لەهەرێمی‌ کوردستاندا زیاتر لە 80 هەزار کرێنشین بوونی هەیە، کە زیاتر لە30 هەزاریان دەکەوێتە سنوری‌ شاری‌ سلێمانییەوە.
زریان محەمەد، ئاوێنەنیوز: گوڵزار مەحمود سەرۆکی‌ کۆمەڵەی‌ کرێنشینان لە شاری‌ سلێمانی‌ بەسایتی‌ ئاوێنەنیوزی‌ وت "لەشاری‌ سلێمانی‌ زیاتر لە 30 هەزار کرێنشینمان هەیە کە ئێمە کارمانکردووە بۆیان کە دووساڵ لەمەوبەر پرۆژەی‌ قولەرەیسیمان هەبوو 664 ماڵ بەتیرۆپشک وەریانگرتووە"
وتیشی‌" لەئێستادا ئه و پرۆژەیەی‌ پارێزگاری‌ سلێمانی‌ و وەبەرهێنان کەهەیە نزیکەی‌ 10 هەزار نامەمان ناردووە بۆ کرێنشینان تا بتوانن سودمەندبن له و یەکانە کە سەرەتان 10% پرۆژەکە تەواو دەبێت بڕی‌ 2 هەزار و 300 دۆلار دەدەن بەپێی‌ دابەشکردن پارەدەدەن هەتا هاووڵاتی‌ دەچێتە ناوی‌ 2 دەفتەر و 20 وەرەقە لە هاووڵاتی‌ وەردەگیرێت بۆ ماوەی‌ دووساڵ و چوار مانگ ئه و پارەیەی‌ دەمێنێتەوە 3 دەفتەر دەبێت ئەویش بۆ ماوەی‌ 100 مانگ لە هاووڵاتیان وەردەگیرێتەوە کە مانگی‌ 300 دۆلار دەدات"
سەرۆکی‌ کۆمەڵەی‌ کرێنشینان ئاماژە بەوەدەکات ئه و پارەیەی‌ وەردەگیرێت زۆرە بەڵام له و 30 هەزار کرێنشینە کۆمەڵێکی‌ مام ناوەندمان هەیە کە دەتوانن ئه و پێشەکیە بدەن.
سەبارەت بە کرێنشینانی‌ کوردستان ئاماژەی‌ بەوەدا کە زیاتر لە 80 هەزار کرێنشین لە هەرێمی‌ کوردستاندا بونی‌ هەیە.
- 04-12-2014

نزیکەی 100 هەزار کرێنشین لای کۆمەڵەی بەرگریی لە مافی کرێنشینانی هەرێمی کوردستان تۆمارکراوە و سەرۆکی کۆمەڵەکەش ئاماژە بە خراپیی دۆخی کرێنشینان دەدات.
بەپێی ئامارێک، کە ڕۆژنیوز لە کۆمەڵەی بەرگریی لە مافی کرێنشینانی کوردستان-ی وەرگرتووە، کۆمەڵەکە زیاتر لە 93 هەزار ئەندامی هەیە و ئامارەکەش بەردەوام لە هەڵکشاندایە.
کارزان ڕەسول، وتەبێژی کۆمەڵەی بەرگریی لە مافی کرێنشینانی کوردستان، باس لە دۆخی خراپی کرینشینانی هەرێمی کوردستان دەکات و کرێچێتیی بە یەکێک لە هۆکارەکانی دروستبوونی کێشە کۆمەڵایەتییەکان ئەژمار دەکات.
کارزان، ڕوونیدەکاتەوە، کە دوای هاتنەئارای قەیرانی دارایی کێشەکانی کرێنشینان زیاتربوون، بەهۆی ئەوەی ناتوانن کرێی مانگانە لەکاتی خۆیدا ڕادەست بکەن و وتی: کرێچیی هەیە، کە ئەندامی کۆمەڵەکەمانە و ماوەی پێنج مانگە نەیتوانیوە کرێ خانوو بدات.
هەروەها، ئاماژە بۆ ئەوە دەکات، کە دۆخی خراپیی ئابووریی وایکردووە، ساڵانە ئاماری کرێچێتیی لە هەرێمی کوردستان بەرز ببێتەوە، بەڵام حکومەت بێئاگایە.
وتەبێژی کۆمەڵەی بەرگریی لە مافی کرێنشینان، تیشکی خستە سەر پرۆژەکانی یەکەکانی نیشتەجێبوون، کە لەلایەن کۆمپانیاکانەوە بە ناتەواویی وەبەردەهێندرێن و بۆ ئەوەش نمونەی هێنایەوە و وتی:پرۆژەی گوندی کۆری، کە خەونی پێنج هەزار خێزانە، سێ ساڵە دەستی دەستیان پێدەکرێت، هەزار خانوو تەواو کراوە و دابەش کراوە، بەڵام چوار هەزار خێزان ماون نازانرێت چارەنووس چییە.
ئەو ئامارەی خرایە ڕوو تەنیا ژمارەی ئەو خێزانە کرێچییانەن، کە لە کۆمەڵەکە تۆمارکراون، بەڵام ژمارەی ڕاستیی کرێنشینان زۆر لەوە زیاترن و بەڕێوبەرایەتیی ئاماری کوردستان باس لە هەبوونی زیاتر لە 200 هەزار کرێنشین دەکات.
کۆمەڵەی بەرگریی لە مافی کرێنشینان لە ساڵی 2004 دامەزراوە لە ساڵی 2015 ئۆفیسەکانیان لە #هەولێر# و #دهۆک# بە بیانووی نوێ نەکردنەوەی مۆڵەتی کۆمەڵەکەیان داخران، بەڵام وتەبێژی کۆمەڵەکە دەڵێت، کە داخستنی بارەگاکانیان کاریگەریی نەکردووەتە سەر کار و چالاکیەکانیان و بەردەوامن.[1]
#30-01-2019#

رەهێل سەمەد
بەرپرسانی کۆمەڵەی داکۆکی لە مافی کرێنشینان هۆشداری دەدەنە حکومەتی هەرێم و لایەنی پەیوەنددار لەبارەی قەیرانی نیشتەجێبوون، ئاماژە بەوەشدەکەن زۆربەی زۆری ئەو پرۆژانەی لەبواری نیشتەجێبوون لە هەرێم دروستکراون، لەبەژەوەندی کرێنشینانی ڕاستەقینە نەبووە.
مەحموود ئیسماعیل مەحموود لێپرسراوی لقی هەولێری کۆمەڵەی داکۆکی لەمافی کرێنشینانی کوردستان بە خەندانی ڕاگەیاند: بە گوێرەی دوا ئامارەکان لە هەرێمی کوردستان 80 تا 85 هەزار خێزانی کرێنشین لە کۆمەڵەی داکۆکی لە مافی کرێنشینان تۆمارکراون، بەڵام بە بۆچوونی ئێمە ئەو ژمارەیە زۆر زیاترە و بەجۆرێک دەگاتە نزیکەی 250 هەزار خێزان.
مەحموود ئیسماعیل وتیشی: بەهۆی چەندین هۆکار تاکو ئێستا لە هەرێمی کوردستان نەتواندراوە کێشەی کرێنشینان کەمبکرێتەوە، لەوانە زۆربەی زۆری ئەو پرۆژانەی لەماوەی ڕابردوو لە هەرێمی کوردستان بۆ مەبەستی نیشتەجێکردن لەلایەن کۆمپانیاکانەوە دروستکراوە لە بەرژەوەندی کرێنشینانی ڕاستەقینە و کەمدەرامەت نەبووە.
لێپسراوی لقی هەولێری کۆمەڵەکە ئەوەشی خستەروو: بۆ کەمکردنەوەی ژمارەی کرێنشین لە هەرێمی کوردستان ئەوان وەک کۆمەڵەی داکۆکی لەمافی کرێنشینانی کوردستان کە کۆمەڵەیەکی مەدەنین بەدەیان پرۆژەیان ئاراستەی لایەنی پەیوندیدار کردووە، بۆئەوەی چارەسەری ئەو کێشەیە بکرێت، بە پێچەوانەوە ئەگەر حکومەتی هەرێم هەوڵی چارەسەرکردنی نەدات لەداهاتوو دەبێتە کێشەیەکی زۆرگەورە.
- 21-12-2014

بەدمانگر، بەکرێگر، تەڤارک، ژێرماڵە، کرانشین، کرایەنشین، کرێچی، کرێدار، کرێگر، کرێگرتە، کرانشین، کراهەنشین، کرێ‌نشین، کەرانشین، ماڵگر، اجارەنشین[1]

[1]