ئازا حەسیب عەلیکە بە ئازا حەسیب قەرەداغی ناسراوە، لە 16-05-1960 لە سەرچناری شاری#سلێمانی# لە دایکبووەو ژیانی هاوسەری پێکهێناوە و باوکی سێ منداڵە.
1980 -1979 لە موستەنسریە کۆلێژی کارگێڕی و ئابووری تەواو کردووە.
2006 بەشی کۆمەڵناسی زانکۆی سەڵاحەدینی تەواو کردووە، ئێستاش قوتابی ماستێرە لە کۆمەڵناسی.
ئەندامی مەکتەبی ناوەندی ڕاگەیاندنی #پارتی دیموکراتی کوردستانە# .

شوێن: هەولێر
رۆژ یان ساڵی گیرانی وێنەکە: 22-04-1990
کەسایەتییەکانی ناو وێنەکە: لە باڵەخانەی ئەمیندارێتی ڕۆشنبیری و لاوانە لەشاری هەولێر لە ڕاستەوە : ئازاد حەسیب قەرەداغی و یاسین عاسم و #ئەسعەد عەدۆ# و محسین حەمەدەمین
وەرگیراوە لە: ئەسعەد عەدۆ[1]

لەدایکبووی #15-05-1958# #سلێمانی#. کوڕی شێخی شاعیرانی کۆچکردوو #حەسیب قەرەداغی#یە. نووسەرو ڕۆژنامەنووسە٬ خاوەنی بڕوانامەی دیپلۆم و بەکەلۆریۆس و ماستەرو دکتۆرایە (هەرچواریان بە پلەی باڵا) لە میدیاو کۆمیونیکەیشندا، ئێستا مامۆستایە لە بەشی تەکنیکی میدیا لە زانکۆی پۆلیتەکنیکی #هەولێر#. ئەزموونی 11 سال بیشکەشکاری وئامادەکاریی بەرنامەی تەلەفیزیۆنی و ئەزموونی 40 ساڵ نووسین و ڕۆزنامەوانیی هەیە. تا ئیستا زیاتر لە 70 کۆرو سیمیناری ئەدەبی و فیکریی لەناو هەرێمدا سازکردووەو لە ساڵی 1984 نامیلکەیەکی شیعریی بەناوی (ورێنە) بلاوکردۆتەوە. چەندین توێژینەوەو کتێبی بە چاپ گەیاندووە لەوانە (بەڵێنەکانی ئینگلیز و گوتاری منەووەرانی کورد. میدیا پرس وترس. الحوار التلفزیونی فن و معرفة. المراسل التلفزیونی والعوامل المٶ ثرة فی انتاج المادة الخبریە)..لەسەردەمی دەسەڵاتی بەعسدا لەسەر هەلویستی سیاسی و کۆر و کۆبوونەوە ڕۆشنبیریەکان، چەندین جار زیندانی کراوەو ئەشکەنجەدراوە و شەش سالیش نانبڕاوکراوە. خێزاندارەو کوڕیکی هونەرمەندی بەناوی نالی و کچێکی بەناوی نارین و نەوەیەکیش بەناوی نامە نالی هەیە.[1][2][3][4]

شوێن: #سلێمانی# #سەرچنار#
وێنەکە: وێنەی پەیکەری مامۆستا #حەسیب قەرەداغی#
ساڵی 1999 دروستکاووە لەلایەن هونەرمەند: مەهدی حەمەغەریب
لەسەر ئەرکی بەڕێز #فاروق مەلا مستەفا#
ناوی وێنەگر: زریان سەرچناری [1]

خۆم لەخۆما ڕەنگی عیشقم تێکەڵاوی خوێنمە
ئەو لە گەردوونی نیهادما ناونیشانی شوێنمە
من لە ئەشکەوتی خەما بووم وا پەیامێ هاتەخوار
کوێرە دێش بی هەستە جاڕدە:خەڵکە وا من بووم بەشار

لە ناوەڕاستی مانگی مایسی ساڵی 1929ز. دا، لە یەکێک لە گوندەکانی ناوچەی #قەرەداغ#ی سەربە شاری #سلێمانی# و لەناو خێزانێکی خوێندەواری بنەماڵەی شێخانی #مەردۆخی# دا، هاتۆتە ژیانەوه.
لە ساڵی 1948 ز دا لەکاتێک خوێندکاری خانەی مامۆستایانی دێهاتی بووە لە شاری حیللەی ئێراقی، زۆر چالاکانە بەشداری کردووە لە ڕاپەڕینە سەرتاسەرییەکەی ئەوساڵە دا و بۆ یەکەمجار تێکەڵ بە کاروانی تێکۆشانی نیشتمانی و نەتەوەیی بووه.
تا ساڵی 1954 ز چەندین جارکەوتۆتە ژێر فیشاری ڕوەدوونان و ناچار بووە خۆبشارێتەوه، دوا جار لەو ساڵەدا دەگەڕێتەوە بۆ ناوشار و لە 1955 ز دا، ژنی هێناوە و یەکەم لانەی هاوسەرێتیی لە سلێمانی پێکەوەناوه.=KTML_Photo_Begin=https://www.kurdipedia.org/files/relatedfiles/2008/403/0004.JPG=KTML_Photo_Alt=حەسیب قەرەداغی=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/403/0004.JPG=KTML_Photo_End=
تا شۆڕشی تەممووزی 1958 ز، چەند جارێک بۆ ماوەی کوورت کوورت زیندانی کراوه. لەگەڵ بڵێسەی شۆڕشدا شاعیر دەبێتە یەکێک لە ناسراوترین و تارخوێنەکان و یەکێک لە ناودارترین شاعیرە داهێنەرەکانی ناو کەسانی کوردستان، هەر بۆیە لەگەڵ کودەتای #بەعس#ییەکاندا لە ساڵی 1963دا، دەستبەجێ دەگیرێت و نزیکەی 3 ساڵ لەگەڵ سەدان لاوی شۆڕشگێڕ و دەیان ڕۆشنبیر و شاعیر و نووسەر و ڕامیاری گەورەی کورد و عەرەبدا، لە زیندانی نوگرە سەلمان دەمێنێتەوه.
لە کۆتایی ساڵی 1965 ز تا 1969 ز، لەگەڵ هاوسەر و هەرسێ کوڕە و هەرسێ کچەکەیدا، بە دوورخراوەیی لە شاری بەغدا بەکولەمەرگی و کوێرەوەری؛ بەڵام بەسەربەرزی ژیان دەگوزەرێنن.
لە سەرەتای ساڵی 1969 ز دا، پاش 7 ساڵ زیندانی و دورخستنەوه، ڕێیپێ دەدرێ بگەڕێتەوە بۆ کوردستان. لە 17ی حوزەیرانی 1983 ز دا، کەژاڵی کچی بەڕووداوێکی ئۆتۆمبیل و لە کۆتایی 1984 ز دا، بەهاری تازەنەمامی کچی بە نەخۆشییەکی کتووپڕی شێرپەنجه، گیان لەدەستدەدەن و زام و خەمێکی قوڵ و فرە سەختیان لە قوڵایی هەست و بیر و سۆزی شاعیردا جێهێشت، کە تا دواڕۆژی تەمەنی، شوێن پەنجەیان هەم بەسیمای خودی خۆی و هەم بەسەر جیهانی هۆنراوەیە و ئەدەبیاتییەوە دیار و ئاشکرابوو.
لە ئێوارەیەکی تەڕوتووشی زستانی سلێمانیدا 1997-01-09 دا بۆ دواجار دڵی پڕ لە ژانی شێخی شاعیران، حەسیب قەرەداغی، لە لێدان کەوت و بۆ ڕۆژی دواتر لە گردی سەیوان لە سلێمانی بووە هاوڕێی تا هەتایی هەردوو جوانەمەرگەکەی کەژاڵ و بەهار!
شاعیری نەمر، سێ کوڕ خەبات، بەهات و ئازا، کچێک نیگا، هاوسەرەکەی ناوی عائیشە لە دوا بەجێماوە.
$بڵاوکراوەکانی:$
هەڵەبشیما
من هیچ ناڵێم
هەوەڵ مەزات
شەو و گریان و مەرگ
کۆچێکی ڕەشپۆش
کەژاڵی جوان
دوو سەد ساڵەی سلێمانی
و دەیان و سەدان چامەی بەرزوباڵا، ناسراوە! دیوانێکی 900 لاپەڕەیی لە دووبەرگدا لە دوا بەجێماوە.[1]

شوێن: #هەولێر#
ڕۆژ یان ساڵی گیرانی وێنەکە: 14-08-2019
کەسایەتییەکانی ناو وێنەکە: یەکێتی نووسەرانی کورد خەڵاتکردنی چەند نووسەرێکی ئەزموندار لەلایەن (ماڵی کتێب)ەوە، لەڕاستەوە:
#زانا خەلیل# ،#ئازا حەسیب قەرەداغی# ، #قوبادی جەلیزادە# ،#بێکەس حەمە قادر# ، #وریا عومەر ئەمین# .
ناوی وێنەگر: نەزانراوه.[1]

ناو: نیگار
ناوی باوک: حەسیب قەرەداغی
ساڵی لە دایکبوون: 1966
شوێنی لەدایکبوون: #سلێمانی#
$ژیاننامە$
ساڵی 1966 لە دایکبووە، دەرچوی ئەکادیمیای هونەرە جوانەکانی بەغدایە (1984-1988)، لە ساڵی 1991ەوە لە تاراوگە ژیان بەسەر دەبات، سالێ 2000 بڕوانامەی ماستەری زانستی شانۆ و ئەنترۆپۆلۆژیا لە زانکۆی ڤییەنا بەدەستهێناوە، لە 2006 بڕوانامەی دکتۆرای وەرگرتووە، بەخشینی خەڵاتی هونەریی نەمسا بۆ ساڵی 2022، بۆ پڕۆژەی لابۆری شانۆی لالش بەدەست هێناوە.
[1]
1988 دەرچووی ئەکادیمیای هونەرە جوانەکان لە شاری بەغدا، بەشی نواندن.
1988-1991 مامۆستای شانۆ لە پەیمانگای هونەرە جوانەکانی سلێمانی بەشی شانۆ.
لە کۆتایی 1991 وە لە شاری ڤییەنا پایتەختی نەمسا نیشتەجێیە.
سالی 2000 بڕوانامەی ماستەر و لە ساڵی 2006 بڕوانامەی دکتۆرا لە کۆلێژی زانستی شانۆ و کۆلێژی سۆسیۆ کولتور ئەنترۆپۆلۆژی لە زانکۆی ڤییەنا.
دامەزراندنی لابۆری شانۆی لالش لەتەک شەماڵ عومەری هاوژینی لە ساڵی 1998.
کردنەوە و بەڕێوەبردنی ماڵی شانۆیی تایبەت بە خۆیان لە ساڵی 2000وە لە شاری ڤییەنا بە پاڵپشتی دارایی بەشی شانۆی دەزگای کلتوری شاری ڤییەنا و وەزارەتی فیدراڵی هونەر و کلتوری وڵاتی نەمسا.
بەشدارییکردن لە چەندین فیستیڤاڵ و کۆنفرانسی نێودەوڵەتی لە زۆرینەی وڵاتانی ئەوروپا و وڵاتانی عەرەبی و یابان و لە هەرێمی کوردستانیش، بە پێرفۆرمانس و بەڕێوەبردن ۆرکشۆپ و کاری لابۆری. وتنەوەی وانە لە بوارەکانی شانۆ لە چەندین زانکۆی جیهانیدا. لە ساڵی 2012 نیگار و شەماڵ لێکتۆری میوانن لە زانکۆی ئینسبروک لە نەمسا لە کۆلێژی Peace and conflict studies
ئالوگۆڕی میتۆدی و پراکتیکی لەتەک چەندین گرووپ و هونەرمەندانی جیهانی، لەوانە ئویجینۆ بەربا، و هەروەها مەڵبەندی گرۆتۆڤسکی و تۆماس ڕیچارد.
چەندین خەلاتی نێودەوڵەتی پێ بەخشراوە لەسەر ئاستی جیهانی.
خەڵاتی باشترین کچە ئەکتەر لە فیستیڤاڵی شانۆی لاوان لە بەغدا ساڵی 1986 لەسەر ئاستی ئێراق.
خەڵاتی باشترین کچە ئەکتەری درەوشاوەی ئێراق 1988.
خەلاتی sound of mess لە فیستیڤاڵی نێودەوڵەتیی لە سارایێڤۆ 2009
خەلاتی شانۆ وەکوو دیالۆگ لەنێوان کلتورەکاندا، لە فیستیڤاڵی نێودەوڵەتیی لە مەکدۆنیا 2012
خەلاتی باشترین نمایش لە فیستیڤاڵی نێودەوڵەتیی ڕیتوالی لە ئوردن 2012
خەلاتی ڕێزلێنانی ماڵی پەرتووک لە کوردستان .
خەلاتی ڕێزلێنان لە وەزارەتی ڕۆشنبیری و لاوان لە هەرێمی کوردستان 2023
خەڵاتی هونەری وڵاتی نەمسا ساڵی 2022.
زیاد لە شەست نمایشتی شانۆیی و پێرفۆرمانس و
یەک کاری تەلەفیزیۆنی، زنجیرە درامای ژاڵە . هەروەها لەم ساڵانەی ڕابوردوودا چەندین کاری پێرفۆرمانسی ڤیدیۆیی بەئەنجام گەیاندوە. [2]

هەڵمەت عوسمان کاکل
کۆیە - 2009