لەسەر فەرمانی سەرۆکی #حکومەتی هەرێمی کوردستان# زیاتر لە 557 ملیۆن دینار بۆ پارێزگای #هەڵەبجە# خەرجکرا، تا کۆمەڵێ پڕۆژەی خزمەتگوزاری پێ جێبەجێ بکرێت.
ئەمڕۆ پێنجشەممە، #27-06-2024#، #وەزارەتی شارەوانی و گەشت و گوزار# ڕایگەیاند، لەسەر فەرمانی #مەسرور بارزانی#، سەرۆکی حکوومەتی هەرێمی کوردستان گوژمەی (557،480،000) دینار بۆ سەرۆکایەتیی شارەوانیی هەڵەبجە، بە مەبەستی جێبەجێکردنی پڕۆژەی خزمەتگوزاری لە شارەکەدا خەرج دەکرێت و هەر ئەمڕۆش 27-06-2024 گوژمەکە لەلایەن وەزیری شارەوانی و گەشتوگوزارەوە بەشێوەی ڕاستەوخۆ ڕادەستی سەرۆکی شارەوانیی هەڵەبجە کرا.
وەک وەزارەتەکە ئاماژەی پێ کردووە، لە دانیشتنێکدا #ساسان عەونی# وەزیری شارەوانی و گەشتوگوزار لەگەڵ سەلام بیلال ئەسکەندەر، سەرۆکی شارەوانیی هەڵەبجەدا، باسیان لە جێبەجێکردنی ژمارەیەک پڕۆژەی خزمەتگوزاری بۆ شاری هەڵەبجە کردووە کە لە چوارچێوەی بەڵێنەکانی سەرۆکی حکوومەتی هەرێمی کوردستان دێت لە میانەی سەردانەکەیدا بۆ شاری هەڵەبجە بڕیاری دا ژمارەیەک پڕۆژە لە هەڵەبجە جێبەجێ بکرێن.
هاوکات وەزارەتی شارەوانی، سەرۆکی شارەوانیی هەڵەبجەی ڕاسپاردووە، بەزووترین کات دەست بکەن بە جێبەجێکردنی پڕۆژەکان. [1]

مەسروور بارزانی، سەرۆکی #حکومەتی هەرێمی کوردستان#، لە 36ەمین ساڵیادی کیمیابارانی #هەڵەبجە# پەیامێکی بڵاوکردەوەو رایدەگەیەنێت، پێویستە هەمیشە ئەم تاوانانەمان لە یاد بێت و هاندەرمان بێت بۆ داکۆکیکردن لە مافە نەتەوەیی و نیشتمانییەکانمان و پاراستنی قەوارەی هەرێمی کوردستان.

=KTML_Bold=دەقی پەیامەکەی سەرۆکی حکوومەتی هەرێمی کوردستان:=KTML_End=
لە سی و شەشەمین ساڵیادی کیمیارانکردن و کۆمەڵکوژیی شاری هەڵەبجەدا، بەڕێز و شکۆوە یادی شەهیدانی بێتاوانی ئەو شارە خۆشەویستەی کوردستان دەکەینەوە کە بوونە قوربانی دڕەندەیی ڕژێمی پێشووی عێراق و بێدەنگی کۆمەڵگەی نێودەوڵەتی.
ئامانجی سەرەکی ئەم تاوانە و تاوانەکانی دیکەی ڕژێمە یەک لە دوای یەکەکانی عێراق لە دژی خەڵکی کوردستان، جینۆسایدکردنی گەلی کوردستان و سڕینەوەی ناسنامەکەی بوو، کە پێویستە هەمیشە ئەم تاوانانەمان لە یاد بێت و هاندەرمان بێت بۆ داکۆکیکردن لە مافە نەتەوەیی و نیشتمانییەکانمان و پاراستنی قەوارەی هەرێمی کوردستان.

جێی داخ و نیگەرانییەکی قووڵە، کە لە دوای ڕووخانی ڕژێمی پێشوو، حکوومەتە یەک لەدوای یەکەکانی عێراق، تا ئێستا ئامادە نین، بە شێوەیەکی شایستە قەرەبووی کەسوکاری شەهیدانی هەڵەبجە و قوربانییانی شاڵاوەکانی ئەنفال و تاوانەکانی دیکە بکەنەوە کە ئەوە مافێکی ڕەوا و دەستووری خەڵکی کوردستانە، تەنانەت تا ئێستا ئامادە نین ڕێکارەکانی بەپارێزگابوونی هەڵەبجەش تەواو بکەن.
خزمەتکردنی خەڵکی هەڵەبجە بە ئەرکی خۆمان دەزانین و مانگی ڕابردوو لە کاتی سەردانمان بۆ پارێزگای هەڵەبجە، ڕەزامەندیمان لەسەر هەموو ئەو داواکارییانە دا کە لەلایەن بەڕێزان پارێزگار و بەرپرسانی کارگێڕی دەڤەرەکە خرانەڕوو. هیوادارین لە داهاتوودا، بتوانین زیاتر خزمەتی خەڵکی نیشتمانپەروەر و قوربانیدەری هەڵەبجە بکەین.
شەهیدانی کارەساتی هەڵەبجە و هەموو ئەو جینۆسایدانەی بەرانبەر خەڵکی کوردستان ئەنجامدراون، هەمیشە لە یادمانن و هەرگیز نابێت ڕێگە بدەین هیچ شتێک ئەم تاوان و شەرمەزارییانە لەبیر خۆمان و لەبیر دەوڵەتی عێراق و دەسەڵاتدارانی بەغدا بباتەوە و دەبێ بەردەوام بەبیریان بهێنینەوە کە پێویستە قەرەبووی خەڵکی کوردستان بکەنەوە.
سڵاو و دروود بۆ گیانی پاکی شەهیدانی هەڵەبجە و گشت شەهیدانی کوردستان. [1]

#مەسرور بارزانی#
سەرۆکی حکوومەتی هەرێمی کوردستان
#16-03-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

پرسەنامەیەک لە سەرۆکی حکومەتی هەرێمی کوردستانەوە
بۆ بەڕێز #کۆسرەت ڕەسول عەلی# سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان#.
بە داخەوە هەواڵی کۆچی دوایی خاتوو تەمینە ئەحمەد دایکی هاوسەری بەڕێزتانم بیست. پرسە و سەرەخۆشیتان لێ دەکەم. خوای مەزن گیانی بە بەهەشت شاد بکات و ئارامی و دڵنەواییش بە بنەماڵەکەی ببەخشێت.
#مەسرور بارزانی#
سەرۆکی حکومەتی هەرێمی کوردستان
2020/6/24

گوتەبێژی یەکێتی وەبەرھێنەرانی کوردستان ئاماژەی بۆ ئەوە کرد: لەسەر فەرمانی سەرۆکی حکوومەتی ھەرێم چەندین پڕۆژەی وەبەرھێنان لە #ھەڵەبجە# دەچنە بواری جێبەجێکردن کە شاری پیشەسازی ھەڵەبجە یەکێکە لە پڕۆژە ستراتیژییەکانی پارێزگاکە.
#یاسین مەحمود#، گوتەبێژی یەکێتی وەبەرھێنەرانی کوردستان ڕایگەیاند: لەسەر فەرمانی سەرۆکی #حکومەتی ھەرێمی کوردستان# چەندین پڕۆژەی وەبەرھێنان لە پارێزگای ھەڵەبجە دەچنە بواری جێبەجێکردن و شارەکە لەڕووی کەرتی وەبەرھێنانەوە دەچێتە قۆناغێکی دیکە، چونکە بەشێک لەو پڕۆژانە ستراتیژین و ئاسانکاری زۆریش بۆ وەبەرھێنەران دەکرێت لە ھەڵەبجە وەبەرھێنان ئەنجام بدەن.
گوتەبێژی یەکێتی وەبەرھێنەران وتیشی: یەکێک لەو پڕۆژانەی بڕیارە جێبەجێ بکرێت و کاریگەریی لەسەر ئاوەدانی شارەکە دەبێت، پڕۆژەی شاری پیشەسازی ھەڵەبجەیە و لەسەر ڕووبەری 400 دۆنم زەوی جێبەجێ دەکرێت، ئەمە یەکێک لە پڕۆژە ستراتیژییەکانی پارێزگاکە و کاریگەریی خۆی دەبێت.
یاسین مەحموود ڕوونی کردەوە: ئەنجامدانی پڕۆژە لە پارێزگای ھەڵەبجە و ئاسانکاری بۆ وەبەرھێنەران لەلایەن حکوومەتی ھەرێمی کوردستان جگە لەوەی سوودی ھەیە بۆ پارێزگای ھەڵەبجە، وا دەکات وەبەرھێنەرانی ئێمە لە بری ئەوەی بچنە ناوچەکانی دیکەی ئێراق وەبەرھێنان بکەن دەچنە پارێزگای ھەڵەبجە. [1]

#کاروان عەبدولڕەحمان عەبدوڵڵا#

کابینەی (9) کابینەیەکی ئەمنی پارانۆیدە، و پڕیەتی لە زهنی سیخوڕیکردن و تۆقاندن و زەمینە سازی بۆ دیکتاتۆریەت و خۆسەپاندن و کوشتن و بڕین؛ ئەم هەموو ڕووداوی کوشتن و لێدان و ئەتککردنەش، مسۆگەر دەرهاویشتەی زهنییەتی ئیدارەدانی کابینەکەیە.
ئەم کابینەیە هەر لە ئیدارەدانەوە بگرە تا دەربڕین بە خراپترین شێوە فەشەلی هێناوە. زمانی ئێستای حکومەت و نووسینگەی سەرۆکی حکومەت و وتەبێژەکەی لە هەر کاردانەوەیەک، زمانێکی ئاستنزمی ڕێزمانی و دەربڕینێکی جاهیلیانەی سەردەمی شەڕی ناوخۆییە؛ ئەگەر ئەمە زمانی سەرۆکی حکومەت لە هەڕەمی هەرە سەرەوەی ئیدارەدان بێت، بێشک هیوایەک نامێنێ بۆ گەشەسەندن و بەرەوپێشبردنی وڵات؛ بە پێچەوانەوە، هەموو چاوەکان لەسەر دوابزماری تابووتی ئەم جەهالەتە و جەهەننەمە درووستکراوە دەبن!

سەرباری نادادی، گەندەڵی، بیرۆکراسیەت، ژێرپێخستنی یاسا، ناشەفافیەت، تاڵانی، و تۆقاندن و سیاسەتی برسیکردن، سەرجەم وەزارەت و فەرمانگە و جومگەکانی حکومڕانی دووچاری شەلەل و داڕمان بوون. وێڕای ڕێزم بۆ هەر کەسێکی دڵسۆز، بەڵام سەرجەم بەرپرسانی شوێنە ئاماژە بۆکراوەکانیش، تەنیا دەوری فەرمانبەر و تێپەڕاندنی ڕۆتینی ڕۆژانە دەبینن، نە زیاتر.
بە زمانێکی دیکە، لەم کابینەیە، #مەسرور بارزانی# بڕیار دەدات و ئومێد سەباح دەینووسێت و ڕێبەر ئەحمەد جێبەجێی دەکات و #جوتیار عادل# (محەمەد سەعید سەحاف) دەیگەیێنێت. [1]

دەقی پەیامی پیرۆزبایی سەرۆکوەزیرانی هەرێمی کوردستان بۆ گۆڕان:
بەبۆنەی ساڵیادی دامەزراندنی #بزووتنەوەی گۆڕان#
بەڕێز عومەری سەید عەلی ڕێکخەری بزووتنەوەی گۆڕان.
بەڕێزان ئەندامانی خانەی ڕاپەڕاندن و جڤاتی نیشتمانیی بزووتنەوەی گۆڕان.
بە بۆنەی یازدە ساڵەی دامەزراندنی بزووتنەوەی گۆڕان، پیرۆزبایی لە بەڕێزتان و ئەندام و لایەنگرانی بزووتنەوەی گۆڕان دەکەم و هیوای سەرکەوتنتان بۆ دەخوازم.
بزووتنەوەی گۆڕان وەک لایەنێکی گرنگی پێکهێنەری حکومەتی هەرێمی کوردستان، ڕۆڵێکی دیاری لە بزووتنەوەی سیاسیی هەرێمی کوردستاندا هەیە. ئومێدەوارم بە هەماهەنگیی و هاوکاریی گشت لایەنە سیاسی و پێکهاتەکانی هەرێم، حکومەتی هەرێمی کوردستان بتوانێت کارنامە چاکسازییە هەمەلایەن و گشتگیرەکەی، بە سەرکەوتوویی جێبەجێ بکات و هەموومان بەیەکەوە، پارێزگاریی و داکۆکی لە مافە دەستوورییەکانمان لە عێراقی فیدراڵ و قەوارەی سیاسیی هەرێمی کوردستان بکەین.
#مەسرور بارزانی#
سەرۆکی حکومەتی هەرێمی کوردستان
2020/7/25

بە داخ و پەژارەیەکی زۆرەوە هەواڵی کۆچی دوایی بەرێز سەرۆک #مام جەلال#مان پێ گەیشت، بەم بۆنەوە پرسە و سەرەخۆشی و هاوخەمیی خۆم ئاراستەی بنەماڵەی بەرێزی مام جەلال و سەرکرادیەتی و سەرجەم کادیر و ئەندامانی #یەکێتی نیشتمانی کوردستان# و هەموو هاولاتیانی کوردستان دەکەم.
خوا سەبووریی هەموو لایەکمان بدات. بەرێز مام جەلال کەسایەتیەکی کاریگەری مەیدانی سیاسیی کوردستان و عێراق و ناوچەکە بووە و بێگومان کۆچی دواییی بۆشاییەکی زۆر دروست دەکات.
ئاواتەخوازم بە تەبایی و یەکڕیزی و خەباتی بێ وچانمان بە ئاراستەی بەدیهاتنی ئاواتە دێرینەکەی گەلەکەمان کە ئاواتی لەمێژینەی مام جەلالیش بوو، بتوانین گیانی بەرزەفڕی بەرێزیان و سەرجەم شەهیدانی کوردستان شاد بکەین.
#مەسرور بارزانی#
03-10-2017

سەرۆکی حکوومەتی هەرێمی کوردستان بۆ کۆچی دوایی مامۆستا مەلا عەبدوڵڵا قەڵاتی، لە پرسەنامەیەکدا هاوخەمی بۆ بنەماڵە و کەسوکارەکەی و مامۆستایانی ئایینی کوردستان دەردەبڕێت.
=KTML_Bold=دەقی پرسەنامەکەی سەرۆکی حکوومەتی هەرێمی کوردستان:=KTML_End=

بۆ کۆچی دوایی زانا و کەسایەتیی ئایینی ناسراوی کوردستان مامۆستا مەلا عەبدوڵڵا قەڵاتی، پرسەو سەرەخۆشی ئاراستەی بنەماڵە و کەسوکاری بەڕێزی مامۆستای خوالێخۆشبوو و مامۆستایانی ئایینی کوردستان دەکەم و هاوخەمیانم. خوای مەزن گیانی بە بەهەشت شاد بکات و ئارامی و دڵنەواییش بە هەمووان ببەخشێت. [1]

#مەسرور بارزانی#
سەرۆکی #حکومەتی هەرێمی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ئەمڕۆ هەینی 08-03-2024، سەرۆکوەزیران مەسروور بارزانی پەیامێکی بە بۆنەی رۆژی جیهانیی ئافرەتان بڵاوکردەوە، لە بەشێکیدا هاتووە: لەپێناو کۆمەڵگەیەکی ئازاد و تەندروست هەمیشە پشتیوانی لە داخوازییە رەواکانی ئافرەتان دەکەم.
=KTML_Bold=دەقی پەیامەکەی سەرۆکوەزیران مەسروور بارزانی:=KTML_End=

بە بۆنەی هەشتی مارس، ڕۆژی جیهانیی ئافرەتان، پیرۆزباییەکی گەرم ئاراستەی سەرجەم ئافرەتانی کوردستان و جیهان دەکەم، هیوای سەرکەوتن و ژیانێکی پڕ لە سەرفرازیان بۆ دەخوازم. هەمیشە پشتیوانی لە داخوازییە رەواکانیان و داکۆکی لە مافەکانیان دەکەم لەپێناو کۆمەڵگەیەکی ئازاد و تەندروست.
لەم بۆنەیەدا، حکوومەتی هەرێمی کوردستان، پابەندبوونی خۆی بە پاراستنی مافەکانی ئافرەتانی کوردستان و باشترکردنی بارودۆخی ژیانیان و بەهێزترکردنی پێگەیان لە کایەکانی دەسەڵات و حکوومڕانی و بەهێزکردنی بنەماکانی یەکسانیی رەگەزی دووپات دەکاتەوە.
ڕۆژی جیهانیی ئافرەتان، لە ئافرەتانی کوردستان و جیهان پیرۆز بێت و هیوادارم هەمیشە لە ئاشتی و شادیدا بژین. [1]

#مەسرور بارزانی#
سەرۆکی #حکومەتی هەرێمی کوردستان#
#08-03-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ئەمڕۆ یەکشەممە #10-03-2024#، #مەسرور بارزانی#، سەرۆکی #حکومەتی هەرێمی کوردستان#، پەیامێکی بە بۆنەی هاتنی مانگی ڕەمەزان بڵاوکردەوە.
لە پەیامەکەی سەرۆکی حکوومەتی هەرێمی کوردستان هاتووە: بە بۆنەی هاتنی مانگی پیرۆزی ڕەمەزان، گەرمترین پیرۆزبایی لە موسڵمانانی کوردستان و جیهان دەکەم، هیوادارم مانگی خێر و خۆشی و ئاشتی و ئارامی بێت.
هەروەها سەرۆکی حکوومەت راشی گەیاندووە: لە خوای گەورە و میهرەبان دەپاڕێینەوە، کە نوێژ و ڕۆژوو و عیبادەتی هەموومان قبوڵ بکات و مانگی پیرۆزی ڕەمەزان، ببێتە مایەی خۆشگوزەرانی و کۆتاییهاتنی نەهامەتی و قەیرانەکان لە جیهاندا. [1]