دەقی پرسەنامەکە:
... برای بەڕێز کاک مستەفای سەید قادر
بەداخ و پەژارەیەکی زۆرەوە هەواڵی کۆچی دوایی باوکی بەرێزتان خوالێخوشبو سەید قادر سەید مستەفا، کەسایەتی دیاری کۆمەڵایەتی هەرێمی ڕاپەڕینمان پێگەیشت.
بەم بۆنە خەمناکەوە، پرسە و سەرەخۆشی خۆمان ئاڕاستەی ئێوەی بەڕێز، بنەماڵە و کەسوکاری هێژا و هەموو هاوڕێ و هاوکارانتان دەکەین و هاوبەشی خەمتانین.
لە پەروەردەگاری مەزن داواکارین ڕۆحی خوالێخۆشبوو بە بەهەشتی بەرین شاد بکات و سەبوری و دڵنەوایی بە هەموو لایەک ببەخشێت.[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

پێشنیازی ئەوە کراوە گۆڕان دوو ڕێکخەری هەبێت و #مستەفا سەید قادر# و #چیا نەوشیروان مستەفا#ش کاندیدین بۆ وەرگرتنی پۆستەکان.
لە میانی گفتوگۆ ناوخۆییەکان بۆ خۆڕێکخستنەوەی گۆڕان، پێشنیازکراوە، کە #بزووتنەوەی گۆڕان# دوو ڕێکخەری هەبێت.
هەر بەپێی زانیارییەکان پێشنیازەکە بە شێوەیەکە، کە گۆڕان ڕێکخەرێکی بۆ کاروباری حیزبی و ناوخۆیی هەبێت و ڕێکخەرێکیشی بۆ کاروباری حکومی و دەرەکی هەبێت.
پێشنیازەکە بەشێوەیەکە مستەفا سەید قادر بکرێتە ڕێکخەری گۆڕان بۆ کاروباری حکومی و دەرەکی، هەروەها چیا نەوشیروان مستەفاش بکرێتە ڕێکخەر بۆ کاروباری حیزبی و ناوخۆیی. [1]

مستەفا سەید قادر لە ساڵی 1958 دا لە شارۆچکەی #قەڵادزێ# لە دایکبووە و خەڵکی گەڕەکی جوتکانیانی ئەو شارەیە. لە ساڵی 1978 دا پەیوەندی کردووە بە ڕێکخستنەکانی کۆمەڵەی ڕەنجدەرانی کوردستان و لە شارەکەی خۆی دا چالاکیێکی بەردەوامی هەبووە. ساڵی 1980 بە بڕیاری ناوەندی کۆمەڵەی ڕەنجدەرانی کوردستان چووەتە شاخ و لە ژیانی پێشمەرگایەتی دا دوو جەر بریندار بووە. ساڵی 1986 پرۆسەی هاوسەرگیری ئەنجامداوە و خاوەنی سێ کوڕ و دوو کچە. لە خولی یەکەمی پەرلەمانی کوردستاندا بووەتە ئەندامی پەرلەمان. لە دوای کاری پەرلەمانتاری بووەتە بەڕێوەبەری پەیمانگەی کادرانی یەکێتی لە شاری هەولێر. ساڵی 1998 بووەتە وەزیری ناوخۆی ئیدارەی سلێمانی. لە ساڵی 2000 دا بووەتە ئەندامی مەکتەبی سیاسی یەکێتی و لەو کاتەوە تا ساڵی 2009 دەشبێتە جێگری فەرماندەی هێزی پێشمەرگەی یەکێتی. ساڵی2009 دەستبەرداری پۆستەکانی دەبێت و شان بە شانی کۆمەڵێک ئەندامانی مەکتەبی سیاسی و سەرکردایەتی بە سەرۆکایەتی کاک نەوشیروان مستەفا بزوتنەوەی گۆڕان دادەمەزرێنن. لە بزوتنەوەی گۆڕاندا دەبێتە ئەندامی جڤاتی نیشتیمانی و ڕێکخەری ژووری دارایی. لە کابینەی نۆهەمی حوکمەتدا و لە گەرمەی شەڕی داعشدا دەبێتە وەزیری پێشمەرگە و ساڵێک و سێ مانگ خاوەنی ئەو پۆستە دەبێت. ساڵی 2019 بووەتە جێگری سەرۆکی هەرێمی کوردستان و سەرپەرشتیاری تیمی گۆڕان لە حوکمەتدا دەکات بۆ بەرەنگاربوونەوەی گەندەڵی و نایاسایی و هەوڵدان بۆ چاکسازی و دابینکردنی ژیانێکی شاییستە بۆ هاوڵاتیان.