شیرین. ک
نامەیەک بۆ لولو
تۆ تا ئەم چرکەساتە لە خەونەکانما هەر مناڵی، تۆ لە نەستما قەت گەورە نابی، تۆی ساوا خەمڕەوێنم بووی لە گەورەترین کۆستما کە کۆستی باوکت بوو، هەر زوو درکم بەزیرەکی و تایبەتمەندیت کرد، هەر چەندە بێدەنگ و کەمدوو بووی، گۆشەگیر و هێمن، هەمیشە بەتەنیا یاریت ئەکرد، کەم پرسیارت ئەکرد، بەدرێژایی ساڵانی هەموو قۆناغەکانی خوێندنت زۆر کەم سەعیم پێکردووی، کە جاربەجار پرسیارێکت ئەکرد ئەموت: گوێبگرن شکور لولو گیان پرسیاری هەیە و شتێک هەیە نایزانێت و پرسیارم لێدەکات، مناڵێکی کەمدووی کەم پرسیاری گۆشەگیر، بەڵام زیرەک و وریا.
تا ئه و ساتەی کتێبەکەم هەڵپچڕی و کردمەوە و پەڕە پەڕە هەڵمدایەوە نەمزانیبوو ئه و کتێبەت بە من پێشکەش کردووە، ناتوانم وەسفی ئه و دڵخۆشییە بکەم، ئه و بەختەوەرییە بە هیچ پێوانەیەکی مادیی ناپێورێ، بۆیە هەر ئەوەندەم بۆ وترا: ئای لولو گیان ئەوە خۆ پێشکەشی منت کردووە!! تۆش بەهێمنی و جۆرێ لە ساردییەوە وتت: بۆ پێم نەوتبووی؟ ئینجا پێکەنیت و وتت: گاڵتە ئەکەم ویستم بۆت بکەم بەسوپرایز!
(پێشکەشە بە شیرین ک. ی دایکم ئه و ژنەی بە ژیان وپەروەردەکەی فێری کردم مرۆڤبوونم، نەک ڕەگەزەکەم ناسنامەم بێت).
پێموتیت بەڵام هەر ئەبێ بەدەستخەتی خۆت پێشکەشێکم بۆ بنووسی
ئەمەت بۆ نووسم (بۆ شوبۆل گیان. ئیتر ئەم کتێبە وەک خۆت ئەیبینیت پێشکەشی تۆیە..ماچ.. لولو) لەگەڵ ڕەسمی سێ دڵ و دەمووچاوێکی پێکەنیناوی و سێ دڵی بچووکتر 15/2/ 2019 لولو و ئیمزا.
دوای لاپەڕەی پێشکەشکردنەکە، لاپەڕەیەکی ترە کە وتەیەکی ژنە نووسەری سوری غادە سەممان-ە لۆنا بەهۆی ئەوەی بە عەرەبی خوێندویەتی و زمانی عەرەبییەکەی باشە و هەر لە مناڵییەوە خوێنەرێکی باش بووە، کتێبەکانی ئەم ژنە نووسەرەی خوێندۆتەوە کە چیرۆکنووس و ڕۆماننووس و شاعیر و ژنێکی تا بڵێی ڕۆشنبیر و یاخی و بوێرە، بەڵام زۆربەی ئەم نەوە نوێیە کتێبی ئەم نووسەرەیان نەخوێندۆتەوە، ڕەنگە لە فەیسبووک لەم پەیج و ئه و پەیج چەند وتەیەکیان دیبێت، چونکە نووسینەکانی قووڵن وئاسان نین.
کتێبێکی بوێرانەیە
دوای ئه و دوو سێ لاپەڕەیە پێشەکی دێت کە لە سەرەتاوە دەڵێت: (دڵنیام یەکەم پرسیار هەر خوێنەرێک لەسەر ئەم کتێبە لەلای دروست دەبێت ئەوەیە ئەم کتێبە چییە؟ باسی چی دەکات؟) بەڵام منی خوێنەر هەقم بەسەر ئەوەوە نییە لۆنا چۆن باسی کتێبەکەی خۆی دەکات، منی خوێنەر بەخوێندنەوەی کتێبەکە جارێکی تر دەینووسمەوە و ئەوەی لێدرووست دەکەمەوە کە تێیگەیشتووم،
یەکەم سەرنجیشم لەبارەی کتێبەکەوە ئەوەیە کە بوێرانەیە، سەر بەهیچ ڕەگەزێک نییە و لە هەمانکاتدا چەندین ڕەگەزی پێکەوە کۆکردۆتەوە، بەزمانێکی پڕ لە جورئەت نووسراوە، بەڵام بەنەزاکەتەوە و بێ عەرزی عەزەڵاتی جورئەت، واتە بێ وشە و ڕستەی زەق و ڕوشێنەر ئه و جۆرە زمانەی بەشێک لەژنە نووسەرەکان پێی دەنووسن وەکو پەرچەکردارێک یا بۆ ئەوەی پێیان بوترێ ئازان، ئەمە لەکاتێکدا نووسەر دەتوانێت باسی هەستیارترین بابەت بکات بێئەوەی هەستی کەس بڕوشێنی و زەوق و میزاجی کەس تێکبدات، بوێرانەیە چونکە بەشێک له و بابەتانەی ناو کتێبەکە بەشێوەی یاداشت یان دانپیانان دەردەکەون، وا بێت یان نا خوێنەر وا هەستدەکات، ڕەنگە هەر وەکو خۆی لە پێشەکی کتێبەکەیدا ئاماژەی پێکردووە، بەشێکی به و جۆرە بن و بەشێکیشی وانەبن، ئەمەش جۆرێکی ترە لە بوێری کە نووسەرێکی ژن لەیەکەم کتێبیدا باسی ژیانی خۆی بکات نەک بۆ خۆنواندن بەڵکو بۆ خستنە ڕووی هەندێک لە بەدحاڵیبوونی نێوان هەر دوو ڕەگەز، نێوان ژن و پیاو، دوو هاوڕێ، دوو خۆشەویست یا دوو هاوژین.
کتێبێکی بوێرانەیە چونکە پێناسەیەکی نییە بەپێی بیری باو، ئه و پێناسەیەی پێی ڕاهاتووین و دەیناسینەوە، بەڵکو خاوەنی چەندین پێناسەیە، بەڵام کۆڵکەی هاوبەشی هەموو بابەتەکان و فیگەری سەرەکی ناو ئه و هەزاران وشەیە ژن-مێینەیە، ئه و وشه و ڕستانەی زیاد لە پەنجا تابلۆیان دروستکردووە کە لەهەر هەموویاندا ژن فیگەریی سەرەکییە، لەزۆربەی بابەتەکانیشدا هەوڵێک هەیە بۆ ئاشتکردنەوەی ژن لەگەڵ خودی خۆیدا و پەسەندکردنی خۆی وەکو ئەوەی هەیە و دواجاریش پێی دەڵێت خۆت خۆش بوێ بۆ ئەوەی بتوانی ئەوانی تریشت خۆش بوێ.
کەرەستەکان
چیرۆک
بۆ تەرحی بابەتەکەی کە دۆزی ژنە، چەندینجار کەرەستەکەی دەگۆڕێت، لە چیرۆکێکی فانتازییەوە بۆ شیعر، خاتیرە، لەوێشەوە بۆ چیرۆکە هەواڵ، ئینجا وتار و ستوونێکی ڕۆژنامەوانی و پۆستێکی فەیسبووکیانە، بەڵام لە هەمووی جوانتر ئه و بابەتانەیە کە بەشێوەی دەق نووسراون بەتایبەتی ئەوانەی لە چوارچێوەی چیرۆکێکدان کە ژمارەیان پانزە چیرۆکە و هەموویان وەکو هونەری چیرۆک ئاستێکی بەرزیان هەیە، بۆ نموونە لە چیرۆکی کڕیاردا کە بابەتێکە زۆر باسکراوە، باسی کۆنترین پیشە دەکات لەسەر ڕووی زەوی کە ئەویش پیشەی لەشفرۆشییە، بەڵام گۆشە نیگا و تەرح و ئینجا کۆتاییەکەی، کردوویەتی بەچیرۆکێکی ناوازە بۆ بابەتێک دەکرێت بڵێین سواوە، بەگشتی هەر پانزە چیرۆکەکە لە ڕووی بابەت و تەرحەوە زۆر زیندوون، ڕۆحێکی پڕ لەئازار و تێکشکاو ئەدوێنن، ڕۆحێک بریندار بەخیانەت و دڵشکان و کۆست کەوتن و دابڕان، ڕۆحی بوونەوەرێکی پشتگوێخراو و پەراوێزخراو، دەکرێت بەتەنیا چیرۆکەکان بخرێنە کتێبێکی ترەوە وەکو کۆمەڵێک کورتە چیرۆکی جوان و سەرکەوتوو.
شیعر و خاتیرە
هەموو کتێبەکە شەش دەقی شیعری و خاتیرەی تیایە، کە بەزمانێکی شیعریی جوان و بەناوەرۆکێکی بەهێز خۆیان نمایش دەکەن، وەکو دەقی گورگ، شاردراوە، بەهرە، دەقەکان ئارامییەک و پشوویەک دەدەنە خوێنەر بۆ ئەوەی دواتر لەسەر خوێندنەوەی بابەتەکانی تر بەردەوام بێت، کە ڕەنگە هەندێکیان ماندوویان کردبێت.
وتار
وتارەکان چەندین شێوەن، هەندێکیا کورت و هەندێکیان درێژن، هەیانە بابەتێکی تێروتەسەلە و هەیانە کورتن وەکو گرتەی کامێرا، بەشێواز و لەگۆشە نیگای جیاوازەوە باسی دۆزی ژن دەکەن، هەیانە بابەتێکی گشتی لەگەڵ ژنان و بۆ ژنان باس دەکات، زۆربەشیان بەشێوازی کەسی دووەم نووسراون هەر وەکو ئەوەی موخاتەبەی کەسێک بکەن، بابەتەکانی زۆر ڕوون و ڕاستەوخۆ و بەشێواز و زمانێکی بوێرانە نووسراون، ڕای یەکلاکەرەوەی لەبارەوە دەڵێت، ڕایەکی بابەتیانەی دوور لە دەمارگیریی ڕەگەزیی، چونکە کتێبەکە دژی ڕەگەزی بەرامبەر نەنووسراوە بەڵکو هەوڵێکە بۆ ئاشتبوونەوه و زیاتر یەکتر ناسین، هەندێک لەوتارەکان باسی بابەتی هەستیار دەکەن ئه و بابەتانەی کە کەمتر قسەی لەبارەوە دەکرێ وەکو بابەتی سێکس بەڵام بەزمانێکی ڕاقی و دوور لە خود نمایشکردن وەکو لە وتاری: پێکەوە خەوتن یان ئەتککردن؟ هاوڕێیەتی تایبەت، نیو مێیینە، کەواتە بۆ هەیت؟ هەندێکی تری باسی ڕەنگدانەوه و کارلێکەریی بیرباو دەکەن لەسەر نەستی تاکەکانی کۆمەڵگە بەژن و پیاوەوە، کە خوێنەواریی و بڕوانامە و تەنانەت ڕۆشنبیرییش نەیان توانیوە کاڵی بکەنەوە وەکو لە وتاری: ئازادتر، کێ تێدەگات؟ تەنیا لەبەرئەوەی، پیاوت بۆ دەکوژم و..هتد، بەشێکی تری ئاشتکردنەوەی ژنە لەگەڵ خودی خۆیدا و پەسەندکردنی خۆیەتی به و شێوەیەی کە هەیە وەکو لە: لە خۆت خۆش بە، هەڵە گەورەکە، بەهای تەنیایی، من ئەمەم، دڵشکان، پێناسە..هتد.
پۆست
لەم سەردەمەدا سۆسیال میدیا ژیانی تاکەکانی داگیرکردووە بەشێوەیەک کە هەر یەکەمان بەتایبەتی تازە پێگەیشتوان کاتێکی زۆر له و جیهانە گریمانەکراوەدا بەسەردەبەن کە پێی دەوترێت تۆڕە کۆمەڵایەتییەکان و بەتایبەتی فەیسبووک، بۆیە زۆر ئاساییە هەر نووسەرێک بەشێک لە هزر و بیر و بۆچوونەکانی له و شوێنەدا تۆمار بکات و نمایشی بکات بۆ ئه و جەماوەرەی کە بەشێکی زۆری گریمانەکراوە و هەر لەوێدا دیالۆگێک درووستبکات، بۆیە بەشێکی کتێبەکە ئه و پۆستانەن کە پێشتر لە فەیسبووک دایناون و جۆرێک لە دیالۆگی خوڵقاندووە، خوێنەرە بەپەلەکانی فەیسبووکی ڕاگرتووە و بۆ چەند چرکەیەک سەرسامی کردوون و ڕەنگە شێر-یشیان کردبێت و چەندین ڕستە و پەرەگرافیشی لە مێشکیاندا مابێتەوە، وەکو ئه و پۆستانەی زیاتر پەیوەندی بەلاوانەوە هەیە: کچان، لە خۆیەوە ڕقیان لێتە، نەخۆشی، تۆ تاوانباریت و.. هەندێکی تریان ئه و پۆستانەن کە هەوڵدانە بۆ ئاشتکردنەوە و زیاتر بەیەک ئاشنا بوونی هەردوو ڕەگەز وەکو: ژنی جوان، زانیارییەک، هونەری وەڵامدانەوە بۆ کاتی پێویست و..هتد[1].

شاعیر و نووسەر و ئەکتەر و ڕووناکبیری کورد - شەهید #دڵشاد مەریوانی#
دڵشاد محەمەد ئەمین فەتاحی مەریوانییە:
باوکی لە ساڵانی سی سەدەی بیستەمەوە لە گوندی کاڵێی خوارووی مەریوانەوە، هاتووەتە #پێنجوێن#، پاشان شاری سلێلمانی هەر لەوێ ژنی هێناوە و نیشتەجێ بوە. لە 28-03-1947.
خوێندنی سەرەتایی و ناوەندی و ئامادەیی بەشی وێژەیی هەر لە#سلێمانی# تەواوکردووە.
بۆ تەواوکردنی خوێندنی زانستگاچووەتە شاری بەغدا بەشی زمان و ئەدەبی کوردی لە زانستگای بەغدا، کۆلێژی زمان و ئادابی تەواوکردووە و ساڵی 1972 (بەکالۆریۆس) لیسانسی تیادا وەرگرتووە.
بەهۆی نۆبەرەیی خۆی لە خێزانەکەدا و هۆشیاری باوکی هەر لە ساڵی 1959-1962 لە خەباتی #یەکێتی خوێندکاران#ی کاتی خۆی کاری کردووە.
هەر لە مانگی مارتی 1963وە کاری سیاسی و خەباتی ژێر زەمینی کردووە. چەندین جار زیندانی کراوە و ئازار و ئەشکەنجە و دەربەدەری دیوە.
لە شۆڕشەکەی ئەیلوولی 1961و لە شۆڕشەکەی حوزەیرانی 1976دا یەکی پتر دوو ساڵ ژیانی پارتیزانانەی ناو شاری تاقیکردۆتەوە.
جارێک بەدەربەدەری و چەندین جار بە گەشت زۆربەی شارەکانی وڵاتانی عەرەب و تورکیا و وڵاتانی ئەوروپای ڕۆژهەڵات و ڕۆژاوای دیوە.
ئەندامی:
کۆمەڵی ڕۆشنبیری کورد.
یەکێتی نووسەرانی کورد.
نەقابەی ڕۆژنامە گەرانی ئێراق ئەندامی هاوبەش بوە.
ماوەیەک چەند بەرنامەیەکی ئەدەبی و ڕۆشنبیری لەرادیۆی ئێراق بەشی کوردی وتەلەفزێونی #کەرکووک# بەشی کوردی بردووە بەڕێوە.=KTML_Photo_Begin=https://www.kurdipedia.org/files/relatedfiles/2009/2131/0002.JPG=KTML_Photo_Alt=دڵشاد مەریوانی=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2009/2131/0002.JPG=KTML_Photo_End=
بەرهەمە ئەدەبیو ڕۆشنبیرییەکانی لەرۆژنامەکانی: ژین، هاوکاری، کاری میللی، بیری نوێ، دەنگوباس..هتد، . بڵاوکردۆتەوە. هەروەها لە گۆڤارەکانی: بەیان، ڕۆشنبیری نوێ، ڕۆژی کوردستان، دەنگی کرێکار، تریفە..هتد...بڵاوکردووەتەوە
گەلێک وتاری ڕەخنەی ئەدەبی لەسەر نووسەرانو شاعیرانو ڕۆشنبیرانی کوردنووسیوە لەوانە: #ئیبراهیم ئەحمەد#، د. #مارف خەزنەدار#، محەمەد مەولوود، د.ئەمین موتابچی، هێمنی شاعیر، د. عەبدوڕەحمانی قاسملۆ، شێرکۆ بێکەس، د.#کاوس قەفتان#، کەریمی حوسامی، حەمە ساڵح دیلان، شوکور مستەفا، ڕەئوف بێگەرد، ڕفیق سابیر، ڕەئوف حەسەن، حسێن عارف، لەتیف هەڵمەت، ..هتد.
پتر لە 17حەڤدە شانۆما-نمایش نامە-ی نووسیوە و وەریگڕاوەو ئامادەی کردووە، لەوانە: نازدار و شوان، پەروانە، خۆرکە، چاوی ڤێتنام، پراوەی ژن هێِنان، بووکە خان. مانگیش ئاوابوو..هتد.
چەندین محازەرە و کۆڕی ئەدەبیو ڕۆشنبیری کۆڕی ڕەخنە سازی بە درێژایی 12دوازدە ساڵ دەربارەی: شیعر، ڕەخنە، ئافرەتان، چیرۆک، ئەدەبی فۆلکۆری کوردی.. هتد.. لەشارانی: سلێمانی، #هەولێر#، #دهۆک#، بەغدا..هتد..پێشکەش کردووە
بەناوی هەمە جۆرەوە چەندین بەرهەمی ئەدەبی و ڕۆشنبیری و سیاسی لە ڕۆژنامەو بڵاوکراوە و گۆڤارو نەوارە نههێنییەکاندا بڵاوکردۆتەوە
لەهاوینی 1962تا پاییزی 1966 لەگەڵ دەستەی لاوانی هۆشیاری ئەو کاتەدا، دامەزرێنەری (#کۆمەڵەی بوژاندنەوەی سامانی نەتەوایەتی کورد#) بوو. کە کۆمەڵێکی ئەدەبیو هونەری بوو. باوەڕیان بە خەباتی ژێر زەمینیی ئەدیبان و هونەرمەندانی خێرخوازو پێشکەوتووی کوردبوو، تا بەرهەمی ئەدەبیو هونەری بەرەنگاری، بەشێوەی بڵاوکراوە و نامیلکەی دەستاو دەست کرد و بەناو جەماوەردا بڵاوبکەنەوە لاولاوانەی ئەو سەردەمە: فەرەیدوون قادر، #عەلی توانا#، دارا شێخ نووری شێخ ساڵح عەبدورەزاق پشدەری، ئەکرەم قەرداغی، عومەر ساڵح، جەلال محەمەد، جەلال مەهدی، محەمەد ئەکرەم کەریم، عەبدوڵڵا عەباس، #عومەر چاوشین#..هتد.
شیعری بەرەنگاری گەلێک لە شاعیرانی عەرەبو فارسیو ئەوروپایی وەرگێڕاوەتە سەر زمانی کوردی لەوانە: موزەفەر نەواب، مەحمود دەرویش، سەمیح القاسم، پاپلۆ نێرۆدا، پۆل ئیلوار، فابتزارۆف، مایکۆفسکی، یەسەنین، کاڤاڤی.. هتد.
لە ژیانی ئاشکرای ئەدەبیدا ئەم نامیلکە سەربەخۆیانەی لە چاپ داوە:
1-فرمێسک و زەردەخەنە_ شیعر 1968
2-یەکەم هەنگاو_ پەخشان1973
3-دڵدارانی شۆڕش _چیرۆک 1973
4-پێشوازی خاوەن شکۆ_ ڕەخنە 1973
5-ببن بەتیشک _شیعر1976
6-بەپەنجەکانم دەتبینم_ چیرۆک 1977
7-دێر یاسین _چیرۆک 1978
8-سەمفۆنیای وەنەوشە_ شیعر1980
لەدوو شانۆنامەدا وەک ئەکتەر بەشداری کردووە:
1- لانەوازان 1973
2- پردی وڵات 1974
لەفیلمێکی سینەمایی 12 خولکەییدا وەک ئەکتەر بەشداری کردووە، فیلمی ژیانی شوان 1972 بەرهەمی زانستگای سلێمانی.
لەکاتی قوتابێتیدا لە زانستگای بەغدا 1969-1972 دامەزرێنەرو سەرۆکی تیپی شاڵاوی کەرکووکی هونەری بوو کە لەسەردەمی خۆیدا ڕۆڵێکی گرنگی دیاری بینی لە ناوەندی زانستگای بەغدا و موستەنسەرییەدا، جگە لەو ئاهەنگانەی لەیادە فەلەستینییەکاندا دەیان گێڕا بۆ ناساندنی کورد بەو کۆمەڵە و یەکێتییە شۆڕشگێڕانەی لە شاری بەغدا داڵدە داربوون. لەئەندامانی ئەم تیپە: وریا حەسەن فیکری، دڵشاد ئەحمەد محەمەد ئەمین، شپەخان جەلال، کاژاو محەمەد ئەمین مەریوانی، بەهجەت ڕەشید، عەبدوررەحمان ئەبوبەکر، مستەفازەنگنە، گەوێژ حەمە ئەمین، گوڵستان حەسەن عەباس.
لەفرمانی دەوڵەتیدا ئەم کارانەی دیوە:
1-چاودێری زمانەوانی (مشرف لغوی) وەزارەتی ڕاگەیاندن.
2-مەشقیاری هونەری (مدرب فنی بدرجە معلم) لە بەشی زمان و ئەدەبی کوردی کۆلێژی ئاداب، هەروەها لە لقی کوردی کۆڵیژی پەروەردە. بۆ ماوەی مانگو چەند ڕۆژێکیش مامۆستای میوان لەبەشی خوێندنی کوردی لە زانستگای سلێمانی. تۆمارکاریخوێندکاران (مسجل غیابات) لە کۆڵیژی پزیشکی ئاژەڵ (کلیە الطب البیطری) لە #ئەبوغرێب#ی نزیک بەغدا.
3-رۆژنامە نووس لە وەزارەتی ترانسپۆرت لە بەغدا نووسیاری گۆڤاری ڕسالە النقل.
4-مامۆستای زمان و ئەدەبی کوردی لە قوتابخانەی سانەوی سەرچنار پاشان ناوەندی برایەتی لە سلێمانی سەر بە ئەمیندارێتی پەروەردە.
لە کاری یەکەمیدا نەبێ، کە بە مەیلی خۆی گوێزراوەتەوە، دەنا لە هەموو کارەکانی تریدا بەهۆی سزادانو دوور خستنەوەو ناچارییەوە شوێنە گوڕکێی پێ کراوە. جگە لە دووجار دوورخستنەوەی لەکاری دەوڵەتی بەناوی پێویست پێ نەبوونەوە (فائظ عن الحاجە) .
لە ساڵی 1975بەشەکەی تری ژیانی هاوسەری خۆی دیوەتەوە پاشان نیشانی کردووە، بەڵام تا ساڵی 1978 لەبەر دەربەدەری و لەکارکردنو بەندی مۆڵەتیان نەبووە پێکەوە بژین و خاوەن خانە بن.
هاوسەرو هاورێگەی #شیرین ک#.ی ئەدیب و چیرۆک نووسە.
لە #18-10-1983# تا #13-02-1985# ژیانی پارتیزانانەی ناو چیای بردۆتە سەر لەگەڵ هاوسەرو کچەکەیدا.
لە ئەیلوولی 1984ەوە وازی لە هەموو ئیلتیزامو کاروبارێکی سیاسی هێناوە و گەڕاوەتەوە لای نامەو دەفتەرو قەڵەمەکەی.
بەکرێکاری و بێ کاری ژیانی بردۆتە سەر هەتا گەڕاوەتەوە سەر کاری دەوڵەت بووە بە مامۆستا لە ئامادەیی هەڵگورد تا ساڵی 1987.
بەهۆی ڕەفز کردنی جیش الشعبییەوە دووبارە لە وەزیفە دەرکرا.
لە 1988 دانرایەوە لەناوەندی سەرۆک.
لە 1989ئامادەیی شۆڕش (2) مانگ
لە #12-02-1989# دەستگیر کراوە.
لە #13-03-1989# شەهید کراوە[1].

دڵشاد مەریوانی
دەزگای ئاراس - 2009 [1]

ڤیدیۆ: #دڵشاد مەریوانی# شەهیدی کوردبوون
ئامادەکردنی ڤیدیۆ: پەیجی چاو لە فەیسبووک
ساڵی ئامادەکردنی ڤیدیۆ: 2020
[1]

[1]

بریتیە لە (206) لاپەڕە و لێکۆڵینەوەیەکی وردە دەربارەی نوێکاری چیرۆکەکانی دڵشاد مەریوانی.
نووسەر: سابیر ڕەشید
2019

(شیرم بە تووتک حەڵاڵ بێ
نەک به و کوڕەی کە پاکانەی لە خەیاڵ بێ.
ڕۆڵە ئەوەی پاکانە پڕ دەکاتەوە،
دووبارە کۆست دەخاتەوە،
شەهیدەکان لەنوێ شەهید دەکاتەوە.

سەری دایکێک نانەوێنم
بە شیری گۆشی کردبم،
بینای حیزبێک ناڕووخێنم
بە خوێنم گۆشم کردبێ.)

لۆنا دڵشاد مەریوانی، نووسەر و وەرگێڕ، هەڵگری بڕوانامەی بەکالۆریۆسە لە زمان و ئەدەبی ئینگلیزیدا، زانکۆی #سلێمانی#، لەگەڵ بڕوانامەی ماستەر لە نووسینی داهێنەرانەدا لە زانکۆی ئێسیکس لە بەریتانیا. مامۆستای زانکۆیە لە زانکۆی سلێمانی. کچی شاعیر و نووسەر و ڕووناکبیر شەهید #دڵشاد مەریوانی# و شاعیر و چیرۆک نووس و ڕۆژنامەنووسە.
هاوسەرگیری کردووە و لەگەڵ وەرگێڕ و مامۆستای زانکۆ جوتیار ژاژڵەیی و پێکەوە لە سلێمانی دەژین. [1]

35- دلشاد محمد أمین فتاح مريوان
13-03-1989 المجرم المذکور کان مدرس في ثانوية شورش للبنین في السلمانية ویقوم بتدريس الطلاب مادة اللغة الکردية وبالحروف اللاتينية انطلاقا من الافکار الشوفینیة والإنفصالية التي یحملها خصوصاً انه کان من أدباء عناصر الزمر التخريبية سابقا، وهو موضوع بحث برقیتنا 7271 في 12-02-1989 .

به کوردی:

تاوانباری ناوبراو، مامۆستای کوردی بوو له دواناوەندی شۆڕشی کوڕان له سلێمانی، وانەی کوردی بە قوتابییەکانی دەوتەوە به پیتی لاتینی و خاوەنی بیری شۆڤێنی و جوداخوازی بوو. یەکێک بوو لەو ئەدیبانەی کە پێشتر سەر به گرووپه تێکدەرەکان بوو. ئەمیش بابەتی لێکۆڵینەوەی برووسکەی 7271 بوو لە 12-02-1989 [1]

04-04-1986