=KTML_Bold=بەڕێزان/ سکرتێر و ئەندامانی مەکتەبی سکرتاریەت و هەڤاڵانی لێژنەکانی راپەڕاندنی یەکێتی قوتابیانی کوردستان..=KTML_End=
بەبۆنەی(69)هەمین ساڵیادی دامەزراندنی یەکێتیە تێکۆشەرەکەتان، یەکێتی قوتابیانی کوردستان، گەرمترین پیرۆزبایی لە ئێوەی بەڕێز و کادیر و ئەندامانی یەکێتیەکەتان و تێکڕای قوتابیانی کوردستان دەکەین، ئومێدەوارین وەک هەمیشە دڵسۆزانەو بەرپرسانە بۆ خزمەتکردنی توێژی قوتابیان و پشتیوانیکردنی دۆزی رەوای گەلەکەمان بۆ بەدیهێنانی ئامانجەکانی بەردەوام بن.
یەکێتی قوتابیانی کوردستان، ئەمڕۆ کە یادی (69)ەمین ساڵیادی دامەزراندنی دەکاتەوە، توانیویەتی بەم تەمەنە دەوڵەمەند و پر بەخششەی بە بەرنامەیەکی تۆکمە و پێشکەوتنخواز، کە هەڵقوڵاوی رێبازی پیرۆزی بارزانییە، لە گشت قۆناغەکانی خەبات و تێکۆشاندا، رۆڵێکی دیار و بەرچاو ببینێ لە خەباتی پیشەیی و جەماوەریدا، بە چرای زانست و پێشکەوتن مێژوویەکی شکۆمەندانەی بۆ خۆی و سەرجەم توێژی قوتابیان تۆمار کردووە.

دامەزراندنی یەکێتی قوتابیانی کوردستان، دەستکەوتێکی گرنگ و بایەخداری بزووتنەوەی رزگاریخوازی کوردستانە و، روون و بەرچاوە ئەرک و کاری توێژی بەرفراوانی قوتابیان چەندە بایەخدار و گرنگە و چ سەنگ و کاریگەریان هەیە بەسەر رێرەوی پەروەردە و فێرکردندا چونکە هێز و توانایەکی لەبن نەهاتوون و وەک گەنجینەیەکی بەهاداری خەباتی گەلەکەمانن، لەو پێناوەشدا یەکێتی قوتابیانی کوردستان چەندین سەرکردە و کادیری لێهاتوو و دڵسۆزی بەرهەم هێناوە.
ڕۆڵی و سەنگی ئێوەی قوتابیان زۆر گرنگ و چارەنووسسازە بەتایبەتی لەو هەلومەرجەی ئەمڕۆماندا، بۆیە پێویستە وەکوو هەمیشە سەری رمی تێکۆشان و وشیار کردنەوە و پێگەیاندنی نەوەیەکی وشیار و بەرپرسیار بێت و هەوڵ و کۆشش و بەرنامەکانتان لەپێناو پتەوکردن و بەهێزکردنی ئەم ئەزموونە و داکۆکیکردن لە دەسکەوتەکانمان بێت ، بۆ بەدیهێنانی داهاتوویەکی گەشتر.
جارێکی دیکە بەو بۆنەیەوە پاڵپشتی و پشتیوانی خۆمان بۆ یەکێتییەکەتان دووپات دەکەینەوە و، هیوا خوازین هەمیشە لە ئاست گرنگی ئەم ئەرکە پیرۆزەتاندا بن و جێگای متمانەی ئەو توێژە و پێشڕەوی بزوتنەوەی قوتابیانی کوردستان بن بۆ بەدیهێنانی تەواوی خواست و داواکارییە رەواکانتان.
سڵاو لە گیانی پاکی ئەو شەهیدە نەمرانەی لە رێگای سەروەری و سەرفرازی یەکێتیەکەتان و مافەرەواکانی گەلەکەمان گیانیان بەخشی..
سڵاو لە(69)ساڵەی دامەزراندن و خەباتی بەردەوام و بێسرەوتنی یەکێتی قوتابیانی کوردستان. [1]

مەکتەبی سیاسی
#پارتی دیموکراتی کوردستان#
#17-02-2022#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بە بۆنەی شەست و حەفت ساڵەی دامەزراندنی یەکێتی قوتابیانی کوردستان و یەکێتی لاوانی دیموکراتی کوردستان، پیرۆزبایی لە ئەندامانی هەردوو ڕێکخراوە تێکۆشەرەکە و قوتابیان و لاوانی کوردستان دەکەم، کە مێژوویەکی گەشیان هەیە لە بەشداریکردن لە بزووتنەوەی ڕزگاری نیشتمانیی کوردستان و پەرەپێدانی هزری نیشتمانپەروەری و بەرەو پێشبردنی توانا و ئاستی زانستی قوتابیان و لاوانی کوردستان. ئەم دوو ڕێکخراوە، قوتابخانەیەکیش بوون بۆ پێگەیاندنی چەندین سەرکردەی بە توانا، کە ئێستا لە بوارە جیاجیاکاندا ڕۆڵێکی پێشەنگانە دەگێڕن.
هیوادارم بەردەوام بن لە هەوڵ و تێکۆشانتان بۆ پاراستنی بەها نیشتمانییەکان دوور لە هزری تووندڕۆیی، لە پێناو بە دیهێنانی دوارۆژێکی گەشتر و کوردستانێکی ئاوەدانتر و پێشکەوتووتر دا.
#مەسرور بارزانی#
#17-02-2020#

دەقی پیرۆزباییەکەی #مەسرور بارزانی#:
لە یادی شەست و نۆیەمین ساڵەی دامەزراندنی هەردوو ڕێکخراوی یەکێتیی قوتابیانی کوردستان و یەکێتی لاوانی دیموکراتی کوردستان، گەرمترین پیرۆزبایی لە ئەندامانی هەردوو ڕێکخراو و قوتابیان و لاوانی کوردستان دەکەم، کە هەمیشە پێشەنگ بوونە لە خەباتی ڕێکخراوەیی و ڕۆڵێکی دیاریان لە قۆناغە جیاوازەکانی بزوتنەوەی ڕزگاریخوازی کوردستان و تێکۆشان لە پێناو گەیشتن بە مافە ڕەواکانی گەلەکەمان بینیووە.
هەردوو ڕێکخراو، لە درێژایی تەمەنی پڕ سەروەرییان، ڕۆڵێکی گرنگ و مێژووییان هەبووە و بوونەتە قوتابخانەی پێگەیاندنی چەندین سەرکردە و کادری هۆشیار، چ لە قۆناغی خەباتی شاخ و ئاوارەیی و چ لە سەردەمی ئازادی و حوکمڕانی خۆییدا.
هیواخوازین ئەندامانی هەردوو ڕێکخراوەکە، بەو پەڕی گوڕوتینەوە لە درێژەدان بە خزمەتکردنی توێژەکانیان و خەباتی مەدەنیانە بۆ داهاتوویەکی باشتر بۆ قوتابیان و لاوان بەردەوام بن.
هیوای سەرکەوتن و پێشکەوتنی زیاتر بۆ هەردوو ڕێکخراوەکە دەخوازم و خوازیارم هەمیشە بە پێشەنگی بمێننەوە.
مەسرور بارزانی
18ی شوباتی 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پیرۆزباییەکەی #مەسعود بارزانی#:
بە ناوی خودای بەخشندە و میهرەبان
بە بۆنەی یادی شەست و نۆیەمین ساڵیادی دامەزراندنی هەر دوو ڕێکخراوی یەکێتی قوتابیانی کوردستان و یەکێتی لاوانی دیموکراتی کوردستان، پیرۆزبایی خۆم ئاراستەی هەردوو سکرتاریەتی قوتابیان و لاوان و هەموو قوتابی و لاوانی خۆشەویستی کوردستان دەکەم و، هیوای سەرکەوتنیان بۆ دەخوازم.
هەر دوو ڕێکخراوی یەکێتی قوتابیانی کوردستان و یەکێتی لاوانی دیموکراتی کوردستان، هەر لە سەرەتای دامەزراندنیانەوە هەتا ئێستا لە قۆناغەکانی خەباتی گەلەکەماندا شوێنی پێگەیاندن و پەروەردەی کوردایەتی و نیشتیمانپەروەری و هۆشیاریی نەتەوەیی بوونە و لەو ڕێگەیەدا قوربانیان داوە و ماندووبوونی زۆریان بینیوە.
لە کاتی ئێستاشدا پێویستە قوتابیان و لاوان، لە جاران زیاتر شوێنکەوتووی بەها بەرزەکانی خەبات و کوردایەتی بن و لە هەڕەشە و تەحەدییاتەکان نائومێد نەبن. کار بۆ برەودانی فەرهەنگی پێکەوەژیان و فرەیی لە کوردستان بکەن. هاوکاتیش بە زانست و فێربوون و چالاکیی مەدەنیانە خۆیان پڕچەک بکەن و ببنە بەشێکی گرنگ لە کاروانی پێشکەوتن و پتەوتربوونی وڵاتەکەمان و دەوڵەمەندتری بکەن.
دووبارە ئەو بۆنەیە لە هەموو لاوان و قوتابیانی ئازیز پیرۆز بێت و هیوای سەرکەوتن و بەردەوامیتان بۆ دەخوازم.
مسعود بارزانی
18ی شوباتی 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

بە ناوی خودای بەخشندە و میهرەبان
بە بۆنەی شەست و حەوت ساڵەی دامەزراندنی #یەکێتیی قوتابیانی کوردستان# و #یەکێتیی لاوانی دیموکراتی کوردستان#، گەرمترین پیرۆزبایی ئاراستەی لاوان و قوتابیانی خۆشەویستی کوردستان دەکەم و هیوای سەرکەوتن و داهاتوویەکی گەشیان بۆ دەخوازم.
لاوان و قوتابیان، لە سەرەتای دامەزراندنی ڕێکخراوەکەیانەوە تا ئێستا، ڕۆڵیکی گرینگ و بەرچاویان لەکاری مەدەنی و ڕێکخراوەییدا گێڕاوە و جگە لەوەی قوتابخانەی پێگەیاندنی سەرکردەی بە توانا و ڕۆڵەی هۆشیار و هەڵکەوتوو بوونە، وەک پێشمەرگەش، بەشدارییەکی کاریگەریان لە بزاڤی ڕزگاریخوازانەی گەلەکەماندا کردووە و لەو ڕێگەیەدا قوربانی و شەهیدیشیان بەخشیوە.
قوتابیان و لاوان، لە قۆناخە جیاجیاکاندا، خزمەتی گەل و وڵاتیان کردووە و ڕوحی بەرگری و بڕوابەخۆبوونیان لەناو لاوانی گەلەکەمان پاراستووە، ئێستا و داهاتوویش، ئەو چاوەڕوانییە لە قوتابیان و لاوانی خۆشەویست هەیە کە پارێزەری بەها بەرزەکانی میللەتەکەمان بن و بە ورەیەکی بەرز و چاوکراوەیی زیاتر، کەڵک لە ئامرازە نوێیەکانی پەروەردە و فێرکردن وەربگرن و خۆیان بە زانست و زانیاری دەوڵەمەند بکەن و کادیری هۆشیار و بەتوانا بۆ خزمەتکردنی بەرژەوەندییەکانی خەڵکی کوردستان پەروەردە بکەن.
دووبارە پیرۆزباییتان لێ دەکەم و هیوای سەرکەوتنی زیاترتان بۆ دەخوازم.
#مەسعود بارزانی#
#17-02-2020#

یەکێکە لە بڵاوکراوەکانی حیزبی شیوعی

=KTML_Bold=بەناوی خوای گەورە و میهرەبان
بۆ یەکێتی قوتابیانی کوردستان سڵاوتان لێ بێت=KTML_End=

بە بۆنەی بەستنی چواردەهەمین کۆنگرەتانەوە وێرای گەرمترین پیرۆزبایم لە قوتابیانی کوردستان بە گشتی و یەکە یەکەی ئەندامانی کۆنگرە، داوای سەرکەوتنی کۆنگرەتان بۆ دەکەم بەو هیوایەی بڕیارو ڕاسپاردەکەتانتان وەڵامدانەوەی خواستی قۆناغ و سەردەمی ئەمڕۆی بزاڤی قوتابیانی کوردستان بێت، یەکێتییەکەتان بە درێژایی نزیک لە شەست ساڵی تەمەنییەوە خەبات و تێکۆشانێکی بەرچاوی هەبووە لە مێژووی بزاڤی ڕزگاریخوازی گەلی کوردستان بە گشتی بزاڤی قوتابیانی کوردستان بە تایبەتی، ڕێگایەکی سەخت و دژواری بڕیوەو قوربانییەکی زۆریشی لە قۆناغە جیاجیاکاندا داوەو لە پێناو گەیشتن بە ئامانجە پیشەیی و نەتەوەیی و نیشتیمانیەکاندا، بەرتەقای ئەو قوربانیانەشی دەستکەوتێکی زۆر و گرنگ و پڕ بەهای بۆ گەل و قوتابیانی کوردستان هەبووە لەمەو دوا چاوەڕێی دەستکەوتی زیاترتان لێ دەکرێت، بێگومان بەستنی کۆنگرە پرۆسەیەکە بۆ پێداچوونەوە بەکارو کارنامەی هەر ڕێکخراوێک لە نێوان دوو قۆناغ و هەڵسەنگاندنیان، بۆ ڕێکخراوەکەی ئێوەی ئازیزیش نوێ بوونەوەیەکە، هیوادارم هەڵسەنگاندنتان بابەتیانە ئەنجام بدەن و بەدیدێکی کراوەو بە جورئەتەوە پەنجەبخەنە سەر خاڵە لاوازەکان و کەموکوڕییەکانی دەستنیشان بکەن بەمەبەستی گۆڕینیان بۆ خاڵی بەهێزو نەهێلانی کەموکوڕییەکان لە قوناغی نوێتاندا لە پێناو گێرانی ڕۆڵێکی کاریگەرتر لە خەباتی ئەمڕۆمان کە پەرەدانە بە ڕەوتی دیموکراتییەت و پاراستنی دەستکەوتەکانی لە لایەک و خزمەتکردنی توێژی قوتابیان و پێشخستنی پرۆسەی خوێندن و پەروەردە بە ئاراستەیەکی ڕوو لە هەورازو سەردەمیانە لە لایەکی دیکەوە.
هیوادارم کۆنگرەتان لە کەشوهەوایەکی ئازاددا بەڕێوەبچێت لە هەڵبژاردنێکی تەواو ئازاددا نوێنەرانی خۆتان بۆ سەرکردایەتی کردنی ڕێکخراوەکەتان بۆ قۆناغی داهاتوو هەڵبژێرن، سەرکردایەتییەک جێی متمانەی ئێوەی خۆشەویست بێت لە توانای گرتنەئەستۆی کارو ئەرک و بەرپرسیارێتی یەکێتییەکەتان و بە جێ گەیاندنی کارنامەی نوێتان بێت کە پێویستە ئەم کۆنگرەیەتان بکەنە وێزگەیەکی نوێ لە دەستپێکی قۆناغێکی نوێی کارکردنی ئەوتۆ لە ڕێکخراوەیی کە هاوئاست بێت لەگەڵ پێشکەوتنی هەمەلایەنەی سەردەمی ئەمڕۆمان.
دووبارە سەرکەوتوو بێت کۆنگرەکەتان. [1]

#مەسعود بارزانی#
#03-11-2012#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

شوێن: ئەفریقای باشوور
کات: 2010

ڕۆڵی یەکێتی قوتابیانی کوردستان لە ڕاپەڕینی ساڵی 1991
پێشەوا ئیبراهیم
ڕاپەڕین، یەکێکە لە ناسراوترین چەمکەکان کە لەنێو کۆمەڵگەی کوردیدا بەر گوێمان دەکەوێ، هەردەم بەگرنگییەوە باسی لێوە دەکرێ و چاوی تێدەکرێ.
ساڵی 1991، ساڵی هات بوو بۆ گەلی کورد و کوردستانیانی بەشی باشوور. ساڵی وەدەستهێنانی گەورەترین دەستکەوت بوو. جاڕدانی گەورەترین بەڵێی ئازادیی بوو. مەزنترین -نا- بوو، بەڕووی داگیرکەردا.
لەو ساڵەدا، گەلی کورد لە بەشی باشوور، یەکدەست و یەکهێز و یەک ئارمانج بەرانبەر بە بەعسی فاشیست و داگیرکەر هاتەدەست و لە نیشتمان وەدەرینا.
ڕاپەڕین مەزنترین دەستکەوتی نەتەوەیی بوو، بۆ ئەو قۆناغە، کە تێیدا کورد توانی لە سێبەریدا خۆبەڕێوەبەریی و سەرخۆبوون بەدەستبێنێ. لە 5ی ئازاری 1991، ڕاپەڕین دژ بە حکومەتی عێراقیی و بەعسی داگیرکەر و فاشیست لە شاری ڕانییە دەستی پێکرد و لە 21ی ئازار، بە ڕاپەڕینی شاری #کەرکووک# کۆتایی پێهات.
ڕۆژمێری ڕاپەڕین
5-3-1991 ڕاپەڕینی شاری ڕانیە
6-3-1991 ڕاپەڕینی (بازیان، چوارقوڕنە و دەشتی پشدەر)
7-3-1991 ڕاپەڕینی شاری #سلێمانی#
8-3-1991 ڕاپەڕینی (#چەمچەماڵ#، #هەڵەبجە#، عەربەت، زەڕایەن، سمود، نەسر و پیرەمەگرون)
9-3-1991 ڕاپەڕینی (کۆیە، شەقڵاوە و #کفری#)
10-3-1991 ڕاپەڕینی (مەسیف، هەریر، باتاس، خەلیفان، ڕەواندز، #سۆران#، #چۆمان#، حاجی ئۆمەران، مێرگەسۆر، ئاغجەلەر، قەرەهەنجیر و #تەقتەق#)
11-3-1991 ڕاپەڕینی شاری #هەولێر#
12-3-1991 ڕاپەڕینی (#مەخموور#، #جەلەولا#، #خانەقین#، #ئاکرێ# و شێخان)
13-3-1991 ڕاپەڕینی (#زاخۆ#، پردێ، کۆڵەجۆ و جەبارە)
14-3-1991 ڕاپەڕینی شاری #دهۆک#
21-3-1991 ڕاپەڕینی شاری کەرکووک.
ڕۆڵی یەکێتی قوتابیانی کوردستان لە ڕاپەڕیندا
لە مانگی شوباتی ساڵی 1991 یەکێتییەکەمان وێڕای لایەن و ڕێکخراوەکانی تر، مەزەندەی تەقینەوەیەکی گەورەی جەماوەری کرد دژی دام و دەزگا داپڵۆسێنەر و سەرکوتکەرەکانی ڕژێم و بە دەرهاویشتەیەکی بەجێی سەرجەم بارو دۆخەکەی دادەنا. هەر بۆیە لیژنەی ڕاپەڕاندنی (یەکێتی قوتابیان و لاوانی دیموکراتی کوردستان) سێیەم کۆبوونەوەی سازدا بۆ لێکۆڵینەوە لە بارو دۆخەکە و خوێندنەوەی واقیعەکە و ئەگەری ڕووداو و گۆڕانکاری و داڕشتنی بەرنامە و پلان بۆ هەر ڕووداو و گۆڕانکارییەک کە لە بارو دۆخەکە ڕوو بدەن و نەخشەی هاتنەوە ناو وڵات و لە کاتی پێویستیش بۆ ناو شارەکانیش.
بۆ ئەو مەبەستە لە کۆبوونەوە لیژنەی ڕاپەڕاندندا، میحوەر بۆ کاری هەڤاڵانی یەکێتی قوتابیان و لاوانی دیموکرات دادەنرێت، لەگەڵ دەستنیشانکردنی ناوی نهێنی بۆ کاتی پێوەندیکردن، بەم شێوەیەی خوارەوە:
هەڤاڵان (ڕێبوار یەڵدا) بەناوی نهێنی (کۆڕەک) و (رەفعەت سەعید) بەناوی نهێنی (ئاوارە) و (کوردستان پیرداود) بەناوی نهێنی (شیراز) لە مەرکەز دەمێننەوە، کە ناوی نهێنی ناوەند (100) بووە.
میحوەرەکانیش بەم شێوەیە دابەشکرابوون:
1.میحوەری هەولێر، بەناوی نهێنی (242ه)، بەسەرپەرشتی هەڤاڵ (عەبدوڵا خەلیل/ کێوەڕەش) و (عادل عەلی/ هەورامان).
2. میحوەری سلێمانی، بەناوی نهێنی (444س) و بەسەرپەرشتی هەڤاڵان(حاجی عەبدوڕەحمان/ ژیاون) و (فریاد شەفیع/ جووتیار).
3. میحوەری دهۆک، بەناوی نهێنی (171 د) بەسەرپەرشتی هەڤاڵ (ئیحسان عەبدوڵا/ مەتین).
4. میحوەری کەرکووک، بەناوی نهێنی (373ک)، بەسەرپەرشتی هەڤاڵان (ئیبراهیم مستەفا/ خاڵحاڵان) و (دژوار فائق/دیلمان).
دوای ئەوەی بڵێسەی ڕاپەڕین سەرجەم شار و شارۆچکەکانی کوردستان دەگرێتەوە و پێشمەرگە و جەماوەر یەکدەست دێنە مەیدان، هەڤاڵانی یەکێتی قوتابیانی کوردستان هاوشان لەگەڵ پێشمەرگە بەهانای خەڵکی ڕاپەڕیو دەهاتن. یەکێتییەکە هەر لەگەڵ گەیشتنیان بە شار و شارۆچکەکان وەخۆ دەرکەوتن لە ڕێکخستنی قوتابیان و لاوان و بڵاوکردنەوەی ئارک و دروشم و چاپەمەنییەکان و دانانی بارەگای سکرتاریەت و گواستنەوەی بۆ قوڵایی کوردستان.
دەتوانین ڕۆڵی یەکێتی قوتابیان و لاوانی دیموکراتی کوردستان لە ڕاپەڕینی ئازادی کوردستاندا لەچەند خاڵێکدا پوخت بکەینەوە:
بەشداریکردنی یەکێتییەکە وەکو توێژی قوتابیان و لاوان و هەمەڕەنگتربوونی ڕاپەڕینەکە.
بەپیل وەچوونی جەماوەریی ڕاپەڕیو هاوشانی لەگەڵ هێزی پێشمەرگە.
کارکردنی بە بەرنامە لەڕێگەی هەر چوار میحوەرەکەی یەکێتییەکە، بۆ هاندان و پاڵپشتی جەماوەریی ڕاپەڕیو.
هاتنەوە ناوەوەی وڵات و شار و قوڵایی شارە ئازادکراوەکان و پێداگری و دانانی بارەگا.
یەکەم بارەگای مەکتەبی سکرتاریەت
لەگەڵ ڕاپەڕین و وەدەرنانی حکومەتی عێراقی داگیرکەر، بۆ یەکەم جار بارەگای مەکتەبی سکرتاریەت، لە هاوینەهەواری پیرمام دانرا و هەر لەگەڵ دانانی یەکەم پێشەنگەی پۆستەر و نیگارکێشانی کردەوە.
دوای ئازادکردنی شاری کەرکووکیش لە 21-3-1991 بارەگای مەکتەبی سکرتاریەت گوێزرایەوە شاری هەولێر و تا ئێستاش ماوەتەوە.[1]
1. چاوپێکەوتنی ئیبراهیم مستەفا لەگەڵ گۆڤاری (پێشکەوتن) ژمارە(60-61)، ئادار و نیسانی ساڵی 1996.
2. هەمان سەرچاوە.
3. چاوپێکەوتن لەگەڵ هەڤاڵ (عەبدوڵا خەلیل). -(یەکێتی قوتابیانی کوردستان، چەند لایەنێکی تێکۆشان و مێژوو)، ساسان عەونی، 1998.

رێکخراوێکی پیشەیی خوێندکاریە، وەک یەکەمین ڕێکخراوی خوێندکاری ئیسلامی کوردی ساڵی 1986 دامەزراوەو لە 24-06-1991 بە فەرمی لە هەرێمی کوردستان ڕاگەیەنراوە، خاوەنی 8 بەشی سەرەکی و 15 ناوەندە لە سەرجەم شاروو شارۆچکەکانی کوردستاندا، ئەندامی دەستەی سەرۆکایەتی فیدراسیۆنی ڕێکخراوە قوتابی و خوێندکارییەکانە، وەک زمانحاڵ مانگی 2 جار ڕۆژنامەی (وەرچەرخان) بڵاودەکاتەوە، و ماڵپەڕێکی ئینتەرنێتی بە ناوی (ئاژانسی هەواڵی زانکۆکورد www.zankokurd.org)ە، جگە لە چەندین بڵاوکراوەی لۆکاڵیتر. بارەگای مەکتەبی سکرتارییەتی لە سلێمانیە، چەندین پڕۆژەی نمونەیی پێشکەش کردووە لەوانەش: (پڕۆژەی سومبولی نوور، پڕۆژەی دۆستانی موحەممەد (صلی اللە علیە و سلم)، پڕۆژەی خولی درێژخایەنی سەرکەوتن بۆ قوتابیانی پۆلی شەشەم کە ساڵانە نزیکەی 5000 هەزار قوتابی پۆلی شەشەم لە ئەستۆ ئەگرێت،... تاد)، تا ئێستا 3 کۆنگرەو 6 کۆنفرانسی ناوخۆیی بەستووە، لە ماوەی تەمەنی دامەزراندنیەوەو تا ئێستا لە پێناو بوار کردنەوە بۆ گەنجان 15 جار سکرتێری خۆی گۆڕیوە... خاوەنی نزیکەی 50،000 هەزار ئەندامە لە سەرجەم ناوچەکانی کوردستاندا.
بۆ پەیوەندیکردن:
ئیمەیل:
kso_1986@yahoo.com
ehsanzalmi@yahoo.com
ژمارەی مۆبایل:
07703552533
07501110799
وێبسایت:
www.zankokurd.org
تۆمارێکی تایبەت بۆ کوردیپێدیا لەلایەن (zana) لە: 27-09-2009 14:52:08