ناونیشانی پەرتووک: ئەزموونی شۆڕشی کوردستان؛ (چریک، کۆمەڵەی یەکسانی، مەکتەب قورئان، دەفتەری شێخ عیزەدین، سازمانی خەبات، یەکێتی شۆرشگێڕان) بەرگی 04
ناوی نووسەر: #ئەنوەر حسێن بازگر# و #ژیلوان هەڵەدنی#
شوێنی چاپ: #سلێمانی#
دەزگای پەخش: ئایدیا
ساڵی چاپ: 2024
ژمارەی چاپ: چاپی یەکەم [1]

بەڕێز جەنابی ئانتۆنیۆگوتیریس!
سکرتیری گشتیی ڕیکخراوی نەتەوە یەکگرتووەکان
لە گەل ڕیزو ئیحترام!
بە بۆنەی هەڵبژاردنتان بە سکرتیری گشتیی ڕێکخراوی نەتەوە یەکگرتووەکان، پیرۆزبایی گەرمی ڕێبەرایەتی سازمانی خەبات ی کوردستانی ئێرانتان پێشکەش دەکەم. هەڵبژاردنی بەرێزتان وەک سکرتێری گشتی گەورەترین ڕێکخراوی نێودەوڵەتی، لەم هەلومەرجەی ئیستادا کە جیهان بە تێکراو خۆرهەلاتی ناوەراست بە تایبەتی ئاڵۆزو شێواو و زۆر مەترسیدارە، ئەرکی جەنابتان وەک سکرتێری گشتی نەتەوەیەکگرتوەکان قورستر دەکات. گومان نیە کە بەرێزتان هەوڵی تەواو دەدەن بۆ سەقامگیری ئاشتی و کۆتایی هێنان بە سەرکوتی بێ‌ بەزییانەی حکومەت و...
دەسەلاتە دیکتاتۆرەکان و دابین کردنی ویست و داواکانی گەلانی ژێردەستەو ماف پێشێلکراو. وەک ئاشکرایە ڕژیمی دەسەلاتدار لە ئێران ماف و ئازادیەکانی تێکرای دانیشتوانی ئێران و گەلی کورد لە کوردستانی ئێرانی پێ‌شێلکردوە و قورس ترین ستەم و بیعەداڵەتی بە سەر خەڵکی کورد پەیرەو دەکات و هەروەها لە ساڵی 1997 بە فەرمانی خومەینی هەزاران کەس زیندانی بە بێ‌ تاوان و بە شێوەیەکی دژی ئینسانی و بە بێ‌ وەکیل و لە دادگای فەرمایشی ئیعدام کران و تا ئیستاش ئاخوندانی دەسەلاتدارو ئەو کەسانەی ڕاستەوخۆ لەو جینایەتەدا دەستیان هەبووە دیفاع لە تاوانەکەیان دەکەن. هەر بۆیە پێویستە بەرپرسانی ئەو جینایەتانەو و تێکرای تاونەکانی دیکەی دژ بە خەڵکی کوردستان و ئێران بدرێنە دادگا نێودەوڵەتیەکان و لێپرسینەوەیان لە گەڵ بکرێ‌.
سازمانی خەبات ی کوردستانی ئێران داوا لە بەریزتان و ڕێکخراوی نەتەوە یەکگرتووەکان دەکات بۆ کۆتایی هێنان بە چەوسانەوەو بێ‌ مافی ئافرەتان و مندالان لە سەرانسەری جیهان و لەناوچەی خۆرهەلاتی ناوەراست و ئێران بەتایبەت و هەروەها بۆ کۆتایی هاتنی جەنگ و ماڵوێرانی و ستەم و بێدادی هەوڵی زیاتر بدەن. گومان نییە کە بەرێزتان ئاگاداری هەلومەرجی نالەباری ناوچەی خۆرهەلاتی ناوەراست و زاڵ بوونی دەسەلاتە ستەمگەرکانن بە سەر خەڵکدا، هەر لەو پێوەندییەدا داواکارین ڕێکخراوی نەتەوەیەکگرتوەکان دەوری زیاتر ببینێ‌ بۆ دابین کردنی مافە بنەرەتیەکانی مرۆڤ. سەرکەوتنی جەنابتان لە ئەرکی نۆی ئاواتمەو دڵنیام بەرێزتان لە گەشەکردنی کارەکانی سازمانی نەتەوە یەکگرتووەکان سەرکەوتوو دەبن.
سازمانی خەبات ی کوردستانی ئێران
بەرێوەبەری گشتی
بابەشێخ حوسەینی
27-10-2016

بەرێز کاک عومەر سەید عەلی
بەبونەی هەلبژاردنت بەرێکخەری گشتی #بزوتنەوەی گۆران# پیروزبایی گەرمت پێشکەش دەکەم هومێدوارم له ئەرکی ڕێکخەری بزوتنەوەی گۆران و هەوڵەکان بۆ یەکدەنگی و یەکریزی له نێوان هێزو لإیەنه سیاسیەکانی کوردستان و ڕاپرسی و کاراکردنەوەی پارڵمانی کوردستان سەرکه وتوبی.
#سازمانی خەبات#ی کوردستانی ئێران خوازیاره هێزه سیاسیەکانی هەرێمی کوردستان به دارشتنی سیاسەتی ئوسولی ڕوبەروبەروی سیاسەتی زیانبارو دوژمنکارانەی ڕژیمی ئێران و دەسەڵاته دیکتاتۆرەکانی ناوچەکه بینەوه،
لەگەل پیروزبایی دوبارەم
سازمانی خەبات ی کوردستانی ئێران
سکرتێری گشتی
#بابەشیخ حوسێنی#
27-07-2017

هاونیشتمانیانی خۆڕاگر!
گەلی بەشمەینەتی کوردستان!
رۆژی 10ی خاکەلێوە لە مێژووی نەتەوایەتی گەلی کورد دا، یەکێکە لەو ڕۆژە دیار و لە بیر نەکراوانە کە بە هۆی ڕوودانی کارەساتێکی ناخ هەژێن و لە هەمان کاتدا لێوان لێو لە سەربەرزی و شانازی، لە بیر و هزری هەر کوردێکی نیشتمان پەروەر و شۆڕشگێڕ دا تۆمار کراوە. ئەم ڕۆژە جێگەو بایەخێکی گرینگ و دیاری لە مێژووی بزاڤی ڕەوا و خوێناوی کورد و کوردستان دا گرتووە. بێشک خوێندنەوەی ئەو مێژووە بۆ هەر مرۆڤێکی دەربەست بە ماف و ئازادی تاک و کۆمەڵ و گەل و نیشتمان، دەبێتە مایەی بڕیار و پەیمان و بەڵین دان بە نەتەوە و نیشتمان بۆ درێژەدان بە ڕێبازی ئازادی و ڕێبازی شەهیدان و سوور بوون لە سەر خەبات و تێکۆشان لە پێناو بەدەست هێنانی ئامانج و ئاواتی لە مێژینەی گەل، کە ڕزگاری و بەختەوەری و گەیشتن بە پلەی بەرزی مرۆڤایەتی و دابین کردنی ئاشتی و پێکەوە ژیانی بەرانبەر و دوور لە هەر چەشنە ژێردەستی و چەوساندنەوەی گەلان بەدەستی گەلان و نەتەوە بە دەستی نەتەوەوە.
10ی خاکەلێوەی ساڵی 1326 ی کۆچی خۆری، ڕۆژی شەهید بوونی مەزنە پیاوی دڵسۆز و فیداکاری نەتەوەی کورد، پێشەوا و ڕێبەر و سەرکۆماری ڕووناکبیر وگەل و نیشتمان خۆشەویست و خۆنەویستی کورد، قازی موحەممەد و هاوڕێ بە وەفا و فیداکارەکانی وەک: ئەبولقاسمی قازی برای پێشەوا، ، سەدری قازی، ، و حەمەحسێن خانی ئامۆزای پێشەوا، ، سەیفی قازی، ، ە کە بەدەستی دژمنانی کورد و کوردستان، و لە ژێر چاودێری زلهێزە پاوانخوازەکانی ئەو سەردەمەی جیهان و ناوچەکە، لە گۆڕەپانی چوارچرای شاری مهاباد لە سێدارە دران و گیانی پاک و بێ گەردیان بەرەو بەهەشتی هەرمان باڵی گرت. دژمنانی قین لە دڵ و دڵکوێرانی کەڕمەسۆی حەق نەبیست و شۆڤێنیست، لە زۆر بڕگەو قۆناغی مێژووی خەباتی ڕەوای گەلانی بن دەست وماف پێشێلکراو دا، جینایەت و بێ دادی و کردەوەی دوور لە هەموو ڕێ و شوێنی مرۆڤایەتی و ئایینیان دوو پاتە کردوونەوە و پێیان وابووە کە بە لەسەردانی سەردار و سەرکردە و ڕێبەری گەلانی خەباتگێڕ و کۆڵنەدەر کە تێکۆشانیان لە پێناو گەیشتن بە ئاشتی و ئازادی و ئاسایش و هێمنایەتی دا بوو، دەتوانن بۆ هەمیشە ئاگری ئەو خەباتە ڕەوایە دادەمرکێنن وئەو گەلانە بۆ هەمیشە بە یەکجاری بە چۆک دا بێنن. دیکتاتۆران بێ خەبەرن لەوەی کە ئەو گەلانە هەستی تۆڵە ئەستاندنەوەیان زیاتر تاو دەستێنێ و لە هەر قەترە خوێنێکی بە ناحەق ڕژاویان هەزاران خەباتکار و ڕێبەر و ڕێنیشاندەری بە بڕیار وفیداکار لە ئامێزی دایکی نیشتمان دا فرچک دەگرن و پێدەگەن و تێدەگەن تا سەرکەوتنی یەکجاری دەبنە داشداری گەل و کاروانی خەبات و تێکۆشان بەرەو مەنزڵی سەرفرازی و ڕزگاری و بەختەوەری دەبەن. سازمانی خەباتی کوردستانی ئێران لە 73 هەمین ساڵرۆژی ئەو کارەساتە دەڵتەزێن و ناڕەوایەدا، ڕێز لە فیداکاری و گیانبازی ئەو مرۆڤە بەرز و بەرێزانە دەگرێ و دەرسی خۆنەویستی و گەل و نەتەوە خۆشەویستیان لێ فێردەبێ و ورە و توانای شۆڕشگێڕیان لێ وەردەگرێ و، لە هەمان کاتیشدا درێژەدان بە ڕێباز وئامانجیان بە بەنرخترین پاداشت بۆ ئەو شەهیدانە و تێکڕای شەهیدانی نەتەوە و نیشتمان دەنرخێنێ و داوا لە هەموو خەباتکارانی ڕێی ڕزگاری کورد وکوردستان دەکا، کە وەسیەتی پێشەوای نەمر بکەنە هەوێنی هاوکاری و یەکیەتی و تەبایی لە پێناو گەیشتن بە سەرکەوتنی یەکجاری.
بەرز و بەرێز بێ بیرەوەری 10ی خاکەلێوە ساڵرۆژی شەهید بوونی پێشەوای نەمر و هاورێیانی.
مەرگ و نەمان بۆ ڕژیمی دیکتاتۆری ئاخوندی
سەرشۆڕی و ڕیسوایی و نەمان بۆ دژمنانی کورد و کوردستان.
کومیتەی ناوەندی سازمانی خەباتی کوردستانی ئێران،
9ی خاکەلێوەی 1399 ی کۆچی خۆری.
#28-03-2020#

ڕژێمی خومەینی لە 12 ی جۆزەردانی ساڵی 1362 کۆچی خۆری، لە ڕاگەیاندراوێک دا کە لەلایەن فەرمانداری ئەوکاتەی #مەهاباد# حەمیدرەزا جەلایی پووری خیانەتکارەوە ڕاگەیەندرا، 59 لاوی کورد یان لە شاری مەهاباد ئیعدام کردوە. زۆربەی ئه و لاوە تێکۆشەرانە لە دوو مانگی ئەوەڵی ساڵی 1362 ی کۆچی خۆریدا واتە خاکەلێوە و بانەمەڕ زیندانی کرابوون. چەند کەسیان تەمەنیان ژێر 18 ساڵ بوو و لە خوێندنگای سەرەتایی دەیانخوێند. ئیعدامی ئەو لاوانە لەدرێژەی جینایەتکاری و ستەمگەریەکانی دەسەڵاتی ئاخوندی لە بەرانبەر خەڵکی #کوردستان# بە تایبەت، و تێکڕای نەتەوەکان و خەڵکی ئێران بوو. هەر لە سەرەتای بە دەسەڵات گەیشتنی ڕژیمی خومەینی، ئەو دەسەڵاتە هەوڵیدا بە جینایەت و کوشتوبڕ وەڵامی ماف و ئازادیەکانی دانیشتوانی کوردستان و جوڵانەوەی مافخوازنەی گەلی کوردو بڕیاڕی جەماوەری کوردستان بۆ گەیشتن بە ماف و ئازادی و ڕزگاریەکانی بداتەوە.
جینایەت و ستەمی بێ بەزییانەی ئەو دەسەڵاتە لە تێکڕای شارو ناوچەکانی کوردستان دەستی پێکرد کە لە ماوەی 41 ساڵدا بەردەوامە. تاوان و جینایەتی بەردەوامی دەسەڵاتی ئاخوندی لە بەرانبەر خەڵکی کوردستان و تێکڕای خەڵکی ئێران، ئەو ڕاستیەمان بیردەهێنێتەوە، کە ڕژیمی ئاخوندەکان گۆڕانکاری بە قازانجی خەڵک لێ ڕەچاوناکرێ و هەر جۆرە هەوڵێک بۆ دانوستان و ووت وێژ لە گەڵ ئەو دسەڵاتە دڕندەو دیکتاتۆرە، بە زیانی جەماوەری وەزاڵەهاتوو، بە زیانی ڕێبازی شەهیدانی سوورخەلاتی کوردستان و تێکڕای شەهیدانی شۆڕشی ڕەوادایەو تەنیا حکومەتی ستەمگەری ئێران بۆ مانەوەو درێژ بوونەوەی دەسەڵاتەکەی کەڵکی ڵی وەرگرتوە.
ئیعدامی 59 لاوی بێ تاوانی کورد لە شاری مەهاباد جینایەتێکی لە بیر نەکراوەیە لە لای خەڵکی کوردستان بە تێکڕاو تێکۆشەرانی ڕیزەکانی #سازمانی خەبات# ی کوردستانی ئێران بە تایبەت.
لە ساڵڕۆژی شەهادەتی ئەو تێکۆشەرانە سڵاو درود دەنێرین بۆ ڕۆحی بەرزیان و بەڵێن دەدەین تا سەرکەوتنی یەکجاری و هاتنە دیی ئامانجی پیرۆزی شەهیدان لە خەبات و تێکۆشانی شێلگیرانە لە بەرانبەر ڕژیمی ناڕەوای ئاخوندانی دژی خەڵکی بەردەوام بین.
سازمانی خەبات ی کوردستانی ئێران کومیتەی ناوەندی
12 ی جۆزەردانی 1399 کۆچی خۆری 06.01.2020 زایینی

لاوانی تێکۆشەری کوردستان!
لاوانی خۆڕاگرو نەبەز لە ڕیزەکانی ڕێکخراوی لاوانی خەبات!
پێشەکی بە ناوی خۆم و سەرکردایەتی و تێکڕای هاوباوەڕانم لە سازمانی خەبات ی کوردستانی ئێران، گەرمترین پیرۆزباییتان پێشکەش دەکەم بە بۆنەی نۆهەمین ساڵڕۆژی دامەزرانی ڕێکخراوی لاوانی خەبات، هومێدوارم زیاتر لە ڕابردوو لە پێناو وەدی هێنانی ئامانجە ڕەواکانی گەلی کورد بە گشتی، وە لاوانی کورد سەرکەوتووبن. بێگومان لە مێژووی کارو تێکۆشانی 40 ساڵەی سازمانی خەبات، لاوانی نیشتمان پەروەرو فیداکار، دەوری سەرەکی وبەرچاویان گێڕاوەو، ئەگەر چاوێک بخشێنن بە ناوی شەهیدانی سوورخەڵاتی سازمانی خەبات زۆریان لە لاوان پێکهاتوون و هەروەها زۆربەی قارەمانانی خۆنەویست بە ناو دەنگی ڕۆژانی سەختی پێشمەرگایەتی و نیشتمان، لەو شەهیدە زیندووانەن، کە پارێزگارایان لە گەل و نیشتمان و مەوجودیەتی سازمانی خەبات کرد. گومانم نیە ئێوەی تێکۆشەر لە ڕیزەکانی ڕێکخراوی لاوان، بە کەڵک وەرگرتن لە دەرس و ئەزموونەکانی لاوانی تێکۆشەری ڕیزەکانی سازمانی خەبات لە ساڵانی ڕابردوو و هەروەها بە دەرس وەرگرتن لە زانست و شێوە کارکردنی سەردەمیانە توانیوتانە بە شێوەی بەرچاو گەشە بستێنن و لە چوارچێوەی ڕێکخراوی لاوانی خەبات درێژە بە ئەرکی نیشتمانی و نەتەوەیی و ڕێکخراوەییتان بدەن و دەروی بەرچاوتان گێڕاوە لەخەباتی مافخوازانەی خەڵکی کوردستان و شۆِرشی ڕەوا لە بەرانبەر ڕژیمی ملهوری ئاخوندیدا.
جێگەی خۆیەتی بەم بۆنەوە داوا لە دەستەی بەڕێوەبەریی ڕێکخراوی لاوان و تێکڕای لاوانی ڕێزەکانی سازمانی خەبات و لاوانی خۆێن گەرم و تێکۆشەر لە شاروناوچەکانی کوردستان بکەم، زیاتر لە ڕابردوو تێ بکۆشن و خۆیان بۆ قۆناغی نۆێ خەباتی ڕەوا ئامادە بکەن تا بۆ پاک کردنەوەی نیشتمان لە خەیانەتکارو و جینایەتکاران و دروست کردنەوەی نیشتمان و ئاسوودەیی هاونیشتمانیان ئەرکی پێویست لە ئەستۆ بگرن.
لە گەڵ پیرۆزبایی دووبارەو دڵنیا بوون بە سەرکەوتن گەیشتنی گەلی کورد بە ئامانج و داخوازیەکانی و لە ناوچوونی ستەم و نابەرابەریی.
سازمانی خەبات ی کوردستانی ئێران
سکرتێری گشتی بابەشێخ حوسەینی
11ی بانەمەری 1399 ی کۆچی خۆری 30 ی ئاوریلی 2020 زایینی

سکرتێری گشتی سازمانی خەبات ترۆری شێخ ئازاد شەهابی مەحکوم دەکات
بە پێی زانیارەکان، شێخ ئازاد شێخ شەهابی، کەسایەتی ئایینی ئیسلام و کەسایەتی نیشتمان و کورد خۆشەویست و دیار لە شاری #سەقز# کە لە لایەن چەند چەکداری نەناسراو لە گەرەکی تەپی ماڵان دەکوژرێ‌.
شەهید کردنی شێخ ئازاد شەهابی و دوو کەس لە دەروێشەکانی کردەوەیەکی دژی ئینسانیەو هەروەها بۆ لە ناوبردنی ڕۆحی پێکەوە ژیانی ئاشتیانەی نێوان چین و توێژەکانی کۆمەڵگی کوردستانی ئێرانە.
ترۆری شێخ ئازاد لە شێوەی تاوانەکانی دەسەڵاتی ئاخوندی و لە جۆری هەوڵەکانی ئەو دەسەڵاتە بۆ تێکدانی تەبایی و یەکگرتوویی نێوان چین و توێژەکانی جەماوەری کوردستانە.
لە گەڵ مەحکوم کردنی تاوانی کوشتنی شێخ ئازاد شەهابی، داوا لە هاونیشتمانیانی بەڕێزی کوردستان دەکەم بە پاراستنی تەبایی و یەکگرتوویی ڕێگە مەدەن ڕژیمی ئاخوندی و دەست و پێوەندکانی ناکۆکی و دژایەتی لە نێوان خاوەن باوەڕە جیاجیاکانی کوردستان دروست بکەن و پەرەی پێ بدەن.
بە ناوی خۆم و هاوباوەڕانم لە سازمانی خەبات ی کوردستانی ئێران هاوخەمی و سەرەخۆشی بە خانەوادەی شێخ ئازاد و خانەوادەی دوو دەروێشە کوژراوەکەو خەڵکی قارەمانی شاری سەقز ڕادەگەێنم.[1]

#سازمانی خەباتی کوردستانی ئێران#
سکرتێری گشتی
#بابەشێخ حوسەینی#
هەینی 29 ی پووشپەڕی 1403 کۆچی خۆری
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

بەداخ و کە‌سەرێکی زۆرەوە ڕادەگەیەنین کە ئەمڕۆ بەیانی 8ی سێپتامبری 2018 ناوەند و بنکەکانی دەفتەری سیاسی هەردوو لایەنی حیزبی دیموکراتی کوردستانی ئێران و حیزبی دیموکراتی کوردستان کەوتنە بەر هێرشی مووشەکی و هەوایی ڕێژیمی ئاخوندی ئێران. بەداخەوە بەپێی زانیاریە سەرەتاییەکان ژمارەیەک لە ئەندامانی ڕێبەری و کادر وپێشمەرگەی هەردوو لایەنەکە شەهید و برینداربوون.
ئێمە لە سەرکردایەتی سازمانی خەباتی کوردستانی ئێرانەوە وێڕای مەحکومکردنی توندی ئه و پەلامارە دژەئینسانیە، لە لایەن ڕێژیمی ئاخوندیەوە، داوا لەسەرجەم کۆمەڵانی خەڵکی کوردستان بەگشتی و دانیشتوانی شاری سەربەرزی کۆیە بەتایبەتی دەکەین کە بەهانایی برینداربوانەوە بێن. داوا لە هەموو ناوەند و ڕەهەندە سیاسیەکانی کوردستانی و جیهانی دەکەین کە لەهەمبەر ئه و پەلامارە دژە ئینسانیە بێدەنگ نەبن و ڕێژیمی ئاخوندی بەتونترین شێوە مەحکوم بکەن.
سازمانی خەباتی کوردستان وێڕای هاوخەمی و سەرەخۆشی لە کەسوکار و سەرکردایەتی هەردوو حیزبی دیموکرات لە هەمبەر شەهیدەکانی ئه و پەلامارە هیوایی چاکبونەوە و زوو چارەسەری بۆ بریندارەکان دەخوازێ و له و پەیوەندیەدا ئامادەیی خۆیی بۆ هەرجۆرە هاوکاریەک کە خزمەت بە کەمکردنەوەی زیانەکانی ئه و هێرشەبکا دەردەبڕێ.
دەفتەری سیاسی سازمانی خەباتی کوردستانی ئێران
نیوەرۆی 8ی سێپتامبری 2018 بەرامبەر بە 17ی خەرمانانی 1397
#08-09-2018#

=KTML_Bold=ڕاگەێندراوی ناوەندی ئاساییش و دژەتیرۆری سازمانی خەبات لە پەیوەند بە پیلانی نوێی ڕژیمی ئاخوندی=KTML_End=

هاونیشتمانیانی بەڕێز!
پێشمەرگە قارەمانەکان و تێکۆشەرانی ڕێگەی ئازادی!
ئاشکرایە ڕژێمی ئاخوندی و ناوەندە جاسوسی و ئەمنییەتیەکانی، لە هەوڵدان و لە هەر هۆیەک و لە هەر دەرفەتێک بۆ زەربەتدان لە شۆڕش و لە سازمانی خەبات کەڵک وەردەگرن، تا بە خەیاڵی خاویان ڕەوایی جووڵانەوەی مافخوازانەی کوردستان و شۆڕشی ئازادیخوازی و ڕوخانخوازی لە ئێران، کە بێ‌ پسانەوە دژ بە دەسەڵاتەکەیان لە تێکۆشاندایە لاواز بکەن. هەر لەو چوارچێوەدا ماوەی چەند مانگە ناوەندە ئەمنییەتیەکانی ڕژیمی ئاخوندی هەوڵی زیاتریان خستۆتە گەر بۆ زەربەت وەشاندن لە سازمانی خەبات و ڕێبەڕایەتی و کادر و پێشمەرگەکانی، چونکە ترس و ڕقی زۆریان لە سازمانی خەبات هەیە، بەهۆی تێکۆشانی پاک و بێ‌ پەڵە و بێ‌ وچانی چەندین ساڵەی و ڕەوتی ستراتیژی ڕوخانخوازی و ڕەدکردنەوەی وتووێژ لەگەڵ ئەو دەسەڵاتە نگریسە، بە مەترسی گەورە بۆ سەر دەسەڵاتەکەیان دەزانن. هەر بۆیە ناوەندە ئەمنییەتیەکانی لە سەخیفانەترین هەوڵ کەڵک وەردەگرن بۆ ناوزڕاندن وناشیرین کردنی سازمانی خەبات و ئاژاوەنانەوە لە ڕیزەکانیدا. لە ڕاگەێندراو و وتارەکانی ڕابردوودا بڵاومان کردەوە کە ڕژیم بە کەڵک وەرگرتن لە ئافرەتانی فریوخواردوو (پرستو) کە ژمارەیەکیان لەبەر هەلومەرجی سەختی ژیانیان کەوتونە داوی ناوەندە ئەمنییەتیەکانی ڕژیم، بە کار دەهێندرێن بۆ جاسوسی و کاری قێزەون و لە داوخستنی تێکۆشەران و ئازادیخوازان، کە هەر لەو چوارچێوەدا ماوەی چەند ڕۆژە هەوڵەکانی ڕژیم بۆ بەکارهێنانی ئەو ئافرەتانە و ناوزڕاندنی پێشمەرگە بە تایبەتی پێشمەرگەکانی سازمانی خەبات زیاتر پەرەی سەندوە و چەند کەس لە سازمانی خەبات کە پێشتر دەرکراون، کەوتونە داوی بەکرێگیراوانی ڕژیم و وێنەی نەشیاویان لێ‌ بڵاوکراوەتەوە.
لەگەڵ مەحکوم کردنی ئەو کردەوە دزێوانەی ڕژیم و بێ‌ ڕێزی کردنیان بە ناو و پێگەی ئافرەت، جارێکی دیکە ڕایدەگێنین کە هیچ کام لە کارە دزێوەکانی ڕژیمی ئاخوندی کار ناکاتە سەر بڕیاری شۆڕشگێڕانەی تێکۆشەرانی ڕیزەکانی سازمانی خەبات بۆ بەربەرەکانێی ئەو دەسەڵاتە دیکتاتۆر و مرۆڤکوژ و کورد کوژە. هەر بەم بۆنەوە داوا لە تێکۆشەرانی ڕێگەی ئازادی و تێکۆشەرانی ڕیزەکانی سازمانی خەبات دەکەین کە لە بەکارهێنانی پێگە کۆمەڵایەتیە ئینتێرنێتیەکان وەک فەیسبووک و ئینستاگرام و هتد.. وریا بن هەتا ناوەندە ئەمنییەتیەکانی ڕژێمی ئاخوندی ئامانجە گڵاوەکانیان نەێتەدیی و زیاتر داماو ڕەزیل بن. [1]
بڕوخێ‌ ڕژێمی دیکتاتۆری ئاخوندی، سەردەکەوێ‌ خەباتی ڕەوای گەلی کورد و گەلانی ئێران
سازمانی خەبات ی کوردستانی ئێران
ناوەندی ئاسایش و دژەتیرۆر
21 ی خاکەلێوەی 1400 کۆچی خۆری

جەماوەری خەباتکاری کوردستان!
پێشمەرگە قارەمانەکان و هاوباروەڕانی سازمانی خەباتی کوردستانی ئێران!
بەداخێکی گرانەوە ڕایدەگەێنین کاک مستەفا ئەحمەدنژاد ناسراو بە “دیار خەبات”، پێشمەرگە و کادری دڵسۆزو قارەمانی سازمانی خەبات لە کاتی بەڕێوەبردنی ئەرکی تەشکیلاتی لە ناوخۆی کوردستانی ئێران دا، بە پیلانی خۆفرۆشان لەلایەن هێزە بەکرێگیراوەکانی ڕژیمی ئاخوندی شەهید کرا.
شەهید دیار قارەمانانە و وەک نەریتی خەباتیە بە باوەڕەکان، لە ڕوبەڕوبوونەوە لەبەرانبەر هێزەکانی ڕژیمی ئاخوندی شەهید ‌دەکرێ و تێکەڵ بە کاروانی شەهیدانی سەرفرازی گەلی کورد و ڕێبازی پاک و بێگەردی سازمانی خەبات ی کوردستانی ئێران دەبێ‌.
شەهید دیار پێشمەرگەو کادری بە بیروباوەر و فیداکار، تا دوایین ساتەکانی ژیانی بەبڕیار و وەفادار بە ڕێبار و ڕێگەی پیرۆزی سازمانی خەبات مایەوە.
سازمانی خەبات ی کوردستانی ئێران سەربەرزە بە بوونی ڕۆڵەی فیداکاری وەک شەهید دیاری تێکۆشەرو بە باوەڕ. بێگومان خەباتیەکان بە گیانبازی و بە خوێنی گەشیان دەیسەلمێنن و سەلماندویانە کە ڕێبازی سازمانی خەبات ڕێبازی کوردایەتی ڕاستەقینەو ئازادیخوزای کەم هەڵەو بێ‌ پەڵەیە.
بەبۆنەی شەهیدکرانی کاک دیار پرسە و سەرەخۆشی بە خانەوادەو خزمان و هاورێیانی لە ڕیزەکانی سازمانی خەبات و خەڵکی کوردستان ڕادەگەێنین و بەڵێنیمان بۆ خەڵکی کوردستان دووپات دەکەینەوە کە سازمانی خەباتی خۆێناوی لە تێکۆشان و شۆڕشی نەتەوەیی و نیشتمانی و کوردایەتی و ئازادیخوزایی ڕاستەقینە تا گەیشتن بە دوا ئامانجەکانی نەتەوەی کورد و ڕوخانی دەسەڵاتی خۆسەپێن و دیکتاتۆری ئاخوندی بەردەوام دەبێ‌.
هەزاران درود بۆ ڕۆحی شەهید دیار و تێکڕای شەهیدانی ڕێگەی ئازادی و شەهیدانی شۆڕشی ژینا، ژن ژیان ئازادی
سەرکەوێ‌ خەباتی مافخوازانەی گەلانی ئێران
بروخێ ڕژیمی دیکتاتۆری ئاخوندی
بەردەوام دەبێ کاروانی سەربەرزانەی سازمانی خەبات و شەهیدان
سازمانی خەبات ی کوردستانی ئێران
کۆمیسیونی سیاسی نیزامی
22 ی بەفرانباری 1401 کۆچی خۆری [1]
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!