شاخی #تەکەڵتو#
هەندێ جار سيتەغار-يشی پێ دەوترێت، بەرزاييەکە 810مەتر لەئاستی ڕووی دەرياوە بەرزە، بەدووری 6کيلۆمەتر دەکەوێتە ڕۆژهەڵاتی ناحيەی #تەقتەق#ی قەزای #کۆيە#ی پارێزگای #هەولێر#، دەڕوانێتە سەر گوندەکانی(گەرمکی #ساتوقەڵا# و شيوەجان و ناسراغا و باغەجنێر) و لە ڕووی ڕۆژهەڵاتی بەرزاييەکەوە گوندی تەکەڵتوی لەلاپاڵی هەڵگرتووە، شێوەی تەکەڵتوی زينی وڵاغە بەرزەی هەيە بۆيە بيروبۆچون وايە لەتەکەڵتوی وڵاغەوە هاتبێ و هەندێکيش دەڵێن لە(تاکە کەڵە توو)يەکەوە هاتووە.[1]

شەڕێکە لەقۆناغی #ئەنفالی چوار# لەسەرەتای مانگی ئاياری 1988لە شاخی #تەکەڵتو#ی ناحيەی #تەقتەق#ی قەزای #کۆيە# لەنێوان پێشمەرگەکانی #تيپی 17ی زمناکۆ#ی #يەکێتی نيشتمانی کوردستان# بەفەرماندەيی(#جەميل هەورامی#)و چەکدارەکانی سوپای بەدری ئۆپۆزيسيۆنی عێراقی و هێزی پشتگيری سنورەکە کە لە چەکدارەکانی گوندەکانی(باغەجنێر و تەکەڵتو وموخەڕەس) پێکهاتتبوون لەگەڵ فەيەلەقی يەکی سوپای عێراقی ڕوويدا، حکومەتی عێراق لە سێ قۆڵەوە لە قۆلەکانی (باغەجنێر و گۆرحەمرانی موخەڕەس و کونە گورگ)ەوە پەلاماری شاخی تەکەڵتو-ياندا بەپاڵپشتی فرۆکە جەنگيەکان و تانک وزڕيپۆش، لەسعات 5ی بەيانيەوە بەتۆپباران ئۆپەراسيۆنەکە دەستی پێکرد ولەسعات8ەوەهێرشی زەمينی و ئاسمانی سوپای عێراق پێشڕەوی کرد وبەهۆی زۆری سەرباز و ژمارەی پەلامارەکە سەعات 11:45 دەقيقەی پێش نيوەڕۆ شەڕ لە بەرژەوەندی سوپای عێراق و ئۆپەراسيۆنی ئەنفالی چوار کۆتايی پێ هات و لە پێشمەرگەکانی تيپی 17ی زمناکۆ (8) پێشمەرگە شەهيدبوون و لە چەکدارەکانی سوپای بەدريش(6)چەکدار شەهيدبوون، به و سەرکەوتنەی سوپای عێراق کۆتايی بە ئۆپەراسيۆنی ئەنفالی چوار دەهێنرێت و ڕێگە لەبەردەم سوپای عێراق و فەوجە سوکەکانی جاشان ئاسان دەبێت و بەتەواوەتی دەشتی کۆيە دەکەوێتە بەر شاڵاوەکە و تاڵان و سوتاندن و ئەنفالکردنی ناوچەکە کۆتايی پێهات لە7-5-1988دا.