئازادی خۆمان لە ئازادی ڕێبەر ئاپۆدا ببینین و لەو ڕاستییە ئاگادار بین.
بۆ ژنان مانای پیلانگێڕیی نێودەوڵەتی قوڵترە. ڕێبەر ئاپۆ ئازادیی ژنانی کردووەتە ناوەندی ئازادی کۆمەڵایەتی و بەم شێوەیە تێکۆشانی پێشخست. لە زانینی ژنانەوە تا خۆڕێکخستن و خۆپاراستن ڕێبەرەکەمان بە ڕاستی ژنانی ڕێکخراو و ئیرادەی گەیاندە ئاستی لێپرسینەوە لە پیاوی دەسەڵاتدار. خەبات بۆ ئازادی ژنان کە لە سەرەتادا لە ڕووی مێژووییەوە دەستیبەسەرداگیرابوو، بە شێوەیەکی ستراتیژی هەڵسەنگاندنێکی وەهای بۆ توانای ئازادی نائاسایی لە نێو شۆڕشی کوردستاندا دروست کردووە. بۆیە ڕیبەرتیمان بە بەدواداچوونی خەباتی ڕۆژانە و سات و کاتی ئازادی ژنان، پلەبەندی و پەیوەندی زاڵبوون بە عەقڵییەتی زایەندەپرستی سیستەمی باڵادەستی لەناوبرد. بە واتایەکی تر، بتی نێرینەی 5000 ساڵە تێکشکێنرا.
ڕێبەری ئێمە #عەبدوڵڵا ئۆجەلان# لەگەڵ ئاشکراکردنی واقیعی ژنان کە لە ڕێگەی پیلانگێڕی و درۆ و زۆردارییەوە سیستمی پیاوسالاریی دەستی بەسەردا گرتبوو، بەدیلێکی بۆ ژیانی ئازاد بۆ ژنان و کۆمەڵگا دروست کردووە. لە ڕووی مێژووی ئازادیی ژنانەوە لە جیهاندا، بەشداریەکان بۆ تێکۆشانی ئازادیی ژنان لە ڕێبەرەکەمان زیاتر تێدەگەن، بۆیە دڵسۆزی و خۆشەویستی و ڕێزگرتنی ژنان لە سەرتاسەری جیهان بۆ ڕێبەرتی ڕۆژ بە ڕۆژ لە زیادبووندایە. ڕێبەر ئاپۆ هاوەڵی ڕاستەقینەی ژنانە. شۆڕشی ژنان لە ڕۆژئاوا کە نموونە و سەرچاوەی بەرژەوەندی هەموو جیهان بوو، یەکێکە لە بەرهەمە سەرنجڕاکێشەکانی ڕێبەری ئێمە.
پارادایمی ئازادی ڕێبەرمان و جێبەجێکردنی ئەم پارادایمە بووەتە هیوایەکی گەورە بۆ ژنان و بۆ گەلان و مرۆڤایەتی لە گەڕان بەدوای ئازادیدا. لەجیهانیش پارادایمی ئازادی ڕێبەرمان ڕۆڵێکی یەکلاکەرەوەی بینی لەدروستکردنی ڕۆحی ئازادی و بنیاتنانی یەکڕیزیی گەلان و بنیاتنانەوەی سۆسیالیزم. وەک هێزێکی هیواو چارەسەر نەک هەر ڕێگەی لە کۆیلایەتی ژنان و کۆمەڵگاکان نەهێشتووە و نەتەنیا ڕێگر بووە لە بەدیهێنانی ئامانجەکانی سیستمی نێرسالاریی بەڵکو زەمینە و ناوەڕۆکی تێکۆشانی ئازادی لە جیهاندا فراوانتر کردووە.
ئێمە لە پرۆسەیەکی مێژووییداین کە دیارە هەڕەشەیەکی جیددیە بۆ سەر مرۆڤایەتی لەلایەن سیستەمی پیاوسالارەوە کە زەنگێکی مەترسیداری سیستەمی سەرمایەداریی سەروەرە. لە پرۆسەیەکی وەهادا هەوڵی سەرکوتکردنی پارادایمی ڕێبەرمان دەدرێت کە هیوایەکە بۆ ژنان و هەموو گەل و مرۆڤایەتی. هەوڵی لەناوبردنی ژیانی ئازادانەی گەلان لە ناو سیستەمی ئیمراڵیدا هەیە لە کەسایەتیی ڕێبەری ئاپۆدا پیلانگێڕییەکە لە دژی هیواکانی ژنان و گەل و مرۆڤایەتی ئەنجامدرا. پیلانگێڕییەکە هێشتا بە پێویستە دەبینرێت لە کەسایەتی ڕێبەرتیدا لەلایەن دەوڵەتی تورکیای فاشیست بەردەوام بێت. بە دروشمی ئازادی ڕێبەرمان ئازادی ژنانە تێکۆشانمان لە دژی سیستمی ئەشکەنجە لە ئیمرالی، لە دژی سیاسەتەکانی کۆمەڵکوژیی دژی گەلەکەمان، لە دژی کوشتنی ژنان زیاتر دەکەین. ئێمە بە ڕۆحی ئازادی، تێکۆشانمان بۆ ئازادی ڕێبەرمان و ژنان و گەل و گەلی خۆمان زیاد دەکەین.
ڕێبەر ئاپۆ بە پارادایمی خۆی و پراکتیزەکردنی بیرۆکەکانی، ڕێبەرایەتیی خۆی بە بیرۆکە و بەرهەمەکانی زیاتر کردووە. ئەمڕۆ نەک تەنیا لەناو گەلی کورددا، بەڵکو لەنێو ژنان و هەموو گەلانیشدا کە بە دوای ئازادیدا دەگەڕێن بووەتە سەرچاوەی هیوا و سوودوەرگرتن. بۆیە سیاسەتی گۆشەگیری و بێکاریگەرکردن لە دژی ڕێبەرەکەمان پووچەڵ کراوەتەوە. بەڵام دەستگیرکردنی ڕێبەرێک کە بووە بە ڕابەری مرۆڤایەتی لەلایەن گەلی کورد و ژنان و چەوساوەکان قبوڵ ناکرێت. بۆیە کەمپینەکانی ئازادی لە ئاستی کیشوەری و ناوچەیی زۆر مانادار و گرنگن. ئێمە خاوەنداریکردن لە ژنان و دۆستان و هێزە شۆڕشگێڕ و دیموکراتی و پێشکەوتنخوازەکان لە ڕێبەرمان نەک هەر بە پشتیوانی ئینتەرناسیۆنالیستی دەزانین، ئێمە وەک خەباتی هەڤاڵانمان دەبینین کە داهاتوویان لە پارادایمی ئازادی ڕێبەرایەتیدا دەبینن. بەم بۆنەیەوە سڵاو لە هەڤاڵان و هەڤاڵانی ئینتەرناسیۆنالیست و ژنانی تێکۆشەری کەمپەینی ئازادی ڕێبەر ئاپۆ دەکەین، ئێمەش هێزی گەورە لە تێکۆشانی ئەوان وەردەگرین.
لەم ڕۆژانەی سەرەتای دەستپێکردنی 24 ساڵەی پیلانگێڕی 15ی شوباتدا لە زۆر دەڤەر چالاکی بۆ ئازادیی ڕێبەری ئاپۆ دەستیپێکرد و بەردەوامە. سڵاو لە هەموو گەل و دۆستانمان دەکەین کە لەم چالاکییانەدا بەشدارن. بە تایبەتی هەڤاڵانی نێونەتەوەیی لە ڕێپێوانی درێژمەودا کە چالاکیەکەیان لە ڕۆژین پێنجەمدایە. بە هەموو زمانێک داوای ئازادی ڕێبەر ئاپۆ دەکەن. لە دژی لایەنی نێودەوڵەتی پیلانگێڕییەکە ژنان و ڕۆشنبیران و دیموکراتە پێشکەوتووخوازەکان و دژبەرانی ئەو سیستمە لە هەموو گۆڕەپانێکی نێونەتەوەییدا لەگەڵ گەلی کورد کار دەکەن. دانانیان بە تێکۆشانی ئازادیی گەلی کورد زۆر مانادارە و هێز بە تێکۆشانی ئێمە دەدات. لەسەر ئەم بنەمایە بە گەرموگوڕی ڕۆحی بەرخۆدان سڵاو لە هەڤاڵانی نێودەوڵەتی و گەنجانی قارەمان دەکەین، کە تێکۆشەری فیدایی ڕێبەرتین.
هەروەها لە ئەوروپاش بە شێوەیەکی سەرەکی ژنان و گەلەکەمان و هەڤاڵانمان لە هەموو ساڵێکدا بۆ ئازادی ڕێبەرمان بەرخۆدانیان کردووە. ئێمە پێمان وایە ئەم چالاکییە تا 15ی شوبات دەگاتە بەرزترین ئاستی خۆی. بۆ تەشهیرکردنی لایەنی نێودەوڵەتی پیلانگێڕییەکە و ئەو پشتگیرییەی کە بەردەوامە، گرنگە فشارەکان لەلایەن گەلەکەمان و دۆستانمان لە ئەوروپا لە دژی پیلانگێڕییەکە زیاتر بکرێت.
شۆڕشی ڕۆژاڤا کە سەرچاوەی لە ڕێبەراتیمان وەرگرتووە و دەستی بە پراکتیک کرد، وەک گۆڕەپانێکی ڕێبەرتیمان هەموو کاتێک لە پراکتیکدایە و خاوەن هەڵوێستێکی تێکۆشانەکە ڕێبەرتیمان بە بناغە وەردەگرێت. لەدژی هێرشەکانی سەر دەستکەوتەکانی شۆڕشی ڕۆژئاوا و لە بەرانبەر ڕاستی داگیرکاری بەرانبەر گەلەژەمان لە 15ی شوباتدا وڵامی پێویست دەدرێت.
ئەو عەقڵییەتی فاشیستەی کە دەیەوێت کارە نیوەچلەکەی داعش کە شکستی هێنا لە دژی گەلی ئێزدیمان لە شەنگال بباتە سەر، لەدژی گەلەکەمان لە شەنگال هێرش ئەنجام دەدات. گەلی ئێزدیمان زیاتر لە هەموو کات خۆیان لەسەر بنەمای پارادایمی ئازادی ڕێبەرایەتی بە بەهێزکردنی خۆبەڕێوەبەری و خۆپاراستن و خۆسەری ڕێکدەخەن و وەڵامی پێویست بە دوژمنان دەدەن.
گەلەکەمان لە مەخمور هەموو کاتێک لەگەڵ ڕێبەرمان و تێکۆشانی ئێمەدا سەرەڕای سەخت و کۆچکردن بۆ ماوەی 32 ساڵ لە تێکۆشان بەردەوامن، سەرەڕای ئەو باجە قورسەی کە داویانە. هێرشە قورسەکانی فاشیزمی دەوڵەتی تورک بۆ سەر گەلەکەمان لە کامپەکەدا ناتوانێت گەلەکەمان تەسلیم بکات. گەلەکەمان بە هەڵوێستی خۆڕاگرانە وەڵامی هێرشەکان بە سووربوون لە ژیانێکی ئازاددا دەدەنەوە. هەروەها لە 15ی شوباتدا وەک هەمیشە هەڵوێستی بەرامبەر بە دوژمن نیشان دەدات.
لە تورکیا و باکوری کوردستان سەرەڕای هێرش و فشاری قورسی فاشیزم، فاشیزمی ئاکەپە - مەهەپە خەریکە کۆتایی دێت. بە پێشەنگایەتیی ژنان بە تێکۆشانی هاوبەشی گەلەکەمان زەمینەی تێکشکانی فاشیزم لە هەموو کاتێک زیاتر بووە. 15ی شوبات دەبێت سەرەتای شکستی فاشیزم بێت.
هەروەها لە هەر چوار پارچەی کوردستان ژنان و گەنجان و هەموو گەلەکەمان ئازادی ڕێبەر ئاپۆیان وەک ئازادی خۆیان بینی و ماوەی 23 ساڵە لە دژی پیلانگێڕیی بۆ ئازادیی ڕێبەرەکەمان تێدەکۆشن. لە 15ی شوباتدا کە ڕۆژێکی ڕەشە بۆ ئێمە دەبێت لە دژی بکوژان، دژ بە دوژمنانی ژنان و کرێکاران و گەلان، لە دژی فاشیزم ڕۆژێکی ڕەش دروست بکەین. لە ساڵی 24هەمدا لەسەر بنەمای ئازادیی ڕێبەرایەتی تێکۆشان زیاتر دەکەین و پیلانگێڕییەکە بەتەواوی لەناودەبەین. هەنگاوی ئازادی ژنان و گەلانیش فاشیزم لەناودەبات.
داوا لە ژنان و گەنجان و هەموو گەل و دۆستانمان دەکەین کە لە 15ی شوباتەوە تا 8ی ئازار و نەورۆز و 4ی نیسان بە سووربوونی چالاکیی نەپچڕاو تێکۆشان لە مەیدانەکاندا بەرز بکەنەوە. هەروەها داوا لەو هێزانە دەکەین کە سوورن لەسەر ڕووخاندنی فاشیزم و ئەو هێزانەی پشتیوانی لەدیموکراسی و ئاشتی و ئازادی دەکەن بۆ بەهێزکردنی بەرەی بەرفراوانی دژ بە فاشیزم خەبات بکەن. ئێمە دەڵێین کاتی ئەوە هاتووە فاشیزمی ئاکەپە - مەهەپە تێکبشکێنین کە فاشیستترین ڕوخساری سیستەمی نێرسالارییە کە بۆتە پەتایەک بەسەر کورد و ژن و گەل و گەلانی ناوچەکەوە. کاتی ئازادی ژن و کۆمەڵگا هاتووە. لەسەر ئەم بنەمایە فاشیزم تێکدەشکێت، ژن و گەل سەردەکەون.[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

هێرشە داگیرکارییەکانی دەوڵەتی تورک لە دژی باشووری کوردستان و کۆمەڵکوژییەکانی هەمیشە لە ڕۆژەڤدایە. لە ماوەی ساڵی ڕابردوودا هەموو ڕۆژێک داگیرکەر هێرشی کردووە و دەیان شوێنی سیڤیلنشینیان بۆردومان کردووە. ئێمە ئه و هێرشانەی دەوڵەتی تورک بەتووندی شەرمەزار دەکەین. لە 23ی کانوونی دووەم\2ی ڕێبەندان-دا بەهۆی هێرشی فڕۆکەجەنگییەکانی سوپای تورک 4 مرۆڤی وەڵاتپارێز شەهید بوون و لە ڕاپەڕینی شیلادزێ-شدا 2 وەڵاتپارێز شەهید بوون. ئێمە سەرەخۆشی لە خانەوادەی شەهیدەکان دەکەین و ڕایدەگەیەنین کە بە هەڵوێستی بەرخۆدانی نەتەوەیی خاوەندارەتی لە یادی ئه و وەڵاتپارێزانە دەکەین.
هەڵوێستی گەلی شیلادزێ واتادارە
هەڵوێستی گەلانی دێرەلووک، #دهۆک#، باشووری کوردستان و بەتایبەت گەلی شیلادزێ دژ بە فاشیزمی دەوڵەتی تورکی داگیرکەر لە ئاستی پێویستدا واتادارە. گەنجان، ژنان و بەساڵاچوان چوونەتە سەر بنکەسەربازییەکانی دەوڵەتی تورک و ئاگریان بەرداوەتە بنکەی داگیرکەران. ئەم ڕاپەڕینە لە دژی داگیرکارییە و وەڵامێکە بۆ هەموو ئه و کەسانەی لە بەرانبەر داگیرکاری بێدەنگن.
لەم سەردەمەدا کە لە هەر چوار پارچەی کوردستان بەرخۆدانێکی شکۆدار بەڕێوەدەچێت، ڕاپەڕینی گەلی شیلادزێ بۆ مێژووی باشووری کوردستان لە ئاستی پێویستدا واتادارە. ڕاپەڕینی شیلادزێ و هەڵوێستی بەرخۆدانی بۆ گیانی وەڵاتپارێزی و نەتەوەیی زۆر گرینگە. گەلەکەمان بە هەڵوێستی خۆی پیشانی داوە که هەرگیز نایانەوێت هێزێکی داگیرکەر لەسەر خاکیان بێت.
دەوڵەتی تورک هەبوونی خۆی لەسەر دوژمنایەتی بۆ کوردان دروست کردووە و بەهۆی کۆمەڵکوژییەکانی هیچ جیاوازییەکی لەگەڵ ڕژێمی سەدام نییە. فاشیزمی دەوڵەتی تورک نەک تەنیا لە باکووری کوردستان، بەڵکوو بە سیاسەتەکەی هەڕەشەیەکی گەورەیە لەسەر هەموو کوردستان.
دەوڵەتی تورک لە جزیر، سوور، سلۆپی، ڕۆبۆسکی و #عەفرین# کۆمەڵکوژکردنی کوردانی کردووەتە هۆکاری هەبوونی خۆی و لە هێرشەکانی بۆ سەر باشووری کوردستانیش هەمان ئامانجی هەیە. هەڵوێستی هێرشکاری دەوڵەتی تورک لە دژی ڕیفراندۆمی باشووری کوردستان و لە داگیرکاریی #کەرکووک#دا دەزانرێت. بەم هێرشانە دەیانەوێت نکۆڵی لە هەبوونی کوردان بکەن و لەناویان ببەن.
دەبێ هەموو لایەنەسیاسییەکان بەباشی لە پەیامی شیلادزێ تێبگەن
دەبێ هەموو پارتییەسیاسییەکانی باشووری کوردستان بەباشی لە پەیامی گەلی شیلادزێ و دێرەلووک تێبگەن. ئەم ڕاپەڕینە لە هەمان کاتدا پەیامێکیشە بۆ ئه و کەسانەی کە سیاسەتیان بە گوێرەی یەکێتیی نەتەوەیی داناڕێژن. پێویستە بزانرێت کە ئەوانەی کۆمەڵکوژیی دەوڵەتی تورک نابینن، لە دژی تێکۆشانی ئازادیی گەلانی ئێمە دەبن.
لەسەر ئەم بنەمایه بە گیانی یەکێتیی نەتەوەیی جارێکی دیکە سڵاو لە ڕاپەڕینی گەلی شیلادزێ، دێرەلووک و هەموو باشووری کوردستان دەکەین.
#28-01-2019#

[1]

لە بەیاننامەکەی کەژەکەدا هاتووە:
لە بەرواری 15ی نیساندا دەوڵەتی داگیرکەری تورک هێرشی کردە سەر مەخمور و لە ناوچەی زینی وەرتێی سەر بە #قەندیل#یش دەستی بە ئۆپڕاسیۆنێکی ئاسمانی کرد. ئێمە شەهیدانی کەمپی مەخمور بە ڕێزەوە بە بیر دێنینەوە و ڕایدەگەیێنین کە بیرەوەریەکانیان لە کوردستانی دیمۆکراتیک و ئازاد دەهێڵینەوە.
جموجوڵی پارتی دیمۆکراتی کوردستان لە ناوچەی زینی وەرتێ سەرنجڕاکێشە
دەسەڵاتی ئاکەپە و مەهەپە بۆ ئەوەی لەم قۆناغە قەیراناویەی ڤایرۆسی کۆرۆنادا سیاسەتە میلیتاریستەکانی زیاد بکات، بە دوای پلانێکی دیکەی داگیرکاری و هێرشکردندایە. هێزی سەربازی پەدەکە خۆی لە زینی وەرتێ جێگیر دەکات و لە دەوروبەریشی سوپای داگیرکەری تورک ئۆپڕاسیۆنەکانی زیاد کردووە، ئەمە کارێکی بێمەبەست نیە.
لێدوانەکەی وەزارەتی پێشمەگە ڕاست نیە
#وەزارەتی پێشمەرگە# لەم بارەیەوە لێدوانێکی بڵاو کردەوە و تێیدا ڕایگەیاند، ئەو هێزەی نێردراوە بۆ ناوچەکە سەر بە ئەوانە. ڕایدەگەیێنێت، ناردنی فەوجێکی لیوای 7 ی پیادەی وەزارەتی پێشمەرگە، بۆ (زینی وەرتێ) ڕێکارێکی کاتی بوو، لەسەر داوای لیژنەی باڵای بەرەنگاربوونەوەی پەتای کۆرۆنا بووە. دەیانەوێت بڵێن، ئەو هێزە بۆ ڕێگریکردن لە بڵاوبوونەوەی ڤایرۆسی کۆرۆنا ڕەوانەی ناوچەکە کراوە. بەڵام بە داخەوە ئەم لێدوانە ڕاستیەکان دەشارێتەوە. چونکە ئاشکرا دەبێت بە ناردنی ئەو هێزە و جێگیرکردنیان لەو ناوچەیە، هەڕەشەیەکی دیکە بۆ سەر ژیان دروست دەبێت.چونکە بە ناردنی هێز، مەترسی دروستبوونی شەڕی نێوان پارتە سیاسیە کوردیەکان زیاد بووە و هاوکات ئەو ناوچانە بوردومان دەکرێن.
دەیانەوێت ڤایرۆسی کۆرۆنا وەکو دەرفەتێک بەکار بهێنن
دانیشتوانی ئەو ناوچانە لەم قۆناغی کۆرۆنایەدا نازانن و ناتوانن ڕووبکەنە کوێ و بەم هۆیەشەوە هەموویان لە دڵەڕاوکێدان. تەنها ئامانجیان ئەوە بوو کە لەم قۆناغەدا بە جێبەجێکردنی ئەم پلانە دەرفەتێک بەدەست بهێنن. لەم بارودۆخەدا دەوڵەتی تورک بە ڕێگای سەربازی ئەم هەنگاوە دەنێت و هێرش دەکاتە سەر مەخمور و ناوچەکانی دیکە. ئەگەر پارتی دیمۆکراتی کوردستان-پەدەکەش نەیەوێت ئەم قۆناغە وەکو دەرفەتێک بەکار بهێنێت، دەبێت چاو بەم هەنگاوانەیدا بخشێنێتەوە. ئەگەر قسەی وەزارەتی پێشمەرگە ڕاست بوایا، یەکێتی نشتیمانی ناڕەزایەتی دەرنەدەبڕی و ئەمە بە ڕەزامەندی هەردوولا ئەنجام دەدرا، بەڵام بارودۆخەکە بەم شێوەیە نیە. فەوجی لیوای 7 ی پیادەی وەزارەتی پێشمەرگە، لە هێزەکانی زێرەڤانی پێک دێت کە سەر بە پەدەکەیە.
پەدەکە هێز دەنێرێت بۆ ناوچەیەک کە لە ژێر کۆنترۆلی یەنەکە دایە...
هێچ هێمایەکی خێر نابینرێت لەوەی، پەدەکە بێت و لە ناوچەیەکی سەر بە یەنەکە جێگیر ببێت. بە جێگیربوونی ئەو هێزە لە ناوچەکانی قەندیل و زیادبوونی هێرشەکان بۆ سەر بزوتنەوەی ئازادی، ناردنی هێزی سەربازی دەوڵەتی تورک بۆ باشوری کوردستان زیادی کردووە. کاتیک ئەو هیزە دەربازی ناوچەکە بوون، چەکی قوڕسیشی لەگەڵدا نێردرا و فڕۆکە بێفڕۆکەوانەکانیش ئەوانیان پاراست.
هاوتا لەگەڵ هێزەکانی دەوڵەتی تورک ئەنجامدرا
ئەم هەنگاوانەی نران و جێبەجێ کران، لەگەڵ هێزی سەربازی دەوڵەتی تورک بە ڕێکوپێکی بەڕێوە چوو. دەبێت ڕای گشتی ئەمە بزانێت، ئەو هێزەی لەو ناوچەیە جێگیر کراوە، بۆ گرتنەبەری ڕێوشوێنی پێویست بۆ ڕووبەرووبوونەوەی ڤایرۆسی کۆرۆنا نیە. کارێکی نالۆژیکیە کە بە مەبەستی ڕووبەرووبوونەوەی ڤایرۆسی کۆرۆنا هێزێکی سەربازی بێت و لە گردێکی ستراتیجی جێگیر ببێت. بۆیە دەبێت ئەمە باش بزانرێت کە ئەم هەنگاوە بەرەو ئاقارێکی مەترسیدار دەڕوات و دەبێت لە دژی ئەم هەنگاوانە هەڵوێستی جدی پیشان بدرێت.
دەبێت هیچ بزوتنەوەیەکی سیاسی کوردی هەڵنەخەڵەتێت
ئەم شێوازە سیاسەتەمان بینیوە کە لە شەڕی ناوخۆی کورددا ئێش و ئازاری زۆری بەجێ هێشت. دوژمن، وڵاتەکەمان داگیر دەکات و لە دژی ئەو هێزەی تێدەکۆشێت بۆ ئازادی و دەیەوێت گەلەکەی لە داگیرکاری ڕزگار بکات، پلانی بۆ دادەڕێژێت و دەیەوێت لەناوی بەرێت. بۆ ئەوەی ئەم پلانەی جێبەجێ بکات، دەیەوێت پشتیوانی هێزی سیاسی کوردی بەدەست بهێنێت و ئەوانیش بکات بە پارچەیەک لەو پلانە قێزەوەنە. دەبێت هیچ بزوتنەوەیەکی سیاسی کوردی نەبیتە پارچەیەکی ئەم یاریە. هەر هێزێکی سیاسی کە بچێتە ناو ئەو یاریەوە، بە هۆی ئەو تاوانەی دژی مێژوو و گەلەکەمان، درەنگ یان زوو دادگایی دەکرێت. بە تێگەیشتن لەم ڕاستیە دەبێت مرۆڤ نەچێتە ناو ئەو یاریەی دوژمن و ڕێگا بە دوژمنانی کورد نەدات.
هێرشەکەی سەر مەخمور
مەخمور کەمپی پەنابەرانە. 12 هەزار خەڵکی مەدەنی تێیدا دەژین. بەو دەرفەتە کەمەی هەیانە لە دژی ڤایرۆسی کۆرۆنا تێدەکۆشن. لەگەڵ ئەوەش پارتێکی کوردی سیاسی بە ناوی پەدەکە، بۆ ماوەی 9 مانگە گەمارۆی سیاسی، مرۆیی، ئابوری، تەندروستی و لە سەر هەموو ئاستەکانی ژیان، خستووەتە سەر کەمپەکە. ئامانج لەو گەمارۆیە ئەوەیە کە سزای گەل بدات. ڕژێمە دەسەڵاتخوازەکان بۆ ئەوەی گەل بێدەنگ بکەن، برسیان دەهێڵنەوە. گەمارۆکەی دەستی پەدەکەش بۆ سەر مەخمور کە بە ڕقەوە بەردەوامە، هەمان ئامانجی لەپشتەوەیە. هاوکات دەوڵەتی تورکیش بە ئۆپڕاسیۆنە ئاسمانیەکانی، هەناسەی لە بەر کۆمەڵگا بڕیوە. لەم دوو بارودۆخەدا لێدانە لە هەردوو لایەنی گیانی و مادی گەل. دەوڵەتی تورک دوژمنە و ئەوەی دەیکات و دەیەوێت بیکات، لێی تێدەگەین، بەڵام پارتێکی سیاسی کوردی چۆن دەبێت بەو ڕق و قینەوە بەردەوامی بدات بە سیاسەتی گەمارۆدان. ئەمە دەهێڵینەوە بۆ ویژدان و ئەخڵاقی ڕای گشتی کورد.
دەبێت بە بێ دوودڵی هەڵوێستی جدی بنوێنن
گەل بە هەموو شێوەکانیەوە ڕووبەرووی مەرگ کراوەتەوە. بۆیە دەبێت باس لەوە نەکرێت کە ڤایرۆسی کۆرۆنا لە ئارادایە و ناتوانین بچینە دەرەوە و چالاکی ئەنجام بدەین. لە بارودۆخێکی وەها دا کە دوژمن کۆرۆنای کردووە بە دەرفەتێک و هێرش دەکات، دەبێت ئێمەش بە بێ دوودڵی هەڵوێستمان بنوێنین و لە خۆڕاگریدابین. چالاکیەکان هیچ سنوورێکیان نیە، مرۆڤ دەتوانێت خوڵقێنەر بێت. لەم قۆناغەدا زۆر گرنگە لە دژی ئەو هێرشانەی بەڕیوە دەبرێن و بەردەوامیشن، ڕای گشتی بە هەستیاریەوە لێی نزیک ببێتەوە. هاوکات دووپاتی دەکەینەوە کە دەبێت هێزە کوردستانیەکان خاوەنداری لە ڕۆحی یەکیتی نەتەوەی و پشتیوانی نشتیمانی بکەن و ئەرک و بەرپرسیاریەتیەکانیان جێبەجێ بکەن.
#16-04-2020#

کۆردیناسیۆنی کەژەکە لەبارەی گەمارۆی پەدەکە لەسەر کەمپی شەهید ڕۆستەم جوودی (#مەخموور#) ڕاگەیەنراوێکی بڵاوکردەوە.
کەژەکە دڵسۆزی دانیشتووانی کەمپەکەی بە بەهاکانیان وەبیرهێنایەوە و ڕایگەیاند، : وڵاتپارێزی لە کەمپی مەخموور، هەڵوێستی گەلی بۆتانە کە تەسلیم نابێت.
لە ڕاگەیەنراوەکەدا باسی ئەوەکراوە کە گەلی مەخموور بە هەڵوێستی سەربەرزی خۆیان، سەرچاوەی بەرخۆدانە و وتی، سالی 2014 لەدژی هێرشەکانی #داعش# لەسەر باشووری کوردستان، لە زۆر بەرەوە لە ڕیزەکانی پێشەوەدا بوون و بەرخۆدانیان کرد. خاکی باشووری کوردستانیان پاراست.
لە بەرانبەر ئەوەشدا لە تەموزی 2019 دا بە بیانووی چالاکی #هەولێر# کەلەدژی ئەندامی میت ئەنجامدرا، گەمارۆ لەسەر کەمپەکە دانرا. کەمپەکە گۆشەگیرکرا. هاتوچۆ بۆ هەولێر قەدەغەکرا. سیاسەتی گۆشەگیری و گەمارۆ کە پەدەکە لەسەر گەلی مەخموور دەسەپێنێت، ساڵێککە بەردەوامە. ئەم سیاسەتە لە ڕووی سیاسی، مرۆڤی، ویژدانی و ئەخلاقیەوە قبوڵ ناکرێت. نابێت کورد گەمارۆ و قەدەغە لەسەر کورد دابنێت. لە کاتێکی بەم شێوەیەدا کە دەوڵەتی تورک لە حەفتانین دەیەویت خاکی کورد داگیر بکات، لە باکووری کوردستان لەدژی گەکەلەمان سیاسەتی قڕکردن بەڕێوە دەبرێت، پێویستیمان بە یەکێتی نەتەوەیی هەیە. بۆیەش گەمارۆی سەر گەلەکەمان لە مەخموور قبوڵ ناکرێت. ئەوە لە هەمانکاتدا تاوانێکی گورەیە لەدژی مرۆڤایەتی. دانیشتووانی مەخموور زیاتر لە ساڵێکە بە شێوەیەکی نادادپەروەرانە و بە هەندیک بیانووە لەناو سیستمی سزاداندان. لە ڕووی کوردایەتی و مرۆڤایەتیەوە دۆخەکە قبوڵ ناکرێت.
مەخموور بەهۆی ئەوەی کەمپێکی پەنابەریە، لە ڕووی تەندروستی، کار، پەروەردە و زۆر بابەتی ترەوە پێویستە پەیوەندی بە هەولێرەوە هەبێت. لەم دواییانەش بەهۆی دۆخی ڤایرۆسی کۆرۆنا، بارودۆخی ژیانی تێدا قۆڕستر بووە. سەختی ئابۆری، نەبوونی خزمەتی تەندروستی وەک نەبوونی نەخۆشخانە و خزمەتگوزاریەکانی تر، دەبنە هۆی دەرکەوتنی دۆخێکی بکوژ.
'ژنان و منداڵان قوربانی سەرەکین'
کۆردیناسیۆنی کەژەکە ڕاشیگەیاند کە گەمارۆی پەدەکە کە لەسەر مەخموور دایناوە زیانێکی زۆر لە ژن و منداڵان و کەسانی پیر و پەککەوتە دەدات و وتی، بەهۆی گەمارۆکەوە کورپەلەی زۆر ژن لەبارچوون. ژمارەیەکی زۆر کەس کە نەخۆشی درێژخایەنیان هەیە، دەرمان نەکراون. بێکاری بەو هۆیەوە کاریگەری قوڕسی لەسەر ژن و منداڵان دروست کردووە. ئەو گەنجانەی لە هەولێر دەخوێنن، لە خوێندن بێبەشکراون. هەندێکیان بە ناچاری ماوەیەکی زۆر لە خانەوادەکانیان دابڕاون.
پەدەکە بە هاوکاری لەگەڵ دەوڵەتی تورک، گەورەترین هەڵە دەکات
دەوڵەتی تورک 15ی حوزەیران بە هێرشەکانی بۆسەر مەخموور و شەنگال دەستی بە هێرشێکی نوێی داگیرکەری کرد. هەڵوێست و ڕاگەیەنراوەکانی پەدەکە لە بەرنابەر هێرشەکان، بۆ گەلەکەمان ڕاگەیەنراوی نەرێنین. بەرپرسانی پەدەکە هەبوونی #پەکەکە# لە باشوور وەک بینوو بۆ هێرشەکان تورکیا لەقەڵەم دەدەن. تەڤگەری کوردی لە سەر خاکی خۆی وەک هێزێکی بیانیی دەبینێت، کراسێک بەبەر پێناسەی تیرۆری دەوڵەتی تورک دەکات و بەو شێوەیە سەر لە ڕای گشتی کورد دەشێوێنێت.
وەک زۆر جار ئاماژەمان پێکردووە هێرشەکان بە تەنها لدژی پەکەکە نین. ئیدی جیهان هەمووی ئەمە دەزانێت. ئەگەر لێکۆلینەوە لە میژووی عوسمانی – تورک بکرێت ئەوە بە باشی دەبینرێت. دەوڵەتی تورک بە عەقڵیەتی ئیتاحاد و تەرەقی چاوی بڕیوەتە ئەو خاکەی کە پێشتر عوسمانی داگیری کردبوو. تا دەتوانێت هەوڵی ئەوە دەدات. سەرەتا ناوچە کوردیەکان، هەروەها دەستدرێژی دەکاتە سەر هەرێمە عەرەبیەکانیش. هەروەها ئەگەر بتوانێت دەستدرێژی دەکاتە سەر خاکی ئێرانیش. بۆیەش ئۆپەڕاسیۆنی حەفتانین ل هەمانکاتدا لەدژی #زاخۆ# و #دهۆک#یشە. داگیرکەری سەربازی تورک کە لەسەر گردەکانی حەفتانین خۆیان جێگیر کردووە و بێگۆمان کەس بیانەوێت هەڕەشە لە گەلەکەمان لە زاخۆ و دهۆکیش دەکات. پێویستە دۆخەکە بە باشی ببینرێت. پەدەکە بە بێدەنگی خۆی، بە هاوکاری خۆی بۆ داگیرکەری تورک لەبەرانبەر گەلەکەمان گەورەترین هەڵە ئەنجام دەدات.
گەمارۆی سەر مەخموور لەسەر داوای تورکیایە
گەمارۆی سەر مەخموور لەسەر داوای دەوڵەتی تورک ئەنجام دەدرێت. لە دۆخێکی بەم شێوەیەدا ئایا پەدەکە چۆن دەتوانێت بڵێت کە بەرژەوەندی گەلی کورد دەپارێزێت؟ چۆن دەتوانێت ئەوە بە گەلەکەمان لە چوار پارچەی کوردستان ڕابگەیەنێت؟ چۆن دەتوانێت متمانە لەلای گەلی کورد دروست بکات کە لایەنگری یەکێتی نەتەوەییە؟
دواکاری بۆ بەهێزکردنی یەکێتی نەتەوەیی و وڵاتپارێزی، بە هەڵگرتنی گەمارۆی سەر مەخموور دەبێت و بە وەستانەوە لەدژی دەوڵەتی تورک لە حەفتانین دەبێت.
لەسەر ئەم بناغەیە، بەهۆی ئەوەی لەدژی سیاسەتی شەڕی تایبەتی دەوڵەتی تورک دەوەستنەوە و لە بەرانبەر هێرشی داگیرکەری بەرخۆدان دەکەن، پێشەنگایەتی بەرخۆدان دەکەن، بەرخۆدان و هەڵوێستی وڵاتپارێزی گەلەکەمان و دڵسۆزی ئەوان بە ڕێبەر ئاپۆ، سڵاوی خۆمان پێشکەش بە ژنان مەخموور دەکەین
کاتێک گەمارۆی سەر مەخموور لە ڕووی یەکێتی نەتەوەی، وڵاتپارێزی، مرۆڤی و ویژدانی و ئەخلاقیەوە شیبکرێتەوە، پێویستە پەدەکە گەمارۆکە هەڵبگرێت. ئێمە دووبارە داوا دەکەین گەمارۆی سەر مەخموور هەڵبگیرێت.
بانگەوازیمان بۆ پارتە سیاسیەکانی باشوور، پەرلەمانتارانی کوردستان، ژنانی کورد ئەوەیە کە بۆ هەڵگرتنی گەمارۆ و گۆشەگیری سەر گەلی مەخموور هەوڵ بدەن و تێبکۆشن.[1]

دەستەی بەڕێوەبەریی کۆمەڵەکانی ژنانی کوردستان (کەژەکە - KJK) ناڕەزایەتیی بەرامبەر بە کوشتنی جۆرج فلۆید لەلایەن پۆلیسی ئەمریکاوە نیشاندا و ڕایگەیاند، کوشتنی جۆرج فلۆید بەشێکە لە شەڕی دەوڵەت لە دژی کۆمەڵگە.
لە ڕاگەیاندراوەکەی کەژەکەدا هاتووە:
لە 25ی ئایاری 2020دا لە شاری مینیاپۆلیسی ئەمریکا دا هاووڵاتییەکی ئەفرۆ – ئەمریکی بە ناوی جۆرج فلۆید لەلایەن پۆلیسەوە کوژرا. ئێمە ئەو تاوانە نەژادپەرەستییەوە، کە لەلایەن دەوڵەتەوە ئەنجامدراوە ئیدانە دەکەین. بە داخەوە ئەوە نە یەکەم تاوانی سیاسییە و نە دوا تاوانیش دەبێت. لە 19ی شوباتی 2020دا لە شاری هاناو لە ئەڵمانیا 2 کورد و 8 کەسی تر لەلایەن فاشیستێکەوە کوژران. بەهۆی ئەوەی ئەوەی کوردن هەموو ڕۆژێک هێرش دەکرێتە سەر کوردان و دەکوژرێن.
دەبێت هێرشی لەو جۆرە وەک هێرشی تاکە کەس سەیر نەکرێن و شیکردنەوەیان بۆ نەکرێت، بەڵکو وەک هێرشی گۆڕەپانی سیاسی و کۆمەڵگە سەیر بکرێت و شیکاریی بۆ بکرێت. تاەوکو نەژادپەرستی و زایەندپەرەستی لە چوارچێوەی نەتەوە دەوڵەت و کاپیتالیزم دا شیکاریی بۆ نەکرێت، مرۆڤەکان ناتوانن لە دژی تێکۆشان و بەرەنگاری ئەنجام بدەن.
ئێمەی کورد هێرشی نەژداپەرەستیمان لەسەرە و بیر لە هۆکارەکانی نەژادپەرەستی و داگیرکەری دەکەینەوە. ئەم گەلە سەدان ساڵە بۆ ماف و ئازادیی خۆی تێدەکۆشێت و ئێمە بۆ تێکۆشانێکی ڕاست قوربانیی گەورە دەدەین و دەیشیدەین. ئەو گوشار و داگیرکەری و چەوساندنەوەیە نە شتێکی سروشتییە و نە چارەنووسیشە.
کوشتنی جۆرج فلۆید بەشێک لە شەڕی دەوڵەت لە دژی کۆمەڵگە. لەم ساڵانەی دوایدا دەوڵەتەکان ڕێوشوێنە ئەمنییەکانی خۆیان زیاتر دەکەن و بۆ ئەوەش هەڕەشەیەکی گەورەیان لەسەر ئۆپۆزسیۆن و ڕەخنەگرانیان دروستکردووە. بەپێی میدیاکانی ئەمریکا لە ساڵی ڕابردوودا 1099 کەس کوژراون. ئەمڕۆش لە هەموو گۆڕەپان و ئاست و جومگەکاندا هەژمونی و خۆسەپێنیی دەوڵەتەکان زۆرتر بووە.
کاتێک ئەو سیستمە داگیرکەر و چەوسێنەرە خۆی زیاتر دەسەپێنێت، ئەوا تێکۆشان و بەرخودانیش لە دژی زیاتر و بەهێزتر دەبێت. تێکۆشانی یەکگرتوانە لە دژی ئەو سیستمە، نەژادپەرەستی، کاپیتالیزم و نەتەوە دەوڵەت و زایەندپەرەستی و دروستکردنی سیستمێکی ئەڵتەرناتیڤ زۆر گرنگە. بە دروستکردنی سیتسمێکی دیموکراتیک، ئیکۆلۆژیک و ئازادیی ژنان دەپارێزرێت و لەو ڕێگەیەوە تۆڵەی هەموو شەهیدانی و گیانبەختکردوان دەسەنرێتەوە و ڕێگریش لە هەموو کوشتار و کۆمەڵکوژییە چاوەڕوانکراوەکان دەکرێت.[1]
#01-06-2020#

ئازادی ژنان بە بەرخۆدانی مسۆگەر دەبێت
بۆ ژنانی دونیا، خوشکان و هاوڕێیانمان:
لەو جوگرافیایەی هەزاران ساڵ پێش ئێستا کە بە پێشەنگایەتی ژن بە کۆمەڵگابوون هۆنرایەوە و تۆوی پێکەوە ژیان چێنرا، لە چیا بەرزەکانی کوردستانەوە بە ڕۆحی نەبەزی تێکۆشان و ئاواتی ئازادیمانەوە سڵاوتان لێدەکەین، بە خۆشەویستیەوە لە ئامێزتان دەگرین. هەموو ئەو ژنانەی لە هەر چوار لای جیهان لەبەرامبەر دەسەڵاتداری پیاوسالاری، پاکتاوکار، داگیرکەر، ڕوخێنەر و کۆیلەکار، دەنگیان بەرزدەکەنەوە، تێکۆشان دەکەن و بەرخۆدانی دەکەن لەناخەوە سڵاو دەکەین. لەکاتێکدا پێشوازی لە 8ی مارسێکی نوێ دەکەین، یادی هەموو ئەو ژنانەی کە بە درێژایی مێژووی زهنیەتی پێنج هەزار ساڵەی سیستەمی پیاوسالار بەرامبەر بە سیاسەتی چینگەرایی، ئەوەی کە ژن پەراوێزدەخات، نکۆڵیکار، چەوسێنەر، کۆیلایەتی و پاکتاو کردن دەنگی نەڕازییان بەرز کردوەتەوە و بۆ ئازادی و یەکسانی تێکۆشانیان کردووە پایەی سەرەکی تێکۆشانی ئەمڕۆمان بنیاد دەنێین. سەرەڕای هەوڵی بێ مێژوو کردن و بێ بەڵەک کردنی سیستەمی دەسەڵاتداری زۆر باش دەزانین ئێمە وەک ژنان خاوەنی کۆنترین، ڕیشەییترین و درێژترین ڕابردووی بەرخۆدانین. بەدرێژایی ئەم مێژووی بەرخۆدانە هەموو ئەو ژنە زانا و تێکۆشەرانەی لە بەرامبەر سیستەمی پیاوسالار، دەسەڵاتخواز، دوژمنی ژن بەرخۆدانیان کردووە بە قەرزاربارییەوە بیردێنینەوە. بە خۆشەویستی و تاسەوە بە دەیان هەزار میلیتان و پێشەنگی تێکۆشانی ئازادی ژنانی کورد لە کەسایەتی؛ ساکینە جانسز، زەکیە ئاڵکان، گوڵناز کاراتاش، زەینەب کناجی، سەما یوجە، ڤیان سۆران، شیرین عەلەمهولی، شیلان کوبانێ، ئارین میرکان و بە سەدانی تر بیردێنینەوە. لە ڕۆزا لوکسەمبورگ-ەوە تا کلارا زەتکین، لە هەیدا سەنتامیرا-وە تا کیتور ڕانی، لە شادیە ئەبو غەزال-ەوە تا نوانیەروا، لە ماری ژۆنس-ەوە تا دۆریا شەفیق، لە ماری بەیلەریان-ەوە تا لویسە میشێل هەموو ئەو ژنانەی مۆری خۆیان لە تێکۆشانی نێونەتەوەیی ژنان داوە بیر دێنینەوە. بەتایبەت ژنانی کرێکار کە بە تێکۆشانی یەکسانی و کرێکارییان ڕۆڵیان بینی لە ڕاگەیاندنی 8ی مارس دا و لەم پێناوەدا قوربانیاندا بیردەهێنینەوە و هەموو ڕێبوارانی ڕێگاکەیان سڵاو دەکەین. بیرەوەری ئەوان مەشخەڵی ڕوناککەرەوەی ڕێگامانە و بۆ پارچەکردنی تاریکییە سەپێنراوەکان، لە عەقڵماندا ڕوناکی، لە دڵماندا بۆتە ئاگر.
ژنانی خۆشەویست:
ئێمە لە ساتەوەختێکداین کە لە هەر کاتێک زیاتر دوالیزمی نێوان ڕوناکی و تاریکی، جوانی و ناشیرینی، دادوەری و ناهەقی، ئازادی و کۆیلەیی خۆی بەسەر ژن دا دەسەپێنێت و ژنانیش لە هەرکات زیاتر لە بەرامبەر ئەمە پێداگری لەسەر تێکۆشانی ئازادی دەکەن. لەگەڵ ئەمەدا هیچ سەدەیەک وەک سەدەی 21 بۆ ئازادی ژن گونجاو نەبووە. لەم واتایەدا لە قۆناخێکداین کە پێکهاتە و کەشی شۆڕشی ژن تێیدا زۆر بەهێزە. ئەگەرچی سیستەمی پیاوسالاری بۆ پەردەپۆشکردنی ئەم ڕاستیە هەموو یاریەکانی خستبێتە گەڕ و لە هێرشیشدا بێت، ئێمە وەک ژنان لە زانستی ئەم هەقیقەتەداین و دەبێت بە زانابوونی ئەو ساتەی تێیداین باوەش بە ژیان و تێکۆشاندا بکەین. چونکە لە پاڵ ئیمکانی گەورەکردنی دەستکەوتەکانماندا، زهینیەت و دەسەڵاتی پیاوسالاری بۆ ئاستەنگکردنی ئێمە، لە هەموو شوێنێک هێرشەکانی چڕ کردۆتەوە.
سیستەمی دژە کۆمەڵگای پێنج هەزارساڵەی پیاوسالاری هەمیشە بە گەورەکردن و زیادکردنی پاکتاوکارییەکانی بەردەوامی بە هەبوونی خۆی دەدات. چونکە پشت بە بەرژەوەندی کار دەبەستێت. ئەو شەڕانەی لە دونیادا بەڕێوەدەبرێن ڕاستەوخۆ پەیوەندیان بەم ڕاستیەوە هەیە. ئامانجی سەرەکی جەنگی بەشکردنی سێهەم کە لە سەدەی 21 دا و بە دەستێوەردانی ئەفغانستان و ئێراق دەستی پێکرد و لە ڕۆژی ئەمڕۆماندا لە سوریا، ئێراق و کورستان لە قوڵبونەوەدایە، ئەنجامدانی دیزاینێکی نوێیە بۆ جوگرافیای ڕۆژهەڵاتی ناوەڕاست لە چوارچێوەی بەرژەوەندی هێزە هەگۆمۆنیەکاندا. لە هەمانکاتدا ئەو شەڕە چەکداریانەی لە کیشوەری ئەفریقا بەردەوامن پەیوەندیان بە چاوسوری بەرژەوەندی کاری مۆدێرنیتە و ئیمپریالیزمەوە هەیە. ئەم شەڕانە تەنها هۆکاری ماڵوێرانی جەنگەکان نین، لە هەمان کاتدا سروشت تاڵان دەکات و لەناوی دەبات. لەناوچونی دارستانە هەزار ساڵەییەکانمان لە ئەمریکای لاتین و ڕۆژئاوای ئاسیا، هەروەها لە کاتێکدا هەڕەشەی وشکە ساڵی هەیە زەهراوی کردنی ڕوبارەکانمان، بە ڕێگای پەروانەی بایی دانراوی گردی گوندەکانمان بە مەتاکردنی تەنانەت هەواکەمان و تاڵانکردنی، تەنها لایەنێکی ئەم ئەکۆ - کۆکوژیەیە لە پێناوی چاوسوری قازانجی کار. بێ هەناسەمان دەکەن. دابونەریتی هەزارساڵەمان، ناسنامەی کلتوریمان، سیستەمی بە کۆمەڵگاییمان لەناودەبردرێت. چونکە زۆر باش دەزانن ئەوەی بەڵەکی نەبێت داهاتویشی نابێت. دەیانەوێت ئێمە بەم جۆرە تەسلیم بگرن. ئەوانەیشی کە پێیان تەسلیم ناگیرێت دەیکوژن. لە ڕۆژی ئەمڕۆماندا توندوتیژی پیاوان لە هەموو شەڕ و نەخۆشیەک زیاتر گیان لە ژنان دەستێنێت.
بەڵام لەگەڵ ئەمەدا لە ڕۆژی ئەمڕۆماندا بەقەد ئەوەی لە هیچ سەردەمێکدا ڕوینەداوە ژنان لە ڕیزەکانی بەرخۆداندان. بەقەد ئەوەی لە هیچ کاتێکی تردا نەبینراوە ژنان لە پێناوی ئازادی، ئیرادە، یەکسانی تێکۆشان دەکەن. بەقەد ئەوەی قەت ڕوینەداوە ژنان بە دەنگێکی بەرز لە بەرامبەر پاکتاوکاریەکانی سیستەمی پیاوسالاری دەڵێن نا. ژنان لە بەرامبەر هەموو جۆرە ستەم، تاڵان، کۆکوژی، داگیرکاری دەنگیان بەرز دەکەنەوە. دەڵێن ئیتر بەسە. ژنان دژایەتی دەکەن. ژنان هەماهەنگی دەکەن، یەکدەگرن. ژنان تێکۆشان دەکەن و خۆیان بە ڕێکخستن دەکەن. ژنان بەرخۆدانی دەکەن، بە ملیۆنان لەسەر پێن. بە ملیۆنان لە مەیدان، چیا، کۆڵان و دەشتەکاندان. بە ملیۆنان خاوەن بڕیارن و هەنگاو بەرەوە دواوە نانێن. دەڵێن چی دەبێت با ببێت، ئێمە ئازادی بەدەست دەهێنینەوە، ئەم سیستەمی پاکتاوکاریە کۆتایی پێ دەهێنین، هەموو زنجیرەکان دەشکێنین و مل کەچ ناکەین. وەک تەڤگەری ئازادی ژنانی کورد لە بەرامبەر سیستەمی دەسەڵاتداری پیاوسالاری و دەسەڵاتەکەی تێکۆشانی هەموو ژنان لە ناخەوە و بە جۆشی شۆڕشگێڕی سڵاو دەکەین.
حاشا هەڵنەگرە وەک چۆن بەرخۆدانی ئێوە هێز و ئیلهامە بۆ ئەو تێکۆشانی ئازادیەی ئێمە لە کورستان لە بەرامبەر دەسەڵاتی پیاوسالاری و بێ ئامانی فاشیزم گەورەمان کردووە، دەنگی ئازادی هەر ژنێک لە هەر شوێنێکی دونیا لە چیا و دۆڵەکانی کوردستاندا دەنگ دەداتەوە. تا دەنگدانەوەی دەنگەکانمان لە دژی دەسەڵاتی پیاوسالاری بەرزبێتەوە سیستەمی نێرسالاریش زیاتر دەلەرزێت. ئەو زەمینە پێنج هەزار ساڵییەی لەسەری ڕادەوەستێت زیاتر هەڵدەوەشێت. هەتا درزەکانی قوڵ ببێتەوە ترسی لەناوچونی لە خۆی گەورەتر دەبێت. چونکە تێکۆشانی ئێمە لەگەڵ هەر ڕۆژێکدا کە تێدەپەڕێت زیاتر گەورە دەبێت، زیاتر دەبێتە خاوەنی هێز، زیاتر بە کاریگەر دەبێت. با سیستەمی پیاوسالاری بترسێت، چونکە ئێمە داهاتوی ئازادیمان لە ئێستاوە بنیاد دەنێین. لە هەموو شوێنێک، لەو جێگایەی خۆر لێی دەدات، لەسەر هەر بستە زەمینێک کە ڕوناکی مانگ ڕوناکی دەکاتەوە داهاتووی ژیانی ئازاد بنیاد دەنێین.
هاوڕێیانی ئازیز
لە هەر چوار لای دونیا تێکۆشانی گەلێک بەڕیوە دەبەین کە ئەنجامی گرنگ دەستەبەر دەکات، دەبێتە هۆی گەورەبوونی زانستی ڕەگەزی لای ژنان، هێز دەخاتە ناو هێزمان و مۆراڵ دەدات بە هەموومان.
ئەو هەڵمەتەی (Ni una menos) بە دروشمی ژنێکی تر کەم ناکەین لە دژی کۆ کوژی ژنان لە ئەمریکای لاتین دەستی پێ کردووە سڵاو دەکەین. کوشتنی ژنان ڕوداوی کەسی نین و سەرچاوەی خۆی لە ڕەگەزپەرستی کۆمەڵایەتی و دوژمنایەتی کردنی ژنەوە دەگرێت. هەر بۆیە لەو باوەڕەداین بۆ پێشگرتن لە کۆ کوژی ژنان، بەڕێوەبردنی تێکۆشانێکی بە کاریگەر لە بەرامیەر زهنیەتی پیاوسالاری مەرجە. پێشگیریە یاساییەکان سەرەڕای هەبوونی گرنگی خۆیان بەڵام کاتێک دەبنە پارچەیەک لە تێکۆشانێکی هەمە لایەنە دەتوانێت ڕۆڵ بگێڕێت.
لە دڵەوە سڵاو خۆشەویستی بۆ خوشکانی کڵاو سەوزی ئەرجەنتین دەنێرین. ژن یەکەمین داگیرکراوە لە مێژوو دا. بەم هۆیەوە سنوری دەستبۆنەبرانی، سەربەخۆیی و پاراستنی ئیرادەی خۆی لەسەر جەستەی خۆی یەکێکە لە گۆڕەپانەکانی تێکۆشان. کاتێکی مافی کورتاژ کە سروشتی ترین مافی ژنە دەپارێزین، هەمەلایەنە بەڕێوەبردنی ئەم تێکۆشانە و بۆ گەرەنتی کردنی مافە یاساییەکانی، شەڕکردنمان لەگەڵ زهنیەتی پیاوسالاری گرنگیەکی حاشاهەڵنەگرە.
هاوڕێیانی زاپاتیستیمان کە هەم لە دارستانەکانی چیاپاس لە بەرامبەر دەوڵەتی مەکسیکا و لە دژی سیستەمی گڵۆباڵی کاپیتالیزم بەرخۆدانی دەکەن و لە هەمان کاتیشدا سیستەمی کۆمیناڵی خۆسەر بنیاد دەنێن ئەم ساڵ بە هۆی هێرشی دژوارەوە نەیانتوانی دووەمین پێگەیشتنی ژنانی تێکۆشەر ڕێکبخەن. دەمانەوەێت پێیان بڵێین: هەڤاڵان، بزانن ئەو ئاگرەی ئێوە هەڵتان کردووە لە کوردستانیش کڵپە دەدات. هەروەک ئەو ئاگرەی کە ئێمە هەڵمان کردووە و دڵی ئێوە گەرم دەکاتەوە. لە زاگرۆسەوە تا سیرا مادرا، لە فراتەوە تا ڕوباری ئسوماکینتا تێکۆشانمان یەکە، بەرخۆدانمان یەکە و گەلانمان خوشک و بران. لە بەرخۆدانتان لە بەرامبەر لەشکری داگیرکەر پشگیرتانین، پڕاوپڕ باوەڕمان بە سەرکەوتنتان هەیە لەم بەرخۆدانەدا. ئێوە بە خۆشەویستیەوە سڵاو دەکەین و هاوڕێیانە و خوشکانە لە ئامێزتان دەگرین.
بەڕێزەوە تاک بە تاکی نەترسانی بەرزکەرەوەی بەرخۆدێرانی دەماڤێند تا هیدوکوش، غەزا هەتا مەیدانی تەحریر بە خۆشەویستیەوە سڵاو دەکەین. ڕایدەگەیەنین هاودەنگی ژنانی ئێرانین کە 40 ساڵە لە دژی بێ ئامانترین و لەڕوترین زهنیەتی پیاوسالاری بێ ئەوەی تەسلیم ببن بەرخۆدانی دەکەن و سەرەڕای هەموو هەڕەشە و هێرشەکان ئازادی بەرنادەن و لە تێکۆشاندان. لەپاڵ ژنە نەترسەکانی ئەفغانستانداین کە لە دژی دەستێوەردانەکانی ئیمپریالیزم و هاوکارە چەتەکانی دەنگی خۆیان بەرز دەکەنەوە و لە دژی ئەو زهنیەتە دوا کەوتووەی ژنان وەک سۆبژە نیشان دەدات بەرخۆدانی ڕادیکاڵ ڕێکخستن دەکەن. پشتیوانی هاوڕێیانی فەڵەستینیمان دەکەین کە لە دژی داگیرکاری شانیاندایە ژێر تێکۆشانی ئازادکردنی خاکەکەیان و نیشانیان دا ئەگەر ئاشتیەکیش هەبێت دەبێت بە شەرەف و دادوەرانەبێت. سڵاوی شۆڕشگێڕی خۆمان بۆ ژنانی عەرەب، سوریانی و ئێزیدی دەنێرین کە پێشەنگایەتی بەرخۆدانی دژی داعش یان کرد و بە هەموو ژنانی جیهانیان نیشاندا کە پاراستنی جەوهەری بۆ هاوڕەگەزەکانیان چەندە مەرجێکی هەنووکەییە. لە ڕۆژهەڵاتی ناوەڕاستدا دووەم شۆڕشی ژنان هەقیقەتێکە و ئێمە هەموومان یەکێکین لە پارچە پیرۆزەکانی ئەم هەقیقەتە. هەموومان پێکەوە ئەم تاریکاییە سەپێنراوە دەگلێنین و ئەم خاکە دەهێنینەوە ئاستی نیشتیمان بوونی دایکە خوداوەندەکان. دەنگی شۆڕشی ژنان لە ئێستاوە بەرز دەبێتەوە، لە ڕۆژئاواوە بۆ هەموو ڕۆژهەڵاتی ناوین بڵاو دەبێتەوە. لەم ڕۆژانەدا کە داعش بە پێشەنگایتی ژنان ڕوخێنرا جارێکیتر دەمانەوێت سەرنج ڕابکێشینە سەر ئەو بەرخۆدانەی لە عەفرین لە بەرامبەر لەشکری داگیرکەری تورکیا بەردەوامە. بۆ ئێمە عەفرین شارێکی ژنانە و ئەو شارە هەرگیز بۆ چەتەکانی دوژمنی ژن چۆڵ ناکەین. وەک چۆن لە 8ی مارسی ساڵی پێشودا وتمان ژنی عەفرین شۆڕش دەپارێزێت ئەم ساڵیش بانگ لە هەموو ژنانی خوشکمان دەکەین لە جیهان بۆ ئازادی عەفرین لە دژی داگیرکاری تورکیا دەنگی خۆیان بەرزکەنەوە. بەڵێن دەدەین تا کۆتا ژن و منداڵێک کە لەلایەن داعشەوە دەستگیر کراون ڕزگار نەکرێن تێکۆشانی خۆمان بەردەوام دەکەین، بەردەوام دەبین لە خواستنی حسابی ئەو تاوانەی لە بەرامبەر ژنانی شەنگال کە ویژدانی سەردەمەکەمانن ئەنجام دران. بەهێزکردنی سیستەمەکانی خۆسەری دیموکراتی و پاراستنی جەوهەری بە پێشەنگایەتی ژن بەهێزترین وەڵامە لە بەرامبەر فەرمان و تاقە ڕێگای ئاستەنگکردنی فەرمانە بێ ئامانەکانە لە داهاتودا.
لەبەر بەرپاکردنی تێکۆشانی ئازادی ئەو بە هەزاران یان بە سەدان هەزار ژنەی لە زیندانەکاندا بەند کراون، ئەو بەرخۆدانەی گیراوانی سیاسی لە نێوان چوار دیواردا گەیەندویانەتە بڵندگۆ سڵاو دەکەین. ئێوە سەرەڕای هەموو ئەشکەنجە پسکۆلۆژی-جەستەیی، سزا و گۆشەگیریەکان ئەو پێشەنگانەن کە تەسلیمبونتان قبوڵ نەکردووە و زیندانتان کردووە بە گۆڕەپانێکی بەرخۆدان. لەوە دڵنیابن کە دیوارەکانی نێوانمان چەندە بەرز و ئەستوریش بن هیچکات ناتوانن ئێمە لە یەک جیا بکەنەوە. بەم هۆیەوە بەتایبەت بۆ گیراوانی سیاسی ژن لە زیندانەکانی تورکیا کە لە دژی گۆشەگیری دەستیان بە مانگرتن کردووە سڵاوی تایبەت دەنێرین و بانگ لە هەموو ژنانی دونیا دەکەین ببنە دەنگی هاوڕێیانی زیندانیان و خاوەنداری لە چالاکیەکەیان بکەن.
لەم چەند ساڵەی دوایی دا ئەو مانگرتنانەی ژنان کە لە چەند وڵاتێک دەستی پێکراوە، لە 8ی مارسی ئەم ساڵدا بە جوگرافیایەکی زۆر بەرفراوانتر دا بڵاو دەبێتەوە. بەتایبەت لەم ساڵدا هەموو ئەو ژنانەی لە زۆر شاری جیاوازەوە بەشداری مانگرتنەکانی ئەڵمانیا دەکەن لە دڵەوە سڵاو دەکەین و لە ئامێزیان دەگرین. دەبێت بزانرێت ئێمە وەک ژنان هێزی ڕاوەستاندنی ژیانمان هەیە. بەس گەر بە ڕێکخستن کراو بین. چاوەڕوانی هەموو هەڤاڵانی ژن لە مانگرتنی ئەمساڵی 8ی مارسی ژنان بە تایبەت لە ئەڵمانیا لە نێوان هەموو گروپە جیاوازەکاندا لە هەموو لایەک بنیادنانی تۆڕی هاوبەش و ڕێکەوتنی هەمیشەیین. سنور نەداربوون بە ڕۆژێکی ڕۆژ ژمێرەوە، بە هەمیشەیی کردنی یەکێتیەکەمان و لەسەر ئەم بنەمایەش هاوبەشکردنی تێکۆشانەکانمان پێویستی و ئامانجێکی سەرەکییە کە چەرخەکەمان کردویەتیە ناچاریەک.
ئەو ژنانەی لە ئەمریکا بە کەمپینی (MeToo) بە دروشمی کاتی پڕبۆوە کە ڕەگەزپەرستی کۆمەڵایەتی ئاشکرا دەکات لە زۆرێک لە گۆڕەپانەکانی ژیان دا و کلتوری دەستدرێژ و لاقەکردنی سەر ژنان تاشیر دەکەن، هەروەها ڕێپێوەرانی واشنگتۆنی ژنان لە دژی دوژمنی ژنان ترومپ و ڕاگەیاندنی قبوڵ نەکردنی نوێنەرایەتی تروپ سڵاو دەکەین. هەروەها ژنانی بەرخۆدێری ڕەشپێست کە لە دژی جیاکاری، نەتەوەپەرستی، توندوتیژی دەوڵەت تێکۆشان دەکەن لە ئامێز دەگرین. هەموو ئاواتمان مەزنترکردنی میراسی 200 ساڵەتانە بە گەورەکردنی هەڵوێستەکانتان بە وەرچەرخاندنە سەر ڕێکخستکردنێکی بەهێز.
ژنانی خۆشەویست:
وەک ئەوەی زۆربەتان دەزانن وەک گەل و تەڤگەریش لە دژی فاشیزمی تورکیا لە ناو بەرخۆدانێکی گەورەداین. پێشەنگایەتی هەڵمەتی ئەو بەرخۆدانیە لە ژێر دروشمی گۆشەگیری بشکێنین، فاشیزم بڕوخێنین تا ئازادی ڕێبەر ئاپۆ ببینین ژنان بەڕێوەی دەبەن. هاوڕێمان و هاوسەرۆکی کۆنگرەی جڤاکی دیموکراتی و پەرلەمانتاری هەدەپە لەیلا گوڤەن لە7.11.2018وە لە ناو زینداندا دەستی بە مانگرتنی لەخواردن کرد بەشێوەیەکی بێ سنور. لە ناو سەدان کوردی هاو ڕێگای لەیلا گوڤەندا کە لە مانگرتنی بێ سنوردان بە دەیان مانگرتوی زیندانیکراوی ژن هەن. تاقە داخوازی مانگرتنەکان، کۆتایی هێنانە بە گۆشەگیری سەر ڕێبەرمان عەبدوڵڵا ئۆجەلان کە 20 ساڵە لە زیندانی دورگەی ئیمڕاڵی زیندانی کراوە. ڕێبەرمان عەبدوڵا ئۆجالان بەشێوەیەکی چەتەگەری بە ئۆپەراسیۆنێکی تایبەتی ناتۆ لە 15ی شوباتی سالێ 1999 دا لە وڵاتی کینیا فڕێنرا و تەسلیمی دەوڵەتی تورکیا کرا، لە تەموزی ساڵی 2011ەوە ڕێگا بە چاوپێکەوتنی لەگەڵ پارێزەرانی نادرێت کە سروشتی ترین مافەکانیەتی. لە بەرامبەری تاقە مافێکی یاسایش جێبەجێ ناکرێت. بە تەنها لە حوجرەیەکدا دەستگیر کراوە. لەو دورگەیەی تێیدا دەستگیر کراوە یاسای تایبەتی کەسی لەسەر جێبەجێ دەکرێت. دەوڵەتی تورک یاساکانی خۆی پێکناهێنێت و سیستەمێک جێبەجێ دەکات کە مافەکانی مرۆڤی نێودەوڵەتی تێیدا نیە. لە کۆمیتەی پێشگرتن لە ئەشکەنجەی نەتەوە یەکگرتووەکانەوە (سی پی تی) تا هەموو ئەو دامودەزگایانەی لەم بارەیەوە پەیوەندیدارن، بە بێدەنگ بونیان پشتگیری لەم سیستەمی ئەشکەنجە و گۆشەگیرییە دەکەن.
عەبدوڵا ئۆجالان وەک هەر گیراوێکی سیاسی نیە. ڕێبەری گەلێکە کە ناوەکەیشی قەدەغەکراوە. لە سالێ 1970 بەو گروپە خوێندکار و گەنجانەی پێشەنگایەتی بۆ دەکردن پارتی کرێکارانی کوردستانی دامەزراند و ئەمڕۆ بنیادنەری تەڤگەری بە ملیۆنان جوڵانەوەی جەماوەرییە. ئەو ڕاستینە سیاسی، ئایدۆلۆژی، پاراستن و بەڕێکخستنبوونی کۆمەڵایەتیەی ژنانی کورد کە ئەمڕۆ بۆ هەموو دونیا بۆتە ئیلهام و حەیرانی، ڕاستەوخۆ ئەنجامی ڕەنجی ڕێبەر ئۆجالانە. ئەو پارێزنامانەی لە زینداندا نوسیونی ئەمڕۆ لە سەرتاسەری جیهاندا هەموو تەڤگەرە دژە سیستەمەکان، گەلانی ناوچەکە، ڕێکخستنەکانی ژنان، پارتە چەپ و سۆسیالیستەکان و هتد... بە هەیەجانەوە لێکۆڵینەوەیان لەسەر دەکرێت، چەمک و تیۆریەکانی فەلسەفەی ئازادی و دیموکراسیەکەی بە نمونە دەگیرێت. ئەوەی لە کەسایەتی ڕێبەرەکەمان عەبدوڵڵا ئۆجالان دا گۆشەگیر دەکرێت، چارەسەری دیموکراتی کێشەی کوردە، هیوای ئاشتییە، پێکەوە ژیانی گەلانە، ئازادی ژنانە. بە هۆی ئەوەی ڕێبەرمان عەبدوڵا ئۆجالان لە ژێر گۆشەگیریدایە فاشیزمی دەوڵەتی تورکیا هەر دەچیت هەڵدەکشێت، شەڕ و پێکدادانەکان قوڵتر دەبنەوە، نەتەوە پەرستی وەحشیگەر دەبێت. ئەوەیشی بە ڕێژەیەکی زۆر لە فاشیزم، نەتەوەپەرستی، دوژمنایەتی کۆمەڵایەتی، شەڕ و پێکدادانەکان، قەیرانە ئابوریەکان کاریگەر دەبێت ژنانن.
لە کەسایەتی عەبدوڵڵا ئۆجالاندا کە بەڕادەیەک لە ڕێبەری هیچ شۆڕشێکدا بەرجەستە نەبووە شیکاری بۆ پیاوێتی کردووە و ئازادی ژنی کردۆتە ناوەندی شۆڕشی کۆمەڵایەتی، ئەوەی لە ژێر گۆشەگیریدایە ئێمەین. هەرە زێدە ئێمە ژنانین. بەم هۆیەوە دەڵێین ئازادی عەبدوڵا ئۆجالان ئازادی ئێمەیە. بەم هۆیەوە لە چالاکیداین، بەم هۆیەوە ڕۆڵی پێشەنگایەتی بەرخۆدان دەگرینە سەر شانی خۆمان. چونکەە ئەگەر ئەو ئازاد ببێت ئێمەش ئازاد دەبین. ئەگەر ئێمە بەرخۆدان فراوان بکەین گۆشەگیری کۆتایی دێت، فاشیزم بندەکەوێت، کوردستان ئازاد دەبێت. چاوەڕوانیشمان لە ئێوە، لەم تێکۆشانەماندا لەپاڵ ئێمەدا بونتانە، هاوکاربونتانە، هاودەنگ بونتانە، لەگەڵ ئێمەدا لە بەرامبەر فاشیزمی دەوڵەتی تورک بەرخۆدانتانە.
ئەمڕۆ پێویستە بۆ ڕاوەستاندنی ئەو فاشیزمەی ڕژێمی ئەردۆغان نوێنەرایەتی دەکات یەک بگرین. چونکە فاشیزم لە هەرکەس زێدەتر هێرشی ژنان دەکات و دەستەکەوتەکانی زەوت دەکات، ڕۆڵی کلاسیکی بەسەردا دەسەپێنێت. وەک چۆن ئەمە لە تورکیا دەبینین، لە بەرازیلیا، بەرشەلۆنا، فلیپین، دوتەرتە، لە وڵاتی ڕوسیا لە پوتین دا و لە ئەمریکا لە کەسایەتی ترومپ دا دەتوانین بیبینین. تایبەتمەندی سەرەکی فاشیزم دوژمنکاری ژنانە. ئێمە وەک تەڤگەری ئازادی ژنانی کورد دەڵێین، لە دژی ئەو دەسەڵاتە پۆپیلیستە فاشیستەی هەڕەشەیە لەسەر ژیانمان، با تێکۆشانەکانمان هاوبەش بکەین. لە دژی فاشیزم کات کاتی هۆنینەوەی قەڵغانی بەرخۆدانی ژنانە. کات کاتی دەست یەک کردن، یەکگرتن و بەمەش ڕێگەنەدانی فاشیزمە. دەتوانین ئەمە بکەین. بەم ڕۆحی بەرخۆدانە بەرخۆدانی ژنانی کورد و تورکیا لە بەرامبەر فاشیزم گەر بە تێکۆشانی هاوبەش بگاتە بڵندگۆ بە دڵنیاییەوە فاشیزمی ئاکەپە و مەهەپە دەڕوخێنێت. وەک ئەوەی خوشکانی تورکیامان دەڵێن ئێمە پیکەوە بەهێزین، چۆک دانادەین و ڕێگا بە فاشیزم نادەین.
هاوڕێیان:
لە هەموو شوێنێک شاهیدی بۆ دروستبوونی زانستی ژن، ناڕازی بوون و بەرزبوونەوەی چالاکیەکانی ژنان دەدەین. ژنان لە بەرامبەر کلتوری دەستدرێژی، جیاکاری، پاکتاوکاری، داگیرکاری، کۆمەڵکوژی و توندوتیژی ڕادەوەستن، شەرمەزاریان دەکەن و بەرخۆدانی دەکەن. ژنان داواکاریەکانیان بەرز دەکەنەوە، داخوازی چۆنیەتی ئەو ژیانەی دەیانەوێت بیکەن بە دەنگی بەرز دەهێننە زمان. گەشتوینەتە ئاستێکی زۆر جددی هەڵمەتبردن. لە کاتێکی کورت دا خاوەنی هێزی ڕژاندنە سەر شەقامی بە سەدان هەزار و ملیۆنانین. ژمارەمان تا دەچێت بەرزتر دەبێتەوە. هەر ڕۆژێک تێدەپەڕێت زیاتر گەورە دەبین. ڕەنگاوڕەنگین، دینامیکین، بە بڕیارین، خاوەن ئیدیعاین، بەهێزین.
ئەوەی ئێستا گرنگە، بە زیاتر بەڕیکخستن کردنی تێکۆشانەکەمان هیزی گۆڕانکاری خستنە مەیدانە. دەبێت باش بزانرێت کە یەکەم پێوانەی تێکۆشانی ئازادی ژن، خۆ بەڕیکخستن کردنە. تا ڕێکخستن نەبێت ئازادی ئەگەری نیە. لەگەڵ ئەمە دا پێوستە چالاکی شەرمەزارکردنەکان بکەینە ڕێکخستنبوونی هەمیشەیی. کەش و هەڵوێستی ژنان لە چارەکی یەکەمی سەدەی 21 دا تەنها کاردانەوە نا بەڵکو بووە ڕێخۆشکەر بۆ تێکۆشانی بنیادنانی ژیانی ئازاد. واتا ئیدی پێویستە تێکۆشانەکەمان هەنگاوێکی تر بەرەوە سەرەوە بەرین. دەبێت ناڕەزاییەکانمان بەڕێکخستن بکەین و لە دژی سیستەمی دەسەڵاتداری پیاوسالاری ئانتی دیموکراتی و دیکتاتۆری بەرفراوانتر و گشتگیرتر تێکۆشان بکەین. چونکە ئەگەر تێکۆشانمان پارچەبێت و گشتگیر نەکرێت لە ئاستی پێویست دا نابینە هێزی گۆڕانکاری. لە کاتێکدا کات کاتی وەرچەرخانی سەدەی 21 م بۆ زەمانی ئازادی ژنە. کەشی ئەم ڕاستیە لە هەموو کاتێک گونجاوترە. وەک تەڤگەری ئازادی ژنانی کورد، بۆ هاوبەشکردنی تێکۆشانی ژنانی سەرتاسەری جیهان پێشنیارەکەمان وەک کۆنفیدرالیزمی جیهانی ژنان بەناو دەکەین. کۆنفیدرالیزمی جیهانی ژنان بێ ئەوەی وەک یەکمان بکات، هاوبەشبوون بە پاراستنی خۆسەریەکان، پێشخستنی یەکێتی تێکۆشانی ژنانی دونیا دەکاتە ئامانج. وەک ڕێکخستن و تەڤگەرەکانی ژنان بە تێپەڕاندنی پارچەیی و دابڕانەکانی نێوانمان و پێشخستنی هەڵوێستی هاوبەش، دەبێت بتوانین ستراتیژی و تاکتیکی تێکۆشانی هاوبەش دابنێین، لە چالاکیدا هاو هەڵوێست بین و میکانیزمای هاوبەش بنیاد ببێین. بۆ ئەمەش پێویستیمان بە گفتوگۆی هاوبەشە بۆ دیاریکردنی بڕیار، چەمکی ڕێکخستن و مەبدەئی هاوبەش. وەک تەڤگەر ڕێکەوتنی کۆمەڵاتیی کە ساڵی 2012 ڕامانگەیاندبوو و ئێستا لە ناو پلانی کارماندایە لە کاتێکی نزیکدا لەگەڵ ئێوە تاوتوێی دەکەین و لەو باوەڕەداین چوارچێوەیەکی بنەڕەتیمان بۆ کاری هاوبەش پیشان بدات.
ژنانی بەرخۆدێر:
ڕۆحی ئەو زەمانەی تێیداین فەرمانی بڵندکردنی تێکۆشانی ئازادیمان پێ دەدات. سەد ساڵەکەمان سەرەڕای ئەوەی ئەگەری وەرچەرخینە سەد ساڵی ئازادی ژنمان پێ دەدات لە هەمان کاتدا ناچاریەکە دەبێت پێکی بهێنین. وەرن بۆ ئەمە با پێکەوە بین. وەک ژن لە هەموو دنیا هەستینە سەر پێ. ئێمە دەڵێین بەرخۆدانی ژن ئازادی دێنێت. ئەگەر وایە با لە دەوری ئاگری ئازادی بگەینە یەک، دەست بخەینە دەستی یەک و چۆپی هەڵپەرکێی ئازادی بگرین، کڵپە بدەینە ئاگری شۆڕش. هەموو ڕۆژێک بکەینە 8ی مارس و لە دژی پاکتاوکاری، فاشیزم، داگیرکاری و زهنیەتی پیاوسالاری تێکۆشانمان هەمیشەیی بکەین. ئەوکات دونیا جوان دەبێت، ئەو کات شۆڕش ڕوو دەدات. با هەموومان پێکەوە شۆڕشی ژن مەزن بکەین و داهاتوی خۆمان بهۆنینەوە.
با ڕێگا بە فاشیزم نەدەین
ئازادی ژنان بە بەرخۆدانی مسۆگەر دەبێت
ژن ژیان ئازادی
کۆردیناسیۆنی کۆمەڵگای ژنانی کورد (KJK)
06-03-2019

کۆردیناسیۆنی کۆما ژنێن کوردستانێ ڕاگەیەنراوێکی بڵاوکردەوە و وتی، ئاگرەکەی ئیمڕالی پەیوەندی بە 'گەیشتن بە کۆتایی ڕێگا و چارەسەرنەکردنی' دەسەڵاتی ئاکەپەوە هەیە و ئاماژەی بەوەکرد، ئاکەپە بە ئامانجگرتنی ڕێبەر ئاپۆ، بە سیاسەتی قڕکردن بەرانبەر گەلەکەمان، بە شەڕی دژی هێزە ئازادیخواز و دیموکراتەکان هیچ شتێک بەدەست ناهێنێت، بە پێچەوانەیەوە زودتر کۆتایی پێدێت.
ڕاگەیەنراوی کەژەکە بەم شێوەیەیە:
'پەیامی قڕکردن و پلانی نوێی لەناوبردن'
دەسەڵاتی فاشیستی ئاکەپە جارێکی تر بە هۆی ئەوەی هەنگاو نانێت و گەیشتووەتە کۆتایی ڕێگا لەناو هەوڵی پیلانگێڕی و هێرشی نوێدایە. دوایین جار 27ی شوبات وەزیری ناوخۆی فاشیستی تورک سولەیمان سویلۆ لە لێدوانێکی تێکدەرانەدا وتی، 'لە دورگەی ئیمڕالی ئاگرکەوتووەتەوە' ئەوەش نیشانەی پیلانگێڕی نوێیە. لە دورگەی ئیمرالی ئاسایشێکی توندوتوڵی دەوڵەتی تورک هەیە. ئەگەر لە ئیمڕالی ئاگر بکەوێتەوە، واتە بە ئەنقەست و بە دەستی دەوڵەت ئاگرەکە کەوتووەتەوە. ئەم هەواڵە هەم بەردەوامی پیلانگێڕی نێودەوڵەتیە و هەم پیشانی دەدات، پلانی نوێی لەناوبردن و قڕکردنی نوێ ئەردۆغانی فاشیست لەسەر گەلی کورد و ژنان بەردەوامە و بەم واتایە دێت.
ڕێبەر ئاپۆ لەناو سیستمی ئەشکەنجەی ئیمڕالی لە ساڵی 1999ەوە، واتە 21 ساڵە بە پێشبینی گەورەکانی، فیداکاری و فشار و زەحمەتیەکان، بۆ ئەوەی کێشەی کورد بە ڕێگای دیموکراسی و ئاشتیانە چارەسەر ببێت، هەوڵی زۆر گەورەی داوە. ڕایگەیاندووە کە برایەتی هەزار ساڵە تورک و کورد، بە قبوڵکردنی هەبوون و ئیرادەی کورد بە شێوەیەکی بەهێز دەتوانێت بەردەوامی پێبدرێت و دەستکەوتی گەورە بەدەست تورکیاوە بهێنێت. هوشداری داوە لە دۆخی پێچەوانەدا دوژمنایەتی دەوڵەتی تورک لەدژی گەلی کورد زیانێکی گەورە دروست دەکات و دەگاتە کۆتای ڕێگا.
'دەیانەوێت تۆڵەی پارچەبوونیان لە کورد بکەنەوە'
سەرۆکی فاشیستی تورک ئەردۆغان بە هۆی سیاسەتی هێرشکار، قڕکەر و دوژمنایەتی ئازادی و پیلانگێڕ و ئیمپڕیال، تورکیا بەرەو گەورەترین قەیرانی ئابۆری، سەربازی، کۆمەڵایەتی و مێژوویی دەبات. قەیرانێکی گەورە هەیە. ناتوانێت کێشەکان چارەسەر بکات. وا دەزانێت بە تەنها بە فشار، توندوتیژی، دەستگیرکردن، هەڕەشە و کۆمەڵکوژی دەتوانێت ئەنجام بەدەست بێنێت. لەم قۆناغەدا دەسەڵاتی ئاکەپە هیچ کاتێک وەک ئێستا بەرەو دواوە هەنگاوی نەناوە، نەکەوتووە، نەتواوەتەوە و نەدۆڕاوە. ئەو پارتانەی لە ئاکەپە جیابوونەوە، پارچەبوونی ناوخۆیی و تواندنەوەی ناوخۆییان زیاتر کرد. ئیدی میللیەتگەری و هێرشکاریش هیچ نرخێکی نەماوە. ئەمە دەزانن. تۆڕەیی و دڕندەییان بەم هۆکارەیە. دەیانەوێت تۆڵەی ئەوەی لە ڕێبەرمان و گەلی کورد بکەنەوە. بەردەوامیدان بەو سیاسەتە قڕکەرانە بە تەنها کۆتایی بە ئاکەپە و ئەردۆغان زودتر دەهێنێت و بە کەڵکی هیچ شتێکی تر نایەت. لەبەرئەوەی گەلی کورد، ژنی خاوەن عەقلیەت، هەڵوێست و ڕێکخستنە گەورەکانی ئازادی بوونیان هەیە. لەبەرئەوەی تەڤگەری ئازادی ژن، گەلەکەمان، بە کوشتن، زیندانیکردن، کۆچبەرکردن، بێکارهێشتنەوە، بە سیاسەتی قێزەونی شەڕی تایبەت ناتوانرێت لەناو ببرێن. مرۆڤی کورد تەسلیم نابێت. گەلەکەمان، ژن، گەنج و هەموو هێزەکانی ئازادی و دیموکراسی لە تورکیا بەرخۆدان دەکەن و لەسەر بەرخۆدان بەردەوام دەبن.
بە سوتاندنی دارستانەکانی دورگەی ئیمڕالی، هەوڵ دەدرێت ڕێبەرمان لەناوببرێت. بلاوکردنەوەی ئەو هەواڵانە دوای کۆنگرەی #هەدەپە#، دوای ڕۆژێک لە ساڵیادی موتابەقاتی دوڵمەباخچە و بەر لە 8ی مارس، بە واتای گەیشتن بە کۆتای ڕێگا و نەچارەسەریە. دەیانەوێت بە پلانێکی نوێی توندوتیژی هەم ڕۆژەڤ بگۆڕن و تێکی بدەن و هەم خۆیان ڕزگار بکەن. لە کەسایەتی ڕێبەرتی ئێمەدا دەیانەوێت هیوای ئازادی گەلی کورد، بەرخۆدانی گەلی کورد کۆتایی پێبهێنن. بە زیادکردنی ئەشکەنجە، فشار، هەڕەشە و سیاسەتی هەڵخەڵەتاندنی سەر ڕێبەرتیمان، بە گەشکردنی ئاستی توندوتیژی وادەزانن ڕزگاریان دەبێت. بەڵام ئەم نزیکاتیە بەرخۆدانی گەلەکەمان و ژنان گەشتر دەکات.
'ئەمە یاریکردن بە ئاگرە'
ئەم سیاسەتە قێزەونەی کە دەیانەوێت لەسەر ڕێبەرمان بەردەوامی پێبدەن، ئەم سیاسەتە قێزەونە و پۆلیتیکای قێزەون بە تەئکیدی یاریکردن بە ئاگرە. نە تەنها لە تورکیا، لە ڕۆژهەڵاتی ناوەڕاستیش و لە جیهانیش ڕیگا بۆ هەندێک ئەنجام دەکاتەوە. دەوڵەتی تورک بەم سیاسەتەی قڕکردن و کۆمەڵکوژیە ناگاتە هیچ ئەنجامێک. ناتوانێت دەسەڵاتی خۆی بەم سیاسەتانە بەردەوامی پێبدات. کۆتایی بە دەسەڵاتەکەی دەهێنێت. ئاکەپە بە ئامانجگرتنی ڕێبەرمان، بە سیاسەتی قڕکردن لەسەر گەلەکەمان، بە شەڕی دژی ئازادی و دیموکراسی هیچ شتێک بەدەست ناهێنێت، بە پێچەوانەوە کۆتایی بە خۆی دەهێنێت. ئەم سیاسەتە هێرشکارە بە بەرخۆدانی گەلەکەمان، ژنان و هیزە دیموکرات و ئازادیخوازەکان ئەوان دەگرێتەوە. تێکدەریەکان، سیاسەتی لەناوبردن و هەڕەشە و هەڵخەڵەتاندن لە بەرانبەر گەلەکەمان ئەنجام بەدەست ناهێنن. بە شێوەیەک کە ئەوانیش پێشبینی ناکەن، بە شێوەیەک کە بیریشی لێناکەوە، دەدۆڕێنن. لەبەر ئەوەی لە ڕۆژهەڵاتی ناوەڕاست، لە جیهان ڕاستی کوردی خاوەن ئیرادە و بەرخۆدێر، ڕێکخستنکراو و ڕاستی ژنانی ئازاد هەیە.
لەبەرئەمەش بانگەوازیمان بۆ ژنان، گەلەکەمان، گەلان و هەموو هێزە ئازادیخوازەکانی جیهان و دیموکراتەکان ئەوەیە لەدژی دەوڵەتی تورک کە بە شێوەیەکی فیزیکی ڕێبەرمان دەکاتە ئامانج، بە سیاسەتی قڕکردن بە کۆنسەپتی لەناوبردن و هەڵخەڵەتاندن و دیلکردن کە لە کەسایەتی ڕێبەرمان، گەلەکەمان دەکاتە ئامانج، هەستنە سەر پێ و شەرمەزار بکەن، بە ڕێپێوان و میتینگ بەرخۆدان بکەن. لەم قۆناغە هەستیار و تایبەتەدا پێویستە هەر کەسێک بە پێی توانای خۆی خاوەنداری لە هەڵویستەکان بکات و هەستێتە سەر پێ. لەبەرئەوەی گەلی کورد، ژنان بۆ ئەوەی بە شێوەیەکی ئابرۆمەندانە و ئازاد بژین، گرێدراوی بەرخۆدانێکن کە لە ساڵی 2020 بەرەو پێشەوە براوە.
'ئاکەپە کۆتایی بە خۆی دەهێنێت'
دۆخی ڕێبەری ئێمە نە تەنها کوردستان، کاریگەری لە سەر هەموو ڕۆژهەڵاتی ناوەڕاست و جیهان دادەنێت. گەلانی جیهان، گەلەکەمان و ژنان ئەوە دەزانن و پێویستە بە پێی ئەوە بجووڵێنەوە و هەڵویست پیشان بدەن. گەلەکەمان و ژنان تا زانیاریەک لەسەر دۆخی ڕێبەر عەبدوڵلا ئۆجالان بەدەستنەهێنن، پێویستە لە ناو چالاکیەکاندا بن. پێویستە بانگ لە ڕێکخراوەکانی مافەکانی مرۆڤ و دەزگا پەیوەندیدارە نێودەوڵەتیەکان بکەن کە هەستیار بن. دۆخی ئۆجالان هەبوون و نەبوونی کوردە. گەلەکەمان و ژنان بەم هەستیاریە دەژین. خاوەنداریکردنی گەنجان، ژنان و گەلەکەمان لە باکووری کوردستان لە ڕێبەر ئاپۆ و بەرخۆدانیان، ئەم قۆناغە دیاری دەکەن.
'پێویستە گەلی باکوور بڕژێتە ناو گۆڕەپانەکان'
پێویستە گەلەکەمان لە باکووری کوردستان بڕژێتە ناو گۆڕەپانەکان. هیچ شتێکمان نییە لەدەستی بدەین. پێویستە بە تەنها لێدوان و ڕاگەیەنراو نەبێت. لە ڕۆژئاوا، باشوور، ڕۆژهەڵات، شەنگال و ئەوروپا و ڕووسیا و هەر شوێنێک کە کوردی لێیە هەستنە سەر پێ. پێویستە بێوەستان لە ناو چالاکیدا بن. پێویستە ژنانی کورد بە چالاکیەکانیان چالاکیەکانی 8ی مارس و دۆخی ڕێبەر ئاپۆ بکەن بە یەک و بە ڕوحی بەرخۆدان و ئازادی چالاکیەکان گەشتر بکەن. ئازادی ڕێبەرایەتی، ئازادی ژنان، گەلەکەمان و گەلانە.
' تا چاوپێکەوتن ئەنجامدەدرێت'
پێویستە تا خانەوادە و پارێزەران چاوپێکەوتن لەگەڵ ڕێبەرایەتی ئەنجام دەدەین هەموو چالاکیەکان لەسەر ئەم بناغەیە ئەنجام بدرێن. بە هیچ شێوەیەک لێدوانەکانی دەوڵەت ئێمە ڕازی ناکات. دۆخی ڕێبەرمان بە تەنها بە چاوپێکەوتنی ڕووبەڕوو ئاشکرا دەبێت.
لەبەرئەمەش سەرەتا بانگ لە ژنان، گەنجان و هەموو هێزە ئازادیخواز و دیموکراتەکان و گەلان و دۆستەکانمان لە جیهان دەکەیەن، بە هەستیاری هەستنە سەرپێ و بە زودترین کات چالاکی ئەنجام بدەن و بڵێن، 'بێ سەرۆک ژیان نابێت'.[1]
#29-02-2020#