بەڕێوەبەری #بەنداوی دوکان# ڕایگەیاند، بەراورد بە ساڵی ڕابردوو بەنداوەکەیان 500 ملیۆن مەتر سێجا ئاو کەمتری تێدایە و گوتی، ئاستی ئاوی بەنداوەکە سێ مەتر لە ساڵی پێشوو نزمترە.
حەمەتاهیر جەلال، بەڕێوەبەری بەنداوی دووکان بە تۆڕی میدیایی ڕووداوی ڕاگەیاند، بەراورد بە ساڵی ڕابردوو ئاستی ئاوی بەنداوەکەیان کەمیکردوە، چونکە ساڵی ڕابردوو لەم کاتەدا چوار ملیار مەتر سێجا ئاو لە بەنداوەکەدا هەبوو، ئێستا بووەتە سێ ملیار و 500 ملیۆن مەترە سێجا.
بەڕێوەبەری بەنداوی دووکان باسی لەوەشکرد، هۆکاری کەمکردنی ئاوی بەنداوەکە پەیوەندی بە کەمی باران و گرتنەوەی بەشێک لە ئاوی زێی بچووک لەلایەن ئێرانەوە هەیە و گوتیشی گرفت بۆ ئاوی خواردنەوەی ماڵان دروستنابێت، چونکە ئێستا بۆ ئەو مەبەستە ئاوی عەمبارکراوی پێویست هەیە.
بەنداوی دووکان لەساڵی 1959 لەلایەن کۆمپانیایەکی بەریتانی وەک یەکەم بەنداو لەسەر ئاستی عێراق دروستکراوە، تەواوی بەنداوەکە حەوت ملیار مەترە سێجا ئاو دەگرێت و ئێستا سێ ملیار‌ و 500ملیۆن مەترە سێجا ئاوی تێدایە. لەڕێگەی ئەو بەنداوەوە ئاو بۆ سنووری پارێزگای #سلێمانی# دابیندەکرێت.
لە کاتی دروستکردنی بەنداوەکەوە تاوەکو ئێستا هیچ کاتێک بەتەواوەتی بەنداوەکە پڕ ئاو نەبووە و زۆرترین ئاو لەو بەنداوەدا عەمبارکرابێت ساڵی 1988بووە کە ئەو کاتە شەش ملیار مەترە سێجا ئاوی تێدابووە.[1]
#20-08-2018#

بەهۆی زۆری باران بارین، ئاستی ئاوی #بەنداوی دوکان# چوار مەتر و 80 سانتیم بەرزبووەتەوە، ئێستا بەنداوەکە لە قەبارەی حەوت ملیار مەتر سێجا، سێ ملیار و 600 ملیۆن مەتر سێجا ئاوی تێدایە.
لەدوای هاتنی شەپۆلی باران بارینی دوو هەفتەی ڕابردوو، گلدانەوەی ئاو لەو بەنداوە بە بەراورد بە پێش شەپۆلەکە، 24 هێندە زیادیکردووە، پێش ڕۆژی 12ی ئەم مانگە، لە هەر چرکەیەکدا 50 ملیم ئاو دەڕژایە دووکانەوە، بەڵام ئێستا لە هەر چرکەیەکدا هەزار و 234 ملیم ئاو لە بەنداوەکەدا گلدەدرێتەوە.=KTML_Quote_Begin==KTML_Style=width:30%;float:right;=KTML_Quote_Icon=❞ =KTML_Quote_Content=لە 16 ڕۆژی ڕابردوو 323 ملیم باران لە شارۆچکەی دوکان باریوە!=KTML_Quote_End=
حەمەتاهیر جەمال، بەڕێوەبەری بەنداوی دووکان بە ڕووداوی ڕاگەیاند دەتوانین بڵێین ئێمە دڵخۆشین بەوە، چونکە لە وشکە ساڵییەکی خراپ بۆ بەنداوەکان ڕزگاریکردین، ئەوکاتە تەنها دوو ملیار مەتر سێجا ئاوی تێدابوو، ئێستا ئاستێکی زۆر چاکە لەو ماوە کەمەدا گەیشتە 3.6 ملیار مەتر سێجا، هێشتا ساڵیش بەهۆی مانگی سێ و مانگی چوارەوە کە وەرزی باران بارینە ماوە، هیوادارین ئاستی دەریاچەکە بگاتە ئاستی پێویست.
زۆربوونی ئاو لە دەریاچەی دووکان هەم بواری گەشتیاری و هەم کشتوکاڵیش دەبووژێنێتەوە، ڕووداوێکی دڵخۆشکەریش بوو بۆ ئەو کەسانەی بژێوی ژیانیان لەسەر ڕاوە ماسییە.
=KTML_Red=لە 16 ڕۆژی ڕابردوو 323 ملیم باران لە قەزای دووکان باریوە و کۆی گشتی باران بارینیش تیایدا گەیشتووەتە 468 میلم، بۆیە ئاستی ئاوی بەنداوەکە گەیشتۆتە 498 مەتر بەرزی لەرووی دەریاوە.=KTML_End=
کاریگەری بومەلەرزەکە هێشتا لە هەرێمی کوردستاندا ماوە، چونکە ئەوەندە زیانی بە بەنداوی دەربەندیخان گەیاندووە کە ئێستا لەو دەریاچەیە ناتوانرێت ئەو ئاوە زۆرەی دەڕژێتە ناوی هەمووی گلبدرێتەوە، بۆیە بە ناچاری دەبێت نزیکەی 50%ی بەنداوەکە بە بەتاڵی بمێنێتەوە و تەنها یەک ملیار و 500 ملیۆن مەتر سێجا ئاوی تێدا گلبدرێتەوە، بەڵام لە دووکان تەنها لە 16رۆژی ڕابردوودا یەک ملیار و 88 ملیۆن مەتر سێجا ئاو گلدراوەتەوە.[1]
#02-03-2018#

گرتنەوەی ئاوی زێی بچووک لەلایەن #ئێران#ەوە، کاریگەری نەرێنی لەسەر سنووری #ڕاپەڕین# و #سلێمانی# دروستکردووە، بەجۆرێک ڕێژەی 70%ی ئەو ئاوەی دەڕژێتە دووکان کەمی کردووە.
بەکر بایز، قایمقامی قەزای #پشدەر# بە تۆڕی میدیایی ڕووداوی ڕاگەیاند ئەو بەنداوەی ئێران لەدیوی ڕۆژهەڵاتەوە لەسەر زێی بچووک دروستی دەکات، قەبارەی 800 ملیۆن مەترسێجا ئاو دەگرێت و، کاریگەری نەرێنی لەسەر سنوورەکەمان دروستکردووە.
نزیکەی 95%ی ئاوی خواردنەوەی قەڵادزی، لە زێی بچووکەوە دابیندەکرێت، لەئەگەری گرتنەوەی سەرچاوەی ئاوەکەش لەلایەن ئێرانەوە، قەیرانێکی گەورەی بێئاوی ڕوو لە ناوچەکە دەکات. گرتنەوەی ئاوەکە لەسەر ئاستی کشتووکاڵی کێشەی بۆ پرۆسەی ئاودێری و کشتووکاڵ و پرۆژەکانی بەخێوکردنی ماسی دروستکردووە.
بەکر بایز هەروەها دەڵێ بەهۆی ئەوەی ئاستی ئاوی زێی بچووک دابەزیوە، ئاستی ئاوی بناوان و بیرە کشتووکاڵییەکانیش دابەزیون، ناتوانرێت ئاوی پێویست بۆ کشتووکاڵ دابین بکرێت.
لە ڕووی ژینگەییەوە گرتنەوەی ئاوەکە زیانی زۆری هەبووە، بەجۆرێک قایمقامی پشدەر دەڵێ ئاوەکە لەناکاو گیرایەوە، بەهۆیەوە ماسیەکی یەکجار زۆر لەنێوچوون، یان لەلایەن ماسیگرەکانەوە ڕاوکران.
گرتنەوەی ئاوی زێی بچووک لەڕووی سامانی ئاویش کاریگەری هەبووە، بەهۆیەوە ئاوی دووکان کەمیکردووە، لە داهاتووشدا کاریگەری لەسەر ئاوی خواردنەوەی سلێمانی دەبێت، بەهۆی ئەوەی ئاوی دووکان سەرچاوەی ئاوی خواردنەوەی سلێمانیشە.
حکومەتی ئێران لەسەر زێی بچووک و لە خوار گوندی کۆلسەوە بەنداوێکی 117 مەتر بەرزی دروستکردووە، کە دەکەوێتە بەشی ڕۆژئاوای شاری سەردەشت و، بەدوری 20 کم لە سنووری عێراق - ئێران هەڵکەوتووە.
بەنداوەکە بەمەبەستی برەودان بە کشتووکاڵ و بەرهەمهێنانی 150 میگاوات کارەبا دروستکراوە، نزیکەی 11 ساڵە کاری تێدادەکرێت و، لە دوو ساڵی داهاتووشدا کۆتایی بەکارەکانی دێت و، بەتەواوەتی دەکەوێتە کار.
تاوەکو بەنداوی کۆلسە پڕدەبێت، 75%ی ئاوی ناوچەکانی پشدەر کەمدەکات، لە کاتی پڕبوونیشی تەنها 25%ی ئاوەکە کەم دەکات.
01-07-2017

بەر لە وەستا دووکان گەرم ئەکا.
بەر لە حەمامچی حەمام گەرمدەکا.
لە کۆمەڵگەدا سرووشتی کەسەکان وەک یەک نییە، هەر کەسە و جۆرە سرووشتێکی هەیە، هەندێک لە کەسەکان خۆبەرەپێشن، یان ماستاوچیین، بۆ ئەوەی لە کاروکردەوەکانیاندا خۆیان بنوێنن و لای وەستا و خاوەنکارەکان خۆیان شیرین بکەن، هەندێک ڕەفتار دەنوێنن. بەکوورتی بە کەسێک ئەوترێ کە خۆبەرەپێش بێت و پێش وەخت دەست بەئیش بکات. [1]

بەرێوەبەرايەتی ناحيەی #تەقتەق# بەرێز(عومەر ئەحمەد) بەرێوەبەری شارەدێيەکە بەپشت بەستن بەنوسراوی ژمارە(28)ی 25/3/2019ی بەرێوەبەرايەتی بەنداوی #دوکان# /کارگێڕی و پەيوەندی تەلەفۆنی ئەم ئاگادارييەی لای خوارەوەی بڵاوکردەوە لە27/3/2019 تاوەکو خەڵکی سنوری شارەدێی ئاشتی و تەقتەق کەمترين زيانيان بەرکەوێت ئەمەی خوارەوە دەقی ئاگادار و ڕوونکردنەوەکەيە:
ئاگاداری و ڕونکردنەوە
هاوڵاتیان و جوتیاران و خاوەن پڕۆژە گەشتیاری و پەلەوەریەکان و حەوزە ماسی و کانەکانی چەو و لم لە سنوری هەردوو ناحیەی #ئاشتی# و تەقتەق ئاگادار دەکەینەوە کە بڕیار وایە کاتژمێر (7) ی بەیانی ڕۆژی پێنج شەمە 28 ی 3 ی 2019 بڕێکی تری ئاوی دەریاچەی دوکان کەبەنزیکەی یەک مەتری تر بەرز دەبێتەوە، بۆیە ئاگادارتان دەکەینەوە کە هەستن بە گواستنەوەی تەواوی کەلوپەلو ئامێر و کەرەستەکانتان لە سنوری حەرەمی زێیەکە بۆ شوێنێکی تری پارێزراو، ئەم ئاگاداریە لەدوای پەیوەندی تەلەفۆنی هەریەک لەبەڕێزان بەڕێوەبەری گشتی بەنداوەکان و بەڕێوەبەری بەنداوی دوکان دێت لە نیوەڕۆی ئەمڕۆ چوارشەمە، بە هیوای سەلامەتی بۆ هەموو لایەک.

پشتی لە گۆشتە و زکی لە خاکە
دارای شەش دووکان، ژێرەوەی تاقە
مەبەست لە وڵاخە (ئەسپ یان مایین) ، پشتی لە گۆشتە و زکی لە خاکە، واتە: وڵاخ سەر پشتی گۆشتە، هەروەها سکی ڕووی لە زەوییە، دارای شەش دووکان، واتە: داهاتی بەقەدەر شەش دووکانە، ژێرەوەی تاقە، واتە: ژێر پێی ناڵە. وەڵام (وڵاخ ئەسپ یان مایین) .[1]

تێکدانی بەزمی قومارو...، خڕکردنەوەی دووکان و...، دەزگای شتێک تێکەوەپێچان، دەمودەزگای شتێ چنینەوە، بساط چیزی ڕا‏ برچیدن [1]

لەدوای گرتنەوەی ئاوی #زێی بچووک#، ئاوی #بەنداوی دوکان#یش کەمبووەتەوە و کاریگەری نەرێنی لەسەر ئەو بەنداوە هەبووە. بەگوتەی بەڕێوەبەری بەنداوی دووکان، لەو کاتەوەی ئێران ئاوی زێی بچووکی گرتووەتەوە زیاتر لە 100 مەتر سێجا دەرامەتی ئاو لە بەنداوی دووکان کەمیکردووە و ئەوەش بە دیاردەیەکی ترسناک ناودەبات.
لەو کاتەوەی ئێران ئاوی زێی بچووکی گرتووەتەوە، ڕۆژانی ئاستی ئاوی بەنداوی دووکان نزمدەبێتەوە، بەجۆرێک ڕۆژانە سێ سانتیمەتر کەمدەکات، بەڵام ئەمڕۆ ئاستی دابەزینەکە بۆ چوار سانتیمەتر کەمیکردووە، تاوەکو دۆخەکە بەو شێوەیە بێت ڕۆژانە ئاستی ئاوی بەنداوەکە نزمتر دەبێتەوە.
ئاستی گلدانەوەی ئاویش دابەزیووە، پێشتر ڕۆژانە لە چرکەیەکدا زیاتر لە 140 مەتر سێجا دەرامەتی ئاو هەبوو، بەڵام ئێستا ڕێژەکەی بۆ 35 مەتر سێجا دابەزیووە، ئەوەش تاوەکو بەردەوامبێت، کاریگەرییەکانی زیاتر دەبێت.
حەمە تاهیر جەلال، بەڕێوەبەری بەنداوای دووکان بە (رووداو)ی ڕاگەیاند ڕەنگە کاریگەرییەکەی ڕاستەوخۆ زۆر دیارنەبێت، تەنیا لە دەرامەتمان نەبێت، چونکە کاتێک ئێران ئاوی زێی بچووکی گرتەوە دەرامەتمان 144 مەتر سێجا بوو لە چرکەیەکدا، دوایی بوو بە 118، دواتر دابەزی بۆ 80 و پاشان 58 و ئەمڕۆش بوو بە 35 مەتر سێجا لە چرکەیەکدا، ئەوەش دیاردەیەکی ترسناکە، بەڵام لەبەرئەوەی ئێمە خۆمان لە کۆگاکردنی خۆمان بووینەتەوە، ترسی ئاوی خواردنەوەمان نییە.
بە بڕوای بەڕێوەبەری بەنداوی دووکان، بەردەوامبوون لە گرتنەوەی ئاوی زێی بچووک، کە 40% پڕکردنەوەی بەنداوەکە پێکدەهێنێت، لە مەترسی پێویستییەکانی هەرێمی کوردستان دوورماندەخاتەوە، بەڵام لە پێویستیەکانی عێراق نا، چونکە ڕووباری دیجلە جیا لەوەی لقە سەرەکییەکەی لە تورکیاوە دێت، هاوکات تورکیا دەستیکردووە بە کۆگاکردنی ئاوەکە لە بەنداوی ئەلیسۆ و دەتوانێت دیجلە وشک بکات. پشتبەستنی دیجلە بەو لقانە دەبێت کە لە کوردستاندا هەیە، دۆخی ئەو لقانەش باش نین، چونکە زێی گەورەیە و دەکەوێتە کوردستان و تورکیا نەیتوانیوە کۆنترۆڵی بەسەردابکات، بەڵام خۆشمان ڕێگربووین لە دروستکردنی بەنداوی بێخمە، بۆیە ئاوەکەی ڕاستەخۆ دەڕواتە کەنداو.[1]
#07-06-2018#

تێکدانی دامودەزگای کەسێک، داخستنی دووکان، کۆکردنەوەیکەلوپەلی فرۆشتنێ لەکاتی دەست هەڵگرتن لەفرۆش، کۆکردنەوەی سفرە، هەڵگرتنەوەیسفرە، بر‏چیدن بساط [1]

شوێن: #دووکان#
رۆژ یان ساڵی گیرانی وێنەکە: 1956
وێنەکە: دروستکردنی بەنداوی دوکان[1]