ڤیدیۆ: ئەو هاووڵاتییەی سلێمانی دلێر ماوەتیی (دلێر مستەفا حەسەن)ی کردە فیلم!
ساڵ: 2023
شوێن #سلێمانی# [1]

ناو: ڕەشید
نازناو: حەمەڕەشید ماوەتی
ناوی باوک: کەریم ڕەشید
ساڵی دایکبوون: 1950 زاینی
رۆژی کۆچی دوایی: #16-01-2022#
شوێنی کۆچی دوایی: #سلێمانی#

$ژیاننامە$
لە دایکبووی ساڵی (1950ز) ە.
ساڵی خوێندنی (1967-1968) خانەی مامۆستایانی تەواو کردووە.
هەمان ساڵ (1967ز) پەیوەندیی بە کۆمەڵی برایانەوە کردووە.(الإخوان المسلمین)
بۆ ماوەی (29) ساڵ لە گوندەکانی #شارباژێڕ#دا بە تایبەتی #ماوەت# و #گرگاشێ# خزمەتی مامۆستایەتیی کردووە.
لە ساڵانی حەفتاکانی سەدەی ڕابردوودا، سەرەڕای چاوسوورکردنەوەکانی ڕژێمی بەعس، خۆڕاگرانە بەردەوام کاری لەسەر هەڵماڵینی ستەمکارییەکانی ڕژێم و پەروەردەکردنی لاوان کردووە و بانگەوازی ئیسلامیی گەیاندووە.
پاش ڕاپەڕینیش لەگەڵ برا و خوشکە دێرینەکانی هاوفکری خۆی، ڕۆڵێکی سەرکردانەی لە ڕاگەیاندنی #یەکگرتووی ئیسلامیی کوردستان#دا بینیوە و ماوەیەک لە سەرکردایەتیدا و ماوەیەک ئەرکی بەرپرسیارێتی مەڵبەندی وەرگرت.
لە خولی دووەمی پەرلەمانی هەرێمی کوردستانیشدا لەسەر لیستی یەکگرتووی ئیسلامیی ئەندام پەرلەمان بووە..
لەم چەند ساڵەی دواییشدا دوای خانەنشینبوونی سەرەڕای ناساغیی، دەستی دابووە وەرگێڕانی کتێبە بانگخوازییەکان. مامۆستا (12) بەرهەمی هەیەو تا دوا ساتەکانی تەمەنی دەستی بە قەڵەمەوە بوو، بەشێک لە بەرهەمەکانی چاپکراون. [1]

[1]

ناو: سۆران
نازناو: سۆرانی وەستا بەکری خەیات
ناوی باوک: ئەبوبەکر
رۆژی کۆچی دوایی: #21-07-2022#
شوێنی لەدایکبوون: #ماوەت#
شوێنی کۆچی دوایی: سویسرا
$ژیاننامە$
سۆران ئەبوبەکر ماوەتی ناسراو بە (سۆرانی وەستا بەکری خەیات) لە دایکبووی شارەدێی ماوەتە، کەسایەتیەکی ناسراوە و برای (دکتۆر شێرکۆ، و بەرزان، و شێرزاد)ە، کە لە ڕێکەوتی 21-07-2022 دا لە وڵاتی سویسرا کۆچی دوایی کردوو، لە 22-07-2022 دا تەرمەکەی هێنرایەوە بۆ زێدی خۆی و لە شارەدێی ماوەت بە خاک سپێردرا[1].

شوێن: گوندی #بالیسان#
ڕۆژ یان ساڵی گیرانی وێنەکە: #27-08-1983#
کەسایەتییەکانی ناو وێنەکە: (شەهید #عوسمان مستەفا ئیبراهیم# و کۆچکردووە مام #جەلال تاڵەبانی# )
ناوی وێنەگر: (نەناسراو)
[1][2]

ناو: عوسمان
نازناو: عوسمان ماوەتی
ناوی باوک: مستەفا ئیبراهیم
ساڵی لەدایکبوون: 1957
ڕۆژی شەهیدبوون: #28-03-1991#
شوێنی لەدایکبوون: شارۆچکەی #ماوەت#
شوێنی شەهیدبوون: گوندی #حەسار# ی شاری #کەرکووک#
$ژیاننامە$
لە ساڵی 1957 لە شارۆچکەی ماوەت لە دایکبووە، ساڵی 1977 پەیوەندی کردووە بە ڕێکخستنەکانی #یەکێتیی نیشتمانیی کوردستان# ەوە. ساڵی 1978 پەیوەندی کردووە بە هێزی پێشمەرگەوە لە هەرێمی چوار. لە ژیانی پێشمەرگایەتیی دا سێجار بریندار کراوە، لە کیمیابارانکردنی گوندی #شاناخسێ# دا بریندار بووە، لە وڵاتی ئێران چارەسەری وەرگرتووە و گەڕاوەتەوە ناو ڕیزی پێشمەرگە. ساڵی 1979 ئەندامانی خێزانەکەی دەستگیردەکرێن و ساڵ و نیوێک لە زیندانی بەعس دەبن. ساڵی 1987 ژیانی هاوژینی پێکهێناوە و بووە بە باوکی کچێک بەناوی (داشناک) . دوا پلەی پێشمەرگایەتی بریتیی بووە لە جێگری تیپ لە بەتالیۆنی حەوتی #سلێمانی#. ساڵی 1991 بەشداری ڕاپەڕینەمەزنەکەی کۆمەڵانی خەڵکی کوردستانی کردووە، لە داستانی ڕزگارکردنی شاری کەرکووکی کردووە. لە بەرەبەیانی 28-03-1991 لە گوندی حەساری سەر ڕێگای کەرکووک -بەغدا شەهید دەبێت. جەستەی دەکەوێتە دەست هێزەکانی ڕژێمی بەعس، لە ڕێکەوتی #24-07-2003# لە گۆڕستانی شەهیدانی گردی سەیوان بەخاک دەسپێرێت. [1][2]

لە ساڵی 1957 لە شارۆچکەی ماوەت لەدایکبووە، لە ساڵی 1976 پەیوەندیکردووە بەڕێکخستنەکانی (ی.ن.ک) لە ساڵی 1977 پەیوەندیکردووە بەهێزی پێشمەرگەی کوردستانەوە لە هەرێمی 4ی ئەوسا، پلەکانی پێشمەرگایەتی بڕیوە تا گەیشتۆتە فەرماندەی تیپ لە بەتالیۆنی 7ی #سلێمانی#، لە ساڵی 1979 لەگەڵ ژمارەیەکی زۆر بنەماڵەی پێشمەرگە، باوک و دایک و خوشک و براکانی شەهید عوسمانیش لەلایەن بەعسەوە دەستگیرکان بۆ ئەوەی شەهید عوسمان و شەهید کاوەی برای چۆکدابدەن و وازلە پێشمەرگایەتی بهێنن، بەڵام ئەو قارەمانانە چۆکیان دانەدا و خێزانەکەشیان ماوەی سێ ساڵ ژیانی پڕئازاری ناو زیندانیان چەشت.
شەهید لە کوردستانی خۆرهەلاتیش خەباتی کردووە و لە ماوەی سەرجەم خەبات و گیانبازییدا سێ جار برینداربووە، هەروەها بۆ سازدانی جەماوەر ڕۆڵێکی بەرچاوی دیوە، بەڵام بەداخەوە لە ڕۆژی 08-03-1991 لەداستانی بەرگری #کەرکووک#ی ئازادکراو شەهیدکرا.
لە دوای خۆیشی لە 05-09-1996 کاوەی برای شەهیدبووە و بووەتە سێیەم شەهیدی بنەماڵەکەی. [1]

[1]

کاندیدی لیستی یەکێتییە، بۆ هەڵبژاردنەکانی ساڵی 2018ی پەرلەمانی کوردستان.

لەساڵی 1963لە شاری سلێمانی لەدایک بووە.
کارە هونەریەکانی بریتین لە:
ساڵی 1997یەکەم پێشانگای لەژێر ناوی شارەکەم کردوەتەوە لە مۆزەخانەی سلێمانی.
ساڵی 1997بەشداری کردووە لە پێشانگای ساڵیادی مەرگەساتی هەڵەبجەی شەهید دا.
ساڵی 1999دووەم پێشانگای لەژێر ناوی ساتە جوانەکانی شارەکەم کردووەتەوە لە مۆزەخانەی سلێمانی.
ساڵی 1999بەشداری ڤیستیڤاڵی کیمیابارانی هەڵەبجەی شەهیدی کردووە.
بەشداری سەرجەم پێشانگاکانی ساڵانەی یەکیەتی وێنەگرانی کوردستانی کردووە.
ئەندامی هەردوو سەندیکای وێنەگران و ڕۆژنامەنوسانە.