سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان# لەبروسکەیەکدا پیرۆزبایی لە یەکێتی مامۆستایانی کوردستان دەکات.

دەقی بروسکەکە...
بەڕێزان: سەرۆک و ئەندامانی سکرتاریەتی یەکێتیی مامۆستایانی کوردستان
مامۆستایانی هەڵگری مەشخەڵی پەروەردە و زانست

شەستەمین ساڵیادی دامەزراندنی یەکێتیی مامۆستایانی کوردستان لەئێوه و سەرجەم مامۆستایانی کوردستان پیرۆز دەکەم و ئەم یادەتان بە دەرفەت دەزانم تا دووپاتی بکەمەوە کە ئێوە هەڵگرو گەیەنەری پەیامێکی پیرۆزن و پشتیوانیکردنتان ئەرکێکی نیشتمانییە.
لە ماوەی (60) ساڵ تەمەندا، یەکێتیی مامۆستایانی کوردستان وەک ڕێکخراوێکی پیشەیی ڕۆڵی گرنگی بینیوە، لە خەباتی شاخ مامۆستایان هاوشانی پێشمەرگە قارەمانەکان لە ناوچە ئازادکراوەکان کچ و کوڕی گەلەکەمانیان پێدەگەیاند و نەیانهێشت پرۆسەی پەروەرده و خوێندن بفەوتێ، لەدوای ڕاپەرینیشەوە تا ئەمڕۆ سەرباری هەوراز و نشێوو قەیرانەکان، مامۆستایان بەوپەڕی لەخۆبردووییەوە کاریان کردووه و بەردەوام بوونە لە گەیاندنی پەیام زانست و پەروەردە، کە ئەمەش ڕۆڵێکی گرنگی هەبووە لە پێگەیاندنی نەوە لەدوای نەوەی گەلەکەمان.
دووبارە (60)ەمین ساڵیادی دامەزراندنی یەکێتیی مامۆستایانی کوردستان پیرۆز دەکەم.

#کۆسرەت ڕەسوڵ عەلی#
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان
#15-05-2022#

[1]

‎بەناوی خوای گەورەو میهرەبان
‎بەرێز: مامۆستا عەلی باپیر- ئەمیری کۆمەڵی ئیسلامی کوردستان
‎بەڕێزان: ئەندامانی ئەنجومەنی سیاسی
‎بەناوی خۆم و هەڤاڵانم لە مەکتەبی سیاسی و ئەنجومەنی سەرکردایەتی گەرمترین پیرۆزباییتان ئاراستە دەکەین بەبۆنەی 18 ساڵ تێپەڕبوون بەسەر دامەزراندنی کۆمەڵی ئیسلامی کوردستان.
کۆمەڵی ئیسلامی کوردستان لە 18 ساڵی ڕابردووی تەمەنی خۆیدا، وەک یەکێک لەهێزە سیاسییەکانی کوردستان توانیویەتی لەگۆڕەپانی سیاسیدا خاوەن دید و بۆچوونی جیاوازی خۆی بێت و هاوتەریبی هێزە سیاسییەکانی تر ڕۆڵ و کاریگەری هەبێ لە ڕووداوەکان و بەرە و پێشبردنی پڕۆسەکە.
ئێمە لە #یەکێتیی نیشتمانیی کوردستان#، خوازیارین لەگەڵ سەرجەم هێز و لایەنە سیاسییەکان پەیوەندییەکی قووڵ و پتەومان هەبێ، پەیوەندی توندو تۆڵ و دۆستانەمان لەگەڵ کۆمەڵی ئیسلامی و هێزەکانی تری گۆڕەپانی سیاسی کوردستان پەرە پێ بدەین و هەوڵی جدی بدەین بۆ خزمەتکردنی زیاتری کوردستان و گەیاندنە کاروانی ئارامی پڕۆسەی سیاسی لە ناوچەکەماندا.
جارێکی تر پیرۆزبایی گەرمتان ئاراستە دەکەم و دەخوازم ئەم یادە پیرۆزەتان هەوێنی تەبایی و یەکڕیزی و ئاشتەوایی زیاتری نێوان لایەنە سیاسییەکان بێ و بەیەکگوتاری و یەک هەڵوێستیمان سازو ئامادەبین بۆ پێشهات و ئەگەرە نوێکانی ناوچەکە.
‎کۆسرەت ڕەسوڵ عەلی
‎جێگری سکرتێری گشتی
‎یەکێتیی نیشتمانیی کوردستان
#31-05-2019#

برای بەرێز کاک #کۆسرەت ڕەسوڵ عەلی# سەرۆکی ئەنجومەنی باڵای سیاسیی یەکێتی نیشتمانی کوردستان.
سڵاوێکی گەرم..
بەبۆنەی هەڵبژادنی جەنابتان، وەک سەرۆکی ئەنجومەنی باڵای سیاسیی یەکێتی نیشتمانی کوردستان، بە ناوی خۆم و هاوڕێیانم لەمەکتەبی سیاسیی #حزبی زەحمەتکێشانی کوردستان# گەرمترین پیرۆزبایتان ئاراستە دەکەم و هیوای سەرکەوتن بۆ بەڕێزتان دەخوازم لەئەرکی نوێتان لە پێناو پتەوکردنی ڕیزەکانی یەکێتی و یەکڕیزی کوردستانی و پاراستنی دەسکەوتەکانی گەلەکەمان.
حزبی زەحمەتکێشانی کوردستان جەخت لە پەیوەندی دۆستانەی خۆی لە گەڵ یەکێتی نیشتمانی کوردستان دەکاتەوە و دەخوازین چوارەمینکۆنگرەی یەکێتی نیشتمانی کوردستان، هاندەر بێ بۆ بەهێزکردنی ڕۆڵی یەکێتی لە گۆڕەپانی سیاسی و دەستەبەرکردنی یەکڕیزیسیاسی لە نێوان حزبە سیاسییەکانی کوردستان.
لە گەڵ ڕێزمدا
#بەڵێن عەبدولڵا#
سکرتێری حزبی زەحمەتکێشانی کوردستان
#27-12-2019#
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پرسەنامەکەی ئاراس محەمەد ئاغا:
برای گەورە و بەرێزمان جەنابی کاک کۆسرەت ڕەسوڵ عەلی سەرۆکی ئەنجومەنی باڵای سیاسی و بەرژەوەندی یەکێتیی نیشتمانیی کوردستان
زۆر بەداخەوە ئەمڕۆ هەواڵی کۆچی دوایی دایکی بەڕێزتان خاتوو (زوبێدە سەعید ئۆمەر) مان بیست.
بەم بۆنە خەمناکەوە بەناوی خۆم و هەڤاڵانم لە مەڵبەندی چواری دهۆک، پرسە و سەرەخۆشی خۆمان ئاراستە ی جەنابت و خانەوادە تێکۆشەرەکەتان و خزمان و ئازیزانتان دەکەین.
گیانی دایکی ئازیزتان زوبێدەخان شاد و ئاسودەبێ، لە یەزدانی مەزن داواکارین بە بەهەشتی بەرینی شاد بکات و دڵنەوایی و ئارامی بە هەموو لایەکتان ببەخشێ و دواین ناخۆشیتان بێت.
ٳنا للە وٳنا ٳلیە ڕاجعون
ئاراس محەمەد ئاغا
ئەندامی ئەنجومەنی سەرکردایەتی
لێپرسراوی مەڵبەندی چواری دهۆک[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی ئازاد تۆفیق، پارێزگاری #هەڵەبجە#:
هەڤاڵی بە ڕێز کاک کۆسرەت ڕەسول عەلی سەرۆکی ئەنجومەنی باڵای سیاسی و بەرژەوەندی ی ن ک
هەواڵی دوا ماڵئاوی ژنە پێشمەرگە و تێکۆشەری دێرین خاتوو زوبێدە سەعیدمان پێگەیشت و خەمباربووین، بەم بۆنەیەوە هاوخەمی خۆمان و ئیدارەی هەڵەبجە بە بەڕێز کاک کۆسرەت و بنەماڵە تێکۆشەرەکەتان ڕادەگەیەنین، لەخوای گەورە داواکارین کۆچکردوو بە بەهەشتی بەرینی خۆی شادبکات و سەبوری هەموولایەک بداتەوە.
ئازاد تۆفیق/پارێزگاری هەڵەبجە[1]


⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی ئەرسەلان بایز:
برام کاک کۆسرەت
بەڕێز سەرۆکی ئەنجومەنی ئەنجومەنی باڵای سیاسی و بەرژەوەندی یەکێتیی نیشتمانیی کوردستان
بەداخ و پەژارەیەکی زۆرەوە ئەمڕۆ هەواڵێکی خەفەتبارم پێگەیشت کە دایکی قارەمانێک، کۆچی دوایی کردووە ئەویش خاتوو زوبێدە سەعید ئۆمەر-ی دایکی بەڕێزتانە.
ئێمە هەموومان قەرزارباری ئەو ژنە تێکۆشەر و ماندوو نەناسەین کە هەردەم خۆڕاگربووە سەرەڕای ئەم هەموو شەهید و قوربانییەی بۆ کور دو کوردستانیان داوە، ئەمە جگە لەو ماڵوێرانی و دەربەدەرییەی بەسەر خۆی و خانەوادەکەیدا هاتووە.
بۆیە بەو پەڕی خەفەتبارییەوە، پرسەو سەرەخۆشی لە بەڕێزتان و خۆمان و سەرجەم خانەوادە تێکۆشەرەکەتان دەکەم و لە خوای گەورە داواکارم کۆچکردوو بە بەهەشتی بەرینی خۆی شاد بکات و تەمەندرێژی بە ئێوە ببەخشێت.
د. ئەرسەلان باییز
ئەندامی ئەنجومەنی باڵای سیاسی و بەرژەوەندی (ی.ن.ک)[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی #بافڵ تاڵەبانی#:
بەڕێز کاک کۆسرەت ڕەسوڵ، سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان#.
بەداخ و پەژارەیەکی زۆرەوە هەواڵی کۆچی دوایی خاتوو (زوبێدە سەعید ئۆمەر) دایکی بەڕێزتانم پێگەیشت.
لە نزیکەوە خۆم بە هاوخەمتان دەزانم و لەڕێی ئێوەشەوە پرسە و سەرەخۆشی لە کەسوکار و بنەماڵە تێکۆشەرەکەتان دەکەم.
خاتوو زوبێدە، دایکێکی خۆڕاگر و نموونەیی بوو کە لە تەمەنیدا بەهۆی هەڵوێست و ڕۆڵ و بەشداریتان لە شۆڕشی نوێ و خەباتی ڕزگاریخوازی گەلەکەمان، تووشی زەحمەت، ماندوبوون و دەربەدەری زۆر بووە، کە ئەمەش ورەی پۆڵاینی بە ئێوە بەخشی و هیچ ڕۆژێک بنەماڵەکەی سارد نەبووەوە لە پشتیوانیکردنی شۆڕش و خەباتی ڕەوای گەلی کورد.
بۆیە شێرەژنێکی ئاوا گەورە و کۆڵنەدەر کە ژیانئاوایی دەکات خەمێکی قوڵ لای ئێمە و ئێوەش جێدەهێڵێت.
بەم بۆنە خەمناکەوە لە خوای گەورە داواکارین سەبر و ئارامی بە هەموومان بدات، ئەمە دواناخۆشی بێت و جێگای خوالێخۆخشبووی دایکتان بەهەشتی بەرین بێت.
دڵسۆزتان
بافڵ #جەلال تاڵەبانی#
28ی 2ی 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی بورهان سەعید سۆفی:
هەڤاڵی بەڕێز کاک کۆسرەت ڕەسوڵ
سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان#
بەداخ و پەژارەیەکی قوڵەوە هەواڵی کۆچی دوایی خاتوو (زوبەیدە سەعید ئۆمەر) دایکی بەڕێزتانم پێگەیشت.
خاتوو زوبەیدە سەعید یەکێک بوو لەو ژنە تێکۆشەرانەی کە شانبەشانی بەڕێزتان و بنەماڵە تێکۆشەرەکەتان تەواوی ژیانی خۆی بۆ کوردایەتی و یەکێتیی نیشتمانیی کوردستان تەرخان کرد.
بەم بۆنە خامناکەوە پرسەو سەرەخۆشی قوڵی خۆم بە ئێوەی بەڕێزو و تەواوی خزمان و کەسوکاری کۆچکردوو ڕادەگەیەنم و لە پەردەردگاری مەزن داواکارم جێگای کۆچکردوو بەهەشتی بەرین بێ و دوا کۆست و ناخۆشی بنەماڵە تێکۆشەرەکەتان بێت.
انا للە وانا الیە ڕاجعون
بورهان سەعید سۆفی
ئەندامی مەکتەبی سیاسی یەکێتیی نیشتمانیی کوردستان[1]


⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی بێگەرد تاڵەبانی:
پرسەنامە و سەرەخۆشی
هەڤاڵی تێکۆشەر کاک کۆسرەت ڕەسوڵ عەلی، سەرۆکی ئەنجومەنی باڵای سیاسی و بەرژەوەندی یەکێتیی نیشتمانیی کوردستان
زۆر بەداخەوە ئەمڕۆ هەواڵی ژیان ئاوایی دایکی بەڕێزتان خاتوو زوبێدە سەعید ئۆمەر-مان بیست.
بەم بۆنە خەمناکەوە لە ناخی دڵمەوە، پرسە و سەرەخۆشی خۆمان ئاراستە ی جەنابت و خانەوادە تێکۆشەرەکەتان و خزمان و ئازیزانتان دەکەین.
گیانی دایکی ئازیزتان زوبێدە خان شاد و ئاسودەبێ، لە یەزدانی مەزن داواکارین بە بەهەشتی بەرینی شاد بکات و دڵنەوایی و ئارامی بە هەموو لایەکتان ببەخشێ و دواین ناخۆشیتان بێت.
ٳنا للە وٳنا ٳلیە ڕاجعون
بێگەرد تاڵەبانی [1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی #بەرهەم ساڵح#:
برای بەڕێز و خۆشەویستم کاک کۆسرەت ڕەسوڵ عەلی
بەرێزان بنەماڵە و کەسوکار و خانەوادەی خوالێخۆشبوو زوبێدە سەعید ئۆمەر
بەداخ و پەژارەیەکی زۆرەوە هەواڵی کۆچی دوایی خاتوو (زوبێدە سەعید ئۆمەر) دایکی سەرکردە و پێشمەرگە و تێکۆشەری دێرین و خەباتکاری خۆڕاگر هەڤاڵ کۆسرەت ڕەسوڵ عەلی، سەرۆکی ئەنجومەنی باڵای سیاسی و بەرژەوەندی یەکێتیی نیشتمانیی کوردستان-مان بیست.
برا گیان بنەماڵە تێکۆشەرەکەتان لە سەردەمی خەباتی شاخ و لە شاردا خزمەتێکی زۆری خەڵکی کوردستانی کردووە، و بەوە دیار و ناسراوەن کە هەمیشە لە کۆڕی خەبات و تێکۆشان بۆ کوردایەتی قوربانی زۆریان داوە، لە دڵەوە خەمبار و نیگەرانم بۆ کۆچی دوایی دایکی بەڕێزتان.
بەم بۆنە خەمبارەوە پرسە و سەرەخۆشی خۆم ئاڕاستەی بەڕێزتان و خانەوادە و کەسوکار و بنەماڵەکەتان دەکەم و داوام لە خودای گەورە ئەوەیە بەر ڕەحمەتی خۆی بخات و بە بەهەشتی بەرینی شاد بکات و دوا کۆستی بنەماڵە بەرێزەکەتان بێت و سەبووری و دڵنەوایی هەموو لایەک بدات.
د. بەرهەم ساڵح
سەرۆک کۆماری عیراق[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!