بنیاتی مۆسیقا و ڕەوانبێژی لە چامەی (#سووڕی دەوران# )ی (#هێمن موکریانی# )دا
لێکۆڵەر: کەژاڵ عەبدولقادر عوسمان
گۆڤاری ئەکادیمیای کوردی، ژمارە 54 (2023). [1]
=KTML_Link_External_Begin=https://www.kurdipedia.org/docviewer.aspx?id=564646&document=0001.PDF=KTML_Link_External_Between=کلیک بکە بۆ خوێندنەوەی بنیاتی مۆسیقا و ڕەوانبێژی لە چامەی (سووڕی دەوران)ی (هێمن موکریانی)دا=KTML_Link_External_End=

ڤیدیۆ: بەشداریکردنی #محەمەدی ماملێ# و #هێمن موکریانی# لە یەکێک لە بەرنامەکانی #یەکێتیی هونەرمەندانی کوردستان#.
ساڵی تۆمارکردنی ڤیدیۆ: 1979
شوێنی تۆمارکردنی ڤیدیۆ: #مەهاباد#
کەمانژەن: جەعفەر مینایی
قانوون ژەن: سمایل شاهی
[1]

لە برادەر و ڕەفیقان!
مزگێنی بێ بەهاره...
دەنگێکی دەگمەن بەنرخ له شاعیری گەورەی کورد خوالێخۆشبوو مامۆستا هێمن کە باسی نەوروز دەکا و بیروڕای جوانی خۆی لەوبارەوە دەردەبڕێ.[1]

چیرۆکی عیشقەکەی #هێمن موکریانی# بۆ #ئەحلام مەنسوور#، لە زمانی ئەحلام مەنسوورەوە.
$ئەمەی خوارەوە تێکستی هەردوو شیعرەکەی هێمن موکریانییە(ماچی خودایی و چاوەکەم چاوی ڕەشی تۆ)$
ماچی خودایی
وەرە یارم، وەرە ئەی تازە یارم
وەرە ئەستێرەکەی شەوگاری تارم
وەرە ئەی شاپەڕی باڵی خەیاڵم
وەرە ئەی شەوچرای ڕووناکی ماڵم
وەرە خاسە کەوی ڕام و کەویی من
وەرە ئیلهامەکەی نیوەشەوی من
ورە ئۆخژنی سینەی پڕ گڕی من
ورەر پیرۆزەکەی بەرزە فڕی من
وەرە ئاوەنگی سەر پەلکی گووڵی سوور
وەرە ئاوڕینگی گەرم و مەشخەڵی نوور
وەرە ئەی ڕێژنە بارانی بەهاری
وەرە ئەی شیعری تەڕی پڕ وردەکاری
وەرە ئەی نەونەمامی باخی ژینم
وەرە ئەی شاگوڵی مێرگی ئەوینم
وەرە کاروانکوژەی کاتی بەیانیم
وەرە بیرەوەری و ئاواتی جوانیم
وەرە ئەی بوت هەتاکو بتپەرستم
وەرە مەمکۆڵەکەت بگرم بە دەستم
وەرە ئەی (خەج) ، وەرە ئەی (خاتوزینم)
وەرە با بەژن و باڵاکەت ببینم
وەرە با دامرێ ئاوات و تاسەم
وەرە با بسکەکەت لادا هەناسەم
وەرە با هەڵمژم ئەم لێوە گەرمە
وەرە با هەڵگوشم ئەم ڕانە نەرمە
وەرە جوانێ، وەرە نازت بکێشم
وەرە دەستەگوڵ داتنێم لە پێشم
وەرە با بەس بکەم ئەم باوە باوە
وەرە با بێن بکەم ئەو بسکە خاوە
وەرە با دەست لە باڵاکەت وەرێنم
وەرە کوڵمەم لە کوڵمەتی تۆ خشێنم
وەرە سوور بە لەسەر وادە و بەڵێنی
وەرە کورد بە و مەکە پەیمانشکێنی
وەرە گیانم فیدای چاوەی ڕەشی تۆ
وەرە با هەست بکەم گەرمی لەشی تۆ
وەرە ماچم دەیە ماچی خودایی
کە بێزارم لە ماچی سینەمایی

$چاوەکەم$
چاوی ڕەشی تۆ
ئافەتی گیانی منە
گیانەکەم!
برژانگی تیژت
نووکە ڕمبی دوژمنە
شیری دەستی شێری ئاڵایە
برۆ ڕاکشاوەکەت
جەرگی لاوێکی ھەژاری کوردی
ورد پێ بنجنە
دیدەکەی بەخوماری تۆ
تورکانە بەدمەستی دەکا
بۆیە مەیلی وا بە کێشە و
فیتنە و خوێن ڕشتنە
بەژنەکەت سێدارەیە،
کەزیەت تەنافە زووبە دەی
بیخە ئەستۆی من کە کوردم،
کورد بەشی خنکاندنە
زامی جەرگی من بە فەرموودەی
گراوی سواری کورد
مەڵھەمی ھەر ژەنگی گوارە و
ئارەقی بەرگەردنە
ئارەزوومە ھیچ نەبێ
جارێکی ماچکەم زاری تۆ
ئارەزووی من چووکە،
ئەمما تا بفەرمووی شیرنە
[1]

ڤیدیۆ: خوێندنەوەی شیعری یادم بکەن لەلایەن هێمن موکریانی و خوێندنی قەتار لەلایەن محەمەدی ماملێوە
ساڵی تۆمارکردنی ڤیدیۆ: 1984
شوێن: #مەهاباد#

=KTML_Bold=دەربارەی ڤیدیۆ=KTML_End=
ئەم ڤیدیۆیە یەکێکە لە دەگمەنترین ئەو ڤیدیۆیانەی کە لە هونەرمەندان، #هێمن موکریانی# و مامۆستا #محەمەدی ماملێ# و مامۆستا #محەمەدی دانیش# بەجێ ماوە. ئەم ڤیدیۆیە لە شاری مەهەباد و لەژێرزەمینی ماڵی هونەردۆست عەزیزی خاڵندی لە کەشوهەوایەکی دژواری ئەمنییەتی و ترسێنەردا تۆمار کراوە. لەو سەردەمەدا موزیک و ئامێرەکانی موزیک بە گەورەترین تاوان ئەژمار دەکران، کامێرا و ڤیدیۆ گرتنیش، خۆی دەبوو بە بەستێنەی دەیان تاوانای هەڵبەستراو کە دەتواندرا خاوەنی کامێراکە تا لێواری لەسێدارەدان بەرێ. لەو گرتەیەدا هێمن موکریانی بە شیعر بەشداری دەکات و چەند وتەیەکی گرنگ پێشکەش دەکات و ماملێش بە گۆرانی کۆڕەکە دەڕازێنێتەوە. هەر وەک هێمن موکریانی دەڵێت: لە غەریبایەتی و لە تەنیایی خۆیاندا یەک لە هەڵبژاردەترین شیعرەکانی خۆی هۆنیوەتەوە، کە هەوێنەکەی قەتار و دەنگی ماملێ بووە. ئەو شیعرە ناوی (یادم بکەن)ە کە تێێدا ئاوات دەخوازێ بە دەنگ و قەتاری محەمەدی ماملێ یادی مامۆستا هێمن بکرێتەوە. گرنگی ئەم گرتە ڤیدیۆیە لەوەدایە، کە کاتێک هێمن موکریانی لە ژیاندایە ئاواتەکەی دێتە دی، و خۆی شیعرەکە دەخوێنێتەوە و محەمەدی ماملێش قەتارەکەی بۆ دەڵێ. [1]

شیکاری چەند دەقێکی قەسیدەی ناڵەی جودایی #هێمن موکریانی# لە ڕوانگەی کردە قسەییەکانەوە.
ئامادەکردنی: #سەروەر سەعدوڵڵا ساڵح# ، کۆیان هەژار عەلی.
گۆڤاری زانکۆی تکریت، 2023. [1]
=KTML_Link_External_Begin=https://www.kurdipedia.org/docviewer.aspx?id=545930&document=0001.PDF=KTML_Link_External_Between=کلیک بکە بۆ خوێندنەوەی: شیکاری چەند دەقێکی قەسیدەی ناڵەی جودایی هێمن موکریانی لە ڕوانگەی کردە قسەییەکانەوە=KTML_Link_External_End=

#شێرکۆ بێکەس# وتی: ساڵی 1977 ڕۆژێ وتیان ئەمڕۆ لە هۆڵی نەقابەی مامۆستایان، کۆڕێک بۆ #هێمن موکریانی# شاعیر هەیە و #کامەران موکری# پێشکەشی ئەکات.
خەڵکێکی زۆر ئامادەی کۆڕەکەبوون. من و حەمەی حەمە باقی و ڕەئووف بێگەردیش ڕۆشتین. کۆڕەکە دەستی پێ کرد و کامەران موکری لە سەرەتادا وتی من لە ڕێی ئەم شیعرەی هێمنەوە کە دەڵێ:
گەرچی تووشی ڕەنجەڕۆیی و
حەسرەت و دەردم ئەمن
قەت لەدەست ئەم چەرخە سپڵە نابەزم مەردم ئەمن!
شەیدای شیعر بووم. ئینجا هێمن باسی ئەزموونی شیعری خۆییکرد و گفتوگۆکان گەرم بوون و لێیان پرسی: شیعری کام شاعیرت بەدڵە و کام شیعر بەلاتەوە زۆر جوانترە؟ هێمن ئاماژەی بە شیعرێکی ڕۆمانسی من کرد:
مەدالیای کەمانێکی بچکۆلانەت
دابوو لە سنگ
کە هاتوچۆت
بە بەردەمی مندا ئەکرد
گوێم لێئەبوو
کەمان ئەکەوتە لێدان و
ئەشمبینی مەمکەکانت
ورد ورد، سەمایان بۆ ئەکرد!
هێمن وتی ئەگەر شیعری نوێ ئاوا بێت، وەک ئەم شیعرەی شێرکۆ بێکەس، من هەموو ڕوژێ ماچی ئەکەم!
لە پەڕتووکی: 955 دەقە لەگەڵ شێرکۆ بێکەس. [1]

شوێن: #هەولێر#
رۆژ یان ساڵی گیرانی وێنەکە: 1977
کەسایەتییەکانی ناو وێنەکە: (عەبدولخالق مەعرووف و #هێمن موکریانی# و سەعید یەحیا)
ناوی وێنەگر: (نەناسراو)[1]

شوێن: #هەولێر#
رۆژ یان ساڵی گیرانی وێنەکە: 1977
کەسایەتییەکانی ناو وێنەکە: (#فەخرەدین تاهیر# و #هێمن موکریانی#)
ناوی وێنەگر: (نەناسراو)[1]

شوێن: ڕۆژهەڵاتی کوردستان
ڤیدیۆ: گفتووگۆیەکی تایبەتی #هێمن موکریانی# و #تاهیر تۆفیق# دەربارەی کتێبی #ناڵەی جودایی# [1]