هەڵۆ #ئیبراهیم ئەحمەد# ساڵی 1951 لەدایک بووە. لەساڵی 1961ەوە لەگەڵ باوکیدا تێکەڵی بزوتنەوەی ڕزگاری خوازی گەلی کورد بووە. لەسەرەتای دامەزراندنی کۆمەڵەوە، پەیوەندی بەرێکخستنەکانیەوە کردووە. لە 1976 چووەتە ئەوروپا دکتۆرای وەرگرتووە لە کۆمپیوتەردا لە پەیمانگای تەکنیکی مەلیکی لەستۆکهۆڵم. لەساڵی 1991دا گەڕاوەتەوە کوردستان و دەزگای شێڵتەری دامەزراندووە. لەساڵی 2003دا ڕێکخراوی سۆڵیدارێتی خوێندکارانی دامەزراند و ئێستا سەرۆکی بۆردی ڕێکخراوەکەیە. نزیکەی دوو ساڵ لەمەوبەر ئاراستەی یەکبوونی لەناو یەکێتیدا دروست کرد. سەرەتای تشرینی یەکەم تاڵەبانی ئاراستەی یەکبوونی هەڵوەشاندنەوە و هاوڕێکانی گەڕانەوە ناو یەکێتی و ئەمیش لەیەکێتی دەرکرا، لەرۆژی 04-11-2008ەوە بڕیاری دروستکردنی حیزبی (پێشکەوتن)دا.

#هەڵۆ ئیبراهیم ئەحمەد#:
پارتی، لەگەڵ یەکێتی ناگاتە نەتیجە، چونکە پێشوەختە یەکێتی بەپشتیوانی قائانی لەگەڵ خەزعەلی ڕێککەوتووە کە دژی پارتی و حکومەتەکەی #مەسرور بارزانی# بوەستێتەوە.
پارتی دەیان کۆبوونەوەی تریش لەگەڵ یەکێتی بکات ناگاتە نەتیجە، چونکە پێشوەختە یەکێتی بە پشتیوانی قائانی لەگەڵ غەزعەلی ڕێککەوتووە کە دژی پارتی و حکومەتەکەی مەسرور بارزانی بوەستێتەوە. بڕیارەکان دادگای فیدراڵیش باشترین نموونەن.
چەند ڕۆژێک پێش دەرچوونی بڕیارەکەی دادگای فیدراڵی ئێراق کەسی یەکەمی ئێستای یەکێتی بە چواردەورەکەی وتبوو دەبینن چی لە حکومەتەکەی مەسرور دەکەم، ئەوە گریمان 400 ملیارەکە نەهات کێ زەرەر دەکات یەکێتی یان پارتی؟ بێگومان یەکێتی، چونکە پارتی تەنیا شتێک پەکی لەسەری نەکەوێت پارەیە، بەپێچەوانەوە یەکێتی گرفتی پارە و ئیدارەدانی #سلێمانی# هەیە و بانکەکانی ئیفلاسی کردووە.
سلێمانی و یەکێتی ئێستا لە هەمووکات زیاتر بەدەست گرفتی ئەمنی و ئیدارەدانەوە دەناڵێنن، کورت و پوخت یەکێتی ئێستا سلێمانی پێ بەڕێوەنابرێت، تەنانەت سەرکردایەتی و سەرۆکەکەی ئەوەندە لاوازن کە حزبەکەی خۆشیان پێ بەڕێوە نابرێت. [1]

هەڵۆ ئیبراهیم ئەحمەد

$نە فەیسبووکم هەیە نە هیچ پلاتفۆرمێکی تری سۆشیاڵ میدیا$
بە هیچ شێوەیەک پەیوەندیم بە سیاسەتەوە نەماوە و لە ئاییندەشدا نامبێت.
#هەڵۆ ئیبراهیم ئەحمەد# لە ڕوونکردنەوەیەکدا باسی لەوە کردووە، کە ماوەیەکە پەڕەیەکی ساختەی فەیسبووک بە ناوی منەوە ئاژاوە دەنێتەوە، هێرش دەکاتە سەر هەندێک لایەن و کەسایەتی و پشتگیری لە کەسێک دەکات.
باسی لەوەشکردووە ئەو پەڕە ساختەیە، بۆ سەلماندی ئەوەی کە ئەو پەڕەیە ساختەکاری نییە، وێنەی دایک و باوکم و لە دۆکیۆمێنتێکی لە ئەرشیڤی باوکم بڵاوکردووەتەوە.
لە کۆتایی ڕوونکردنەوەکەشیدا هەڵۆ ئیبراهیم ئەحمەد ڕایگەیاندووە: نە فەیسبووکم هەیە، نە هیچ پلاتفۆرمێکی تری سۆشیاڵ میدیا. هەروەها بە هیچ شێوەیەک پەیوەندیم بە سیاسەتەوە نەماوە و لە ئاییندەشدا نامبێت. [1]

[1]