ڕۆژنیوز - ڕێزان محەمەد
بەڕێوبەری گشتی چاودێری و گەشەپێدانی کۆمەڵایەتی ڕایدەگەیەنێت، بڕی 10 ملیۆن دیناری عێراقی لە کەمپیەنی هاوکاری بۆ خانەکانی ساوایان و بێ سەرپەرشتان کۆکراوەتەوە، و سەبارەت بە سێ منداڵەکەی چەمچەماڵیش ڕێگەی یاسایی گیراوەتەبەر.
ئەمڕۆ لە بینای بەڕێوبەرایەتی گشتی چاودێری و گەشەپێدانی کۆمەڵایەتی بەڕێوبەری سەرجەم خانەکانی سەر بە بەڕێوبەرایەتی چاودێری و گەشەپێدانی کۆمەڵایەتی و گەشە دارا، سەرۆکی لیژنەی کۆمەڵایەتی لە پەرلەمانی هەرێمی کوردستان کۆبونەوە.
پاش کۆبوونەوەکە، گەشە دارا، سەرۆکی لیژنەی کۆمەڵایەتی لە پەرلەمانی هەرێمی کوردستان لە کۆنگرەیەکی ڕۆژنامەوانیدا وتی: سەبارەت بە کەمپینی هاوکاری بۆ بێ سەرپەرشتان و ساوایان زۆر هاوکاری هاتووە، وە سەبارەت بە ئەو سێ منداڵەی چەمچەماڵ-یش کە لەلایەن باوەژنیانەوە ئازار درابوون هەموو هەوڵێکمان داوە، کە لە ڕووی تەندرستی و جەستەییەوە وەک کاتی ئاساییان لێبێتەوە.
سەبارەت بە باوک و باوەژنی ئەو سێ منداڵەش، گەشە دارا، وتی: هەموو ڕێکارێکی یاسایمان گرتۆتەبەر بۆ بە سزاگەیاندنی باوک و باوەژنی ئەو سێ منداڵە و لە داواکاری گشتی داوامان لەسەر تۆمارکردوون.
پاشان عومەر گوڵپی، بەڕێوبەری گشتی چاودێری و گەشەپێدانی کۆمەڵایەتی، لە کۆنگرە ڕۆژنامەوانیەکەدا وتی:" زۆر سوپاسی هاوڵاتیان و چەند کۆمپانیایەک دەکەین، کە لە ماوەی ڕاگەیاندنی کەمپینەکەدا زۆرترین هاوکاریان پێشکەش بە کەمپینەکە کردووە، وەک پارە و خواردن و شیر و دایبی".
عومەر گوڵپی، وتیشی:"هەتا ئێستا بڕی 10 ملیۆن دیناری عێراقی هاوکاری هاتۆتە بانکی حسابی کەمپینەکەوە، داوا لە هاوڵاتیان دەکەین، کە ئیتر خواردن و پێداویستیەکان نەهێنن بۆ کەمپەینەکە، ئەگەر ویستیان هاوکاری بکەن با پارە بهێنن، چونکە دەتوانین پارە بۆ هەموو پێداویستیەک بەکاربهێنین و ئەو شتانەی کە پێویستمانە پێی بکڕین".
عومەر گوڵپی، ئاماژەی بەوەشدا:" سەبارەت بەو سێ منداڵەی کە لەلایەن باوەژنەکەیانەوە لە چەمچەماڵ ئازار درابوون ڕێگەی یاسایمان گرتۆتەبەر داوامان لەسەریان تۆمار کردووە، وە خۆشبەختانە چەندین پزیشکی دەرونی و جەستەیی خۆبەخشانە ئامادەی خۆیان نیشان داوە بۆ چارەسەری ئەو سێ منداڵە".
لە کۆتایی مانگی 11 ی ئەمساڵ لە کەناڵێکی تەلەفزیۆنییەوە ڕاپۆرتێک بڵاوکرایەوە کە تێیدا سێ منداڵ، کە خەڵکی گوندی گۆپتەپەی شارەدێی ئاغجەلەری سەر شارۆچکەی چەمچەماڵ بوون، چیرۆکی خۆیان گێڕایەوە لەبارەی ئەشکەنجەدانیان لە لایەن باوەژنەکەیانەوە، دواتر کاردانەوەی زۆری ڕێکخراوەکان و چالاکانی بەدوای خۆیدا هێنا.
کەمپیەنی هاوکاری بۆ خانەکانی ساوایان و بێ سەرپەرشتان، لەسەرەتای ئەمساڵەوە ڕاگەیەندراوە و هتا کۆتایی ساڵ واتا 31/12 بەردەوام دەبێت.
15-12-2016

خەندان، خۆشناو حسێن
ویلایەتە یەکگرتووەکانی ئەمەریکا بەردەوامە لە هاوکاریکردنی هێزەکانی سوریای دیموکرات و بەپێی ئاژانسێکی تورکی، شەوی ڕابردوو 70 بارهەڵگر هاوکاریی سەربازیی ناردوە بو شەڕڤانان لە باکوری شاری ڕەققە.
بە پێی ئاژانسی ئەنادۆڵی تورکی، ئەمەریکا بە شەوی ڕابردوو 70 بارهەڵگر هاوکاریی سەربازیی لە ڕێگای دەروازەی سێمالکا لە هەرێمی کوردستانەوە گواستووەتەوە بۆ ڕۆژئاوای کوردستان.
هەروەها ئاماژە بەوەشکراوە کە بارهەڵگرەکان 30 ئۆتومبێلی سەربازیان هەڵگرتبوو و بەشێکی تریشیان چەک و تەقەمەنیان پێ بووە.
بە پێی ئاژانسەکە لە 13،17، 21-ی ئاب و 3 ئەم مانگە بە گشتیی 330 بارهەڵگر هاوکاری لە هەرێمی کوردستانەوە گەیشتوەتە ڕۆژئاوای کوردستان و لە ڕێگای حەسەکەوە بەرەو ڕەققە ڕۆیشتووە.
پێش ئەوەش لەرۆژانی 5، 12، 16، 21-26 حوزیران و لە 5، 9،13،17،27،31 تەمووز و تا 7 ئاب بە گشتی 1021 بارهەڵگر هاوکاریی سەربازیی گەیشتووەتە هێزەکانی سوریای دیموکرات لە ڕەققە، ئەوەش بە پێی ئاژانسەکە.
بە پێی ئەو بەڵگەنامانەی کە لە وەزارەتی بەرگری ئەمەریکا دەست ئاژانسەکە کەوتووە، لەو هاوکاریانە 12 هەزار کلاشینکوف و شەش هەزار چەکی مامناوەند و 3 هەزار و 50 چەکی قورس و 3 هەزار ئاربیجی -7 جۆری ئەمەریکی و هەزار چەکی جۆری (AT-4) ئەمەریکی و جۆریSPG-9 تانکساڤاری ڕوسی بووە.
هەر بە پێی ئەو بەڵگانە، لە ناو ئەو چەکانەدا 235 تۆپی هاوەن و 100 قەناس و 450 دووربینی شەوی جۆری PV-7 و 150 دوربینی لیزەری گەیشتووە دەستی شەرڤانان.
وەزارەتی بەرگری تورکیا پێشتر ڕاگەیاندبوو کە وەزارەتی بەرگری ئەمەریکا لە بارەی ناردنی هاوکاریەکانی سەربازی بو هێزەکانی سوریای دیموکرات زانیاریی دەداتە تورکیا.[1]
10-09-2017

ئەندرەس یاگەرسکوگ
وەرگێڕ: غازی عەلی خورشید
2010

بە مەبەستی نوێکردنەوەی بەشی گەلەری مۆزەخانە، ستیڤ فەیگن کونسوڵی گشتی ئەمریکا لە هەرێم مۆزەخانەی #سلێمانی# بەسەرکردەوە.
ستیڤ فەیگن کونسوڵی گشتی ئەمریکا لە هەرێم مۆزەخانەی سلێمانی بەسەرکردەوه و بۆ نوێکردنەوەی بەشی گەلەری مۆزەخانەی سلێمانیش حکومەتی ئەمریکا بڕی 50.000 دۆلاری ئەمریکی بۆ مۆزەخانەکە تەرخانکردووە بۆ نوێکردنەوەی بەشی پیشاندانی گەلەری پێش مێژوو بە بەکارهێنانی دیزاینی هونەری بۆ پاراستنی پارچە شوێنەوارییەکان.
نۆژەنکردنەوەکە هاوکاردەبێت لە ڕاکێشانی گەشتیاری زیاتر بۆ مۆزەخانەکە. لەمیانی سەردانەکەیدا، کونسوڵی گشتی سەیری ئەو لەوحە بەهادارەی (5) ی کرد لە مەلحەمەی گلگامێش و سەرسوڕمانی خۆی بۆ کولتووری دەوڵەمەند و هەمەچەشنەی شوێنەواری هەرێمەکە دەربڕی.[1]
#17-10-2018#

ئێریک باهۆن، وتەبێژی وەزارەتی بەرگری ئەمریکا، لەڕاگەیەندراوێکدا کە لە سایتی باڵیۆزخانەی ئەمریکا لە عێراق بڵاوکراوەتەوە ئاماژەی بەوەکردووە، لە یەکەم ڕۆژی دەستپێکردنی ئۆپراسیۆنی ئازادکردنەوەی ناوچە داگیرکراوەکانی ژێر دەستی داعش لە ساڵی 2014وە، جگە لە پێشکەشکردنی سەدان ملیۆن دۆلار کۆمەک بۆ هێزەکانی پێشمەرگە، پشتیوانی سەربازی هێزەکانی پێشمەرگەشیان کردووە لە ڕێگەی پێدانی چەک بە ڕەزامەندی حکومەتی عێراقی.
وتەبێژەکەی پنتاگۆن، ڕوونیشیکردۆتەوە، ئەو سەربازانەی ئەمریکا ڕاهێنانیان بە هێزە کوردییەکان کردووە و هاوکاری باشیان کردوون لە شەڕی ڕووبەڕووبوونەوەی داعش.
باهۆن، باسی لەوەشکردووە، هاوکارییەکانی ئەمریکا بۆ پێشمەرگە بەپێی یاداشتێکی لێکتێگەیشتنیان بەردەوامدەبێت کە لە 18‌ی نیسانی ساڵی 2016 دا لەگەڵ هێزەکانی پێشمەرگە ئیمزایانکردووە، لە پێناوی ئاسانکاری لە پێدانی ئەو هاوکارییە داراییانە بۆ ئەو هێزانەی لە جەنگی ئازادکردنی موسڵدا بەشدارییان کردووە.
وتیشی هاریکاری نێوان بەغدا و هەرێمی کوردستان بایەخێکی زۆری هەبووە لە شکستپێهێنانی داعش.
ناوبراو، ئاشکراشیکرد، زیاتر لە پێنج هەزار سەربازی ئەمریکی لە چوارچێوەی هاوپەیمانێتی دژی داعش لە عێراقن و بۆ ئەم مەبەستەش هەماهەنگی باشیان لەگەڵ هێزە عێراقییەکاندا هەیە.
رۆژی 18ی نیسانی ساڵی 2016 بەپێی ڕێککەوتنێکی هەرێمی کوردستان و ئەمریکا، لە چوارچێوەی ئۆپراسیۆنی ئازادکردنەوەی موسڵ، وەزارەتی بەرگری ئەمریکا بڕی (415) ملیۆن دۆلاری وەک هاوکاری پێشکەشی هێزەکانی پێشمەرگە کرد.[1]
ماڵپەڕی دواڕۆژ: 21-08-2017

لەماوەی‌ هەفتەی‌ ڕابردوو، ویلایەتە یەکگرتووەکانی‌ ئەمەریکا، 120بارهەڵگر هاوکاری سەربازی گەیاندووەتە هێزەکانی‌ #سوریا#ی‌ دیموکرات لەباکووری #ڕەققە#.
بەپێی‌ ئاژانسی‌ ئەنادۆڵ، ئەمەریکا بەردەوامە لە هاوکارییە سەربازییەکانی بۆ #ڕۆژئاوای‌ کوردستان# و لەهەفتەی ڕابردوودا بە دوو کاروان نزیکەی 120بارهەڵگر هاوکاری سەربازی بۆ هێزەکانی‌ سوریای‌ دیموکرات لە باکووری ڕەققە نێردراوە.
ئاماژەبەوەکراوە، لە ڕۆژانی 21 و 26ی حوزەیران، 120بارهەڵگر چەک و تەقەمەنی و کەلوپەلی سەربازی بۆ پەیەدە نێردراوە.
هەروەها لە 5ی حوزەیراندا پێنج بارهەڵگرو، لە 12ی حوزەیراندا 20 بارهەڵگر بۆ ناوچەکانی ژێر دەسەڵاتی پەیەدە نێردراوە.
دوای بڕیاری‌ دۆناڵد ترەمپ سەرۆکی ئەمەریکا، بۆ پڕچەککردنی شەڕڤانان جێبەجێکرا، لە 15ی ئایارەوە لانی کەم 468 بارهەڵگر هاوکاری سەربازی گەیەندراوەتە ناوچەکە.
لەئێستادا شەڕڤانان بە هاوکاری‌ ئەمەریکا، ئۆپەراسیۆنی‌ کۆنتڕۆڵکردنەوەی‌ ناوەندی‌ شاری‌ ڕەققە بەڕێوەدەبەن لە دەستی‌ داعش و بەشێکی‌ شارەکەیان کۆنتڕۆڵکردووەتەوە.
30-06-2017

ڕۆژنیوز - هاوار ستار
پاش دوو هەفتە لە کۆکردنەوەی هاوکاری، ئەنجامی کەمپەینی ئێمەش لەگەڵتانین، بۆ کۆکردنەوەی کۆمەک و هاوکاری بۆ گەلی #عەفرین# ڕاگەیەندرا، بەپێی ئەنجامەکەش، بڕی 8 ملیۆن دینار و 5 هەزار دۆلاری ئەمریکی کۆکراوەتەوە.
ئێوارەی ئەمڕۆ، لە ناوەندی دیالۆگ لە شاری #کەرکووک#، ئەنجامی کەمپەینی ئێمەش لەگەڵتانین بۆ کۆکردنەوەی کۆمەک هاوکاری بۆ عەفرین لە شاری کەرکووک ڕاگەیەندرا، کە ماوەی دوو هەفتە بەردەوامیی هەبوو.
توانا قاسم، ئەندامی کۆمیتەی ئامادەکاری کەمپەینی ئێمەش لەگەڵتانین، لە ڕاگەیەندراوێکدا، ئەنجامی کەمپەینەکەی بۆ ڕایگشتی خستەڕوو تیایدا هاتبوو: لەماوەی دوو هەفتەی ڕابردوودا، کە لە نێوان 19ی شوباتەوە تا 5ی ئاداری ئەمساڵ بەردەوامبوو، هەڵمەتی ئێمەش لەگەڵتانین بۆ هاوکاریکردنی بەرخودانی عەفرین لەناو چین و توێژەکانی کەرکووکدا بەردەوامی هەبوو.
ڕاشیگەیاند: لەم کەمپەینەدا بەهاوکاری خێرخوازانی نەتەوەکەمان توانرا بڕی 8 ملیۆن و 16 هەزار دیناری عێراقی و پێنج هەزار و 950 دۆلاری ئەمریکی و بڕی 3 کارتۆن دەرمان کۆبکرێتەوە.
هەر لە ڕاگەیەندراوەکەدا هاتبوو: ئەگەر ئەو بڕانەی کۆکراونەتەوە بەراوردی بکەین ناکاتە دڵۆپێک خوێنی شەهیدانی ناو سەنگەرە تۆکمەکانی عەفرینی خۆڕاگر، کە 45 ڕۆژە بە خوێنی گەشیان مانشێتی پیرۆزی سەرکەوتن و خۆڕاگری دەنووسنەوە، بەڵام ئەم هەڵمەتەی ئێمە وەکو لەناونیشانەکەیدا دیارە ویستمان بە کچ و کوڕە ئازاکانی عەفرین بڵێین کەرکووکیش لەگەڵتانە و پەیامێکیش بە دوژمنان بدەین، کە لە مەهابادەوە تا کەرکووک و ئامەد و عەفرین یەک گەل و یەک چارەنووسین.[1]
#05-03-2018#

بانگەوازی ناوەندی هاوکاریی حیزبەکانی کوردستانی ئێران
گەلانی ئازادیخوازی ئێران!
خەڵکی خەباتکاری کوردستان!
ڕووداوەکانی کۆتایی مانگی خەزەڵوەر نیشانی دایەوە کە حکوومەتی کۆماری ئیسلامی هەر وەک هەمیشە لە بەرانبەر ویست و داخوازیی ڕەوای کۆمەڵانی خەڵکی ئێران تەنیا توندوتیژی و زمانی سەرکوت دەناسێت، بۆیەش خۆپیشاندانی هێمنانە و مافخوازانەی خەڵکی ئێرانی بەتوندی سەرکوت کرد و شەقامی شار و شوێنە گشتییەکانی لە ناوچە جۆراوجۆرە ڕاپەڕیوەکانی ئێران و کوردستان بە خوێنی لاوانی ئازادیخواز سوور کرد. ڕێژیمی کۆماری ئیسلامیی ئێران لە سەرکوتی دڕندانەی ئەمجارەشیدا بە سەدان کەسی بە ئەنگاوتنی ڕاستەوخۆ کوشت، بە هەزاران کەسی بریندار کرد و هەروەها بە هەزاران کەسی دیکەشی ڕاپێچی بەندیخانەکان کرد کە ئێستاش بەشی زۆریان لە گرتووخانەکاندا ڕاگیراون.
ئەم ڕادەیە لە توندوتیژی و سەرکوتی خوێناوی، نیشاندەری ترسی زۆری ڕێژیم بوو له کڵپەی بزووتنەوەی مافخوازانەی گەلان و چین و توێژە جۆراوجۆرە کۆمەڵایەتییەکانی ئێران و ناڕەزایەتییە گشتییەکان بەهۆی کۆی ئەم قەیران و نەهامەتییانەی لە سۆنگەی بەڕێوەبەری و سیاسەتەکانی کۆماری ئیسلامییەوە تووشی خەڵک کراوە. خەڵکی ئێران و بەتایبەت گەلی چەوساوە و ئازارچەشتووی کورد لە ڕاپەڕینەکەی مانگی خەزەڵوەردا ئیرادەی مافویستی و بەرەنگاریخوازانەی خۆیان سەلماند و نیشانیان دا کە لێبڕاون ئیرادە و وزەی خەباتکارانەی خۆیان بەدژی ئەم دەسەڵاتە دڕندەیە ڕێک بخەن. بۆیە بزووتنەوەی ناڕەزایی و مافخوازیی خەڵکی کوردستان نەک سەرکوت نەکراوە، بەڵکوو لە گەشە و پەرەسەندندایە و هەتا وەدیهاتنی ماف و داخوازییە ڕەواکانی ئەم گەلە چەوساوەیە درێژەی دەبێت.
جەماوەری ئازادیخوازی کوردستان!
کوردستان کە هەمیشە ناوچەیەکی لە پەراوێزدا ڕاگیراو بووە و بەهۆی ڕوانینی ئەمنیەتیی دەسەڵات و هەروەها پاشخانی خەباتی مافخوازی لە ماوەی 4 دەیەی دەسەڵاتی کۆماری ئیسلامیدا بەشی شێری لە سەرکوت و زەوتکردنی مافەکانی پێبڕاوە، ئەمجارەش لە ڕەوتی خۆپیشاندانەکانی خەزەڵوەردا تێچوویەکی قورسی دا.
سەرکوتی خوێناویی خۆپیشاندانەکان بەتایبەت لە شارەکانی #سنە# و #کرماشان# و #جوانڕۆ# و #مەریوان# و شوێنەکانی تر سەلماندیەوە کە کۆماری ئیسلامیی ئێران هەمیشە لە کوردستان دەستی خۆی ئاوەڵاتر بینیوە بۆ سەرکوتی خەڵک و زەوتکردنی ماف و داخوازەکانی جەماوەر. گیانلەدەستدانی دوو #کۆڵبەر#ی تازەلاوی خەڵکی شارەدیی نێی مەریوان بەهۆی ڕەقبوونەوە لەنێو بەفر و سەرما و سۆڵەی کوێستانەکانی تەتەی هەورامان کە ئاوێنەی باڵانوێنی سیاسەتی نامرۆڤانە و دژی ئینسانیی کۆماری ئیسلامییە لە کوردستان، برینێکی دیکە بوو کە کەوتە سەر جەستەی نیشتمان و هێندەی دیکە خەڵکی تازیەبار کرد.
خەڵکی تێکۆشەر و خەباتکاری کوردستان!
بانگەواز و ویستێکی گشتیی هەیە کە ڕۆژی 5ی بەفرانبار بکرێت بە دەرفەتێک بۆ هاوخەمی لەگەڵ بنەماڵەی قوربانییانی سەرکوتی خۆپیشاندانەکانی ئەم دواییانەی ئێران، هەروەها دەرفەتێکی دی بۆ دەربڕینی ناڕەزایەتی و بەردەوامیی ڕەوتی خۆپیشاندانەکان.
ناوەندی هاوکاریی حیزبەکانی کوردستانی ئێران داوا دەکات لەم ڕۆژەدا خەڵکی کوردستان وێڕای هاوخەمی لەگەڵ بنەماڵەی قوربانییانی دەستی غەدر و تاوانی کۆماری ئیسلامی و بۆ بەرزڕاگرتنی یادی ئەو قوربانییانە کە بە ئیرادەی هاوبەشیان دیمەنێکی دی لە سووربوونیان لەسەر مافە ڕەواکانیان بخولقێنن و بیسەلمێننەوە کە سەرکوتی خوێناوی و زەبروزەنگ چۆک بە بیر و باوەڕیان دانادات و سەنگەری خەبات و تێکۆشان بۆ مافەکانیان پێ چۆڵ ناکات.
ناوەندی هاوکاری بە ڕوونی داوا دەکات ڕۆژی پنجشەممە، 5ی بەفرانبار:
1:) کاتژمێر 3ی دوانیوەڕۆ لە شەقام و شوێنە گشتییەکان، لە بازاڕ و لەسەر کار ماوەی 5 دەقە بۆ ڕێزگرتن لە یاد و بیروەریی قوربانییانی خۆپیشاندانەکانی ئەم دواییانه بەبێدەنگی لەسەر پێ ڕابووە ستین. هەروەها به هەر شێوازێکی تر کە بۆمان دەلوێ یاد و بیرەوەریی ئەم نەمرانە بەرز ڕابگرین.
2:) سەردانی بنەماڵەی قوربانییەکان، بریندارەکان و بەندکراوانی ئەم دواییانە بکەین و وێڕای دەربڕینی هاوخەمیمان، هاوپێوەند یی نەتەوەیی و خەباتگێڕیی نێوانمان نیشان بدەینەوە.
3:) بە چالاکیی تەبلیغی و نووسین و بڵاوکردنەوەی دروشم و تراکت، شەقام و شوێنە گشتییەکان دەکەینەوە بە مەیدان و سەنگەری خەبات دژی کۆماری ئیسلامی.
ناوەندی هاوکاریی حیزبەکانی کوردستانی ئێران
2ی بەفرانباری1398ی هەتاوی
23-12-2019

#12-12-2017#

بایەخی نووسینەوەی مێژووی کورد لە ڕۆژنامەی هاوکاری دا 1970-1975
لێکۆڵەر: ئەحمەد حەمەئەمین ئۆمەر
گۆڤاری زانکۆ بۆ زانستە مرۆڤایەتییەکان-#زانکۆی سەڵاحەدین#؛ بەرگی 24؛ ژمارە 5؛ ساڵی (2020). [1]
=KTML_Link_External_Begin=https://www.kurdipedia.org/docviewer.aspx?id=557864&document=0001.PDF=KTML_Link_External_Between=کلیک بکە بۆ خوێندنەوەی بایەخی نووسینەوەی مێژووی کورد لە ڕۆژنامەی هاوکاری دا 1970-1975=KTML_Link_External_End=