#ئاراس شێخ جەنگی#:
#بافڵ تاڵەبانی#، مادەم حەزی لە شێتخانەیە با واز لە یەکێتی بێنێ و حیزبێکی تر بەناوی یەکێتی شێتخانەکانی کوردستان دابنێ.

دوای ئەوەی لە چەند ڕۆژی ڕابردوو بافڵ تاڵەبانی لە کۆڕبەندی ساڵانەی #هەولێر# ڕایگەیاند من حەزم لەو شێتخانەی حیزبایەتییە ، دیارە ئەمە سووکایەتیەکی گەورەیە بە یەکێتی و بەو خەباتەی کە زیاتر لە 22 هەزار کەس لەپێناویدا شەهید بوون، ئەو حیزبە گەورە و خاوەن مێژوو قوربانی دانە و ئەو حیزبەی سەرۆکەکەی جەنابی مام جلال بوو خاوەنی ڕووبارێک خوێن و داستانە کەچی ناوبراو ناوی لێنا شێتخانەی حیزب ، بۆیە منیش وەک وەڵامێکی تەنز ئامێز پۆستێکم کرد وتم یەکێتی شێتخانەکانی کوردستان بەو مانایەی باشترە ناوبراو مادەم حەزی لە شێتخانەیە با واز لە یەکێتی بێنێ و حیزبێکی تر بەناوی یەکێتی شێتخانەکانی کوردستان دابنێ ، بۆیە دووپاتی ئەوە دەکەمەوە کە ئێمە خاوەن و دڵسۆزی ئەو یەکێتیەین کە بۆی ژیاین و قوربانی و خەباتمان بۆ کردووە بەشانازیەوە .نەوەک ئەو یەکێتیەی ئەو ناوی ناوە شێتخانە یان یەکێتی نوێ، لەگەڵ ڕێزم..[1]

برازای مام #جەلال تاڵەبانی#یە. یەکێکە لە سەرکەردەکانی دژە تیرۆری یەکێتی. پاش نەخۆشکەوتنی مام جەلال یەکێک بووە لەوانەی کە ناوەندی بڕیای لە یەکێتیدا بەدەستەوە بووە. لە کۆنگرەی چوارەمی یەکێتی بووە ئەندامی ئەنجوومەنی یەکێتی.

برازایێ مام #جەلال تاڵەبانی#یە. ئێکەکە ل سەرکەردەیێن دژە تیرۆرا #یەکێتی نشتیمانی کوردستان#. پشتی نەخۆش کەتنا #مام جەلال# ئێک ژ کەسێن بڕیار بدەستێ یەکێتی بوویە. ل کۆنگرەیا چوارەما یەکێتی بوویە ئەندامێ ئەنجوومەنا ڤێ حزبێ.[1]

#ئاراس شێخ جەنگی# ئەندامی سەرکردایەتی #یەکێتیی نیشتمانیی کوردستان# بەشدارینەکردنی کۆنگرەی پێنجەمی حیزبەکەی ڕاگەیاند و ئاشکرایکرد، ئەو کۆنگرەیە خوێندنی فاتیحەیە لەسەر گۆڕی یەکێتی.
ئاراس شێخ جەنگی لەمیانی پەیامێک ڕایگەیاند، ئەم کۆنگرە بۆ ئەوەیە #بافڵ تاڵەبانی# بە فەرمی بکەنە سەرۆک، بۆیە بەهیچ شێوەیەک بەشداریی لە کۆنگرەی پێنجەمی یەکێتی ناکەم.

هەروەها ڕایگەیاند، ئەم کۆنگرەیە هیچ شەرعییەتێکی نییە، لانی کەم دەبوو چەند مانگێک دەرفەت هەبوایە بۆ ئامادەکاریی، ئەوەشی ئاشکراکرد، کە لە ئێستاوە ڕێکەوتی #31-08-2023# لیستی ئەندامانی ئەنجوومەنی سەرکردایەتییان ئامادەکردووە و ئەوانەشی نابێت بەشداربن، یاخود دەربچن دەستنیشانکراون، هەروەها بڕیاریانداوە هەندێ لە سەرکردە دێرینەکان بگەڕێننەوە، ئەمە تەسفیە حیسابە.
ئاراس شێخ جەنگی، کە برای #لاهور شێخ جەنگی# هاوسەرۆکی یەکێتییە، لەبارەی داهاتووی خۆی ئەوەی ڕاگەیاندووە، واز لە سیاسەت ناهێنم و بەردەوام دەبم، بەڵام جارێ نامەوێت لەبارەی داهاتوومەوە باسی هەموو شتێک بکەم. [1]

ماوەیەکە پەیجێک لە فەیسبوک بەناوی بەندەوە کراوەتەوە. سەرەتا گرنگیم پێنەدا و هیچم لەبارەوە نەوت. بەڵام کەمێک پێش ئێستا هەندێ قسە و زانیاری هەڵبەستراوی بەناوی منەوە لەسەر هەڤاڵ #سەعدی ئەحمەد پیرە# بڵاوکردۆتەوە.
لێرەوە بە هەموو لایەکی ڕادەگەیەنم کە ئەو پەیجە دور و نزیک هیچ پەیوەندییەکی بە منەوە نیە. ڕاشیدەگەیەنم کە من نە لە فەیسبوک و نە لەهیچ تۆڕێکی کۆمەڵایەتی تریشدا پەیج و بەشدارییم نیە.
لەگەڵ ڕێزدا..
#ئاراس شێخ جەنگی#
#18-10-2018#

ئاراسی شێخ جەنگی کێیە؟
رەنگە زۆرینەی میدیای کوردی و، خەڵکی، زانیاریان لە بارەی ئاراس شێخ جەنگیەوە نەبێت، لەوانەشە زۆرینەمان لەم چەند ڕۆژەی ڕابردوو ئاشنای ئەم کارەکتەرە سیاسیەی نێو بنەماڵەی تاڵەبانی ببووبین.
لە ڕاستیدا تەمەنی دەستپێکردنی کاری سیاسی ئه و کابرایە لەگەڵ #مام جەلال#، دەگەرێتەوە بۆ ساڵانێکی دوور (زیاتر لە 35 ساڵ)، بە تایبەت دوای ئەوەی لەسەرەتای ساڵەکانی دووهەزارەوە، بوو بە یەکێک لە نزیکترین کەسەکانی مام جەلال.
ئاراسی شێخ جەنگی، جگەلەوەی لە نزیکەوە لەگەڵ مام جەلال کاریکردووە (لە پشتی پەردەوە)، لە هەمانکاتدا خاوەنی گروپی کۆمپانیاکانی کەلکانی بنەماڵەی شێخ جەنگیە (لە لایەن هیوای برای بەڕێوەدەبرێت).
یەکەم دەرکەوتنەکانی ئه و کابرایە، دەگەڕێتەوە بۆ 7 ساڵ لەمەوبەر، کە لە دیمانەیەکدا لەگەڵ ڕۆژنامەی هاووڵاتی، بە ناوی مام جەلال قسەی کردو، کۆمەڵێک بابەتی لە بارەی دۆخی ناوخۆی یەکێتی و چەند سەرکردەی یەکێتی وروژاند.
لەسەرەتاکانی ساڵی 2010، دەرکەوتنەکانی ئاراسی شێخ جەنگی، بووە هۆی دروستبوونی ناکۆکی، لەگەڵ هەریەک لە (بەرهەم صاڵح و کۆسرەت ڕەسول)، بەڵام دواتر مام جەلال ڕازیکرد، بە دوورکەوتنەوەی بۆماوەیەکی کاتی لە هەندێ کاروباری یەکێتی، بۆئەوەی تووشی پێکدادان نەبێت لەگەڵ جێگرانی سکرتێری گشتی.
ئاراس شێخ جەنگی، به و پێیەی یەکێک بووە لە نزیکترین کەسەکانی مام جەلال (مام جەلالیش لە ئێران و #قاسم سلێمانی# نزیکبووە)، بۆیە ناوبراو لەگەڵ #عەدنانی حەمەی مینە#، ئه و دوو سەرکردەی یەکێتین، کە زۆترین نزیکایەتیان لەگەڵ سوپای پاسداران و ئیتلاعات هەیە.
پێگەی سیاسی ئاراس، وەک کوڕە گەورەی شێخ جەنگی برای مام جەلال، زۆر لە براکانی (لاهور، ئاسۆ، پۆلات، هیوا) بەهێزترە، هەرکات ئه و دەربکەوێ لە ساحەکە دا، براکانی هیچ جۆرە ڕۆڵێکی ئەوتۆیان نابێت.
برازا گەورەکەی مام جەلال، بە دوو مانگ بەر لە وەفاتی مام جەلال، بەبێ ئاگاداری سەرکردایەتی و مەکتەبی سیاسی یەکێتی، کرایە لێپرسراوی سکرتاریەتی مام جەلال، تاوەکو ئێستاش لەم ناویشانەی بەردەوامە، جگەلەوەش لەسەرجەم کۆبوونەوە نهێنییەکانی ئه و دوو مانگەی ڕابردوو، بە تایبەت لەسەر پرسی ڕیفراندۆم، بەشێوەیەک لە شێوەکان بەژداریکردووە، یاخود ئاگاداربووە.
ناوبراو، لای هێرۆ ئیبراهیم ئەحمەدی مامۆژنی، بە لە پێشترین کەسی بنەماڵەی تاڵەبانی دادەنرێت، باشترین نموونەش بۆئەمە: لە ڕێککەوتی 16ی تشرینی یەکەم (دوورۆژ لەمەوبەر)، لە ڕاگەیاندراوەکەی هێرۆ ئیبراهیم ئەحمەد، لە بارەی کشانەوەی هێزەکانی پێشمەرگە لە کەرکووک دەڵێت لای هەموو کەس ڕوون و ئاشکرایە کە ئەندامانی خێزانەکەم وەک ئاراس و بافڵ و قوبادو لاهورو پۆڵاد هاوشانی پێشمەرگە قارەمانەکانی یەکێتی لە مەیدانی جەنگن و لەریزەکانی پێشەوەی بەرگرییدان، بۆیە داوا لە جەماوەری کەرکووکی قارەمان دەکەم باوەڕ بەو درۆو دەلەسانە نەکەن و ئارامی شارەکە بپارێزن.
له و ڕاگەیاندراوەی هێرۆخان، ناوی ئاراسی شێخ جەنگی، لە پێشەوی ناوی باڤڵی کوری گەورەی هێناوە.
ئاراسی شێخ جەنگی، بە یەکێک لە ئەندازیارانی ڕێککەوتنەکەی شەوی 16 تشرینی یەکەم (دوو ڕۆژ لەمەوبەر) دێت، لەوکاتەی لە میدیاکان هەواڵی ئەوە وابڵاوکرایەوە، کە ناوبراو لەگەڵ باڤڵ تاڵەبانی و لاهور شێخ جەنگی، ڕێککەوتنیان لەگەڵ حکومەتی عێراقی و حەشدی شەعبی کردووە، لە بارەی کشانەوە هێزەکانی یەکێتی لە کەرکووک.
کەواتە؛ هەموو زانیارییەکان ئاماژەن بۆئەوەی ناوبراو؛ وەک کارەکتەرێکی سیاسی ماڵی تاڵەبانی پێگه و داهاتووەکی گەورەی لە نێو خانەوادەکەی و حزبەکەيی دەبێت، چونکە بەهۆی دەرکەوتنە توندو خێراکانی هەندێک کەس پێیدەڵێن شێرپەنجەکەی نێو بنەماڵەی تاڵەبانی. یەکێک لە ئەگەرەکانیش ئەوەیە: ناوبراولە داهاتوودا، لەگەڵ نەوەکانی تری بنەماڵەی تاڵەبانی، تووشی ڕووبەرووبوونەوە بێت بەهۆی دەسەڵات و پۆست.
سەرتیپ وەیسی کەریم

بەڕێز کاک مەسعود
ئەمڕۆ دواهەمین ڕۆژی هەڵمەتی بانگەشەی ڕیفراندۆمە و چەند سەعاتێکی ماوە، وەکو کوردێک داوا لە جەنابت دەکەم بە زوترین کات و پێش ئەوەی هەڵمەتەکە تەواو بێت، لەم کارەی دەستتان پێکردووە پەشیمان ببنەوە و داواکاری ئه و هەموو خەڵکە، داواکاری ئه و هەموو میللەتانە، داواکاری ئه و هەموو وڵاتانەی داواتان لێدەکەن ئەم پڕۆسەیە ڕابگرن قبوڵ بکەیت. چونکە دیارە کەسمان لەگەڵ نیە.
دیار نیە کە کێ پێی کردویت، بەڵام وەک یەکەم کەس کە زەرەرمەند دەبێت لەم کارە جەنابتیت، دواتر میلەتەکەمان زەرەرمەند دەبێت، بۆیە با ڕوداوی ساڵی 1975 دووبارە نەبێتەوە، ئەوکات ڕێگایەکتان مابوەوە کە شای ئێران بوو، دیارە شای ئێرانیشمان نەماوە، و هیچ ڕێگایەکمان لەبەردەم نامێنێت. بۆیە وەک کوردێک داوات لێدەکەم لەم کارەی کردوتە پەشیمان ببیتەوە و بەم هەڵوێستە خزمەتێکی گەورە بە کورد دەگەیەنێت.
هەرچەندە دەزانم کارێکی ناخۆشە بۆ جەنابت، بەڵام زۆر جاریش سیاسیەکان هەڵە دەکەن، وە پێش ئەوەی کارەساتەکە ڕووبدات لە هەڵەکانیان پەشیمان دەبنەوە و دەتوانن خزمەتێکی زیاتر بە میلەتەکەیان بگەیەنن.
هەر لەم دەرفەتەدا داوا لە برادەرانی مەکتەبی سیاسی یەکێتیی نیشتیمانیی کوردستان دەکەم، (هەرچەندە بڕیارە کە ئەمڕۆ پەیامێک ئاراستەی بارزانی بکەن) بەپەلە ئه و پەیامە ئاراستەی کاک مەسعود بکەن و لەم کارەی کردویانە پەشیمان ببنەوە بۆ خزمەتی خۆیان و خزمەتی ئه و بەشەی یەکێتی کە ماوە، بۆ ئەوەی ئەوەی کە ماوە لەدەستمان نەچێت.
#ئاراس شێخ جەنگی#
22-09-2017

#لاهور شێخ جەنگی# هاوسەرۆکی پێشووی #یەکێتی نیشتمانیی کوردستان# نوێنەری خۆی ناردووەتە لای ئێرانییەکان، ئەوەش بۆ گەیاندنی چەند پەیامێک.
ماوەی ڕابردوو، هەریەکە لە #ئاراس شێخ جەنگی# و #ئاڵا تاڵەبانی# بە نوێنەرایەتی لاهور شێخ جەنگی لەگەڵ لایەنی ئێرانی لە شاری #بەغدا# کۆبوونەوەیان کردووە.
کۆبوونەوەکە بۆ گەیاندنی پەیامی لاهور شێخ جەنگی بووە بە بەرپرسانی ئێرانی، کە پەیامەش تایبەت بووە بە دۆخی ناوخۆیی یەکێتی و خراپی دۆخی حیزبەکە بە تایبەتی لە سنووری #سلێمانی#.
دوای کۆبوونەوەکە، بەرپرسانی ئێرانی بە پەیامێک وەڵامی لاهور شێخ جەنگیان داوەتەوە و داوایان لێکردووە، هیچ دەستوەردانێک لە دۆخی ناوخۆیی یەکێتی نەکات، چونکە ئەوان لە ئێستادا بە تەواوی پشتگیری #بافڵ تاڵەبانی# دەکەن. [1]

ئێران هۆشداری داوەتە #لاهور شێخ جەنگی# هاوسەرۆکی پێشووی #یەکێتیی نیشتمانیی کوردستان#، کە هیچ جوڵەیەکی نوێی سیاسی نەکات، کە ببێتە هۆی زیان گەیاندن بە ناوچەکانی #سلێمانی#.
دوای ئەوەی لاهور شێخ جەنگی چەند جوڵەیەکی سیاسی لە #بەغدا# و چەند وڵاتێکی ئەوروپا کرد، ئێرانییەکان هۆشدارییان پێداوە، کە نابێت بەردەوام بێت.
لە ڕێگەی جێگری وەزیری دەرەوە و جێگری ئیسماعیل قائانی فەرماندەی سوپای قودسی ئێرانی بووە، بەوەی نابێت لاهور شێخ جەنگی جوڵەیەک بکات، ببێتە زیان بۆ سەر سلێمانی و لاوازکردنی یەکێتیی نیشتمانیی کوردستان.
#بافڵ تاڵەبانی# سەرۆکی یەکێتی، ئێستا بە تەواوی بە خواستی ئێرانییەکان کار دەکات، بۆیە دەیانەوێت بە تەواوی پشتگیری بکەن، تا ناوخۆی یەکێتی بەهێز بکاتەوە و لە بەرانبەر پارتی دیموکرات بوەستێتەوە.
کە ئەو هۆشدارییەی ئێران تەنیا بۆ لاهور شێخ جەنگی نەبووە و هاوکات هۆشدارییەکیان بۆ #شاسوار عەبدولواحید#، سەرۆکی جووڵانەوەی #نەوەی نوێ#ش ناردووە، بەوەی ئەویش نابێت هەنگاوێک بنێت ببێتە هۆی زیاتر بۆ یەکێتی و سنووری سلێمانی. [1]

ئێران لە بارەی کێشە ناوخۆییەکانی #یەکێتیی نیشتمانیی کوردستان# هۆشداری دەدات بە #پارتی دیموکراتی کوردستان#.
لە دوای ڕوونکردنەوەکەی دادگای ئاساییشی #هەولێر# لەسەر کەیسێکی لاهور شێخ جەنگی هاوسەرۆکی پێشووی یەکێتی، ئێران پەیامێکی هۆشداری گەیاندووە بە پارتی.
هۆشدارییەکەی ئێران بە شێوەیەک بووە، کە نابێت چیتر پارتی دیموکراتی کوردستان دەستوەردان لە کێشە ناوخۆییەکانی یەکێتی بکات، بۆ ئەوەی کێشەکان زیاتر تەشەنە نەکەن.
کە هۆشداری ئەمجارەی ئێران بۆ پارتی توند بووە و لە پەیامێکدا جەختیانکردووەتەوە، کە ئەو دەستوەردانانە بەردەوام بێت، ئەوە ئەنجامەکەی قورس دەبێت بۆ پارتی و خۆشیان بەرپرسیار دەبن لە هەر ئەنجامێکی ئەو دەستوەردانانە. [1]