ھەڤاڵی بەڕێز #شاخەوان عەبدوڵڵا# جێگری سەرۆکی ئەنجوومەنی نوێنەرانی عێراقی فیدراڵ
بە بۆنەی بەدەستھێنانی متمانە و هەڵبژاردنتان بۆ پۆستی جێگری سەرۆکی ئەنجوومەنی نوێنەرانی عیراقی فیدراڵ وەکو کاندیدی پارتیمان، گەرمترین پیرۆزبایتان لێدەکەین و، هیوادارین لەو کار و ئەرکە گرنگ و تازەیەتان دا سەرکەوتووبن لە داکۆکیکردن و بەدیهێنانی مافەکانمان و، پابەند بە بەرنامە و ڕێبازی پیرۆزمان درێغی نەکەن لە خزمەتکردن و پاراستنی متمانەی جەماوەر و گەلەکەمان.
دووبارە پیرۆزباییتان لێدەکەین و، هەر شاد و سەرکەوتوو بن. [1]

مەکتەبی سیاسی
#پارتی دیموکراتی کوردستان#
#09-01-2022#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بڕوانامەی ماستەر لە یاسا.
ئەندامی پەرلەمانی عێڕاقی لە فراکسیۆنی پارتی دیموکراتی کوردستان.
بڕیاردەری لیژنەی ئاسایش و بەرگری پەرلەمانی عێراق. [1]

ناو: شاخەوان
ناوی باوک: عەبدوڵڵا
ڕۆژی ئەنفالکردن: (03-05-1988/ 08-05-1988)
شوێنی ئەنفالکردن: #گردخەبەر‌‌‌‌‌#
شاخەوان عەبدوڵڵا ئەحمەد، یەکێکە لە ئەنفالکراوانی گوندی (گردخەبەر‌‌‌) ی شارەدێی (ئاغجەلەر‌) ی شارۆچکەی (#چەمچەماڵ#) ی شاری (سلێمانی)، لە قۆناغی ئەنفالی(چوارەم) دا لەنێوان ڕێکەوتی (03-05-1988/ 08-05-1988) لە ئاوایی گوندی (گردخەبەر‌‌) لەلایەن هێزەکانی سوپای ئێراق، بەر شاڵاوی ئەنفال کەوت و بێ سەر و شوێن کرا.[1]

#شاخەوان عەبدوڵڵا#، جێگری سەرۆکی پەرلەمانی عێراق ڕایگەیاند، ”ئەگەر بەم شێوەیە حکوومەتی عێراق لاواز بێ و توانای پاراستنی سەروەریی وڵاتەکەی نەبێت، ئەوا حکوومەتی هەرێمی کوردستان هەموو دەرگاکانی لەبەردەمدا کراوەتەوە، تەنانەت ئەوەی داوا لە کۆمەڵگەی نێودەوڵەتی بکات زەوی و ئاسمانی بپارێزێت، داوا لە هێزی نێودەوڵەتی بکات بێت ئەرز و ئاسمانی بپارێزێت“.
ڕاشیگەیاند، کە ناکرێ ئەم تاوانانە بەردەوام بێت، ڕۆژێک تورکیا و ڕۆژێک ئێران سەروەری پێشێل بکەن، ”ئەم بێهەڵوێستییەی عێراق وادەکات کە ئێران ئەم ناوچەیە بە بەشێک لە ئەرکی خۆی بزانێت و بیەوێت هێرش بکاتە سەری و سوپا بجووڵێنێت“.
ئاماژەی بەوەشکرد: ”ئەگەر پێشتر لەسەر سنوورەکان تۆپباران و بۆردومانیان کردووە، ئەوەی دوێنێ ئێران کردوویەتی، دەستپێکێکی زۆر مەترسیدارە، تۆ بێی لە قووڵایی هەرێمی کوردستان، لە #پردێ#وە تا دەگاتە سنووری #سلێمانی# و #شارەزوور# و هەموو ئەو ناوچانە بگرێتەوە، دەیان هێرشیش بە درۆن و کاتیۆشا کراوەتە سەر هەرێمی کوردستان“. [1]

بڕیار بوو لەسەر سکاڵای عەرەبەکان لە سنووری دووبز لیژنەیەک سەردانی گوندی گێسمە لە سەرگەڕان بکات، کە زەوی بەشێک لە جووتیارانی کورد داگیر بکرێت و کوردەکانیش بڕیاریان دابوو گردبوونەوەیەک دژی داگیرکردنی زەوییەکانیان ئەنجام بدەن، بەڵام جێگری سەرۆکی پەڕڵەمانی ئێراق ھاتە سەر هێڵ و ڕێگری کرد و بڕیارەکە ھەڵوەشایەوە.
دکتۆر #شاخەوان عەبدوڵڵا#، جێگری سەرۆکی پەڕڵەمانی ئێراق، بۆ ماڵپەڕی فەرمیی #پارتی دیموکراتی کوردستان# وتی: سەرەڕای ئەوەی من خۆم سەردانی ئەمەریکام کردووە، بەڵام کە ئەو بابەتەم بیست، لەگەڵ قایمقامی دووبز قسەم کرد، ئەو نووسراوی ھەیە لەبارەی جێگیرکردنی سنوورەکان کە مەترسی ھەبوو زەوی بەشێکی جووتیارانی کورد بەربکەوێت و بۆ عەرەب بڕوات، بۆیە داوام کرد ئەو نووسراوە ھەڵوەشێننەوە و ھیچ بڕیارێک دەرنەکرێت کە ببێتە ھۆی درووستبوونی کێشە تاوەکوو لە پەڕڵەمان کێشەکان چارەسەر دەکرێن.
عەبدوڵڵا وتیشی: بڕیارەکە چووەتە بواری جێبەجێکردنەوە و قسەم لەگەڵ کوردەکانیش کرد، کە کێشەکەیان چارەسەر کراوە و بچنەوە ماڵەوە و گردبوونەوە ئەنجام نەدرێت. [1]

لە ماوەی ڕابردوو هێزێکی سوپای ئێراق هەوڵی چۆڵکردنی دەیان خانووی هاووڵاتییانی کوردی لە گەڕەکی نەورۆز لە #کەرکووک# دا، ئەوان ڕەتیان کردەوە خانووەکانیان چۆڵ بکەن، بەو هۆیەوە گرژی درووست بوو و مانگرتن دەستی پێ کرد، جێگری سەرۆکی پەڕڵەمانی ئێراق لە پێشوازی شاندێکی دانیشتووانی ئەو خانووانە ڕایگەیاند کە پێویستە کێشەکانیان چارەسەر بکرێت و مافی ئەوان بێتە پاراستن.
ئەمڕۆ #شاخەوان عەبدوڵڵا#، جێگری سەرۆکی پەڕڵەمانی ئێراق لە #بەغدا# پێشوازی لە شاندێکی دانیشتووانی خانووەکانی گەڕەکی نەورۆزی کەرکووک کرد، کە داوای چۆڵکردنی خانووەکانیان لێ کراوە، دووپاتی کردەوە کە پاڵپشتییان دەکات و کار بۆ نەفەوتانی مافەکانیان و نەهێشتنی ترس و نیگەرانییەکانیان دەکات.

لە بەیاننامەکەی نووسینگەکەی کە لەسەر زاری شاخەوان عەبدوڵڵاوە هاتووە، پێویستە کێشەکانی کەرکووک بەشێوەیەکی ڕیشەیی چارەسەر بکرێت و هاووڵاتییانی پارێزراو بن، پێویستە دامەزراوە تەناهییەکان هەوڵی زیاتر بۆ پاراستنی مافە دەستووری و یاساییەکانی هەموو ڕۆڵەکانی ئەو پارێزگەیە بدەن، جیا لە دابینکردنی سەقامگیری و لێپرسینەوە لەگەڵ ئەوانەی هەوڵی یاریکردن بە ئاساییشی دەدەن، ڕێگریش لە پێشێلکاری بۆ سەر هاووڵاتییان و موڵک و ماڵیان بکەن.
دوای ئەوەی لە ماوەی ڕابردوو سوپای ئێراق داوای چۆڵکردنی 122 خانووی لە خێزانە کوردەکان لە گەڕەکی نەورۆزی شاری کەرکووک کرد، ناڕەزایەتی و ئاڵۆزی درووست بوو، ئەمینداریەتیی گشتیی ئەنجوومەنی وەزیرانی ئێراق ڕایگەیاند، بڕیار درا بە پەلەنەکردن لە جێبەجێکردنی چۆڵکردنی خانووەکانی کۆمەڵگەی ئەفسەرانی سەربە وەزارەتی بەرگری، واتە کۆمەڵگەی واستی لە گەڕەکی نەورۆز لە شاری کەرکووک، تا کاتی دەرچوونی ڕاگەیاندنێکی نوێی ئەمینداریەتییەکە لەوبارەوە. [1]

#شاخەوان عەبدوڵڵا# جێگری سەرۆکی پەڕڵەمانی ئێراق لەبارەی هێرشەکەی عەرەبی هاوردە بۆ سەر کوردانی گوندی پەلکانە هاتە دەنگ و ڕای گەیاند مانەوەی عەرەبی هاوردە لەم سنوورە، دەبێتە هۆی بەردەوامیی ئەم کێشانە.
لەبارەی هێرشەکەی عەرەبی هاوردەوە بۆ سەر گوندی پەلکانە، د. شاخەوان عەبدوڵڵا جێگری سەرۆکی پەڕڵەمانی ئێراق ڕایگەیاند: پاش ئەوەی ئەمڕۆ #21-04-2023# شەڕ لەنێوان عەرەبی هاوردە و دانیشتووانی گوندی پەلکانە درووست بووە، پاش ئاگادارکردنەوەمان ڕاستەوخۆ لەگەڵ فەرماندی ژووری ئۆپەراسیۆنەکانی #کەرکووک# و وەزیری بەرگریی قسەم کرد، تاوەکوو بتوانن بارودۆخەکە کۆنترۆڵ بکرێت.

وتیشی جێگای قبووڵکردن نییە کە لەلایەن عەرەبی هاوردەوە هێرش بکرێتە سەر کوردانی ناوچەکە و مانەوەی ئەو عەرەبانە لەو ناوچەیە بەردەوامیدانە بەم کێشە و ململانێیانە و دەبێتە هۆکارێک بۆ درووستبوونی کێشەی زیاتر لە ناوچەکە.
لە دوای خیانەتی 16ی ئۆکتۆبەرەوە، عەرەبی هاوردە زووزوو دەچنە سەر گوندەکانی سنووری سەرگەڕان و دەیانەوێت دەست بەسەر زەوییەکانیاندا بگرن.
جێی باسە ئەمڕۆ هەینی #21-04-2023# لە یەکەم ڕۆژی جەژنی ڕەمەزاندا، نزیکەی 400 عەرەبی هاوردە هێرشیان کردە سەر گوندی پەلکانەی کوردنشین لە سنووری سەرگەڕان و دواتر دانیشتووانی گوندەکە لێیان هاتنە دەست و چەندین بریندار لە هەردوولا کەوتنەوە. [1]

- دەقی ماددەی 14 دەستکاری کرابوو بۆیە نەمانهێشت تێپەڕێت.
- ماددە دەستکاریکراوەکە بەشێوەیەک بوو لە 15 ڕۆژدا سەرۆکوەزیرانی ئێراق ناچار دەکرا بودجەی خەڵکی کوردستان ببڕێت، بۆیە ئێمە لەگەڵ ئەوەین دەقە ئەسڵییەکە بڕوات.
- ویستیان ماددەکانی دیکە تێپەڕێندرێن تا ئەو ماددەیە چارەسەر دەکرێت، بەڵام ئێمە پێشتر ئەزموونی ناخۆشمان لەگەڵیان هەیە، هەموو ماددەکان تێدەپەڕێنن دواتر ئەوەی تریش بە زۆر تێدەپەڕێنن، بۆیە بڕیارماندا ماددەکانی دیکەش نەڕوات تا ڕێککەوتن دەکرێت.
- تێبینیمان لەسەر ماددەی 13 هەبووە، بەڵام ماددەی 14 بە ڕوحی بودجەکە دەزانین، بۆیە نەمانهێشت تێپەرێت.
- هەر یەک لە ماددەکانی 15، 16، 17 لەنێوان پێکهاتەکانی دیکە کێشەی لەسەر هەبوو، بۆیە ئەوانەش پەسند نەکرا.
- بڕیارە ئەمڕۆ شەممە ڕێکەوتی #10-06-2023# کاتژمێر 5ی ئێوارە دانیشتنی پەڕڵەمانی ئێراق بۆ دەنگدان بە ماددەکانی دیکەی بودجە بەڕێوەبچێت. [1]

[1]

ناو: شاخەوان
ناوی باوک: عەبدوڵڵا حەمە ڕەشید
ڕۆژی گیران و ئەنفالکردن: #14-04-1988#
شوێنی لەدایکبوون: گوندی #قەڵای شێخ ڕەشید#ی شارەدێی #سەنگاو#ی شارۆچکەی #چەمچەماڵ# لە پارێزگای #سلێمانی#.
شوێنی کۆچی دوایی: خوارووی ئێراق
$ژیاننامە$
هاووڵاتییەکی کوردی گوندی قەڵای شێخ ڕەشید شارەدێی سەنگاوی شارۆچکەی چەمچەماڵ بووە ، لە ڕۆژی 14-04-1988 لە قۆناغی ئەنفالی (3) بەر شاڵاوی بەدناوی ئەنفال کەوتووە. [1]