- ئەگەر دەتەوێ دڵێکی تەندرووستت هەبێ، ڕۆژانە کەڵک لە خواردنی هەنار وەربگرە.
- ئەگەر فشاری خوێنت بەرزە، ڕۆژانە هەنار، یاخود پەرداخێک ئاوی هەناری سرووشتی بخۆرەوە.
- ئەگەر خواردنی قوورست خواردووە، کەمێک هەنار بخۆ بۆ ئەوەی خێرا خواردنەکە هەرس بکەیت و گەدەت قوورس نەبێت.
- ئەگەر وەکوو پێویست وزەی سێکسیت نییە، کەڵک لە خواردنی هەنار وەربگرە، هەنار وزەی سێکسیت زۆر دەکات.
- ئەگەر دڵەکوتەت هەیە و بەرگریی لەشت لاوازە، باشترین چارەسەرت هەنارە و کەڵک لە خواردنی وەربگرە. [1]

گوڵی داری #هەنار# تاک یان شێوە تاج هەڵکەوتووە کە خاوەنی سێ گوڵە، بە ڕەنگی ئەرخەوانی یا سووری هەناری هەندێک کات سپی، میوەی هەنار وەک تەشی وایە خاوەنی توێکڵی قایم و لاسکی باریک لکاو بە توێکڵەکەیەوە.
هەنار یەکێکە لە میوە خۆش و بەسوودەکان و کە لە وەرزی پایزدا زیاتر بەرهەم دێت، هەنار لە (ئاو، شەکر، پرۆتین، ڕیشاڵ و ڤیتامین (C ، B ، A) ، چەند ماددەیەکی تر پێکهاتووە، چەندین سوودی گرنگی هەیە.

1. دەوڵەمەندە بە ماددەی دژە ئۆکسان و ئاسن.
2. گرنگە بۆ پاککردنەوەی گورچیلە و نەمانی بەردی گورچیلە.
3. زۆر گرنگە بۆ تەندرووستی دڵ.
4. ڕێگری لە نەخۆشی شێرپەنجە دەکات.
5. هەنار ڕێگری لە چرچ و لۆچ بوونی پێست دەگرێت.
6. گرنگییەکی زۆری هەیە بۆ کۆئەندامی هەرس و یارمەتیی هەرس کردنی خۆراک دەدات.
7. بۆ هەوکردنی جومگەکانیش بەسوودە.
8. بۆ ئەوانەی کە کەم خوێن هەنار سوودی زۆرە چونکە ماددەی ئاسنی تێدایە.
9. هەنار ڤیتامین A تێدایە کە یارمەتیی تەندرووستی چاو دەدات.
10. توێکڵی هەنار چارەسەر و بەسوودە بۆ برین، هەوکردنی گەدە و ڕیخوڵە. [1]

ئەوەندەیە و هەنار نییە، پڕ بازاڕە و سەودای نییە
ئەوەندەیە و هەنار نییە: مەبەستی لە دڵە کە بە قەدەر قەبارەی هەنارێک دەبێت ، پڕ بازاڕە و سەودای نییە، واتە: بازاڕ پڕە لە خەڵک و هەموویان دڵیان هەیە بەڵام کڕین و فرۆشتنی پێوە ناکرێت چونکە دڵ تەنیا بەیەک کەس دەدرێ. وەڵام دڵ. [1]

بابی پۆڵایە، داکی ئاسنە، بێچوویان دەبێت وەک دەنکی هەنار.
پۆڵا جۆرێک کانزای سەختە. چەکی لێدرووست دەکرێت، بابی پۆڵایە: مەبەست لە چەکە، دایکی ئاسنە، مەبەست لە قەوانی فیشەکە، کە لە ئاسن یان زەرد درووست دەکرێت، دەنکی هەنار ڕەنگی سوورە، بە گوللە چووێنراوە. وەڵام (تفەنگ و گوللە) .[1]

باخی‏ هەنار، ناستان، هەنارستان، انارستان (انارستانمر)[1]

باڵای بەرزە وەک چنار، ترشە وەک لیمۆ و هەنار، لە لادێوە دێ بۆ شار
ڕێواس لە خاک دێتەدەر، قەدێکی ڕێکی بەرزی هەیە، چووێنراوە بە چنار، ترشە وەک لیمۆ و هەنار: واتە: تامی وەک ئەو دوو میوەیە ترشە، لە ناوچە کوێستانییەکان دەڕوێ ، خەڵکی گوندەکان دەچن دەیهێنن و لە شار دەیفرۆشن. وەڵام (ڕێواس) . [1]

هەنار بەوە جیادەکرێتەوە کە وەک دژە ئۆکسێنێکی بەهێز کار دەکات کە دەبێتە هۆی بەهێزکردنی کارکردنی مێشک، لەو چوارچێوەیەشدا لێکۆڵینەوەیەکی نوێ کە لەسەر منداڵانی تازە لەدایکبوو کراوە، پێشنیازیکردووە خانمانی دووگیان لە ماوەی دووگیانییەکەیاندا شەربەتی هەنار بخۆن، لەبەرئەوەی کاریگەریی ئەرێنی لەسەر گەشەی مێشکی کۆرپەلە هەیە.

لێکۆڵینەوەکە دەڵێت: شەربەتی هەنار سوودی خۆپارێزیی گرنگی بۆ کۆرپەلە لەناو منداڵدانی دایکدا هەیە، هەروەک ڕێگریی دەکات لەوەی منداڵەکە کێشێکی کەمی هەبێت.
ئەو لێکۆڵینەوەیە کە لە نەخۆشخانەی بێرنینگهام ئەنجامدراوە و 80 ئافرەتی دووگیان بەشدارییان تێداکردووە، تێیدا لە ماوەی هەفتەی 24 و 43 هەفتەیی دووگیانیاندا گرفتی دواکەوتنی گەشەی کۆرپەلەیان دەستنیشانکراوە، دواتر داوا لە گرووپێک لەو ئافرەتە بەشدارانە کراوە ڕۆژانە شەربەتی هەنار بخۆنەوە و گرووپەکەی تریش خواردنەوەیەکی وەهمییان پێدراوە.

بەگوێرەی پێگەی میدیکاڵ نیوز تودەی ئەنجامەکان ئەوەیان دەرخستوە، هەرچەندە شەربەتی هەنارەکە نەبۆتە هۆی ئەوەی منداڵاکان قەبارەیان گەورەتربێت، بەڵام کاریگەریی تەندرووستیی ئەرێنی لەسەر گەشەکردنی مێشکی کۆرپەلەکان و گەشەی بیناییان هەبووە.
توێژەران پێیانوایە، مادەی پۆڵیفینۆڵ کە بە زۆری لەناو هەناردا هەیە، یارمەتیدەرە لە گەشەکردنی مێشکی کۆرپەلە لەناو منداڵداندا. [1]

بی هەنار و بەی کەی دێنێتە بەر؟
شەختە نابێتە شنەی بای سەحەر [1]
بی= داری بی
شەختە= سەرمای زۆر
بایسەحەر= بای دەمەوبەیان

ئامادەکردنی: مارف ناسراو

بەرزە چوو چنار
سەوەزە وەک خەیار
ترشە جوور هەنار
وەڵام (ڕێواس). [1]