ئاماژە بە کۆنوسی لیژنەی پێکهاتوو بە فەرمانی وزاریمان ژمارە (7067)لە 20-10-2019 بۆ بەرژەوەندی گشتی و باشتر ڕاپەڕاندنی کاروبارەکانی میدیا و ژمارەی سپاردن چاپی کتێب
1- =KTML_Bold=بەپێی ڕێنمای ژمارە (2)تایبەت بە ڕادیۆ و تەلەفزیۆنەکان=KTML_End= بە ژمارە(2749)لە ڕێکەوتی 20-05-2019 دەرچووە.لەکاتی پابەندنەبونی ڕادیۆ و تەلەفزیۆنەکان بە یاسا و ڕێنمایەکان و هەڵسان بە ناوزراندن سوکایەتی کردن بە خەڵک ڕەمزەکانی بزاڤی ڕزگاریخوازی کوردستان و بڵاوکردنەوە و هاندانی خەڵک بۆگێرە شێوێنی و توندوتیژی تێکدانی شیرازەی خێزان و کۆمەڵگا، وەزیری ڕۆشنبیری و لاوان بۆی هەیە بۆجاری یەکەم کەناڵەکە دابخات بەمەرجێک لە (72)کاتژمێر زیاتر نەبێت و جاری دووەم لە هەمان ساڵ لە هەفتەیەک زیاتر نەبێت و جاری سێیەم لە هەمان ساڵ بە یەکجاری کەناڵەکە دادەخرێت و جارێکی تر بەم ناو و لۆگۆیە مۆڵەتی پێنادرێتەوە.
2- =KTML_Bold=هەروەها ئاماژە بەرێنمای ژمارە(6)ی ساڵی 1999=KTML_End= کە بە ژمارە (2882)لە 05-12-1999 دەرچووە بەمەبەستی سنوردانان بۆ تانەلێدان و ناو زڕاندنی کەسایەتی و دەستدرێژی کردنە سەر ئایین و مەزهەبەکان و داب و نەریت و سیستەمی گشتی و هەروەها لەپێناو پاراستنی ڕەسەنایەتیی کلتوری کوردی وئامانجەکانی بزوتنەوەی دیموکراتی ڕزگاریخوازیی کوردستان هیچ کتێبێک ژمارەی سپاردنی پێنادرێت و نابێت چاپخانەکان چاپی بکەن، ئەگەر ڕەزامەندی لێژنەی هەڵسەنگاندنی لەسەرنەبێت، بەپێچەوانەوە خاوەن چاپخانەکە ڕووبەڕووی ڕێکاری یاسایی دەکەینەوە.[1]

لاوانی کوردستان
لەکۆتایی ساڵی 1999 نەتەوە یەکگرتوەکان بڕیاریدا کە بەرواری 12 ی ئابی هەرساڵێک بەرۆژی جیهانی لاوان بناسێنێت. ئامانجی ئەمەش سەرنج ڕاکێشانی بریاربەدەستانە لەسەرتا سەری جیهان بۆ کێشه و گرفت و پێداویستیەکانی لاوان و هاندانیانە بۆ دانانی پلانی ستراتیژی و کارنامەی پێویست بۆ ئەم توێژە هەرە گرنگەی کۆمەڵگاکان. دروشمی سەرەکی ئەم یادە ئەم ساڵ بریتیە لە(بەشدار پێکردنی لاوان لەپێناو هاندانی کاری جیهانی). ئامانجی ئەم دروشمەش بیرهێنانەوەی گرنگی بەشدارپێکردنی لاوانە لەبڕیاری سیاسیدا چ لەئاستی ناوخۆ و لۆکاڵی یان ئاستی دەرەکی و جیهانی. هەروەها گرنگی بەشداریکردنیان لەناوەندەکانی بڕیارو دامەزراوە ڕەسمیەکان.
بەم بۆنەیەوە ئێمە لە#وەزارەتی ڕۆشنبیری# و لاوان وێرای پیرۆزبایی لەتوێژی لاوان، لەهەمانکاتدا ڕایدەگەیەنین هەرلەسەرەتای دەست بەکاربونی ئەم کابینەیەوە بەکارنامه و پرۆژەیەکی تۆکمەوە بۆ خزمەتی لاوان دەستمان پێکرد، بەڵام بەهۆی قەیرانی دارایی و دەرکەوتنی پەتای کۆرۆناوە کەبوەتەهۆی وەستانی هەموو جۆرەچالاکی و کۆبونەوەیەک تائێستا نەمانتوانیوە بەشێکی کەمی پلانەکانمان بۆ خزمەتی لاوانی کچ و کوری وڵاتەکەمان پێشکەش بکەین. بەوهیوایەی لەگەڵ کۆتایی هاتنی ئەم قەیرانانە بەهەماهەنگی لەگەڵ لایەنە نێوخۆیی و نێودەوڵەتیەکان ئەرکی نیشتیمانی و حکومی خۆمان جێ بەجێ بکەیین و هاوکاربین لەرەخساندنی زەمینەی گەشەکردنی خەون و خولیای لاوان و بەشداری کارایان لەبڕیاردان و سەرکردایەتیکردن و تواناسازی لاوان. چونکە لاوان وەک چۆن لەئێستادا چالاکترین و کاراترین توێژی کۆمەڵگان، بۆ ئایندەش هیواو هێزی هەموو کۆمەڵگان. بۆیە خزمەتکردنی لاوان و بەدیهێنانی ئامانجەکانیان و بەشدارپێکردن لەبڕیارداندا، دارشتنی بناغەیەکی پتەویشەبۆداهاتووی هەر کۆمەڵگایەک.
لەکۆتایدا ویرای پیرۆزبای لە لاوانی کچ و کوری کوردستان، سوپاسی هەردووک ڕێکخراوی (UNFPA) و (UNICEF) دەکەیین کەبەردەوام هاوکاری ناوەندەکانی وەرزش و لاوان بون لەکارو چالاکیەکانیان و بەهیوایی فراوانبون و باشترکردنی کاری هاوبەش. لەهەمانکاتدا بەڵێنی خۆمان دووبارەدەکەینەوە کەبەپێی توانا بەردەوام دەبین لەپرۆژه و ستراتیژی خزمەتکردنی لاوان.
وەزارەتی ڕۆشنبیری و لاوان
#12-08-2020#

$بەڕێزان هونەرمەندانی شانۆکار $
دکتۆر #نیگار حەسیب قەرەداغی#
#شەماڵ عومەر#
سڵاوی ئێمەتان، لە وەزارەتی ڕۆشنبیری و لاوان لە حکومەتی هەرێمی کوردستان لێبێت و بە بۆنەی وەرگرتنی خەڵاتی هونەریی وڵاتی نەمسا بۆ ساڵی 2022 پیرۆزباییتان لێ دەکەین و بە چاوی ڕێز و ستایشەوە دەڕوانینە ئەم دەستکەوتە گەورە و شایستەیە بۆ ئێوە کە دوو هونەرمەندی دیار و پایەداری گەلەکەمانن و هاوکات لە ڕێی لابۆری لالش و بەرهەمە شانۆییەکانتان و ئەزموونی پڕ بەهاتان لە وڵاتی نەمسا، بوونەتە سیمبوولێک کە سەرۆک کۆماری ئەو وڵاتە بەم خەڵاتە ڕێزی لێناون.
ئێوە بە وەرگرتنی ئەم خەڵاتە سەلماندووتانە کە وێڕای ڕۆڵی پڕ بایەختان لە هونەرەکەتاندا، هەروەها باڵوێزێکی دیار و کاریگەریی گەلی کوردستانیشن لە نەمسا و هەموو ئەو وڵاتانەی کار و بەرهەمەکانتانی تێدا پێشکەش دەکەن.
ئێوە جێی شانازی ئێمە و گەلەکەتان و هەموو هونەرمەندانی شانۆکارن لێرە لە کوردستان و لەوێش لە وڵاتی نەمسا. هیوای بەردەوامیتان بۆ دەخوازین و بە ئێوەوە سەربەرزین. [1]

#حەمەی حەمەسەعید#
وەزیری ڕۆشنبیری و لاوان

دەقی پەیامەکەی #وەزارەتی ڕۆشنبیری# و لاوانی حکومەتی هەرێمی کوردستان:
رۆژی جیهانیی زمانی دایک پیرۆز
زمانی دایک بەیەکێک لەبنەما و ڕەگەزە سەرەکییەکانی پێکهێنەری هەر نەتەوەیەک دادەنرێت و لەسەر ئاستی ناوخۆو نێودەوڵەتی بایەخی زۆری پێدەرێت.
هەر لەبەر ئەو بایەخە مەزنەیە کە ڕێکخراوی یونسکۆ لەساڵی 1999وە بە بڕیارێک ڕۆژی 21ی شوباتی هەموو ساڵێکی بەرۆژی جیهانیی زمانی دایک ناساندووە.
کۆمەڵەی گشتی نەتەوە یەکگرتووەکان لە 15ی شوباتی 2002 بڕیاریکی تایبەتی بۆ بەرجەستەکردنی فرەزمانی دەرکردو داوای لە دەوڵەتانی ئەندام و سکرتاریەتی گشتی ڕێکخراوەکە کرد کە هەوڵی پارێزگاریکردن و پاراستنی هەموو زمانەکان لە سەرانسەری جیهاندا بدەن.
چونکە بەبڕوای ئەو ڕێکخراوە داننان بە فرەزمانی ڕاستەقینەدا یەکێتی گەلان لە ڕێی هەمەرەنگی و لێکتێگەیسشتنی نێودەوڵەتییەوە بەهێز دەکات.
گەلی کوردستانیش وەک هەموو گەلانی دیکەی جیهان، بۆ پاراستنی ناسنامەی نەتەوەیی هەوڵی پاراستنی زمانەکەی و بەرەسمی ناسینی داوە.
لە ساڵانی 1925 تا 1970 نەتوانرا زمانی کوردی وەک زمانی ڕەسمی بخرێتە دوو توێی ماددە و بڕگەکانی دەستوورەکانی عێراقەوە و لەهەموو ئەو دەستورانەدا پێشتر تەنیا دان بە زمانی عەرەبیدا نرا بوو وەک تاکە زمانی ڕەسمی وڵات.
یاسای زمانە ڕەسمییەکان لە هەرێمی کوردستان ڕێگەی بە خوێندن لەسەرجەم قۆناغەکانی خوێندن بە زمانەکانی دایک داوە.
بەرەسمی ناسینی زمانی کوردی لەسەر هەردوو ئاستی ناوخۆیی و دەرەکی بایەخی تایبەتی خۆی هەیە، لەسەر ئاستی ناوخۆی عیراق بەمانای بەرەسمی ناسینی گەلێکە کە هاوشانی گەلی عەرەبە و گەلی پلەدوو نییە، لەسەر ئاستی نێودەوڵەتیش بەرەسمی ناسینی زمانی کوردی بایەخی ئەوەی هەیە کە بەرپرسانی عیراق و هەرێمی کوردستان دەتوانن لەکۆڕ و کۆبوونەوە نێودەوڵەتییە ڕەسمییەکاندا بەزمانی کوردی قسە بکەن.
وەزارەتی ڕۆشنبیری و لاوانی حکومەتی هەرێمی کوردستان وەک داکۆکیکار لە زمانی کوردی بەهەموو زارەکانییەوە، ئەرکی سەرشانییەتی زمانی کوردی لە فەوتان و شێواندن بپارێزێت و ڕێز لە پێکهاتە زمانییەکان بگرێت کە دەیانەوێت لەناوچەکانی خۆیاندا بە زمانی دایکیی بخۆێنن.
زمانی دایکیی، زمانێک کە دەرخەری ئاوەزی تاک و کۆمەڵگەیە و دەبێت ڕێزی لێبگیرێت هەرچەن ئاخێوەرانیشی کەمبن، زانست ئەمەی سەلماندووە، کاتێک تاکێک بەزمانی دایکیی نەخوێنێت لە ڕووی گەشەی مێشک و باری کۆمەڵایەتییەوە تاکێکی لاواز دەبێت و ئەوەی زمانی دایکیی نەزانێت بڕوانامەکەی هەرچی بێت بە نەخوێندەوار دێتە ئەژمار.
وەزارەتی ڕۆشنبیری و لاوان لەگەڵ وەزارەتە پەیوەندارەکانی حکومەتی هەرێمدا کار بۆ گەشەسەندنی سیاسەتی زمانی و گەشەی زمان و ڕەخساندنی زەمینەی خوێندن بەزمانی دایکیی بۆ تەواوی پێکهاتە زمانییەکان دەڕەخسێنێت.
وەزارەتی ڕۆشنبیری و لاوان[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

1997

محەمەد خدر مەولود
#وەزارەتی ڕۆشنبیری#
2000

بەیان حەمە ڕەشید

[1]

بە ئەلفابێتی #ئەرمەنی# نووسراونەتەوه و دوای ساغکردنەوەیان وەردەگێڕدرێن بۆ سەر زمانی ئینگلیزی

حەمەی حەمەسەعید، وەزیری ڕۆشنبیری و لاوانی حکومەتی هەرێمی کوردستان، کە بە سەرۆکایەتی شاندێکی وەزاری لە #یەریڤان#ی پایتەختی ئەرمینیایە، ئەمڕۆ لە دووەم ڕۆژی چالاکییەکانی شاندەکەیاندا، سەردانی مۆزەخانەی نیشتمانی ئەرمینیای کرد و بڕیاریشی دا، ژمارەیەک دەستنووسی کورد دوای ساغکردنەوەیان لە سەر ئەرکی وەزارەت چاپ بکرێن.
له و سەردانەدا، کە ئەرشەک مانۆکیان، کونسوڵی گشتیی ئەرمینیا لە هەرێمی کوردستان یاوەریان بوو، شاندی وەزارەتی ڕۆشنبیری لە لایەن دایڤید بۆغۆسیان، بەڕێوبەری مۆزەخانەی مێژوویی ئەرمینیا و ستافی مۆزەخانەکەوە پێشوازیان لێکرا.
دواتر شاندەکە سەردانی گەلەری نیشتمانی ئەرمینیایان کرد و لە لایەن خاتوو مارینا هاکۆبیان پێشوازییان لێکرا و بەشەکانی گەلەرییەکەیان بەسەرکردەوە و وەزیری ڕۆشنبیری و لاوانی حکومەتی هەرێمی کوردستان دیاری وەزارەتی بەخشییە گەلەرییەکە.
لە درێژەی چالاکییەکاندا، شاندی وەزارەت سەردانی پەیمانگەی لێکۆڵینەوەی دەستنووسە کۆنەکانی ئەرمینیای کرد و لە لایەن ڤاهان گیڤۆندیان پێشوازیان لێکرا.
دوای بەسەرکردنەوەی بەشەکانی پەیمانگەکە، شارەزا و کوردناسی ئەرمەنی د. گۆڕ، لە سیمینارێکدا وردەکاری لە بارەی پێنج دەستنووسی کوردی پێشکەشکرد، کە بە ئەلفابێتی ئەرمەنی نووسراونەتەوه و پەیمانگەکە ساغیان دەکاتەوە و وەردەگێڕدرێن بۆ زمانی ئینگلیزی.
له و میانەیەدا، وێڕای ستایشکردنی ئه و هەنگاوەی پەیمانگەکە، حەمەی حەمەسەعید، وەزیری ڕۆشنبیری و لاوانی حکومەتی هەرێمی کوردستان ئاماژەی بە هەنگاوەکانی حکومەتی هەرێمی کوردستان کرد بۆ کردنەوەی بەڕێوبەرایەتییەکی گشتیی لە هەرێمی کوردستان بە مەبەستی پاراستنی دەستنووسەکان و ساغکردنەوەیان.
لە بەشێکی دیکەی وتەکەیدا، وەزیری ڕۆشنبیری حکومەتی هەرێمی کوردستان بەڵێنی دا، دوای ساغکردنەوە و وەرگێڕانی دەستنووسە کوردییەکان، ئەرکی لە چاپدانیان بگرێتە ئەستۆ.[1]

#26-12-2017#