ئاگاداریەک لە بەڕێوەبەرایەتی ئاسایشی پارێزگای سلێمانی یەوە[1]

هاوڵاتیان وهاونیشتمانیانی بەڕێز داواکارین هاوکارمان بن لەپێدانی هەرزانیاریەک لەسەر هەردوو تۆمەتباری هەڵهاتوو (یوسف پشتیوان عەلی)و(پشتیوان عەلی مستەفا) و ئوتومبیلی جۆری پیکاب نیسان تاک ژمارە (3638-سلێمانی) هەردوو تۆمەتباران لەلایەن دادگاوە داواکراون بەپێی ماددەی (406) لەیاسای سزادان و تۆمەتبارن بەشەهیدکردنی ئەفسەرێکی بەڕێوەبەرایەتی پۆلیسی توندوتیژی دژی ژنان و بریندارکردنی سێ کارمەندی تری هەمان بەڕێوەبەرایەتی.
دڵنیاتان دەکەینەوە ناوتان پارێزراو دەبێت و دەبنە جێگەی شانازی و دەست خۆشی و پاداشت لەلایەن بەرێوەبەرایەتی ئاسایشی پارێزگای سلێمانی یەوە لە گەڵ ڕێزدا...

لەکاتی بوونی هەر زانیاریەک تکایە پەیوەندی بکەن بەم ژمارانەی لای خوارەوە:
⁃ (106)
⁃ (3231475)
⁃ پەیوەندی لەدەرەوەی وڵات (009647700850606)

بەرێوەبەرایەتی ئاسایشی پارێزگای سلێمانی

لەکۆنگرەیەکی ڕۆژنامەوانیەدا ملازمی یەک (بەهمەن عەبدوڵڵا) ووتەبێژی هاتووچۆی سلێمانی، لەهۆڵی پارێزگای سلێمانی ئاماری ڕووداو کاروچالاکیەکانی ساڵی 2014 ڕاگەیاند وئاماژەی بۆ ئەوەشکرد بەهۆی ڕووداوەکانی هاتووچۆ (140) هاوڵاتی گیانیان لەدەستداوە و(2396) هاوڵاتیش برینداربوون.
لەکۆنگرەکەدا کە عەمید محەمەد تاهیر ڕەشید بەڕێوبەری هاتووچۆی سلێمانی و یاریدەدەرانی بەڕێوبەرو ژمارەیەک لەپلەدارانی هاتووچۆو نوێنەری ڕێکخراوەکان و ژمارەیەک لەراهێنەری نووسینگەکان ئامادەبوون، ملازمی هاتووچۆ بەهمەن عەبدوڵڵا ووتەبێژی هاتووچۆ بەووردی تیشکی خستەسەر سەرجەم ئاماروکاروچالاکیەکانی بەڕێوبەرایەتی هاتووچۆ، بەپێی ئەو ئامارەی بەڕێوبەرایەتی هاتووچۆی سلێمانی کە ڕایگەیاند لەساڵی ڕابردوودا (1389) ڕووداوی هاتووچۆ ڕوویداوە کە (942) ڕ ووداویان لەلایەن هاتووچۆی سلێمانی هێڵکاریان بۆ کراوە ولەو ڕێژەیەش (648) ڕووداویان پێکدادان و (121) ڕووداویان وەرگەران و(70) ڕووداویان شێلان و(83) ڕووداویان زیان گەیاندن بەموڵکی گشتی و(16) ڕووداویان هەڵدێران و(4) ڕووداویان سووتان بووە، بەپێی ئەو ئامارە و لەکۆی ئەو ڕووداوانە (1638) ئۆتۆمبێل وماتۆر تووشی زیان بوون کە(623) ئۆتۆمێلیان لەجۆری گشتی و(907) ئۆتۆمبێلیان لەجۆری تایبەت و(2) ئۆتۆمبێلیان لەجۆری کشتوکاڵی و(2) ئۆتۆمبێلیان لەجۆری بیناسازی بوون، (71) ئۆتۆمبێلیان ئۆتۆمبێلی میری (حکومی) بوون.
هەروەها ملازمی یەک بەهمەن عەبدوڵڵا ئاماژەی بۆ ئەوەش کرد کە زۆرترین ڕووداو بەهۆی تیژرەوی بووە کە(380) ڕووداوبووە، (149) ڕووداویش بەهۆی بێ ئاگاییەوە بوە، (97) ڕووداویشیان بەهۆی سەرخۆشیەوە بووە.... زۆرترین ئەو ئۆتۆمبێلانەشی کە تووشی ڕووداو بوون لەجۆری تویتاکرۆلای تاکسیە ولەدوای ئەویش نیسان بیکاب دێت.
هەربەهۆی ئەو ڕووداوانەوە (2396) هاوڵاتی برینداربوون، هەروەها (140) هاوڵاتیش گیانیان لەدەست داوە کە(50) هاولاتیان پیادە بوون، (81) هاوڵاتیان سەرنشین بووە (9) هاوڵاتیشیان شۆفێربوون، هەربەپێی ئەو ئامارە زۆرترین ڕووداوی گیان لەدەستدا لەسنووری عەربەت وسەیدسادق تۆمارکراوە.
هەربەپێی ئامارەکان لەساڵی ڕابردوودا بەشی مۆڵەت (34832) مۆڵەتی شۆفێری گشتی وتایبەتی داوە بە هاوڵاتیان لەوڕێژەیەش (7932) هاوڵاتیان لەرەگەزی مێ بوون و(24518) هاوڵاتیان لەرەگەزی نێربوون. هەروەها بەشی هونەری لەساڵی 2014 دا (39321) ئۆتۆمبێلی تۆمارکردوە، لەوڕێژەیەش (17694) ئۆتۆمبێلی تایبەت و(3505) ئۆتۆمبێلی کرێ و(15139) ئۆتۆمبێلی بارهەڵگر و(1399) ئۆتۆمبێلی کشتوکاڵی و(1240) ئۆتۆمبێلی بیناسازی و(344) ماتۆرە.
هەروەها بەپێی ئەو ئامارە کامێراکانی چاودێری (75289) سەرپێچی تۆمارکردوە کە(43739) سەرپێچیان لەدەرەوەی شارو(39574) سەرپێچیان لەناوشار تۆمارکراوە، هەروەها کارمەندان و مەفرەزەکانی هاتووچۆ بەهۆی سەرپێچی جۆراوجۆر دەستیان بەسەر(3526) ئۆتۆمبێل دا گرتوە، لەهەمانکاتدا بەهۆی سەرپێچی جۆراوجۆرەوە توانراوە دەست بەسەر(112471) بەڵگەنامەدا بگیرێت، کە(1941) بەڵگەیان بەهۆی جامی تاریکی ئۆتۆمبێلەکانەوە وەرگیراوە، هەربەپێی ئەوئامارە(409) شۆفێر بەگژ کارمەندانی هاتووچۆ چوونەتەوە.
بەپێی ئەو ئامارە ڕێژەی ڕووداوەکان لەساڵی 2014 لەچاو ساڵی 2013 زیادی کردووە بەڵام ژمارەی گیان لەدەستان و بریندارکەمی کردوە.لەساڵی 2013 دا (887) ڕووداو ڕووی داوە بەڵام لەساڵی 2014دا (1389) ڕووداو ڕووی داوە، لەساڵی 2013دا (220) هاوڵاتی گیانی لەدەست داوە، بەڵام لەساڵی 2014 دا (140) هاوڵاتی گیانی لەدەست داوە، لەساڵی 2013 دا (2835) هاوڵاتی برینداربوون بەڵام لەساڵی 2014دا (2396) هاوڵاتی برینداربوون.

ماڵپەڕی:سپی میدیا
بەپێی ئامارێکی بەڕێوەبەرایەتی تەندروستی سلێمانی لە ڕۆژانی جەژنی قوربان 13 هاوڵاتی بەڕووداوی هاتوچۆ گیانیان لەدەستداوە‌و زیاتر 4000 کەسیش ڕەوانەی‌ نەخۆشخانە کراون.
ئەمرۆ میران محەمەد، بەڕێوەبەری گشتی تەندروستی سلێمانی، لەکۆنفرانسێکی ڕۆژنامەوانیدا ڕایگەیاند، لەماوەی ڕۆژانی جەژنی قورباندا (25) کەس بەشێوازی جیا جیا گیانیان لەدەستداوە، ڕاشیگەیاند، بەراورد بەجەژنی ڕەمەزان ئاماری ڕووداوی هاتوچۆ لەجەژنی قوربان زیاتر بووە، بەجۆرێک (13) کەس گیانیان لەدەستداوە کە خەڵکی شاری سلێمانین و 7 کەس بە نەخۆشی‌ و 3 کەس سوتاویی‌ و 2 کەسیش خنکاون‌ و یەک حاڵەتیش هەبووە کە بەفیشەک گیانی لەدەستداوە.
هەر لەکۆنفرانسەکەدا بەڕێوەبەری گشتی تەندروستی سلێمانی ئاشکرایکرد، لەماوەی چوار ڕۆژی جەژنی قورباندا (233) منداڵ لەنەخۆشخانەی منداڵبوون لەدایکبوون کە (103) منداڵیان کچ‌و (130) منداڵیشیان کوڕ بوون‌و لەو ڕێژەیەش (40) منداڵیان، منداڵی ئاوارەکان‌و گەشتیارانی عەرەب بوون.
میران محەمەد باسی لەوەش کرد، کە چوار هەزار‌و (259) کەس ڕەوانەی‌ نەخۆشخانە کراون کە سێ‌ هەزار و (786) کەسیان چارەسەری پێویستیان وەرگرتووە.

بەپێی‌ ئاماری‌ بەڕێوەبەرایەتی‌ ڕەگەزنامەی‌ سلێمانی‌، مانگی‌ ڕابردوو(ئایار) لەسنووری‌ پارێزگای‌ سلێمانی‌ 826 گرێبەستی‌ هاوسەرگیری‌ ئەنجامدراوه و 126حاڵەتی‌ جیابوونەوەی‌ هاوسەرەکان تۆمارکراوە.
مانگی‌ ڕابردووش بەڕێوەبەرایەتییەکە ئاماری‌ چوار مانگی‌ یەکەمی‌ ئەمساڵی‌ لە پارێزگای‌ سلێمانی‌ ڕاگەیاند، کە بەپێی‌ ئامارەکە سێ هەزار و 95 گرێبەستی‌ هاوسەرگیری‌ ئەنجام دراوه و 482حاڵەتی‌ جیابوونەوەش تۆمارکراوە له و چوار مانگەدا.
ئاماژەبەوەکرابوو، لە سنووری‌ پارێزگاکە، لە مانگی‌ کانوونی‌ دووەم 758 گرێبەستی‌ هاوسەرگیری ئەنجامدراوه و مانگی‌ شوباتیش 783 گرێبەست ئەنجام دراوە.
هەروەها مانگی‌ ئازار 697گرێبەستی‌ هاوسەرگیری و مانگی‌ نیسان-یش زۆرترین حاڵەت تۆمارکراوە، کە 857گرێبەستی‌ هاوسەرگیری‌ بووە کە لە دادگاکانی‌ سنووری‌ سلێمانی‌ تۆمارکراون.
بەپێی‌ ئاماری‌ بەڕێوەبەرایەتییەکە لەسنووری پارێزگای سلێمانی‌ لەمانگی‌ کانونی‌ دووەم 116حاڵەتی‌ جیابوونەوە تۆمارکراوه و مانگی‌ شووبات 104حاڵەت و مانگی‌ ئازار 108و مانگی‌ نیسانیش154حاڵەتی‌ جیابوونەوە لەنێوان هاوسەرەکاندا لە دادگا تۆمارکراوە.
01-06-2017

خەندان ژینۆ ئەحمەد
قەیرانی دارایی هەرێم تەنها کاری لەسەر دواکەوتنی مووچەی فەرمانبەران و ڕاگرتنی سلفەکانی عەقارو هاوسەرگیری و کشتوکاڵ و پیشەسازی و قەرزی بچوکی گەنجان نەکردوە، بەڵکو بووەتە هۆی ڕاگرتنی پڕۆژەکانیش کە سەرچاوەی ئاوەدانکردنەوەی کوردستانن، لەگەڵ ئەوەی پڕۆژەکانی ساڵی 2014 کاریان بۆ کراوه و بودجەکەشیان دیاریکراوە، بەڵام بەهۆی ئه و قەیرانە داراییەوە نەتوانراوە کاریان لەسەر بکرێت.
کام پڕۆژەیە کاری تیا دەکرێت؟
تابان جەبار، بەڕێوەبەری پلاندانان و بەدواداچوون لە دیوانی پارێزگای سلێمانی بە خەندانی ڕاگەیاند: لە پڕۆژەکانی پارێزگای سلێمانی بە پلانی وەزارەتەکانیشەوە نزیکەی سەدا 10 بۆ 15یان بانگەوازیان بۆ نەکراوە، ئەویش بەهۆی ئەوەی لە 17ی شوباتی ئەمساڵەوە بە بڕیاری ئەنجومەنی وەزیران بانگەوازکردن بۆ پڕۆژەکان ڕاگیراوە بەهۆی ئه و قەیرانی داراییەی لە نێوان هەرێم و بەغدا ڕوویداوە، بۆیە ئەوەش وایکردوە دوابکەوین لە جێبەجێکردنی پڕۆژەکاندا، لە ئێستادا تەنها ئه و پڕۆژانە کاریان تیادا دەکرێت کە پێشتر ڕاگەیەندراون و بانگەوازیان بۆ کراوە و سلفەیان بۆ دەکرێت و ڕاناگیرێن.
چارەنووسی پڕۆژەکانی 2014
تابان جەبار، لەبارەی چارەنووسی پڕۆژەکانی 2014 ەوە دەڵێت: "کێشەمان لە پڕۆژەکانی 2014 دا هەیە ئەویش بەوەی تا ئێستا هیچ پڕۆژەیەک کاری بۆ نەکراوە، ساڵانی پێشوو ئەگەر بودجەش پەسەند نەکرایە لانیکەم دەمانتوانی ئه و پڕۆژانەی زۆر گرنگن و دەمانزانی کە بڕیاری لەسەر دەدرێت بانگەوازی بۆ بکەین".
وتیشی: "بەڵام ئێستا ئه و قەیرانە وایکردوە پڕۆژەکان دوابکەون، کە دواش کەوت دەکەوێتە مانگی حەوت و هەشتەوە، کە کەوتیشە ئه و کاتەوە یەک دوو مانگێکیان دەوێت تا بانگەوازیان بۆ دەکرێت و ئیحالە دەکرێن، بۆیە ئه و کاتەش دەکەوینە زستانەوە، لە زستانیشدا پڕۆژە جێبەجێ ناکرێت، ئەمە کێشەمان بۆ درووست دەکات".
ژمارەی پڕۆژەکانی 2014
ساڵانە حکومەتی هەرێم لە ڕێگەی پارێزگاو وەزارەتەکانەوە، پڕۆژەکان ئامادە دەکات له و چوارچێوەیەشدا پارێزگای سلێمانی لیستی پڕۆژەکانی خۆی ئامادەکردوە.
تابان جەبار، وتی: "پڕۆژەکانی پارێزگای سلێمانی بە ئیدارەی گەرمیانیشەوە 472 پڕۆژەیە، کۆی بودجەکەشی 373 ملیار دینارە، ئەویش دەگەڕێتەوە بۆ ئه و بڕە پارەیەی کە لە بەغداوە تەرخانکراوە بۆ هەرێم و هەرێمیش بەسەر پارێزگاکاندا دابەشیکردوە، له و چوارچێوەیەشدا بودجەی پڕۆژەکانی پارێزگای سلێمانی %40ی بەرکەوتووە".
روونیشیکردەوە: " لە بەغداوە 933 ملیار دینار بۆ هەرێمی کوردستان نێردراوە، به و پێیەش بەشی سلێمانی دەکاتە 373 ملیار دینار و 200 ملیۆن دینار، ئێمەش بەپێی ڕیزبەندی ئه و پڕۆژانەمان دانابوو، سەرەتا پلانمان بۆ 500 ملیار دینار دانابوو، بەڵام کە پارەکە کەمکرایەوە ئێمەش پڕۆژەکانمان کەمکردەوە بەتایبەتی ئەوانەی ئەولەویەتیان هەیە دامانناون و ئەوانەی ئەولەویەتیان نییە لامان بردوون".
تابان جەبار ئاماژەی بەوەشدا: "دواین جار پڕۆژەکانمان بە زمانی عەرەبی و کوردی ناردووەتەوە بۆ وەزارەتی پلاندانان، لیستی پڕۆژەکان بەزمانی عەرەبی بۆ بەغدایە، بەڵام تا بودجەی 2014 لە پەرلەمانی کوردستان پەسەند نەکرێت، هیچ کام له و پڕۆژانە ناچنە بواری جێبەجێکردنەوە".
وەرزی پڕۆژەکان
لەبارەی وەرزی جێبەجێکردنی پڕۆژەکانەوە ناوبراو وتی: "ساڵان لەم کاتەدا بە فەرمانی پارێزگار، ئه و پڕۆژانەمان ڕادەگەیاند کە دەمانزانی لە پلانەکەدا دێنەوە، چونکە وەرزی جێبەجێکردنی پڕۆژەکان بەهارو هاوینە، بەڵام زستان و بایز وەرزی جێبەجێکردنی پڕۆژە نییە، کێشەی ئێمە لەگەڵ پڕۆژەکاندا به و جۆرەیە کە دەبێت لە وەرزی خۆیاندا بچنە بواری جێبەجێکردنەوە".
گوندەکان چیان بۆ دەکرێت
لەبارەی گوندەکانی سنووری ماستەرپلانی سلێمانی کە ئێستا لەلایەن شارەوانی و لایەنە پەیوەندیدارەکانی سلێمانییەوە کاریان بۆ دەکرێت، تابان جەبار وتی: "لە جێبەجێکردنی پڕۆژەدا ئێمە سەیری ئەولەویەت دەکەین، ئه و یاساو ڕێنماییانەی کاری پێدەکەین ڕێنمایی گەشەپێدانی هەرێمەکانە، ئێمە کار لەسەر ئەوە دەکەین بەپێی ژمارەی دانیشتوان کار بکەین، زۆرترین ژمارەی دانیشتوان لە کوێ بێت لەوێ زۆرترین پڕۆژە جێبەجێ دەکرێت، بۆیە هەر قەزاو ناحییەک بەپێی ڕێژەی دانیشتوان پارەی پڕۆژەکانیان بەردەکەوێت و گوندەکانیش له و پڕۆژانە بێبەش نابن و بەپێی ئەولەویات پڕۆژەیان بۆ دەردەچێت".
راشیگەیاند: ئەوان کە کار دەکەن لە بواری ئاو و ئاوەڕۆو ڕێگاوبان، گرنگی بە هەموو شوێنێک دەدەن، گوندەکانیش کاریان بۆ کراوە، کارەبایان بۆ چووه و ئاوەڕۆشیان بۆ دەچێت، ئەمەش بەپێی ڕێژەی دانیشتوان.
ئەوەشی بە نموونە هێنایەوە، قەزای ناوەندی سلێمانی 153 ملیار دیناری بەرکەوتووە، بە هەرسێ ناحیەکەی تانجەرۆ و بەکره و بازیانەوە لەگەڵ گوندەکان و شارەکان و گەڕەکەکان، ئەویش بەپێی بانگەواز و ئیحالەکردن دەچنە بواری جێبەجێکردنەوە.
- 29-03-2014

کۆمسیۆنی‌ باڵای‌ هەڵبژاردنەکانی‌ عیراق ئەنجامی‌ هەڵبژاردنی‌ ئەنجومەنی‌ پارێزگای‌ سلێمانی‌ ڕاگەیاند کە 30ی‌ مانگی‌ ڕابردوو هاوکات لەگەڵ‌ هەڵبژاردنی‌ ئەنجومەنی‌ نوێنەرانی‌ عیراق بەڕێوەچوو.
ئەمڕۆ لە کۆنگرەیەکی‌ ڕۆژنامەنووسیدا لە شاری‌ هەولێر، کۆمسیۆنی‌ باڵای‌ هەڵبژاردنەکانی‌ عیراق، ئەنجامی‌ هەڵبژاردنی‌ ئەنجومەنی‌ پارێزگای‌ سلێمانی‌ ڕاگەیاند.
کۆی‌ گشتی‌ دەنگدەکان "906643"
ژمارەی‌ کورسییەکان 32 کورسی‌
ئەنجامەکانیش بەمشێوەیەیە:
پارێزگای‌ سلێمانی‌:
بزووتنەوەی‌ گۆڕان "359600" دەنگ (12) کورسی‌
یەکێتی‌ نیشتمانی‌ کوردستان "318723" دەنگ (11) کورسی‌
پارتی‌ دیموکراتی‌ کوردستان "86655" دەنگ (3) کورسی‌
کۆمەڵی‌ ئیسلامی‌ کوردستان "55457" دەنگ (2) کورسی‌
یەکگرتووی‌ ئیسلامی‌ کوردستان "66097" دەنگ (2) کورسی‌
هاوپەیمانی‌ نیشتمانی‌ "10512" دەنگ (1) کورسی‌
ئەمەش ناوی‌ کاندیدە سەرکەوتووەکانە:
بزووتنەوەی‌ گۆڕان
1- هەڤاڵ ئەبوبەکر "241241" دەنگ
2- بەرزان محەمەد "7795" دەنگ
3- بەناز حەمە ڕەشید "5396" دەنگ
4- غالب محەمەد "5034" دەنگ
5- ئەنوەر تاهیر "4848" دەنگ
6- هاوسەر هۆشیار "4412" دەنگ
7- دیلمان عەزیز "4315" دەنگ
8- ڕێبوار ئەحمەد "3972" دەنگ
9- محەمەد عەبدولوەهاب "3855" دەنگ
10- ڕەسول عەبدوڵڵا "2984" دەنگ
11- سێوە حەمەخزر "2348" دەنگ
12- هاوژین ئیسماعیل "1825" دەنگ
یەکێتی نیشتمانی‌ کوردستان
1- ئاسۆ فەرەیدون "104424" دەنگ
2- سەلمە فاتیح "18773" دەنگ
3- ئەکرەم شەریف "8550" دەنگ
4- ڕێکەوت محەمەد "8161" دەنگ
5- ئازاد محەمەد ئەمین "7743" دەنگ
6- محەمەد ڕەسول "7562" دەنگ
7- ڕزگار حەمە نووی "6067" دەنگ
8- سەباح فەتاح "5280" دەنگ
9- هۆشیار ئیسماعیل "5270" دەنگ
10- نیاز ئەحمەد "4192" دەنگ
11- ئاڤان جەمال "4137" دەنگ
پارتی دیموکراتی‌ کوردستان
1- زیاد حەمە ڕەزا "8254" دەنگ
2- دانا محەمەد "3659" دەنگ
3- مینا سامی "2886" دەنگ
یەکگرتووی‌ ئیسلامی‌ کوردستان
1- مەهدی مەحموود "15364" دەنگ
2- خەدیجە عەبدولجەبار "4435" دەنگ
کۆمەڵی‌ ئیسلامی‌ کوردستان
1- فەیسەڵ ئیبراهیم "20527" دەنگ
2- میدیا شێخ ئەحمەد "2442" دەنگ
هاوپەیمانی نیشتمانی
1- فەرهاد تۆفیق حەسەن "4275" دەنگ
- 22-05-2014

ناونیشانی پەڕتووک: ئەنجامەکانی پڕۆسەی گەمارۆسازی و ژمارە ژمارە دانان 2009 پارێزگای سلێمانی 01
[1]

ناونیشانی پەڕتووک: ئەنجامەکانی پڕۆسەی گەمارۆسازی و ژمارە ژمارە دانان 2009 پارێزگای سلێمانی 02
[1]

30-04-2020

#24-12-2017#