لە ساڵی ڕابردوودا 368 ڕوووداوی ئاگرکەوتنەوە و لافاو لە سنووری پارێزگای #هەڵەبجە#دا هەبووە، کە هیچ زیانێکی گیانیی لێ نەکەوتووەتەوە، بەڵام کۆی گشتیی زیانە داراییەکانی بە زیاتر لە 177 ملیۆن دینار دەخەمڵێندرێت.
ئەمڕۆ زانیار عومەر، وتەبێژی بەڕێوەبەرایەتی بەرگری شارستانی پارێزگای هەڵەبجە لە کۆنگرەیەکی ڕۆژنامەوانییدا ئاماری ڕووداوەکانی ئاگرکەوتنەوەی ساڵی 2018ی سنووری پارێزگاکەی بڵاوکردەوە.
بەپێی ئامارەکە، لە ساڵی ڕابردوودا لە سنووری پارێزگای هەڵەبجە 359 ڕووداوی ئاگرکەوتنەوە و نۆ ڕووداوی لافاو تۆمارکراون، لە نێویاندا 30 ڕووداوی ئاگرکەوتنەوە لە ماڵان، 25 ڕووداوی سوتانی ئوتومبێل و 245 ڕووداوی سوتانی شاخ و دەشتەکان هەبوون.
بەڕێوەبەرایەتی بەرگری شارستانی هەڵەبجە ئاماژەی بۆ ئەوەش کردووە، ڕووداوەکان هیچ زیانێکی گیانی لێ نەکەوتووەتەوە، بەڵام کۆی گشتی زیانە داراییەکانی سەرجەم ڕووداوەکانی ساڵی 2018، بریتیبووە لە 177 ملیۆن و 420 هەزار دینار.
بە بەراورد بە ئاماری ڕووداوەکانی ساڵی 2017، لە ساڵی 2018دا 191 ڕووداو کەمتر لەلایەن بەرگریی شارستانی هەڵەبجە تۆمارکراون.[1]
#07-01-2019#

لە پەندەکانی پیرەمێرد[1]
شاری سلێمانی جاران هەرساڵێک و تووشی نeهامەتیاک بووە، یان لافاو هەستاوەو زیانێکی زۆری مرۆیی و مادی داوە لە خەڵک، یان بۆمبا بارانکراوە لەلایەن دوژمنانەوە. لەم پەندەدا پیرەمێرد دەفەرموێت. ئەم ساڵ گوێ بەهیچ نادەم و لەهیچ کامیان ناترسم، نە لافاو وە نە بۆمب.
ساڵی جارێ هەر دەبێ ئەم شارە بێتە مەزبەلە
یا بە بۆمبا یا بە ئاگر یا بە بارانی پەڵە (حەمدی)

ئەو ئاوەی تێکەڵ شیرت کرد نامەرد، بوو بە لافاو و بردی مانگازەرد [1]

لە پەندەکانی پیرەمێرد[1]

پێوانەی مەترسیی ڕوودانی لافاو بە پێی مۆدێلی یەکەی هایدرۆگرافی لە ئاوزێلەکانی دەوروبەری چیای پیران.
ئامادەکردنی: ئەیوب عەباس مڵکۆ، ئەحمەد عەلی حەسەن.
گۆڤاری #توێژەر# ، بەرگی: 5، ژمارە: 2، 2022. [1]
=KTML_Link_External_Begin=https://www.kurdipedia.org/docviewer.aspx?id=526915&document=0001.PDF=KTML_Link_External_Between=کلیک بکە بۆ خوێندنەوەی پێوانەی مەترسیی ڕوودانی لافاو بە پێی مۆدێلی یەکەی هایدرۆگرافی لە ئاوزێلەکانی دەوروبەری چیای پیران=KTML_Link_External_End=

ناونیشانی پەڕتووک: خەمڵاندنی لافاو لە ئاوزێلی دۆڵی ئاوەسپی و چۆنییەتی دروێنەکردنی
ناوی نووسەر: خەلیل کەریم محەمەد
شوێنی چاپ: #سلێمانی#
چاپخانە: زانکۆی سلێمانی، کۆلێژی زانستە مرۆڤایەتییەکان، بەشی جوگرافیا
ساڵی چاپ: 2022
[1]

بەڕێوەبەری ئاودێری #ھەولێر# ئاماژەی بۆ ئەوە کرد: بە مەبەستی پاراستنی شاری ھەولێر و دەوروبەری لە کاریگەرییەکانی لافاو سێ پڕۆژەی ستراتیژی بە بڕیاری سەرۆکی #حکومەتی هەرێمی کوردستان# خراونەتە بواری جێبەجێکردن.
ڕێبوار کاکەیی، بەڕێوەبەری ئاودێری ھەولێر بە ماڵپەڕی فەرمیی پارتی دیموکراتی کوردستانی ڕاگەیاند: بە بڕیاری سەرۆکی حکوومەتی ھەرێمی کوردستان سێ پڕۆژەی ستراتیژی بۆ پاراستنی شاری ھەولێر و دەوروبەری لە کاریگەرییەکانی لافاو کەوتوونەتە بواری جێبەجێکردن، ھەر سێ پڕۆژەکە گوژمەی دوو ملیار و 100 ملیۆن دیناریان بۆ تەرخان کراوە، پڕۆژەکانیش پێکهاتوون لە کۆنکرێتی ڕێڕەوی سرووشتی لە گردجووتیار، کۆنکرێت کردنی ڕێڕەوی سرووشتی کۆڕنیش نزیک شاری زیلان و درووستکردنی پردێکی ھەشت چاوە لە گوندی تەندورەی سەربە شارەدێی شەمامک.
بەڕێوەبەری ئاودێری ھەولێر وتیشی: ھەرسێ پڕۆژەکە لەژێر جێبەجێکردندان و مەبەست لە ئەنجامدانیان پاراستنی شاری ھەولێر و دەوروبەریەتی لە زیانەکانی لافاو، دوای تەواوبوونیان کاریگەرییان دەبێت لەسەر کەمکردنەوەی زیانەکانی لافاو.
ڕێبوار کاکەیی ئاماژەی بۆ ئەوە کرد: ئەو سێ پڕۆژەیە ڕێڕەوی ئاوی باران چارەسەر دەکەن، ساڵانە بەھۆی بارانی زۆرەوە ئاوێکی زۆر لەو ڕێڕەوە دەردەچێت، پێویست بوو حکوومەت بۆ پاراستنی ئەو ناوچانە چارەسەری ئاوی سرووشتی بکات و ئەو ناوچانە پارێزراوبن، چونکە بەڕێوەبەرایەتی ئاودێری بەشێکە لە لیژنەی بەرەنگاربوونەوەی لافاو. [1]

لە چوارچێوەی گرنگیدانی کابینەی نۆیەمی حکومەتی ھەرێمی کوردستان، بۆ خزمەتکردنی ھاووڵاتییانی ھەرێمی کوردستان و بە ڕەچاوکردنی بەرژەوەندیی گشتی، #مەسرور بارزانی#، سەرۆکی حکومەتی هەرێمی کوردستان، ڕەزامەندی لەسەر تەرخانکردنی گوژمەی یەک ملیار و 985 ملیۆن دیناردا، بە مەبەستی کەمکردنەوەی کاریگەریی لافاو لە گوندی گردجووتیار لە نزیک شاری #هەولێر#. ئەم گوژمەیە بەشێوەی نەختینە و بە قۆناغ لەسەر بوودجەی وەبەرھێنانی وەزارەتی کشتوکاڵ و سەرچاوەکانی ئاو جێبەجێ دەکرێت.
ڕێگریکردن لە لافاو و کەمکردنەوەی زیانەکانی لە شارە جیاجیاکانی کوردستاندا یەکێکە لە کارە سەرەکییەکانی حکومەتی هەرێمی کوردستان، بۆ ئەم مەبەستەش ڕێوشوێنی جیاجیا دەگیرێنەبەر. [1]

لە پێناو کەمکردنەوەی مەترسی لافاو لە شاری #هەولێر#، #مەسرور بارزانی#، سەرۆکی حکومەتی هەرێمی کوردستان، ڕەزامەندی دا لەسەر تەرخانکردن و خەرجکردنی گوژمەی 12 ملیار و 639 ملیۆن و 900 هەزار دینار، بە مەبەستی دروستکردنی 14 پۆند لە دەوروبەری هەولێر بە شێوەی نەختینە و قۆناغ، لەسەر بودجەی وەزارەتی کشتوکاڵ و سەرچاوەکانی ئاو. [1]
#27-10-2022#

ئەم بابەتە بەپێی ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!