مامۆستای ڕێزدار و خۆشەویست کاک #کۆچەر بیرکار#
دڵنیابە نەک هەر بزە نیشتە سەر لێومان، بەڵکوو لە تاو شادی و خۆشحاڵی، لە قاقای پێکەنینیشمان دا..
بە بۆنەی داکوتانی ئاڵای شانازیتان بەسەر یەکێک لە دوندە هەرەبەرزەکانی دونیای هزر و زانست. بۆ بەرزبوونەوەی ناوتان و ناومان.. ناوی وڵاتمان.. بۆ سەلماندنی ئەو ڕاستییە کە کوردەواری بەس مۆزەخانەی دەوڵەمەندی مێژووی شارستانییەتی مرۆڤ و پێشانگای گۆرانی و هونەر و شوێنپێی پاڵەوانان و خەبات‌گێڕان نییە..
بەڵکوو مەزرایێکە وا لە سەدەی بیست‌ویەک‌دا، ئەو نەمامانەی لێ ئەڕوێن کە لە بەر و سێبەریان، جیهانی زانستیش ‌بەهرەمەند ئەبێت..
ڕێزدار!
ورە وتوانایی ئێوە وەک وانە بۆ منداڵانی نەتەوەکەمان ئەڵێینەوە و جارێکیتر پێئەکەنین و سەرچۆپیی سەرکەوتنی پڕشکۆ و شانازیتان لە وەرگرتنی خەڵاتی جیهانیی فیڵدز دەگرین و پیرۆزبایی لە خۆت و بنەماڵەی سەربەرز و خەڵکی #مەریوان# و خەڵکی نیشتمانپەوەری گوندی نێ و سەرجەم کوردستان ئەکەین..
ئەنجومەنی فەرهەنگی _ ئەدەبیی مەریوان
11 گەلاوێژی 1397 کۆچی هەتاوی بەرانبەر بە #02-08-2018#

بەڕێز پرۆفسۆر #کۆچەر بیرکار#، وەرگرتنی خەڵاتی جیهانیی بیرکاریی فیلدز لە لایەن ئێوەی بەڕێزەوە، بووە مایە شادی و خۆشی خەڵکی ئێران و بە تایبەتی 40 میلیۆن نەتەوەی کورد لە هەموو قوژبنێکی جیهان، بێگومان کوردستان شانازی بە خۆی دەکات کە وەها ڕۆڵەیەکی لە داوێنی سروشتی پاک و بێگەرد و جوانی خۆی پێگەیاندووە و ئێوە وەکوو ڕۆڵەیەکی لێهاتوو و بیرمەند ئەم خەڵکە شەریفە، توانیوتانە بزە بخنە سەر لێوی 40 میلیۆن خەڵکی کوردی هەژار و زوڵم لێکراو.
ئێوە هەروەک ئاگادارن، مێژووی ئەم نەتەوە 40 میلیۆنییە، پڕە لە ئاوارەیی، شەڕ و کوێرەوەری، هەژاری و نابەرانبەری و ئێستاش لە #مەریوان# کە شوێنی لە دایکبوونی تۆیە، هەزاران هاووڵاتیی لاو، خەریکی کاری کۆڵبەرین کە لە هەر ئان و سانێکدا ئەگەر دەرفەتی بەرانبەریان بۆ بڕەخسایەت، ئیمکانی هەبووە وەکو جەنابت لە ئاستی جیهاندا دەربکەوتایەن و ببایەنە خاوەنی ئەو خەڵاتە بە نرخە.
ئێمە ژمارەیەک لە پارێزەرانی کورد وێڕای پیرۆزبایی بە ئێوەی بەڕێز و ئەم نەتەوە گەورەیە، لەو باوەڕەداین کە فەرهەنگ و شارستانییەتی کوردستان و ئێران شیاوی باشترینەکانە و شانازیی بە خۆمان دەکەین که ئێوە لەم جیهانە لە ئاستی باشترینەکانن، لە دونیای پڕ لە ڕەمز و ڕازی بیرکارین و هەتا کەمێک لە گرانایی باری خەم و ئاوارەبوون، شەڕ و هەڵاواردن لە سەر شانمان کەم بکەیتەوە و ئەو 40 میلیۆن کوردەش بەشداری ئەو شادی و خۆشییە بن.
حوسێن ئەحمەدینیاز، ئەحەسەند حەسەن پوور، لوقمان مواردی، سەباح کازمی، موسلح قوربانی، مەرزییە زەند کەریمی، فیروز شاکری، مەحموود کەرەم‌پوو، عەلی ساکنی، بێهزاد حەکیمیزادە، کاوە ئەسەدی، فەرزاد بنی بەشەر، بێهزاد نووری، هانا زکری، گوڵناز عومڕانی، محەممەد خالید فائیز، کورش قادری، ژیلا زەند کەریمی، ئازادە ئەحمەدی، محەممەدڕەزا غەفاری، حوسێن عیشقی، سەرگوڵ میرزایی، حەمید خاتمه زادە، ئیلهام تەیمووری، فەرزاد محەممەدی، بەیان خاوەری، سەید مێهدی ساعدی، ساسان محەممەدی، نەشمیل خەیات، سابیر گوڵێنی، بێهزاد مورادی، ئەفشار خالیدیان، تۆفیق ساعدموژژی، سووریا ئەکبەری، سابیر فەهیم‌پوور، ئەفشار خالیدیان، نەسیم جەلالی زادە، غوڵامڕەزا ڕەزایی، خوسرەو محەممەد وەیسی، ناسیح ڕەحمان نهاد، حامید محەممەدی، سادق ساعد موژژی، سەید هێمن مەجیدی، زانیار ئاقایی، پەرویز پەروین، منا بەهرامی، ئارەزوو و ئیسفەندیار ئابنووس.
#05-08-2018#

بەڕێز کاک #کۆچەر بیرکار#
بەخۆشحاڵییەکی زۆرەوە هەواڵی ئەو سەرکەوتنە گەورەیەم بیست کە بەڕێزتان لە بوارێکی گرینگ و زەحمەتی زانستیی وەک بیرکاریدا وەدەستتان هێناوە.
بێ گومان ئاواتەکەتان هاتەدی و ئەو سەرکەوتنەتان دڵی هەموو گەلی کورد خۆش دەکات و من یەکێکم لەو چل ملیۆن کوردەی زۆر بەو سەرکەوتنەتان خۆشحاڵم و شانازییت پێوە دەکەم و هیوای سەرکەوتن و پێشکەوتنی زیاترت بۆ دەخوازم.
زۆر جێگای خۆشحاڵییە کە گەنجی کورد دەتوانێت لەبواری زانستیدا پێشبڕکێ لەگەڵ زانایانی جیهان بکات و خەڵاتی نێودەوڵەتی وەربگرێت. هیوادارم کاکە کۆچەر ببێتە سەرمەشق و نموونەی باڵا بۆ گەنجانمان و هەوڵ بدەن وەک کاکە کۆچەر بە سەرکەوتن لە بواری خوێندن و زانستدا ناوی گەلەکەتان بەرز ڕابگرن.
#مەسعود بارزانی#
#02-08-2018#

لە ساڵی 1978 لە گوندی نێی سەر بە #مەریوان# لەدایکبووە و لە خوێندنگەی گوندەکەی خۆیان دەستی بە خوێندن کردووە تا زانکۆی #تاران#ی بە پلەی نایاب تەواو کردووە و پاشان بۆ خوێندنی باڵا ڕوو دەکاتە زانکۆکانی وڵاتی بەڕیتانیا. لە ئێستادا پڕۆفیسۆرە لە بیرکاریدا و ڕۆژی #01-08-2018# خەڵاتی فیڵدزی بواری بیرکاری، کە بە نۆبڵی ئەو بوارە دادەنرێت لەگەڵ سێ پڕۆفیسۆری دیکە لە بەرازیل بەدەستهێنا. کۆچەر پاش وەرگرتنی خەڵاتەکە وتبووی: =KTML_Mark_Begin=هیوادارم خەڵاتەکەم بزەیەک بخاتە سەر لێوی 40 ملیۆن کورد=KTML_Mark_End=. شایەنی باسە هەر لە هەمان ڕۆژدا خەڵاتەکە لە کۆچەر بیرکار دزرا و پاشان خەڵاتێکی تری پێدرا.=KTML_Photo_Begin=https://www.kurdipedia.org/files/relatedfiles/2018/104457/0011.JPG=KTML_Photo_Alt=خەڵاتی فیڵدز=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/104457/0011.JPG=KTML_Photo_End=
فارسە پان-ئێرانیستەکان، زۆر هەوڵی ئەوەیاندا کە کۆچەر وەک ئێرانییەک بناسێنن و پێناسە کوردستانییەکەی لێبکەنەوە! بەڵام کۆچەر نائومێدی کردن و خۆیی بە کورد و کوردستانی هێشتەوە و خەڵاتەکەشی پێشکەشی 40 ملیۆن کوردی بێ-ئاڵا کرد.

[1]