[1]

بەداخەوە سەرو ماڵی جوتیارانمان لە ناوچە کوردستانیەکانی دەرەوەی ئیدارەی هەرێم کەوتووەتە بەر ئاگری ڕق و کینە، سوتاندنی گەنمی جوتیارانمان لە مەخمورەوە بۆ #خانەقین# بە پرۆسەیەکی بەرنامە بۆ داڕێژراو دەزانین، کە ساڵانە چەند بارە دەبێتەوە و ڕەنجی ئەو ساڵەیان بە هەدەر دەدرێت.
پێشتریش وەک وەزارەتی کشتوکاڵ و سەرچاوەکانی ئاو داوامان لە #وەزارەتی پێشمەرگە# کردبوو سەرو ماڵی جوتیاران لەناوچە کوردستانیەکانی دەرەوەی ئیدارەی هەرێم بپارێزن بەپێی گونجاوی شوێنەکان، بەڕێوەبەرایەتیەکانی کشتوکاڵیشمان داوایان لە یەکە ئیداریەکانی ئەو ناوچانە کردووە ڕێکاری پێویست بگرنەبەر بۆ پاراستنی گیان و ماڵی جوتیاران.
هەروەها نوێنەرمان لەگەڵ وەزارەتی کشتوکاڵی حکومەتی فیدراڵ داوای کردووە دەغڵ و دانی جوتیاران لەو ناوچانە بپارێزرێت.
لێرەشەوە داوا لە وەزارەتی کشتوکاڵی حکومەتی عێراق و ئیدارەی پارێزگای #کەرکووک# و ناوچە کوردستانیەکانی دەرەوەی ئیدارەی هەرێم دەکەین و بەرپرسیارەتی پاراستنی سەرو ماڵی جوتیارانیان لەو ناوچانە لە ئەستۆدایە، لەگەڵ قەرەبووکردنەوەی زيانەکان.
وەزارەتی کشتوکاڵ و سەرچاوەکانی ئاو
#29-05-2020#

بە لەبەرچاو گرتنی وەرزی پێگەیشتنی بەرهەمی ناوخۆیی، دوای گفتوگۆکردنی بەڕێز وەزیری کشتوکاڵ و سەرچاوەکانی ئاو لەگەڵ بەڕێز وەزیری ناوخۆ تایبەت بە کردنەوەی دەرگای عەلوەکان (گۆڕەپانی سەوزەو میوە) لە ڕۆژانی جەژنی پیرۆزی ڕەمەزان.
بە سوپاسەوە تەنها ڕۆژی یەکەمی جەژن دەرگای عەلوەکان داخراو دەبێت، بە پێچەوانەوە ڕۆژی دووەم و سێ یەمی جەژن سەرجەم عەلوەکان کراوە دەبن.
وەزارەتی کشتوکاڵ و سەرچاوەکانی ئاو
#22-05-2020#

#06-02-2018#