فەرهەنگی کوردیی “هەنبانە بۆرینە”ی هەژاری موکریانی، لەرۆژهەڵاتی کوردستان بۆ جاری دەیەم چاپکرایەوە.
ئاژانسی هەواڵی میهر بڵاوکردوەتەوە کە فەرهەنی هەنبانە بۆرینە لە نوسینی مامۆستا هەژار کە فەرهەنگێکی کوردی- کوردی- فارسییە لە لایەن بڵاڤگەی سروشەوە بۆ جاری دەیەم چاپکراوەتەوە.
بەپێی هەواڵی ئاژانسەکە ئەمساڵ چاپی دەیەمی هەنبانە بۆرینە ڕەوانەی بازاڕی کتێبی ئێران کرا و هاوکات 83 ناوەدنی بڵاو کردنەوەی کتێب، هەناردە کردنی ئەم کتێبەیان لە ئێران و وڵاتانی دیکە لە ئەستۆ گرتووه.
شایانی باسە کە ئەم فەرهەنگە لە دوتوێی 1035 لاپەڕە لە چاپ دراوە و بە تیراژی هەزار نوسخە بۆ جاری دەیەم چاپ و بڵاو کراوەتەوه.
هەنبانە بۆرینە بەیەکێک لەسەرچاوە گرنگەکانی فەرهەنگی کوردی-کوردی دادەنرێت کە هەژار موکریانی ساڵانێکی زۆری تەمەنی بۆ تەرخان کردوەو چەندین ناوچەی جیاوازی کوردستان گەڕاوە لەپێناو دەوڵەمەندکردنی فەرهەنگەکەیدا.