گەلی وڵاتپاریز و شۆڕشگێر، ژنان و گەنجانی تێکۆشەر و بنەماڵەی سەربەرزی شەهیدان
لەبەرەبەیانی 5ی ئازاری 1991دا گەلی کورد لەباشووری کوردستان لە ڕاپەڕینێکی میللی بەشکۆ دا کە لە دەڤەری ڕاپەرین دەستی پێکرد لە ماوەیەکی کورتدا سەرجەم دامودەزگا سەرکوتگەرەکانی ڕژێمی بەعسی خوێنرێژ کەوتنە دەستی خەڵک و دواتر بڵێسەی ڕاپەڕین سەرجەم شارو شارۆچکەکانی باشووری کوردستانی گرتەوە تاگەیشت بە شاری دێرینی کەرکووک، ئەو ڕاپەڕینە؛ وەرچەرخانێکی مێژووی گرنگ بوو لەخەباتی ڕزگاری وئازادیی خوازیماندا، دوای چەندین ساڵ لەسەرهەڵدان، بەرخۆدان.
سەرئەنجام لەوراپەڕینەدا کەهێزی گەل سەرچاوەکەی بوو بەشێکی گرنگ لەخاک و وڵاتی داگیرکراو پارچەکراو کەوتەوە دەستی کوردخۆی بۆ بەڕێوەبردن، بەڵام زۆری نەبرد ئەو جۆش وخرۆشەی خەڵکی بەرخۆدێری تینو بۆژیانێکی ئازاد کە توانیبوی بەرگەی ئەنفال وکیماباران وراگواستن وسیاسەتی قرکردنی بەعسیەکان بگرێت بێهیواکراو لەنیوەی ڕێگادا بەجێهێڵرا لەلایەن ئەو هێزانەوە کەهاتبوون لەسەر خوێن و تێکۆشانی گەلی ڕاپەڕیویی کوردستان سیاسەت و دەسەڵاتداری بکەن.
ئەوزهنیەتە دەسەڵاتخوازە لە جیاتی کاربکەن بۆجێبەجێکردنی بڕیارەکانی گەل و پاراستنی دەسکەوتەکان، بەپێچەوانەوەکەوتنە سەودا لەگەڵ بەعس و شەڕکردن بۆ گەیشتن بە دەسەڵات و ڕاکردن بۆباوەشی دەوڵەتانی داگیرکەری کوردستان و دابەشکردنی سامانی گشتی لەنێو دارودەستەمشەخۆرەکانی خۆیاندا، سەرئەنجامەکەشی بریتی بوو لە ڕاکردن لەبەردوژمن و بەدەستەوەدانی دووبارە ئەوخاکەی بەخوێنی هەزاران شەهید ئازادکرابوو، لەوەش خراپتری بەدواداهات، وەک نانەوەی شەڕی ناوخۆ، بەتاڵان بردنی سەروەت و سامانی گشتی و تێکدانی شیرازەی کۆمەڵگه و گەندەڵی و دەیان دەردی دیکەیان خستە جەستەی شەکەت و ماندوی کۆمەڵگەی باشووری کوردستان کەتادەگات بەرۆژی ئەمڕۆ بەردەوامی هەیە.
لەو یادە مێژوویەدا وەک تەڤگەری ئازادیی کۆمەڵگەی کوردستان بۆ دەربازکردنی گەلەکەمان لەوقەیرانە سیاسی وجڤاکی ئابوریەی بەسەری داسەپێنراوە، بۆپاراستنی دەسکەوت وسەوەریەکانی گەل و بەدیهێنانی ئامانجی شەهیدان بۆخاوەندەرکەوتن لەنرخ و بەها پیرۆزەکانی کۆمەڵگە و گێڕانەوەی ئیرادەو هێز بۆ تاک بەتاکی کۆمەڵگەکەمان بەگوروتین و جیهان بینیەکی نوێ و لەسەربنەمای هێڵی نەتەوەی دیموکراتی، بە پشت بەستن بە پێشەنگایەتی ژنان و گەنجان تێدەکۆشین بەڕۆحییەتی ئەو ڕۆژانەی کە ڕاپەڕینی پێنجی ئازاری تێدا سەرکەوت و ئەمڕۆش بەهێز وەرگرتن لەوئیرادە و بەرخۆدانە مەزنەی گەلی شۆڕشگێڕی عەفرین کەشکستی بە فاشیزمی دەوڵەتی تورکیا هێناوە تادێت ئاسۆی سەرکەوتنمان ڕوونتردەبێت بۆ بەدیهێنانی ئامانجی شەهیدانی ڕاپەڕین وسەرجەم شەهیدانی ئازادیی وسەرفرازی کوردستان.
#05-03-2018#

#04-04-2018#

دەقی پەیامەکەی تەڤگەری ئازادی کۆمەڵگەی کوردستان:
ماوەیەکە پشێویەکی زۆر ڕووی لە هەرێمی کوردستان کردووە، دەوڵەتی تورکیا کە توشی شکست دەبێت و کێشەی ئابوری و سیاسی و نێودەوڵەتی بۆ دروست دەبێت پەنا دەباتە بەر دروستکردنی ئاڵۆزی و کاری گێرەشێوێنی لە باشوری کوردستاندا بەو هۆیەوە دەیەوێت بۆشاییەکانی خۆی پێ پڕ بکاتەوە و بۆ ئەمەش نزیکەی سی ساڵە دەستی لە هەموو ئەو کێشانەدا هەبووە.
لەم چوارچێوەیەدا زۆر جار #پارتی دیموکراتی کوردستان# هاوکاری تورکیای کردووە و هەماهەنگ بووە لەگەڵیدا
وەک تەڤگەری ئازادی چەند پرسیارێک ئاڕاستەی کاک مسعود بارزانی و پارتی دیموکراتی کوردستان دەکەین؟
تورکیا چ کاتێک دانی خێری بەم هەرێمەدا ناوە؟، چ کاتێک لەگەڵ دۆزی کورد بووە؟
چ کاتێک لە چارەسەرکردن و هاوکاریکردنی باشوری کوردستاندا ڕۆڵی هەبوە؟
باشە تورکیا هیچ دەستپێشخەریەکی بۆ چارەسەری کێشەی کورد لە باکوری کوردستاندا کردووە؟ تا ئێمە ئەوەندە بکەوینە ناو پلانە چەپەڵەکانی تورکیاوە؟
ئێمە دەمانەوێت بپرسین هەبوونی هێزێکی کوردی لە باشوری کوردستاندا گرنگە کە لە پاراستنی #کەرکووک# و #هەولێر# و مەخمور و شەنگالدا باشترین هەڵوێستیان هەبووە و لەو پێناوەشدا سەدان شەهیدیان داوە، یاخود دەوڵەتی تورکیا کە بەردەوام هەڕەشەی لەناوبردنی هەرێمی کوردستان دەکات و لەو پێناوەشدا ڕێکەوتن لەگەڵ هەموو نەیارێک دەکات.
دەبێت پارتی بزانێت ئەم جارە زیاتر بە تەنهایە و هیچ هێزێکی کوردی بەم شەڕە ڕازی نیە، جگە لەوەش پێش هەر هێزێکی سیاسی پێشمەرگە ئەم شەڕە ڕەد دەکاتەوە و ئەوەندە هۆشیاری دروست بووە لەناو ڕیزەکانی پێشمەرگەدا کە بە ئاسانی ناتوانرێت بۆ شەڕی ناوخۆیی بەکاربهێنرێن.
بۆیە جارێکی دیکە بانگەوازی لە هەموو لایەک دەکەین بەرپرسیارانە مامەڵە بکەن و کێ دەتوانێت ئەم هەڕەشەیە نەهێڵێت و کپی بکاتەوە مێژوویەکی جوان بۆخۆی تۆمار دەکات.
ئەوەش دەڵێین هێشتا ئاگر هەڵنەگیرساوە و پشت بە خوا و کەسە وڵاتپارێزەکان ئەم ئاگرە هەڵناگیرسێت، ئێمەش لەپێناو دروست نەبونی ئەو شەڕە چی لەدەستمان بێت دەیکەین....
تەڤگەری ئازادی کۆمەڵگەی کوردستان
دەستەی هاوسەرۆکایەتی...[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

#تەڤگەری ئازادیی کۆمەڵگەی کوردستان#
#26-11-2018#

بۆ کۆچی دوایی #میر تەحسین بەگ#
بەداخ و پەژارەیەکی زۆرەوە ڕۆژی 28ی ئەم مانگە هەواڵی کۆچی دوایی میر تەحسین بەگ-مان پێگەیشت.
دیارەلەکاتێکی وادا کەتەواوی ناوچەکەو بەتایبەتیش گەلی کوردی خاوەن باوەڕی ئێزدی بەدۆخێکی شەڕو ئاڵۆزیدا دەگوزەرێت لەدەستدانی میر تەحسین خەسارەتێکی گەورەیە بەر تەواوی گەلەکەمان دەکەوێت.
میر تەحسین کەسایەتی بەناوبانگی ئێزدی لەهەموو کاتە ناڕەحەتەکاندا گەلەکەی خۆی بەجێ نەهێشت و لەگەڵ خەمی گەلەکەیدا ژیانی کرد.
دیارە لەتەمەنی ژیانی ئەودا دوافەرمان لەسەر خوشک وبرا ئێزدیەکان بەڕێوەبرا، بەڵام هەموو ئەوانە نەیانتوانی ئیرادەی میر تەحسین بشکێنن و بۆساتێکیش پشتی لەگەلەکەی نەکرد ولەگەڵ ئێش وئازارەکانی ئەوان دەژیا.
بەو بۆنەیەوە بەناوی تەواوی هەڤاڵانمان لەتەڤگەری ئازادیی کۆمەڵگەی کوردستان سەرەخۆشی لەتەواوی گەلەکەمان و بەتایبەتی خوشک و برا ئێزدیەکانمان دەکەین و لەخودای مەزن داوا دەکەین دواخەمتان بێت و ڕۆحی میر تەحسین بەگیش شاد بێت.
#29-01-2019#

دەقی ڕاگەیەندراوەکەی #تەڤگەری ئازادیی کۆمەڵگەی کوردستان#:
لە چوارەمین ساڵیادی هێرشی داگیرکاری بۆسەر هەرێمی #عەفرین#، هەموو شەهیدانی ئەو بەرخۆدانە مێژووییە بەبیردێنینەوە
لە چوارەمین ساڵیادی هێرشی داگیرکاری بۆسەر هەرێمی عەفرین، هەموو شەهیدانی ئەو بەرخۆدانە مێژووییە بەبیردێنینەوە و بەڵێنی بەردەوامی تاگەیشتن بەئامانجەکانیان دەدەین.
گەلی کورد خاوەنی دەیان سەرهەڵدان و داستانی بەرگری و خۆڕاگرییە لە مێژووی تێکۆشانی خۆیدا، بەرانبەر هێز و دەوڵەتە داگیرکەرە قڕکەرەکان بەرخۆدانیان کرد. خۆڕاگری گەلی عەفرینیش لە بەرانبەر دەوڵەتی فاشستی تورکیای خاوەن پێشکەوتوترین تەکنیکی جەنگی ناتۆ و گروپە تیرۆریستییە بە کرێگیراوەکانی یەکێک لە درەو شاوەترین داستانی خۆڕاگری سەدەی 21 کەشانازییە بۆ هەر کوردێکی ئازادیخواز.
20 دیسێمبەر 2018 چوار ساڵ بەر لە ئەمڕۆ کە هاوکات بوو لەگەڵ تێپەڕینی 72 ساڵ بەسەر شکستی یەکەمین کۆماری کوردستان لە مهاباد، فاشیزمی دەوڵەتی تورک بەهەمان ئامانجی لەناو بردنی دەسکەوتی کوردان و سڕینەوەی ناسنامەی گەلی کورد، بە بەرچاوی دەوڵەتە زلهێزەکان بە ڕەزامەندی دەوڵەتی ڕوسیا و بێدەنگی ئەمریکا و ئەوروپیەکان بە 72 فرۆکەی جەنگی پێشکەوتوو لەئاسمان و بەدەیان هەزار سەرباز و تیرۆریست لە زەمین هێرشی کردە سەر ژیان و ئازادی گەلی عەفرین و دەوروبەری بەئامانجی لەناوبردن و وێرانکردنی و دەربەدەرکردنیان.
لەوهێرشە داگیرکاری و وێرانکاریەدا هەموو یاساکانی جەنگ و ئینسانیەکا کۆمەڵگەی جیهانی بنپێکرد، جارێکی تر دەوڵەتی تورکیایی شەڕخوازی و ڕەگەزپەرستی خۆی سەلماندەوە، بەڵام خۆڕاگری و فیداکاری دوومانگە و بەردەوامی #شەڕڤان#انی ئازادی و شۆڕشی گەلانی باکوری سوریا کەلەسەر بنەمای ئازادی و یەکسانی و پێکەوەژیانی گەلان خۆی بنیاتناوە. بوو بەسەنگەرێکی ئیلهام بەخش و لەشکان نەهاتوو لەبەرانبەر پلانی داگیرکاریانەو لەناوبردنی دەسەکەوتەکانی گەلی کورد، لە ئێستاشدا هێزە بەکرێگیراوەکان و سوپای داگیرکەر لەعەفرین و هەموو سنورەکانی ڕۆژئاوای کوردستان تادەگاتە سنورەکانی باشور، ڕۆژانە هێرش و وێرانکاری و تیرۆر و گۆڕانکاری دیمۆگرافی ئەنجام دەدات. بە سەدان هاوڵاتی سڤیلیان فڕاندووە و شەهیدکراون، بەدەیان شوێنەواری دێرینی مرۆڤایەتی لەناوبراون.
هەر بۆیە بەرخۆدان و خاوەنداریکردن لە عەفرین و هەموو ناوچە داگیرکراوەکان ئەرکێکی پیرۆزی هەموو کوردێکی خاوەن شەرەف و مرۆڤیاتی و ئازادیخوازە، ئەوەی تورکیا و بەکرێگیراوەکانی ئەنجامیانداوە، تاوانە بەهەموو پێوەر و یاسایەک تاوانی جەنگ و دژ بەمرۆڤایەتین، ئەو بێدەنگی و بێ هەڵوێستییەی تەواوی ڕێکخراوە جیهانیەکانیش لەبەرانبەر ئەو جینۆسایدەدا شەرمەزاریەکی گەورەیە بۆ کۆمەڵگای نێودەوڵەتی، لەو ڕۆژەدا بۆ بەرگرتن لەداگیرکاری و لەدەستنەدانی دەسکەوتەکانی گەلی کورد، بانگ لەتەواوی هێزەسیاسی و ڕێکخراوە مەدەنی و کەسایەتییە دڵسۆزەکانی گەلەکەمان دەکەین، با لەسەر خاڵە هاوبەشەکان و ستراتیجیەتی نەتەوەی و نیشتیمانی لەکۆنگرەیەکی نەتەوەیدا بێینەوە لایەک، دیالۆگ و یەکتر قبوڵکردن بکەینە بنەمای گفتوگۆ و چارەسەری سەرجەم کێشەکان.[1]

دەقی ڕاگەیەندراوەکەی تەڤگەری ئازادی کۆمەڵگەی کوردستان:
ڕاپەڕینی #شیلادزێ#، نیشانی داین ئەم گەلە چەندە هۆشیار و پڕوزەیە.
لە ئێوارەی #26-01-2019# جەماوەری شیلادزێ کۆبوونەوە و وەکو کاردانەوەیەکی ئەخلاقی و هۆشیارانەیان لە بەرامبەر شەهید کردنی خەڵکی سڤیل لەلایەن دەوڵەتی فاشیستی تورکەوە، هێرشیانکردە سەر سەربازگەکانی دەوڵەتی تورک و ئاگریان تێبەردا.
‎ئەم ڕاپەڕینە بەخوێن نەخشێنرا، وە پەیامێکی دا بە جیهان و هەموو هێزێکی ئاڵقە لە گوێی تورکیا، کە ئەوەتان بۆ ناچێتە سەر و پێویستە ڕاوەستەیەک بکەن لە مێژووتان و بەخۆتان بڵێن: ئیتر بەسە!
‎ساتی ئەم ڕاپەڕینە هاوکات بوو لەگەڵ ساڵڕۆژی ڕزگاربوونی شاری کۆبانێ لە ژێردەستی چەتەکانی #داعش#، دیسان خەڵکی شیلادزێ سەلماندیانەوە، کە مێشک و دڵیان بۆ تەواوی کوردستان ئیش دەکات و خەمەکانیان هەمان ئەو خەمانەن کە لە تەواوی کوردستان، دڵ دەهەژێنن.
‎ئەم ڕاپەڕینە دەستکەوتێکی زۆر بەنرخی لەبن نەهاتوە، کە گەل خاوەنیەتی و نایگۆڕێتەوە بەهیچ سەروەتێکی تر، پەیامێک بوو بۆ دەستەڵاتدارانی هەرێمیش، کە بەڵێ ئێوەش وابەستە و جاشی دوژمنان و داگیرکارانی کوردستانن، ترسێکی نەبڕاوەیان لە دڵی دوژمن و نۆکەرە نێوخۆییەکانیش دروستکرد.
‎گەلەکەمان لە کاتێکدا ئەو یادە پڕ شکۆیە دەکاتەوە، کە دەیان کەسی نیشتمانی و چالاکوان لە زیندانەکانی حکومەتی هەرێمدان و دەوڵەتی تورکیش بەهەموو هێزی خۆی و هاوپەیمانەکانی خەریکی داگیرکاری و ژینۆسایدی نوێیە. وە #شەڕڤان#ان و پێشمەرگەش ڕۆژانە ڕوبەڕوی چەتەکانی داعش دەبنەوە لە دووبەشی کوردستاندا.
‎حکومەتی هەرێم فشارێکی زۆر لەڕابردوو و ئێستاشدا لە خەڵکی بادینان بە گشتی و شیلادزێ بەتایبەتی کردووە و دەکات، دەستی خستۆتە قوڕگی ئازادیخوازان و بە جارێک هەناسەی ئازادی بڕیوە، گەنجانی ناوچەکەش تەسلیمبوون و بێ چاڵاکیبوون ڕەت دەکەنەوە، بۆ ئەمە بەشێکیان لەزیندانەکان و بەشێکی تریان ناچاری کۆچ کردن بۆ دەرەوەی وڵات بوون، ...
‎تەڤگەری ئازادی داوای پشتگیری دەکات لە خەڵکی کوردستان و تەواوی ئازادیخوازانی جیهان، بۆ گیراوانی سیاسیی بادینان و پێویستە دەستبەجێ، هەموو گیراوێکی سیاسیی ئازادبکرێت و ئەو یادە پڕ مانایە پیرۆزدەکات لە هەموو ئەوانەی لە ڕاپەڕینەکەدا جێیان گرت.
ئەوان گەلی کوردیان کردە خاوەنی شکۆمەندیەکی تر و لووتی دوژمنیشیان جارێکی تر لە عەرزدا.[1]