دەقی پەیامی ئیدارەی گەرمیان:
بەهۆی کۆچی دوایی سەڵاح کوێخاوە لەلایەن ئیدارەی گەرمیانەوە بۆ ماوەی سێ ڕۆژ ماتەمنینی گشتی ڕادەگەیەنرێت
سوپاسنامەی ئیدارەی گەرمیان بەبۆنەی کۆتاییهاتنی مەراسیمی بەخاکسپاردنی تەرمی سەڵاح کوێخا سەرپەرشتیاری پێشووی ئیدارەی گەرمیان
بە بۆنەی کۆتاییهاتنی مەراسیمی پیشوازیکردن و ڕێزلێنان و بەخاکسپاردنی تەرمی بەڕێز (سەڵاح کوێخا) سەرپەرشتیاری پێشووی ئیدارەی گەرمیانەوە بە پێویستی دەزانین سوپاس و دەستخۆشی خۆمان ئاراستەی بەرێز قوباد تاڵەبانی جێگری سەرۆکی حکومەتی هەرێمی کوردستان و بەڕێزان هاوسەرۆکانی یەکێتی نیشتمانی کوردستان و دەزگاکانی ئاسایش و پۆلیسی گەرمیان و تیمەکانی تەندروستی گەرمیان و یەکە ئیدارییەکان و سەرجەم بەڕێوەبەرایەتی گشتی و بەڕێوەبەرایەتی و فەرمانگەکانی گەرمیان و کارمەندان و فەرمانبەران و سەرجەم حزب و لایەنە سیاسییەکان و چین و توێژە جیاوازەکان و هاوڵاتیانی خۆشەویسی گەرمیان و هەموو ئەو دامودەزگایانەی پارێزگای سلێمانی کە هاوکارمان بوون بکەین، کە لە مەراسیمی هێنانەوە و پێشوازی لێکردن و ناشتنی تەرمی بەڕێز (سەڵاح کوێخا) سەرپەرشتیاری پێشووی ئیدارەکەمان هاوکار بوون و ماندوو بوون لە گەڵماندا.
هەر لێرەشەوە ڕایدەگەیەنین، بەبۆنەی کۆچی دوایی بەڕێز (سەڵاح کوێخا) سەپەرشتیاری پێشووی ئیدارەی گەرمیانەوە لە سنوری ئیدارەی گەرمیان بۆ ماوەی سێ ڕۆژ واتە لەمڕۆوە (29/9/2020) تا ڕۆژی (1/10/2020) ماتەمی گشتی ڕادەگەینین. ئەوەش لەبەرامبەر ڕێزلێنان و بەرز ڕاگرتنی خزمەتی گەورەی بەڕێز سەڵاح کوێخا سەرپەرشتیاری پێشووی ئیدارەی گەرمیان بە سنورەکە.
جەلال نوری
سەرپەرشتیاری ئیدارەی گەرمیان[1]

بەهۆی کۆچی دوایی پێشمەرگەی پارتیزان و تێکۆشەری دێرینی کوردایەتی و سەرپەرشتیاری پێشووی ئیدارەی #گەرمیان# هەڤاڵ سەلاحی کوێخاوە، مەکتەبی سیاسی #یەکێتیی نیشتمانیی کوردستان# پرسەنامەیەک ئاڕاستەی کەسوکارو هاوڕێ و هاوسەنگەر و هەموو هەڤاڵانی و خەڵکی تێکۆشەری گەرمیان دەکات کە ئەمە دەقەکەیەتی:
بەداخ و کەسەرێکی زۆرەوە، هەواڵی کۆچی دوایی پێشمەرگەی پارتیزان و تێکۆشەری دێرینی کوردایەتی و سەرپەرشتیاری پێشووی ئیدارەی گەرمیان هەڤاڵ سەلاحی کوێخا ڕادەگەیەنین، کە پاش ململانیەکی سەخت لەگەڵ پەتای نەگریسی کۆرۆنا دڵە گەورەکەی لە لێدان کەوت.
سەلاحی کوێخا، بەشی زۆری تەمەنی لە خەبات و تێکۆشان بەسەربرد، ساڵی 1976 بووەبە پەندامی کۆمەڵەی ڕەنجدەران و یەکێتی و ساڵی 1982 بووە بە پێشمەرگە و لە ڕۆژانی سەختی شۆڕشدا، نمونەی پێشمەرگە و تێکۆشەرێکی دڵسۆز و خۆنەویست و پشوودرێژ بوو، لەڕۆژانی دژوار و ڕەشی دوای ئەنفالیشدا، وەک پارتیزان خاکی گەرمیانی سووتماک کراوی جێنەهێشت.
لەژیانی پێشمەرگایەتیدا، دووجار بەسەختی بریندار بووە و کەمئەندامی سەنگەربووە. هەمیشە نمونەی پێشمەرگە و کادرێکی ژیر و کۆمەڵایەتی و خۆشەویستی ناو خەڵک بووە.
لەدوای ڕاپەرین، لەخەباتی شاردا، لەکاروباری حزبی و حکومیدا، ڕۆڵی کاریگەری هەبووە، لە دوای پرۆسەی ئازادی عێراقدا، لەئەرکی بەرپرسیارێتی مەڵبەندی #خانەقین#دا، لە خزمەتکردنی ناوچەکەدا بێدرێغ تێکۆشاوەو هەوڵیداوە.
لە ئەرکی حکومیدا، وەک سەرپەرشتیاری ئیدارەی گەرمیان، لەخەباتی ئاوەدانی و خزمەتکردنی گەرمیاندا، دە ساڵ تێکۆشاو و ووچانی نەدا و نمونەیەکی جوانی لە خزمەتکردن و بەرێوەبردندا بەجێهێشت.
لەدەستدانی هەڤاڵێکی تێکۆشەری وەک سەلاحی کوێخا، داخێکی گەورە و خەمێکی قووڵە، بەناوی مەکتەبی سیاسی یەکێتیی نیشتمانیی کوردستانەوە، پرسە و سەرەخۆشی لە کەسوکارو هاوڕێ و هاوسەنگەرو هەموو هەڤاڵانی و خەڵکی تێکۆشەری گەرمیان دەکەین. ڕۆحی شاد و بۆ هەمیشە ناو و سەروەرییەکانی بەزیندوویی دەمێنتەوە.
مەکتەبی سیاسی
یەکێتیی نیشتمانیی کوردستان

دەقی پرسەنامەکە:
پرسە و سەرەخۆشيی قووڵم ئاراستەی خانەوادە و کەسوکار و هاوڕێيانی کۆچکردوو سەڵاح کوێخا سەرپەرشتیاری پێشووی ئیدارەی گەرمیان دەکەم کە بەداخەوە ئەمڕۆ کۆچی دوايی کرد. هاوسۆز و هاوخەميانم، لە خوای مەزن داواکارين خوالێخۆشبوو بخاتە بەر بەزەيی و ميهرەبانيی خۆی و ئارامی و دڵنەوايی بە هەمووان ببەخشێت.
کاک سەڵاح کوێخا نموونەیە کی جوانی بە ڕپرسیاریە تی پێشکە ش کرد و کاديرێکی ماندوونەناس، دڵسۆز و کارامەی لێهاتوو بوو، ساڵانێکی دوور و درێژی تەمەنی بە خزمەت و پێشمەرگايەتی و تێکۆشان لەپێناو گەل و وڵاتەکەيدا بەخشی، ئه و ساڵانەی سەرپەرشتياری ئيدارەی گەرميان بوو، لە نزيکەوە کارمان پێکەوە کردووە و هەميشە بە هەموو توانايەوە ويستوويەتی ئەوپەڕی خزمەت بە گەرميان و گە ڕمیانییە کان بکات، کار و ئەرکەکانی بە خەمخۆری بەڕێ دەکرد و زۆر مەبەستی بوو زۆرترين ئاوەدانی و خزمەتگوزاری بگاتە خەڵکی قوربانيدەری گەرميان و کەسوکاری سە ڕبە ڕزی ئەنفالکران.
گيانی شاد و يادی بە خێر.
نێچيرڤان بارزانی سەرۆکی هەرێمی کوردستان 29/9/2020 [1]

3-10-2018 ساڵێک تێپەڕدەبێت بەسەر کۆچی دوایی ڕابەری گەورە و سەرکردەی بەتوانای گەلەکەمان جەنابی #مام جەلال#، بەڕێز مام جەلال جیا لەوەی سەرکردەیەکی ژیر و بەئەزموونی گۆڕەپانی سیاسی بوو هاوکات هۆکارێکی گرنگی سەقامگیری و ئارامی بوو بۆ سەرجەم گەلانی عیراق، وەک چۆن جەنابی مام جەلال لەڕابردوودا کۆی ژیانی سیاسی خۆی تەرخانکردبوو بۆخزمەتی گەلەکەی هەر بەوجۆرەش نەبوونی جەنابی مام لەگۆرەپانی سیاسیدا کەلێنێکی گەورەی دروستکردووە و بەئاسان جێگاکەی پرناکریتەوە.
پاشخانی سیاسی و ئه و ستراتیژیەتەی کەجەنابی مام جەلال لەبەڕیوەبردن و دەوڵەتداریدا بۆگەلانی عیراقی داڕشتبوو مێژوو بەشانازییەوە لەپەرەی زێڕینی خۆیدا تۆماریان دەکات، لەساڵیادی کۆچی دوایی ئه و سەرکردە مەزنەدا سەری ڕێز بۆ ماندوبون و خەباتی بێ وچانی دادەنەوێنین ئومێدەوارین وەک چۆن لەخەباتی سیاسی (مام جەلال)دا ئاشتی و ئاسایش باڵی کێشابوو بەسەر نیشتیمانەکەماندا بەهەمانشێوە کاروانی خەباتی مەدەنی و دیموکراسیەت کەجەنابی مام جەلال خستبوویە سەرپێ ی خۆی بەره و ئاسۆی ڕوون هەنگاوبنێ و هیچ تەنگ و چەڵەمەیەک نەیەتەڕێگای ئەوکاروانە درود لە گیانی پاکی شهیدان ئارامی بۆ ڕۆحی مام جەلال.
سەڵاح کوێخا سەرپەرشتیاری ئیدارەی #گەرمیان#
#03-10-2018#

بەهۆی کۆچی دوایی پێشمەرگەی پارتیزان و سەرپەرشتیاری پێشووی ئیدارەی #گەرمیان# #سەڵاح کوێخ#ا، د. #جوان ئیحسان فوزی# سەرۆکی فراکسیۆنی یەکێتی لە ئەنجومەنی نوێنەرانی عیراق پرسەنامەیەک ئاڕاستەی بنەماڵە و هاوڕێ و هاوسەنگەرانی دەکات کە ئەمە دەقەکەیەتی:
دکتۆر جوان ئیحسان فوزی سەرۆکی فراکسیۆنی #یەکێتیی نیشتمانیی کوردستان# لەئەنجومەنی نوێنەرانی عیراق پرسەنامەیەک ئاڕاستەی کەسوکارو بنەماڵەی خوالێخۆشبوو هەڤاڵ سەڵاح کوێخا دەکات.
بەداخ و پەژارەیەکی زۆرەوە هەواڵی کۆچی دوایی پێشمەرگەی پارتیزان و تێکۆشەری دێرینی کوردایەتی و سەرپەرشتیاری پێشووی ئیدارەی گەرمیان هەڤاڵی تێکۆشەر (سەڵاح کوێخا)مان پێگەیشت، کەبەهۆی پەتای نەگریسی کۆرۆنا ماڵئاوایی یەکجاری لێکردین، ئەم کۆستە پڕخەمە داخ و پەژارەی خستە دڵی هەموولایەکمان، هەڤاڵ کاک سەڵاح کوێخا تێکۆشەرێکی دڵسۆز و ماندونەناس و بەئەمەکی یەکێتیی نیشتمانیی کوردستان بوو، بەشێکی زۆری تەمەنی لەخەبات و تێکۆشان بەسەربرد، هەمیشە وەک تێکۆشەرێکی نیشتیمان پەروەر و بەئەمەک خەباتی دەکرد، لەڕۆژانی سەختی شۆڕشدا نموونەی پێشمەرگە و تێکۆشەری دڵسۆز و خۆنەویست و پشوودرێژ بوو، لەدەستدانی ئەم کادرە بەوەفا و دڵسۆزی یەکێتیی نیشتمانیی کوردستان خەسارەتێکی گەورەیە بۆ هەموو لایەکمان.
لەم ماتەمە گەورەیەدا بەناوی خۆم و هەڤاڵانم لەفراکسیۆنی یەکێتیی نیشتمانیی کوردستان لەئەنجومەنی نوێنەرانی عیراق پرسە و سەرەخۆشی ئاڕاستەی خۆمان و بنەماڵە شۆڕشگێرەکەیان و هاوڕێ و هاوسەنگەرانی دەکەین و هاوبەشی خەم و پەژارەی کەسوکار و بنەماڵە تێکۆشەرەکەیانین.
لەخوای گەورە داواکارم ئەمە دوا کۆست و ناخۆشیتان بێت کۆچ کردوو هەڤاڵ کاک سەڵاح کوێخا جێگای بەهەشتی بەرین بێت و خودا سەبوری هەموولایەکمان بدات.
انا لله و انا الیه ڕاجعون
دکتۆر جوان ئیحسان فوزی
سەرۆکی فراکسیۆنی یەکێتیی نیشتمانیی کوردستان
لەئەنجومەنی نوێنەرانی عیراق

دەقی سەرەخۆشیەکەی کۆسرەت ڕەسوڵ عەلی:
بەڕێزان خانەوادە و کەسوکاری هەڤاڵ سەڵاح کوێخا
بە خەمێکی یەکجار قووڵەوە هەواڵی کۆچی دوایی پێشمەرگەی دێرین و پارتیزانی ڕۆژانی سەختی خەبات و سەرپەرشتیاری پێشوویئیدارەی گەرمیان هەڤاڵ سەڵاح کوێخام بیست.
هەڤاڵ سەڵاح کوێخا لەژیانی خۆیدا لە سەردەمی خەباتی شاخ و شاردا ڕۆڵێکی گرنگ و گەورەی هەبوو، خزمەتێکی بەرچاوی گەرمیانیکرد و دڵسۆزانە ئەرکەکانی خۆی ڕادەپەڕاند، بەم کۆچەی دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆمتان ئاراستە دەکەم، هیواخوازم خوای گەورە سەبووری هەموو لایەک بدات و کۆچکردوو بە بەهەشتی بەرینی خۆی شاد بکات.
کۆسرەت ڕەسوڵ عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان[1]

- ساڵی 1953 لە ناوچەی قۆڕەتوو لە سنووری #خانەقین# لەدایکبووە.
-سەڵاح کوێخا ساڵی 1976 بووەبە ئەندامی کۆمەڵەی ڕەنجدەران و یەکێتی و ساڵی 1982 بووە بە پێشمەرگە و لە ژیانی پێشمەرگایەتیدا، دوو جار بەسەختی بریندار بووە و کەمئەندامی سەنگەر بوو، دوای ڕاپەڕینیش لە کاروباری حزبی و حکومیدا ڕۆڵی کاریگەریی هەبووە.
- لەژیانی پێشمەرگایەتی و ڕێکخستندا چەند بەرپرسیارییەتێکی وەرگرتووە. سەڵاح کوێخا لە ساڵی 2011 ەوە و بۆ ماوەی 9 ساڵ و حەوت مانگ سەرپەرشتیاری ئیدارەی گەرمیان بوو، لە 01-09-2020 لە ڕێوڕەسمێکدا خانەنشین کرا.
ڕێکەوتی 14-09-2020، سەڵاح کوێخا لە هەژماری تایبەتی خۆی لە فەیسبووک، تووشبوونی خۆی بە ڤایرۆسی کۆرۆنا ڕاگەیاند و ڕۆژی دواتر ‏بەهۆی تێکچوونی باری تەندرووستییەوە ڕەوانەی نەخۆشخانەکانی #سلێمانی# کرا و دوای مانەوەی بۆ ماوەی دوو هەفتە لە نەخۆشخانە بەرەبەیانی ڕۆژی سێشەممە ڕێکەوتی 29-09-2020، سەڵاح کوێخا سەرپەرشتیاری پێشووی ئیدارەی #گەرمیان# و پێشمەرگەی دێرینی #یەکێتیی نیشتمانیی کوردستان# بەهۆی ڤایرۆسی کۆرۆناوە لە شاری سلێمانی گیانی لەدەست دا.
تەرمی پێشمەرگە سەڵاح کوێخا لە نەخۆشخانەی شۆڕش-ەوە بەرەو گەرمیان بەڕێکرا و بڕیارە لە گۆڕستانی بەرلوت لە #کەلار# بە خاک سپێردرا.[1]