$باکووری کوردستان$
- لە ناوچەی کوتودەری سەر بە ناوەندی شاری #دێرسم# دوو ڕۆژ بەر لە ئێستا ئاگرێک بەهۆی بۆمبارانی سوپای تورکیای داگیرکەر کەوتەوە و تا ئێستا نەکوژێنراوەتەوە.[2]
$رۆژهەڵاتی کوردستان$
- هێزە نیزامییەکانی داگیرکەری ئێران لە گوندی ماشکان سەر بە شاری #پیرانشار# تەقەیان لە ژمارەیەک #کۆڵبەر#ی کورد کورد لەو ناوچەیە. بە وتەی سەرچاوەیەکی ئاگادار، پاش تەقەی هێزە نیزامییەکانی حکوومەتی، کۆڵبەرێکی کورد بە ناوی #عەلی عەرەب# کوڕی موراد بە سەختی بریندار بوو و هەروەها دوو کۆڵبەری دیکەش لەو ڕووداوەدا بێ‌سەروشوێن بوون.[5]
- هاووڵاتییەکی کورد، بە ناوی واحید خالیدنژاد تەمەن 25 ساڵ، کوڕی محەممەدئەمین، خەڵکی شاری #شنۆ#، لە لایەن هێزە ئیتلاعاتییەکانی ئەو شارەوە دەسبەسەر کرا.[5]
- نادر قازیپوور، نوێنەری شاری #ورمێ#، لە مەجلیس ئیدعای ئەوە دەکات، کە هەرێمی کوردستانی عێراق، بە پارەی عەرەبستان و کەرەستەی ئامریکایی حیزبە کوردییەکانی کوردستانی ئێران تەیار دەکات.[5]
$باشووری کوردستان$
- ئاگرتێبەردانی دارستان، لەوەڕگە، باخ و ڕەز و پێدەشت و شاخەکانی کوردستان لەلایەن دەوڵەتی تورکیاوە بەردەوامە. بەهۆی تۆپبارانکردنی تۆپخانەکان و بۆردومانی فڕۆکە جەنگییەکانی سوپای تورکیای داگیرکەرەوە چەندین ئاگر لە ناوچەکانی کوردستان کەوتونەتەوە. تازەترین ئاگرتێبەردانی دەوڵەتی تورکیا لە سنووری گوندەکانی بەدەهێ و ئۆرێ و بابیرێیە لە ناوچەی مەتینان ڕوویدا.[2]=KTML_Photo_Begin=https://www.kurdipedia.org/files/relatedfiles/2018/153207/0002.JPG=KTML_Photo_Alt=لە چالاکییەکانی ئەمڕۆ: 02-09-2018=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153207/0002.JPG=KTML_Photo_End=
- لە شاری سلێمانی پانێلێکی زانستی لەسەر ژیان و کەسایەتی #مەستوورە ئەردەڵانی# بەڕێوەچوو، کە ئاماژە بەسەرجەم وێستگەکانی ژیان و بەرهەم و تواناکنی ئه و خانمە کوردە کرا.[7]
- هەڵمەتێکی کوتان دژی نەخۆشی #سورێژە# لە پارێزگاانی هەرێمی کوردستان دەستپێبکات و ماوەی 10 ڕۆژ بەردەوام بێت. [1]
- سەرۆکی شارەوانی #هەڵەبجە# ڕایدەگەیەنێت، بڕیارمانداوە بانگەشەی هەڵبژاردن لە بەردەم مۆنۆمێنتی هەڵەبجەوە تا کۆتایی شەقامی بەردەم قایمقامییەت قەدەغەبکرێت و هەر لایەنێکی سیاسیش پابەندنەبێت سزادەدرێت.[3]
- چەکدارانی #داعش# بۆمبێکی زۆر لە ناوچەی شێخ باوەی سنوری #جەلەولا# دادەنێن و بە وتەی سەرچاوەیەکیش چەکدارەکان لە چەند ناوچەیەک بە ئاشکرا دەردەکەون.[3]
- ئەمڕۆ و ڕۆژانی پێشوو، کۆبوونەوەیەکی زۆر لە هەردوو شاری #هەولێر# و #سلێمانی# لەنێوان حیزبە کوردستانی و ئێڕاقییەکان بە مەبەستی بەشداریکردن لە پەڕڵەمانی ئێڕاقدا دەکرێت.[1]
- لە گوندێکی ڕوژئاوای سەنتەری #شنگال# لەسەر ئۆتۆمبێلی بێناسنامە و دانانی بازگەیەک گرژی کەوتە نێوان #یەبەشە# و سوپای عیراق. بۆ ماوەی یەک کاژێر تەقەکردن لەنێوان هێزەکانی یەبەشە و سوپای عیراق دروست بوو.[4]
- لەبارەی خۆکاندیدکردنی بۆ پۆستی سەرۆک کۆماری عێراق، د. #بەرهەم ساڵح# سەرۆکی هاوپەیمانی بۆ دادپەروەری و دیموکراسی، دوای کۆبوونەوەی لەگەڵ وەفدی پارتی، ڕایگەیاندئەوەی میدیا باسی دەکات ئەسڵ و ئەساسی نییه و کاندیدی هیچ لایەنێک نیم بۆ ئه و پۆستە.[3]=KTML_Photo_Begin=https://www.kurdipedia.org/files/relatedfiles/2018/153207/0007.JPG=KTML_Photo_Alt=لە چالاکییەکانی ئەمڕۆ: 02-09-2018=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153207/0007.JPG=KTML_Photo_End=
- بەرهەم ساڵح، ڕیگەیاند، کە بەهۆی ئەوەی نوێنەریان لە کۆمسیۆنی باڵای سەربەخۆی هەڵبژاردنەکان نییە و تێبینیان لەسەر کارەکانی ئەو کۆمسیۆنە هەیە، بڕیاریانداوە بەشداریی هەڵبژاردنی پەرلەمانی هەرێمی کوردستان نەکەن.[6]
- #عارف تەیفور#، سەرۆکی ئەنجومەنی سەرکردایەتی پارتی لەسلێمانی لە چاوپێکەوتنێکی تەلەڤزیۆنیدا لەگەڵ کەناڵی (کوردستان24) ڕایگەیاند کە پۆستی سەرۆک کۆمار ئیستیحقاقی پارتییە و سازشی لەسەر ناکەین.[3]
- وەزارەتی تەندروستی عێراق بۆ جاری سێیەم، #وەزارەتی تەندروستی# هەرێم لەبارەی جۆرەکانی دەرمانی ساختە ئاگاداردەکاتەوه و داویان لێدەکات کە ڕێگری بکەن لە ساخکردنەوەی ئه و دەرمانانە.[3]
- #وەزارەتی بازرگانی# و پیشەزانی حکومەتی هەرێمی کوردستان لە ڕاگەیەندراوێکدا ڕایگەیاند، چەکی شایستە داراییەکانی جوتیاران گەیشتە هەرێمی کوردستان. لە ڕاگەیەندراوەکەدا ئەوەشخراوەتەروو، کە بڕی چەکەکە 154 ملیار و 130 ملیۆن دیناره و بۆ وەرزی بازاڕکردنی ساڵی 2018 ەیە.[7]
- هێزەکانی هاوپەیمانان ڕایدەگەیەنن، هاوکارییەکانیان بۆ هێزەکانی #پێشمەرگە# بەردەوامدەبێت و ئەنجامدانی پرۆسەی چاکسازیش لە #وەزارەتی پێشمەرگە# چوەتە بواری جێبەجێکردنەوە.[3]
- ئەمشەو ژمارەیەک چەکدار لەگەڵ برای سەرۆک عەشیرەتێکی سنوری سلێمانی لەگەڵ پۆلیسەکانی هاتوچۆی سلێمانی لە شەقامی سەهۆڵەکە کێشە لەنێوانیاندا دروستبووە و لە وەڵامدا چەکدارەکان تەقەیان بەسەر پۆلیسەکانی هاتوچۆدا کرد و کەس لە ڕووداوەکەدا بریندار نەبوو.[3]
- وتەبێژی #بزووتنەوەی گۆڕان# ئاشکرایدەکات، وەک ناڕازیبوونێک لە بەرامبەر ساختەکاری هەڵبژاردنی پەرلەمانی عێراق و ڕێککەوتنە ژێربەژێرەکان، سبەی دووشەممە بەشداری یەکەم دانیشتنی پەرلەمانی عێراق ناکەین.[3]=KTML_Photo_Begin=https://www.kurdipedia.org/files/relatedfiles/2018/153207/0014.JPG=KTML_Photo_Alt=هەفتەی نمایشی جلوبەرگ لە کوردستان بەڕێوەچوو=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153207/0014.JPG=KTML_Photo_End=
- یەکەم ڕۆژی هەفتەی نمایشی جلوبەرگ لە کوردستان بەڕێوەچوو، لە یەکەمین هەفتەی نمایشی جلوبەرگی کوردستان 60 مۆدێل بەشدار بوون کە 40 یان کچ و 20 یان کوڕ بوون.[4]
$دەرەوەی کوردستان$
- شەوی ڕابردوو، لە فڕۆکەخانەی مزەی سەربازی کە دەکەوێتە ڕۆژئاوای دیمەشقی پایتەختی سوریاوە، چەندین تەقینەوەی گەورە ڕوویانداوە.[1]=KTML_Photo_Begin=https://www.kurdipedia.org/files/relatedfiles/2018/153207/0015.JPG=KTML_Photo_Alt=تەنیا کەسێک بۆ ڕێز گرتن سەری خۆی دانەنواند من بووم=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153207/0015.JPG=KTML_Photo_End=
- لە ئیستەنبووڵ بە بەشداری دەیان هەزار کەس میتینگی (ئاشتی گۆشەگیر ناکرێت) بەڕێوەچوو. لە میتینگەکەدا نوێنەرانی دایکانی ئاشتی، خانەوادەی قوربانیانی کۆمەڵکوژیی پرسووس و کۆمەڵەی 10ی تشرینی یەکەم قسەیان کرد.[2]
- لاوانی کورد ئەمڕۆ لەپێناو ئازادیی ڕێبەر عەبدوڵا ئۆجالان لە شاری دۆرتمۆندی ئەڵمانیا دەستیان بە ڕێپێوانێکی درێژمەودا کرد. پۆلیس ڕێپێوانەکەی قەدەغە کرد و هێرشی کردە سەر لاوان.[2]
- لە پەرلەمانی ئێران، وەزیری دەرەوەی ئێران ڕوبەروی پرسیار کرایەوە سەبارەت بە #ئاڵای کوردستان# کە چۆن ڕازی بووە لە مەراسیمی ناشتنی تەرمی #مام جەلال# کە بە ئاڵای کوردستان داپۆشرا بوو ڕاوەستێ و گوتی: تەنیا کەسێک بۆ ڕێز گرتن سەری خۆی دانەنواند من بووم. چونکە ئاڵای کوردستانی پێوە بوو.[1] پاشتر ئەندامێکی سەرکردایەتی پارتی دیموکراتی کوردستان وەڵامی وەزیری دەرەوەی ئێران دەداتەوە لە بارەی گشتپرسی و ئاڵای کوردستان لەسەر تەرمی مام جەلال و دەڵێت، هەموو وردەکارییەکانی مەراسیمی هێنانەوەی تەرمی مام جەلال، بنەماڵەکەی لێی بەرپرس و ئاگادار بوون نەک مەسعود بارزانی.[4]

$باکووری کوردستان$
- پاش لێسەندنەوەی پارێزبەندی لە پەڕڵەمانتارانی #هەدەپە#، #لەیلا گیوڤەن# و فاریس ئۆگیولاری، شەوی ڕابردوو هەردووکیان لەلایەن تورکەوە دەستگیرکران.[1]
- پارێزگاری دەوڵەتی تورک لە #جۆلەمێرگ# بۆ ئەوەی ڕێگری لە ناڕەزایەتییەکانی گەل لەو شارەدا لە دژی ئەو هێرشەی ڕژێم بگرێت ڕایگەیاند، لە ئەمڕۆوە 5ی حوزەیران بۆ ماوەی 15 ڕۆژ هەموو جۆرە چالاکییەک لە شارەکەدا قەدەغەیە.[3]
- پۆلیسی تورک سەرلەبەیانی ئەمڕۆ لە سەمسوور و جزیر لە چوارچێوەی ئۆپەڕاسیۆنی قڕکردنی سیاسیدا هەڵیکوتایە سەر ماڵان و 5 کەسیان دەستگیرکرد.[3]
$رۆژهەڵاتی کوردستان$
- بە بۆنەی ڕۆژی جیهانیی ژینگه، گرووپی شاخەوانیی ئەنجومەنی “سەوزی چیا” لەگەڵ ئەنجومەنی “پاژینی #بانە#” و گرووپی “شاخەوانیی کۆیار“، بە سەرکەوتن بەسەر کێوی میراج، چالاکییەکیان بەڕێوەبرد و یادی ڕۆژی جیهانیی ژینگەیان بەرز ڕاگرت.[6](بڕوانە فایلی پەیوەندیدار)
$باشووری کوردستان$
- شەوی ڕابردوو جارێکی دیکە هەلیکۆپتەرەکانی دەوڵەتی تورک بۆردومانی سنوری #برادۆست#یان لە پارێزگای #هەولێر# کرد. تورک، بە ئەنقەست ڕەز و باخی گوندنشینانی سنورەکە دەکەنە ئامانج و لەڕێگەی بۆردومانەوە دەیانسوتێنن و زیان بە کشتوکاڵ و ژینگەی ناوچەکە دەگەیەنن. بۆردومانەکان تا ڕۆژی ئەمڕۆ بەردەوامە و لە دوای نیوەڕۆوە زۆر چڕبووەتەوە.[4]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/383585/0009.JPG=KTML_ImageCaption_Title=فڕۆکە جەنگیەکانی تورک دەڤەری برادۆست بۆردومان دەکەن=KTML_ImageCaption_CaptionStyle=000000=KTML_ImageCaption_Caption=فڕۆکە جەنگیەکانی تورک دەڤەری برادۆست بۆردومان دەکەن=KTML_ImageCaption_End=
- 2 تووشبووی دیکەی #کۆرۆنا# لە #سلێمانی# گیانیان لەدەستدا؛ بەمەش کۆی گشتیی ئەو تووشبووانەی کۆرۆنا کە تائێستا لە هەرێمی کوردستان گیانیان لەدەستداوە، گەیشتە 18 کەس.[1](بڕوانە فایلی پەیوەندیدار)
- دوو توشبووی ڤایرۆسی کۆرۆنا لە کەرکووک گیانیان لەدەستدا.[1]
- لە بەردەوامی پشکنینەکان و گەڕان بەدوای گومانلێکراوان و تووشبووان، بیست و نۆ تووشبووی دیکەی ڤایرۆسی کۆڕۆنای نوێ COVID-19 لە شاری هەولێر دەستنیشانکران، پێنج پیاو و نۆ ئافرەت و سێ کچێکی گەنج، دوازدە منداڵ، دوو نیشانەی نەخۆشیەکەیان هەیە و ئەوانی تر هەموویان بەرکەوتووی تووشبووانی پێشوون.[1](بڕوانە فایلی پەیوەندیدار)
- لە بەردەوامی پشکنینەکان و گەڕان بەدوای گومانلێکراوان و تووشبووان، چل و سێ تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکران، بیست و هەشت پیاو و سێزدە ئافرەت و کچێک و کوڕێکی گەنج، چوار تووشبوو بەرکەتووی تووشبووانی پێشوون و تووشبووانی دیکە هەموویان نیشانەی نەخۆشیان هەیە.[1](بڕوانە فایلی پەیوەندیدار)
- وەزارەتی تەندروستی و ژینگەی عێراق ئاماری نۆی تووشبوونی بە ڤایرۆسی کۆرۆنای ڕاگەیاند، لە ڕاگەیاندراوەکەی وەزارەتی تەندروستیدا هاتووە، ئەمرۆ 5ی حوزەیران لە شاری #کەرکووک# 28 حاڵەتی نوێی تووشبوون بە ڤایرۆسی کۆرۆنا تۆمارکراون، هەروەها دوێنێش 11 کەس و پێرێ33 کەسی دیکە لە کەرکووک تووشی ڤایرۆسەکە بوون.[3]
- #هەڤاڵ ئەبوبەکر#، پارێزگاری سلێمانی دەڵێت، ئەگەر خەڵک وەکو ئێستا بێباک بێت و پابەندی ڕێنماییەکان نەبێت، لە سلێمانی کارەسات ڕوودەدات، وەکو ئیتاڵیای لێدێت و دەگەنە قۆناخێک نەتوانن لە نەخۆشخانەکان نەخۆش وەربگرن.[5]
- ئەمشه و بەشێک لە دانیشتوانی شارۆچکەی #کۆیه# و #تەقتەق# خۆپیشاندانی ناڕەزاییان ئەنجامداو داوای موچه و خزمەتگوزارییان کرد. هێزە ئەمنییەکان بەهێز بڵاوەیان بەخۆپیشاندانەکە کردو تەقەیان بەسەر خۆپیساندەراندا کرد.[2]
- هاوشێوەی شەوەکانی ڕابردوو، خۆپیشان لە شارۆچکەی #کفری# بەردەوامە.[4](بڕوانە فایلی پەیوەندیدار)
- سەرلە بەیانی ئەمڕۆ، لە ناوچەی شێخ باوەی سەر بە شارەدێی #جەلەولا# لە شارۆچکەی #خانەقین#، دانیشتوانی گوندی ئیسڵاح و گوندەکانی دیکەی ناوچەکە دەستیان بە خۆپیشاندان دژبە کردەوەکانی ئەم دواییەی چەکدارانی #داعش# لەسنورەکە، دەستیپێکرد. خۆپیشاندەران، بە بەرزکردنەوەی دەیان دروشمی جۆراوجۆر، کە هەمویان داوا لە حکومەتی عێراق دەکەن گیانیان بپارێزێت لە مەترسی هێرشە بەردەوامەکانی چەکدارانی داعش، ڕژانە سەر شەقامەکانی شێخ باوه. خۆپیشاندەران ڕێگای سەرەکی #کەلار#جەلەولایان بە دانانی بەرد و بلۆک و تایەسوتاندن داخست.[2]
- مامۆستایانی ئایینی #پێنجوێن# بڕیاریاندا دەرگای مزگەوتەکان دابخەن و قائیمقامی پێنجوێن-یش دەڵێت، بڕیارەکە لە پێناو پاراستنی تەندروستی هاوڵاتیاندایە.[2]
- ئاگر لە دارستانی دەستکردی دڵۆپە لە کەسنەزان بەربوو، بەوهۆیەوە بە هەزاران داری دارستانەکە سووتان.[5]
$رۆژئاوای کوردستان$
- هێزەکانی سوریای دیموکرات (#هەسەدە#) ڕاگەیاند، لەمیانی ئۆپەراسیۆنەکانی گەڕان و پشکنین بەهاوکاری هێزە ئەمنییەکانی عێراق و هێزی هاوپەیمانان توانیویانە 21 چەکداری سەربە هێزەکانی داعش دەستگیربکەن.[2]
- لە کاتژمێر 06:00ی سەرلەبەیانی لە زیندانێکی ژێر کۆنتڕۆڵی گروپێکی چەتە بەناوی جەبهە شامیەی سەر بە دەوڵەتی تورک لە ناوەندی #گرێ سپی#، ژمارەیەک زیندانی هەڵهاتوون. گروپە چەتەکانی سەر بە دەوڵەتی تورک بەناوی دەستگیرکردنەوەی هەڵاتووەکانەوە دەستیان بە گەڕان کردووە، لە ئەنجامدا لەنیوان چەتەکان و گوندنشینان ئاڵۆزی دروست بوو. گوندنشینان لەدژی گەڕان و دەستگیرکردنی هاوڵاتیان لەلایەن گروپە چەتەکانەوە ناڕەزایەتییان دەربڕی و خۆپیشاندانیان ئەنجامدا.[4]
$دەرەوەی کوردستان$
- پەرلەمانتارانی هەدەپە لە دژی کودەتاکەی ئاکەپە – مەهەپە لە دژی 2 پەرلەمانتاری هەدەپە و پەرلەمانتارێکی جەهەپە، کۆنفرانسێکی ڕۆژنامەنووسییان ڕێکخست و بەرەو گیوڤەن پارکی ئەنقەرە ڕۆیشتن، بەڵام پۆلیس هێرشی کردە سەریان. پۆلیسەکان لە کاتی هێرشکردنە سەر پەرلەمانتارانی هەدەپەدا توندوتیژییان ئەنجامدا و چاکەتەکەی ڕدڤان توران پەرلەمانتاری هەدەپەیان دڕاند.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/383585/0003.JPG=KTML_ImageCaption_Title=پۆلیسی تورک لە ئەنقەرە هێرشی کردە سەر پەرلەمانتارانی هەدەپە=KTML_ImageCaption_CaptionStyle=000000=KTML_ImageCaption_Caption=پۆلیسی تورک لە ئەنقەرە هێرشی کردە سەر پەرلەمانتارانی هەدەپە=KTML_ImageCaption_End=
- ڕوانگەی سوری بڵاویکردەوە کە نۆ سەربازی سوریا لە بۆردومانێکی ئاسمانی ئیسرائیلدا کوژراون کە تیایدا کۆگایەکی چەکی کردووەتە ئامانج.[4]
- کیانوش جەهانپور، وتەبێژی وەزارەتی تەندروستی ئێران، ئەمڕۆ هەینی ڕایگەیاند: لەماوەی 24 سەعاتی ڕابردودا، دو هەزارو 886 حاڵەتی نوێی کۆرۆنا لە ئێران تۆمارکراون و بەوەش کۆی گشتی ژمارەی توشبوان بە کۆرۆنا گەیشتۆتە 167 هەزارو 156 کەس. ئەوەشی خستۆتەڕو کە لەو ماوەیەدا 63 توشبوی کۆرۆنا گیانیان لەدەستداوەو بەوەش لەسەرەتای بڵاوبونەوەی ڤایرۆسەکە لە ئێران تا ئێستا هەشت هەزارو 134 توشبو گیانیان لەدەستداوە.[2]
- بەپێی ئاماری بەرپرسانی دەوڵەتی تورک لە ماوەی 24 کاتژمێری ڕابردوودا لە تورکیا 18 کەس بەهۆی پەتای ڤایرۆسی کۆرۆنا (Covîd-19)ەوە گیانیان لە دەستداوە.[3](بڕوانە فایلی پەیوەندیدار)
- کۆمپانیای فەیسبوک ژمارەیەک پەیج و ئەکاونتی کوردی دادەخات کە بەبڕی 27 دەفتەر دۆلار ڕیکلامیان بۆ پۆستەکانیان کردووە. ئاماژە بۆ ئەوەش دەکات کە ئه و پەیج و ئەکاونتانە سەر بەدەزگای زانیاریی یەکێتی بوون.[2]

$باشووری کوردستان$
- #مەسعود بارزانی# لە تویتێکدا بە تڕەمپ دەڵێت: بەڕێز سەرۆک دۆناڵد ترەمپ، بۆ ئاگاداریی جەنابت: گەلی کوردستان هەمیشە داوای مافە ڕەواکانی خۆی کردووە و بەرگریی لە خۆی کردووە. پێشمەرگە ئەفسانەی داعشی تێکشکاند و کورد بەشێکی کاریگەر بوون لە هاوپەیمانیی دژی تیرۆر. خوێنی کورد زۆر لە چەک و پارە، بەهادارترە.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/370389/0007.JPG=KTML_ImageCaption_Title=لە تۆڕە کۆمەڵایەتییەکانەوە: 09-10-2019، خوێنی کورد زۆر لە چەک و پارە، بەهادارترە=KTML_ImageCaption_CaptionStyle=000000=KTML_ImageCaption_Caption=لە تۆڕە کۆمەڵایەتییەکانەوە: 09-10-2019، خوێنی کورد زۆر لە چەک و پارە، بەهادارترە=KTML_ImageCaption_End=
- #مەسرور بارزانی# سەرۆکی حکومەتی هەرێمی کوردستان بە فەرمی مەرسومی دەستبەکاربوونی بۆ (#ئایدن مەعروف#) وەزیری هەرێم دەرکرد و لەمەرسومەکەدا ناوی وەک (وەزیری هەرێم بۆ کاروباری پێکهاتەکانی هەرێمی کوردستان) دیاریکردووە و لەمەودوا دەستبەکارەکانی دەکات. هەربەپێی مەرسومەکە کارەکانی وەزیری ناوبراو تایبەت دەبێت بە بەدواداچوون و ئاگاداربوون لەکێشە و پرسەکانی تایبەت بە پێکهاتەکان لە هەرێمی کوردستان.[2]
$رۆژئاوای کوردستان$
- هێزەکانی سوریای دیموکراتیک (#قەسەدە# - QSD) لەبارەی جمووجۆڵەکانی سەربازی دەوڵەتی تورک کە هەڕەشە لە باکوور و ڕۆژهەڵاتی سوریا دەکات ڕاگەیەندراوێکی بڵاوکردەوە. قەسەدە لە ڕاگەیەندراوەکەدا باسی ئەوەی کرد، جمووجۆڵی سوپای تورک و زانیاریەکان کە لە هەرێمەکە دەگەنە دەستمان نیشانی دەدات دەولەتی تورک و گروپە چەتەکانی بەنیازن هێرشێکی فراوان ئەنجام بدەن.[1]
- بەرەبەیانی ئەمرۆ، لە شارەی ڕەققە، چەکدارەکانی #داعش# لەناکاو هێرشیان کردووەتە سەر چوار خاڵی هێزەکانی سوریای دیموکرات.[2]
- لەگەڵ دەستپێکردنی جوڵەی سوپای تورکیا و گروپە چەکدارەکان، ئیدارەی خۆبەڕێوەبەرێتی ڕۆژئاوای کوردستان ئامادەباشی گشتی لە باکور و ڕۆژهەڵاتی سوریا ڕاگەیاند.[2]
- فڕۆکە جەنگییەکانی دەوڵەتی تورک گوندی مشرەفای سەرێکانی بۆردومان دەکات.[1]
- بە بڕیاری بەڕێوەبەرایەتی خۆسەر، دەروازەی سێمالکا لە نێوان باشوور و ڕۆژئاوای کوردستان داخرا.[4]
- هێزەکانی سووریای دیموکرات ڕایگەیاند، لە چوارچێوەی هێرشی تورکیادا بۆ سەر ڕۆژئاوای کوردستان، 25 فڕۆکەی جەنگیی ناوچە سنوورییەکانی ڕۆئاوای کوردستان بۆردومان دەکەن.[4]
- هێزەکانی سوریای دیموکرات (#هەسەدە#) بەهۆی هێرشەکانی تورکیاوە ئۆپراسیۆنەکانی دژی تیرۆرستانی داعش وەستاند.[6]
$دەرەوەی کوردستان$
- فەخرەدین ئاڵتون بەڕێوەبەری پەیوەندییەکانی سەرۆکایەتی تورکیا لە تویتێکدا ڕایگەیاند: سوپای تورکیا و لە گەڵ سوپای سوریای ئازاد بەمنزیکانە دەپەڕێتەوە سنوری تورکیا-سوریا.[2]
- #ڕەجەب تەیب ئەردۆغان# لە توویتێکدا ڕایگەیاند: سوپای تورکیا پێکەوە لەگەڵ سوپای میللی سووریا ئۆپەراسیۆنی کانی ئاشتی یان لە دژی ڕێکخراوەکانی تیرۆریستی پەکەکە/#یەپەگە# و داعش لە باکووری سووریا دەستپێکرد.[5]
- وەزارەتی بەرگری تورکیا، ڕایگەیاند، هێزە چەکدارەکانی بە هەماهەنگی لەگەڵ دەزگای هەواڵگری توانیویانە لە ناوچە سنوورییەکانی باکووری عێراق 9 چەکداری #پەکەکە# بکوژن. لە بەیاننامەیەکدا، وەزارەتی بەرگری تورکیا ڕاشیگەیاند، ئه و چەکدارانە لە ئاکامی بۆردومانی فڕۆکە جەنگییەکانی تورکیا بۆ سەر خواکوڕک و حەفتانین لە باکووری عێراق (هەرێمی کوردستان) کوژراوون.[4]
- بە پێی هەواڵی ئاژانسی هەواڵی فرانسا لە کۆشکی ئیلیزە، ماکارۆن لەگەل ئیلهام ئەحمەد دانیشتووە و ئەوەی خستووتە ڕوو کە لە ئەگەری هێرشی دەوڵەتی تورکیادا دەوڵەتی فەرانسا هەلوێست نیشان دەدات. سەرچاوەکانی نزیک لە سەرۆک کۆماری فەرانسا وتیان، ئەوەی کە ئاشکرایە فەرانسا لەگەل قەسەدە دایە. بۆئەوەی کە یەکێک لە هاوکارە گرینگەکانی ئێمە بوون لە دژی داعش.[1]
- ڕێس ڤان هۆلین، کۆنگرێسمانی ئەمەریکی دەمی هەڕەشەی لە ئەنقەرە کرد و گوتی: دەبێت تورکیا باجی ئه و هێرشەی بداتەوە، کە بۆ سەر باکووری ڕۆژهەڵاتی سووریا دەستی پێکردووە.[4]
- یەکێتی ئەوروپا داوا لە #ڕەجەب تەیب ئەردۆگان# سەرۆک کۆماری تورکیا دەکات هێرشەکانی بۆ سەر باکوری سوریا ڕابگرێت و لەناوچەکەش بکشێتەوە.[6]
- سەرۆکی کۆمکاری عەرەبی ئەحمەد ئەبو غەیت بێزاری و ناڕەزایی خۆی لەبەرامبەر خۆئامادەکردنی تورکیا بۆ هێرش و بەرپاکردنی شەڕ لەناو خاکی سوریا دەربڕیی.[6]
- وەزارەتی بەرگری تورکیا دەستپێکردنی هێرشی زەمینی بۆ سەر ناوچەکانی ڕۆژئاوای کوردستان ڕاگەیاند.[4]
- عێراق، سعوودیە، ئیمارات، میسر و بەحرەین ئیدانەی هێرشەکەی تورکیا دەکەن بۆ سەر ڕۆژئاوای کوردستان.[3]

1-سالار مەحمود - یەکێتی
2-گەشە دارا - یەکێتی
3-ڕێواز فایەق - یەکێتی
4-زانا عەبدولڕەحمان - یەکێتی
5-قارەمان قادر - گۆڕان
6-عەلی حەمەساڵح - گۆران
7-عومەر عینایەت - گۆران
8-سۆران عومەر - کۆمەڵی ئیسلامی
9-عەبدولڕەحمان عەلی - گۆران
10-ئەنوەر قادر - گۆڕان
#13-02-2018#

وەزیری بەرگری تورکیا ئاشکرایکردووە، لەماوەی 12 ساڵی ڕابردوودا ڕێژی خۆکوشتن لە ناو ڕیزەکانی سوپادا بە ڕێژەیەکی بەرچاو زیادیکردووە.پەرلەمانتارێکیش لە چوارچێوەی ئه و هەواڵەدا پێشنیازی لەسەر کار لابردنی سەرۆکی پەرلەمانی ئه و وڵاتە دەکات.
بە پێی هەواڵێکی ڕۆژنامەی"وەتەن"ی تورکیا، عیسمەت یەڵماز وەزیری بەرگری تورکیا ئاشکرایکردووە، لەماوەی 12 ساڵدا 1035 سەرباز خۆیان کوشتووە، بەڵام باسی هۆکاری خۆکوشتنەکانی نەکردووە.
لای خۆشیەوە، پەرلەمانتاری "جەهەپە" محەمەد تاناڵ، پێشنیازی ئەوەیکردووە سەرۆکی پەرلەمانی ئه و وڵاتە لەسەر کار لابدرێت، چونکە ڕێژەی خۆکوشتن لە ڕیزی سوپادا زۆرە.
کۆمەڵەی ئەفسەرانی خانەنشینکراو بڕیاریانداوە دەست بە مانگرتن بکەن بۆ ماوەی سێ ڕۆژ، ئەوەش وەکو دەربڕینی ناڕەزایەتیەک بۆ زیادبونی ڕێژەی خۆکوشتن.
عەلی دەمیرجالی پەرلەمانتاری پارتی نەتەوەی کۆماری لەسەر شاری ئەدەنە، داوایکرد وەزیری بەرگری لەسەر هەمان هۆکار لەکار لاببرێت.
- 03-12-2013

لە ئەنجامی چەند چالاکییەکی گەریلاکانی هەپەگە لە هەرێمی کوردستان، بەدلیس، شرناخ و دەرسیم 11 سەرباز کوژراون و گورز لە هەلیکۆپتەری سوپای تورک درا.
ئەمڕۆ ناوەندی ڕاگەیاندنی هێزەکانی پاراستنی گەل- هەپەگە، لە سەر ماڵپەڕی فەرمییدا لە بارەی چەند چالاکییەکی گەریلاکانییەوە ڕاگەیەندراوێکی بڵاوکردەوە.
لە ڕاگەیەندراوی هەپەگەدا هاتووە: لە هەنگاوی شۆڕشگێڕانی شەهید ئاگری و شەهید پیرۆزدا، گەریلاکانمان دوێنێ کاتژمێر 10:40 خولەکی سەرلەبەیانی لە سەر گردی بەیرەقی دەڤەری بارزان لە باشوری کوردستان، چالاکییەکیان بەقەناس لە دژی هێزەکانی سوپای تورک ئەنجامدا، لەو چالاکییەدا سەربازێکی دوژمن کوژرا.
لە بەردەوامیدا ڕاگەیەندراوە: 2ی ئایار کاتژمێر 10:30 خولەکی سەرلەبەیانی گەریلاکانمان لە بارەگای هەوریزی سەربە ناوچەی شەهید مزگینی بەدلیس چالاکییەکیان ئەنجامدا، لەو چالاکییەشدا سەربازێکی دوژمن کوژرا.
لە بەشێکی دیکەی ڕاگەیەندراوەکەدا هەپەگە ئاشکرایکردووە: لە هەنگاوی شۆڕسگێڕانەی شەهید دەلال ئامەد و شەهیدانی بەستا، ڕۆژی 29ی نیسان کاتژمێر 01:00ی نیوەڕۆ گەریلاکانمان لە سەر گردی دۆغانی سەربە ناوچەی سێگرکی شرناخ چالاکییەکیان ئەنجامدا، لەو چالاکییەدا ژمارەیەک لە سەربازەکانی سوپای تورک کوژران و برینداربوون، بەڵام نەزانرا ئەو ژمارەیە چەندە.
هەپەگە ڕاشیگەیاندووە: هەر ئەو ڕۆژە سوپای تورک بە بەشداربوونی چەندین هەلیکۆپتەری کوبرا لە ناوچەی بێناڤییان ئۆپەراسیۆنێکی دەستپێکرد، کاتژمێر 02:00ی پاشنیوەڕۆش هەوڵیاندا بە هەلیکۆپتەری سکۆرسکی سەربازەکانیان لە ناوچەکەدا جێگربکەن، گەریلاکانمان دەستڕێژیان لەو هەلیکۆپتەرانە کرد، لە ئەنجامدا گورز لەو سێ هەلیکۆپتەرە درا، هێزەکانی سوپای تورک پاش ئەو چالاکییەی گەریلاکان لە ناوچەکە کشانەوە.
ئاماژە بەوەشدراوە: ڕۆژی 30ی نیسان کاتژمێر 05:00ی ئێوارە، چالاکییەک لە ناوچەی شکێرا کەرا ئەنجامدرا، لەو چالاکییەدا گورزی سەخت لە هێزەکانی سوپای تورک درا و ژمارەیەک سەرباز کوژران و برینداربوون.
لە بارەی چالاکییەکی دیکەشەوە، هەپەگە ڕایگەیاند: لە هەنگاوی شۆڕشگێڕانەی شەهید دەلال ئامەد و شەهیدانی بەستا، گەریلاکانمان ڕۆژی 1ی ئایار کاتژمێر 06:00ی ئێوارە لە گردی نیڤرۆی سەربە سلۆپیی شرناخ چالاکییەکیان ئەنجامدا، لەو چالاکییەدا سەربازێک کوژرا.
لە کۆتاییدا سەبارەت بە کوژرانی 8 سەرباز لە دەرسیم ڕایگەیاند: ڕۆژی 30ی نیسان لە نزیک گوندی کالیکوندری سەربە ناوەندی دەرسیم لە دژی یەکینەیەکی نهێنیی سوپای تورک چالاکییەک ئەنجامدرا، گەریلاکان لە چوار قۆڵەوە ئەو چالاکییەیان ئەنجامدا، لە ئەنجامدا هەشت سەرباز کوژران.[1]
#03-05-2018#

$باکووری کوردستان$
- کاتژمێر 09:51ی ئەمڕۆ، بوومەلەرزەیەک بە گوڕی 5، 6 پلەی ڕێختەر ناوچەیەکی باکووری کوردستانی هەژاند. بوومەلەرزەکەی ئەمڕۆ ناوچەی کانی ڕەشی لە شاری چەولیک هەژاندووە، ئەمەش دووەم بوومەلەرزەیە لە ماوەی 24 کاتژمێری ڕابردوودا ناوچەکە دەهەژێنێت.[4]
$رۆژهەڵاتی کوردستان$
- کۆڵبەرێک بە ناوی “ڕەسووڵ حەسەنزادە” بەهۆی تەقەی ڕاستەوخۆی هێزەکانی ڕژیم لە سنووری “دۆڵەتوو“ی #سەردەشت# بە سەختی برینداربوو و بە مەبەستی چارەسەریی پزیشکی ڕەوانەی ناوەندی دەرمانیی شاری سەردەشت کرا. هەروەها لە هەمان ڕۆژ، کۆڵبەرێکی دیکە بە ناوی “هادی ڕاستی” خەڵکی بانە، لە سنووری “کانی سێو“، لە ئەنجامی تەقەی ڕاستەوخۆی ئەم هێزانە بریندار کرا و بۆ ناوەندی دەرمانیی بانە ڕاگوێزراوە. شایانی باسە، پزیشکەکان بارودۆخی تەندروستیی ناوبراویان نالەبار ڕاگەیاندووە.[6]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/383595/0040.JPG=KTML_ImageCaption_Title=برینداربوونی دوو کۆڵبەر لە سنوورەکانی سەردەشت و بانە=KTML_ImageCaption_CaptionStyle=000000=KTML_ImageCaption_Caption=برینداربوونی دوو کۆڵبەر لە سنوورەکانی سەردەشت و بانە=KTML_ImageCaption_End=
- ڕاپۆرتەکان باس لەوە دەکەن کە لەماوەی یەک دوو ڕۆژی ڕابردووا، بەندکراوێکی خەڵکی گوندی “زامن ئاوا“ی شاری #سەقز# بە ناوی “کەماڵ حسێنی” لە زیندانی ناوەندی ئەمشارە، بەهۆی تووشبوون بە ڤایرۆسی #کۆرۆنا#وە گیانی لەدەستداوە.[6]
- لە ماوەی ڕۆژانی ڕابردوودا، ژمارەیەک لە چالاکانی میدیایی کورد، بانگهێشتی ستادی خەبەریی ئیدارەی ئیتلاعاتی شاری #سنە# کراون و لێپرسینەوەیان لەگەڵ کراوە. ئەو چالاکانە بە تۆمەتی هاوکاری لەگەڵ کاناڵەکانی دژی نیزام بانگهێشت کراون و لێپرسینەوەکەیان بۆ ماوەی دوو کاتژمێر درێژەی کێشاوە.[9]
- بەهۆی شەڕ و تێکەڵچوونی مەئموورانی سنوورپارێزیی حکوومەت لەگەڵ کاسبکاران لە سنووری #بانە#، یەکێک لە مەئموورانی حکوومەت کوژرا. هەواڵدەرییەکانی حکوومەت، شوناسی ئەو مەئموورە سنوورپارێزەیان بە ناوی ئیستواری یەکەم عەلی خەلیلی ڕاگەیاندووە.[9]
- بە هۆی تەقینەوەی مین لە ناوچەی سنورییەکانی بانە و #ورمێ# لە ڕۆژهەڵاتی کوردستان جووتیارێک گیانی لە دەست دا و #کۆڵبەر#ێکیش بریندار بووە.[8]
$باشووری کوردستان$
- درەنگای شەوی ڕابردوو، تا ئەم بەیانییە، تورک بە دەیان فڕۆکەی ئێف 16ی ئەمریکی، دەیان ئامانجی بنکەکانی #پەکەکە#ی لە #مەخموور#، #شنگال#، #قەندیل# و ناوچەی پاراستنی میدیا بۆردوومانکرد. بۆردوومانەکان زۆر چڕبوون و بریندار و زیانی ماڵی زۆری بەدواوە بوو.[1]
- هەندێک سەرچاوە باس لەوەدەکەن کە پێش دەستپێکردنی بۆردومانەکەی تورکیا پاسەوانەکانی کەمپەکە زانیارییان پێگەیشتوە کە تورکیا بۆردومان دەکات، بۆیە ئامادەکاری پێشوەختەی خۆیان کردوەو لە بۆردومانەکەشدا هیچ کەسێک شەهیدو بریندار نەبووە.[3]=KTML_Embed_Begin=width:20%;height:20%;float:left;=KTML_Embed_Alt=بۆردوومانی تورک بۆسەر کامپی پەنابەران لە مەخموور=KTML_Embed_Source=https://www.kurdipedia.org/files/relatedfiles/2020/383595/0001.MP4?ver=132366855402335713=KTML_Embed_End=
- هاوکات لەگەڵ بۆردوومان و داگیرکارییەکان، دەوڵەتی تورک هێزێکی زۆری هێناوەتە سنووری برادۆست، هەروەها شۆفڵ و حەفارە و ئامێرەکانی دیکەی تایبەت بە دروستکردنی ڕێگا و بارەگای لەگەڵ هێزەکەدا جێگیرکردووە.[5]
- دوای ئەوەی هێزە ئەمنییەکانی شاری #هەولێر# ڕێگریان لە ئەنجامدانی گردبوونەوەی هاوڵاتیانی شاری هەولێر کرد، کە بڕیاربوو دژی هێرشەکانی شەوی ڕابردووی فڕۆکەکانی دەوڵەتی تورک بۆسەر هەرێمی کوردستان ئەنجامبدرێت، چەندین چالاکوانیان دەستگیرکردووە، لەنێو گیراوەکان دوو ئەندامی باڵای حزبی شیوعیی تێدایە.[5]
- ئێوارەی ئەمڕۆ لەبەردەم باخی گشتی شاری سلێمانی، خۆپیشاندانێکی فراوان بە بەشداریی سەدان کەس بەرەو شەقامی سەهۆڵەک ئەنجامدرا، لە دژی ئەو هێرشانەی شەوی ڕابردووی دەوڵەتی داگیرکەری تورک، بۆسەر چەندین ناوچەی باشوری کوردستان ئەنجامیدا.[5](بڕوانە فایلی پەیوەندیدار)
- هاوڵاتیانی ڕانیە، دژی هێرشی شەوی ڕابردووی فڕۆکە جەنگییەکانی دەوڵەتی تورک بۆسەر باشوری کوردستان، خۆپیشاندانیان ئەنجاداو سەرەڕای شەرمەزارکردنی دەوڵەتی تورک، داوایانکرد، کە دەسەڵاتدارانی هەرێمی کوردستان و عێراق هەڵوێستیان هەبێت بەرامبەر بەو هێرشانە.[5]
- 2 تووشبووی ڤایرۆسی کۆڕۆنا لە سلێمانی گیانیان لەدەستدا.[1]
- لە ڕاگەیەندراوێکدا دادگای بەرایی #دوکان# ئاشکرای کرد: بەهۆی تووشبوونی یەکێک لە فەرمانبەرانی دادگای بەرایی دوکان بە ڤایرۆسی کۆرۆنا، لەبەر بەرژەوەندی گشتی و پاراستنی تەندروستی دادوەران و فەرمانبەران و هاووڵاتییان سەرۆکی دادگای تێهەڵچونەوەی ناوچەی سلێمانی بڕیاریدا بە کەرەنتینکردنی دادگای بەرایی دوکان بۆ ماوەی چواردە ڕۆژ.[4]
- سەرۆکی پەرلەمانی کوردستان هەڵگرتنی پارێزبەندی سەر پەرلەمانتار #سۆران# عومەر کە بەدەنگی 57 پەرلەمانتار پەسەندکرا هەڵدەوەشێنێتەوە.[3]
- میر کامیران خەیری بەگ یاریدەدەری میری کوردانی ئێزدی بۆ کاروباری ئایینی کۆچی دوایی کرد.[3]
- د. ئومێد عەلی، بەڕێوەبەری نەخۆشخانەی شار لە #سلێمانی# تووشی کۆرۆنا بووە و لە ماڵەکەی خۆیدا خۆی کەرەنتین کردووە.[1]
- نیوەڕۆی ئەمڕۆ لەگوندی پەڵکانەی سەربە #خورماتوو# بۆمبێک بەهێزەکانی سوپای عیراقدا تەقیوەتەوەو سێ کوژراو دوو برینداری لێکەوتووەتەوە.[3]
$رۆژئاوای کوردستان$
- سێ ژنە چەکداری #داعش# دوای ئەوەی لە کەمپی هۆل لە #حەسەکە# ڕایانکرد، لەلایەن هێزەکانی سەر بە ئاسایش لە ڕۆژئاوای کوردستان دەستگیرکرانەوە.[4]
$دەرەوەی کوردستان$
- بەگوێرەی ڕاگەیێندراوێک کە لەلایەن وەزارەتی بەرگری تورکیا بڵاوکراوەتەوە، کاژێر 00:00 فڕۆکە جەنگییەکانی سوپای تورکیا بنکە و بارەگاکانی پەکەکەیان لە ناوچەکانی شنگال، قەرچووغ، قەندیل، زاپ، ئاڤاشین، باسیان و خواکوڕک بۆردوومانکردووە و لە بۆردوومانەکاندا 81 ئامانجی پەکەکەیان پێکاوە.[2]
- کەریم عەلەوی، ئەندامی لیژنەی ئاساییش و بەرگری پەرلەمانی عێراق لە بەیاننامەیەکدا ڕایگەیاندووە، تورکیا بەردەوامە لە پێشێلکردنی خاک و سەرەوەری عێراق و پێویستە باڵیۆزی ئەو وڵاتە لە بەغدا بانگهێشت بکرێت بۆ ڕوونکردنەوەی ئەو پێشێلکاریانە.[5]
- فەرماندەی چالاکیە هاوبەشەکانی عێراق لەبارەی هێرش و داگیرکاریەکانی دەوڵەتی تورکیا بەیاننامەیەکی بڵاوکردوە و داوا دەکات تورکیا هێرشەکانی ڕابگرێت و ڕێز لەسەروەری خاکی عێراق بگرێت.[7]
- کۆمکاری عەرەبی، لە دژی هێرشەکانی سوپای تورکیا بۆ سەر سنوورەکانی هەرێمی کوردستان هەڵوێستی نیشاندا و دەڵێت، کە هێرشەکانی تورکیا بۆسەر خاکی وڵاتانی عەرەبی لە عێراق و سوریا و لیبیا مایەی قبوڵ نییە و لەلایەن دەوڵەتانی عەرەبییەوە ڕەتدەکرێتەوە.[5]
- وەزارەتی تەندروستی عێراق، ڕایگەیاند: لەماوەی 24 سەعاتی ڕابردودا 1106 کەسی دیکە توشی کۆرۆنا بون و 45 توشبوی ڤایرۆسەکەش گیانیان لەدەستداوەو ژمارەی ئەو توشبوانەشی چاکبونەتەوە ڕو لە هەڵکشانە بەشێوەیەک لەماوەی ئەو 24 سەعاتەی ڕابردودا 1150 توشبو چاکبونەتەوە.[8]
- ژنانی کورد لە ستوکهۆلمی پایتەخی سوید بۆ ڕسواکردنی هێرشە ئاسمانیەکانی دەوڵەتی داگیرکەر تورک بۆ سەر هەریمەکانی پاراستنی میدیا و شەنگال و مەخمور و هاوکات بۆ ئیدانەکردنی بێدەنگی هێزە نێودەوڵەتیەکان، دەستیان بە چالاکی ئێشکگری کرد.[7](بڕوانە فایلی پەیوەندیدار)

$باشووری کوردستان$
- شەوی ڕابردوو تۆپخانەکانی تورکیا گوندەکانی بەرمیزە و خواکورک و گەلیە ڕەش وچەند ناوچەیەکی تریان لە سنووری شارەدێی #سیدەکان#-ی سەربە شارۆچکەی #سۆران#ی لە سنووری پارێزگای #هەولێر# تۆپباران کرد.[4]
- شاندی #کۆنگرەی نەتەوەیی کورد# - کەنەکە و نوێنەرانی بەشێک لە حزبەکان و پێکهاتە ئایینییەکانی باشووری کوردستان، کە 10 ئەم مانگە بەڕێکەوتن بۆ عەفرین، گەیشتنەوە شاری هەولێر و لە پرێس کۆنفرانسێکدا باسی بارودۆخی عەفرینیان کرد.[4]
- سوپای تورکیا بە قوڵایی زیاتر لە 10 کیلۆمەتر خاکی باشووری کوردستانی لە سنووری سیدەکانی سەربە شارۆچکەی سۆران بەزاندووە، بەردەوام لە ڕێگەی هەلیکۆپتەرەوە سەربازی زیاتر لە بەرزاییەکانی گوندی بەرمیزە دا‌دەبەزێنێ و، بۆردوومان و تۆپبارانی سنوورەکە دەکات، ئەمەش ژیانی گوندنشینانی سەر سنووری تێکداوە و خەڵک لە دڵەراوکێدان.[3]
- #لاهور شێخ جەنگی# بەرپرسی ئاژانسی پاراستن و زانیاری/ زانیاری هەرێمی کوردستان پەیامێکی لەبارەی ڕووداوەکانی #16ی ئۆکتۆبەر# و ڕۆژانی دواتر بڵاوکردەوە و تیایدا داوای پێکهێنانی لیژنەیەک دەکات بۆ لێکۆڵینەوە لەو بابەتە.[2]
- ڕاوێژکارێکی ئایینیی مەکتەبی سیاسی #یەکێتیی نیشتمانیی کوردستان#، ڕایدەگهەیەنێت: ئەگەر هەڵوێستی جدیی و کردارییمان نەبێت لەسەر ئەو هێرشانەی کە دەکرێنە سەر عەفرین، دەبێت چاوەڕێی ئەوە بکەین، کە تورکیا باشووری کوردستانی داگیر بکات.[4]
- بە بۆنەی گیرانی عەفرین لە زۆرێک لە شار و شارۆچکەکانی باشووری کوردستان خەڵکانێک وەک پشتگیریی عەفرین هاتنەسەر شەقامەکان و ناڕەزایی خۆیانیان دەربڕی.[1]
$رۆژئاوای کوردستان$
- سەرچاوەکان باس لە بۆردوومانی چڕی تورک دەکەن بۆ سەنتەری #عەفرین# و گەڕەکی مەحمودییە، هەروەها باس لەوەش دەکرێت کە شەڕ لە لێوار و نزیک ناوەندی عەفریندایە.[1]=KTML_Embed_Begin=width:25%;height:20%;float:right;=KTML_Embed_Alt=تاڵانکردنی عەفرین لەلایەن تورک و چەتە ئیسلامییەکانەوە=KTML_Embed_Source=https://www.kurdipedia.org/files/videos/2018/97013.mp4=KTML_Embed_End=
- وتەبێژی ئۆپەراسیۆنی گەردەلوولی جزیرە ڕایدەگەیەنێت بەفەرمی ئۆپەراسیۆنی گەردەلوولی جزیرە ڕادەگرین و تەواوی هێزەکانمان لە دێڕەزۆر دەکشێنینەوەو دەچینە عەفرین بۆ ڕووبەڕووبوونەوەی سوپای تورکیا و گرووپە توندروەکان.[2]
- لە دەوروبەری عەفرین شەڕێکی هێجگار سەخت لەنێوان #شەڕڤان#انی #یەپەگە# و #یەپەژە# و چەتەکانی داگیرکەری تورک و تاقمە چەتەکانی دەقەومێت. هاوکات، لە ئاسمانیشەوە دەیان فڕۆکەی جەنگی ناو شاری عەفرین و دەوروبەری بەشێوەیەکی زۆر قوورس بۆردوومان دەکەن. لە زەمینیشەوە موشەکخانە و تۆپخانەکانیش بەچڕی موشەک و تۆپبارانی سەدان هەزار هاووڵاتی مەدەنی دەکەن، کە هێشا لەشاردا ماونەتەوە و ئامادە نیین بەجێیبهێڵن. لەگەڵ ئەمەشدا، لە ئێوارەوە تا ئێستا زیاتر لە پازدە هەزار لە ئەندامانی تیمە تایبەتەکان و سەربازانی تورک و چەتەکانی ئەلقاعدە و بەرەی نووسرە، لە چەندین بەرەی نزیک شارەوە بەچەکی قوورس هێرش دەکەن سەر سەنگەرەکانی شەڕڤانان.[1]
- هێرشە دڕندانەکانی سوپای تورک لە 58-ەمین ڕۆژیدا گەیشتە ناوەندی عەفرین، لە ئەنجامی بۆردوومان و تۆپبارانکردنی هاووڵاتییاندا سەدان هاووڵاتی کۆمەڵکوژکران.[4]
- سەرۆککۆماری تورکیا، ڕایگەیاند: لە کاژێر 8:37 خولەکی بەیانی ئەمڕۆ عەفرین کۆنترۆڵکراوە و ئاڵای تورکیامان لە سەنتەری عەفرین هەڵکرد.[3] بەڵام یەپەگە هێشتا ئەمەی پشتڕاست نەکردووەتەوە و بەپێچەوانەوە دەڵێن کە شەڕی قوورس لە ناوەندی عەفرین هەیە.[1]
- #ساڵح موسلیم# بەرپرسی پەیوەندییەکانی دەرەوەی #تەڤدەم# ڕاگەیاند کشانەوە لە عەفرین مانای دۆڕانی جەنگ و دەستبەرداربوون لە خەبات نییە.[2]
- سوپای تورک و میلیشیا ئیسلامییەکان عەفرین تاڵان دەکەن.[1]
- لە هێرشێکی لێدە و ڕاکەی شەڕڤانان بۆ ناو عەفرین دەیان سەرباز و چەتەی ئیسلامی کوژران.[1]
$دەرەوەی کوردستان$
- ئا ئەمڕۆ هیچ دەوڵەتێکی خۆراوایی، کۆمەڵکوژیی عەفرینی بەهەند وەرنەگرتووە و هیچ فشارێکی ئەوتۆ نەخراوەتە سەر تورک بۆ وەستاندنی هێرشەکان.[1]
- لە چەندین وڵاتی ئەوروپی، کوردستانییان هێرش و داگیرکردنی عەفرینیان شەرمەزارکرد.[1]

$باکووری کوردستان$
- ڕێپێوانی دیموکراسیی پارتی دیموکراتیکی گەلان (هەدەپە) بەردەوامە. قۆڵی #جۆڵەمێرگ#ی ڕێپێوانەکە دوای ئەوەی گەیشتە #ئامەد# و کۆتایی بە کار و چالاکییەکانی لە ئامەد هێنا دەستیان بە ڕێپێوانەکەیان کردەوە. ئەندامانی هەدەپە کە پەرلەمانتاریشیان لە ناودایە بۆ درێژەدان بە ڕێپێوانەکەیان و چوونە دەرەوە لە شاری ئامەد کۆبوونەوە.[5]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/383599/0004.JPG=KTML_ImageCaption_Title=هەدەپە لە ئامەدەوە دەستی بە ڕێپێوانەکەی بەرەو ئەنقەرە کرد=KTML_ImageCaption_CaptionStyle=000000=KTML_ImageCaption_Caption=هەدەپە لە ئامەدەوە دەستی بە ڕێپێوانەکەی بەرەو ئەنقەرە کرد=KTML_ImageCaption_End=
- سەربازانی دەوڵەتی تورکی داگیرکەر بە پاساوی ئەوەی ئۆپراسیۆنی سەربازی ئەنجام دەدەن، قەدەغەی هاتوچۆکردنی هاووڵاتییانیان بەسەر 15 گوندی ناوچەی تاتوانی #بەدلیس# دا سەپاند.[5]
- پۆلیسەکانی دەوڵەتی تورک هەڵیانکوتایە سەر ماڵی هاووڵاتییان لە ئامەد و لەو هەڵکوتانەیاندا جەیلان ئاسلان ئەندامی ئەنجوومەنی شارەوانیی گەورە شاری ئامەد و ژیان تاش چالاکوانی بزووتنەوەی ژنانی ئازاد دەستگیرکران.[5]
$رۆژهەڵاتی کوردستان$
- دوو زیندانی بە ناوەکانی یووسف زەمانی و سینا مەردانی لە زیندانی ناوەندیی #سنە#، تووشی ڤایرۆسی کۆرۆنا بوون.[8]
$باشووری کوردستان$
- داگیرکەری تورک، کۆمەڵکوژیی ئەنجامدا و لە سنووری #شیلادزێ# 5 هاوزمان شەهید بوون و چەند کەسێکیش برینداربوون.[7](بڕوانە فایلی پەیوەندیدار)
- فڕۆکە جەنگیەکانی دەوڵەتی داگیرکەری تورک گوندێکی ناوچەی دەرکارێی #زاخۆ#یان بۆردومان کرد.[5]
- سەرچاوەیەک لە تەندروستی سلێمانی ڕایگەیاند، دوو تووشبووی دیکەی کۆرۆنا لە سلێمانی گیانیان لەدەستداوە.[3]
- وەزارەتی تەندروستیی هەرێم ڕایگەیاند: لە ماوەی شه و و ڕۆژێکدا 228 کەس تووشی ڤایرۆسی کۆرۆنا بوونە و 6 کەسی دیکەش گیانیان لەدەستداوە.[7](بڕوانە فایلی پەیوەندیدار) =KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/383599/0016.JPG=KTML_ImageCaption_Title=دایکی یەک لە شەهیدەکانی ئەمڕۆ=KTML_ImageCaption_CaptionStyle=000000=KTML_ImageCaption_Caption=دایکی یەک لە شەهیدەکانی ئەمڕۆ=KTML_ImageCaption_End=
- #ڕێکەوت زەکی#، ئەندامی ئەنجومەنی پارێزگای سلێمانی لە فراکسیۆنی یەکێتی ڕایگەیاند: دەبێت هەرێمی سلێمانی بەتەنیشت هەرێمی هەولێرەوە دروست بکرێت و ئەوەش داوایەکی دەستورییە هەروەک ئەوەی کە حکومەتی هەرێم داوای جێبەجێکردنی دەستور لەبەغدا دەکات.[6](بڕوانە بابەتی پەیوەستکراو)
- شەوی ڕابردوو، لە #هەولێر# لەسەر یاری کۆنکان شەڕ ڕویداوە و لە ئەنجامی تەقەکردنیشدا سێ کەس گیانیان لەدەستداوە و کەسێکی تریش بریندار بووە.[2]
- تەندروستی #کەرکووک# ڕایگەیاند، لە ماوەی 24سەعاتی ڕابردودا 52 حاڵەتی نوێی توشبون بە کۆرۆنا و چاکبونەوەی 1 حاڵەت و حاڵەتێکی گیان لەدەستدانیش تۆمار کراوە.[2]
- د. یاد نەقشبەندی، گوتەبێژی بەڕێوەبەرایەتی تەندروستیی #سلێمانی# بە تۆڕی میدیایی ڕووداوی ڕاگەیاند: لە سلێمانی 75 تووشبووی کۆرۆنا باری تەندروستیان ناجێگیرە و نزیکەی 20 کەسیان لە دۆخێکی خراپدان، نەخۆشخانەکانیشمان لە لێواری پڕبووندان.[1]
$رۆژئاوای کوردستان$
- بە پێی زانیاریەکان، دەوڵەتی داگیرکەری تورک بە پێی کاتی هەرێمەکە لە کاتژمێر 12:20 دا گوندەکانی زیارەت، ئاقیب و بێنێ تۆپباران کرد و بەهۆی ئەوەی شوێنی نیشتەجێبوونی هاوڵاتیانی مەدەنی تۆپباران کرا، زەویە کشتوکاڵیەکان سووتان.[5]
- داگیرکەران دوێنێ لە #گرێ سپی# منداڵێکیان بە ناوی عودەی عەبدولحەسەن بەهۆی فیدیەوە ڕفاند. بەهۆی ئەوەی خانەوادەکەی نەیتوانی فیدیە بە چەتەکان بدات، منداڵەکەیان لەلایەن چەتەکانەوە شەهیدکرا. تەرمی منداڵەکە لە پارکی سەداقای ناوەندی گرێ سپی دۆزرایەوە.[5](بڕوانە فایلی پەیوەندیدار)
$دەرەوەی کوردستان$
- دادگای دەستووری بنەڕەتیی تورکیا لەبارەی زیندانیکردنی #سەڵاحەدین دەمیرتاش# هاوسەرۆکی پێشووی #هەدەپە#وە بڕیاریدا، مافەکانی دەمیرتاش پێشێلکراون و وەزارەتی دادیشی بە بژاردنی 50 هەزار لیرە بە دەمیرتاش سزا دا، بەڵام سەرباری ئەوانەش دەمیرتاش ئازاد نەکرا.[5]
- فەرماندەیی ئۆپەراسیۆنە هاوبەشەکانی عێراق ڕایگەیاند، لە ئۆپەراسیۆنی سەربازیی ئەمدواییەی لەنێو خاکی عێراق، حکومەتی تورکیا ڕاوێژی لەگەڵ نەکردوون، دەشڵێ گرنگە لەمبارەوە هاوئاهەنگی لە نێوان تورکیاو عێراق هەبێت.[1]
- وەزیری تەندروستیی تورکیا ڕایگەیاند، لە ماوەی 24 کاژێری ڕابردوودا هەزار و 304 تووشبووی نوێی #کۆرۆنا# تۆمارکراون و 21 تووشبووی دیکەی ڤایرۆسەکەش گیانیان لەدەستداوە.[1]
- مەلوود چاوشئۆغڵو، وەزیری دەرەوەی تورکیا لە دیدارێکیدا لەگەڵ کەناڵی (سی ئێن ئێن – تورک) ڕوونیکردەوە، بۆمان دەرکەوتووە سلێمانی کەوتووەتە ژێر کاریگەری #پەکەکە# و هەندێ وڵات پەکەکە وەک ئامرازێک بۆ فشار خستنە سەر -(حکوومەتی هەرێمی کوردستان)- بەکاردەهێنن.[3]
- وەزيری دەرەوەی تورکيا، مەولوود چاوشئۆغڵو ئاشکرایکرد. وڵاتەکەی زۆر نیگەرانە بەرامبەر پاڵپشتييەکانی ئەمريکا بۆ #يەپەگە# لە سووريا و لێک نزيکبوونەوەيەکی ئەرێنی لە نێوان ئەردۆغان- ترمپ هەيە سەبارەت بە ليبيا.[1]
- میسر ئیدانەی پەلامارە سەربازییەکانی ئێران و دەوڵەتی تورک دەکات لەناو خاکی باشوری کوردستان و بە پێچەوانەی ڕێککەوتننامە نێودەوڵەتییەکان لە قەڵەمی دەدات.[4]
- #دیلان غەفوور#، پەرلەمانتارێکی #یەکێتیی نیشتمانیی کوردستان# لە پەرلەمانی عێراق ڕایگەیاند، زمانی کوردی لەسەر نووسراوەکانی نووسینگەی سەرۆکوەزیران لابردراوە، ئەمەش سەرپێچی حکومەتی نوێی عێراقە بە سەرۆکایەتی #مستەفا کازمی#.[1]
- لە وڵاتی هۆڵەند بە چەقۆ هێرشکرایە سەر سادق زەرزا، کەسایەتی و ئەندامی پێشووی ڕێبەریی حزبی دیموکراتی کوردستانی ئێران.[3](بڕوانە فایلی پەیوەندیدار)

$باکووری کوردستان$
- #سەزای تەمەلی# هاوسەرۆکی گشتیی پارتی دیموکراتیکی گەلان-#هەدەپە# سەردانی #لەیلا گیوڤەن#ی کرد کە ماوەی 80 ڕۆژە لەدژی گۆشەگیری سەر #عەبدوڵڵا ئۆجەلان# مانی لەخواردن گرتووە.[3]
$رۆژهەڵاتی کوردستان$
- هاووڵاتییەکی کورد بە ناوی عەلی والایی بۆ ئیدارەیی ئیتلاعاتی سەرپێلی #زەهاو# بانگهێشت و دەسبەسەر کرا. بە وتەی سەرچاوەیەکی ئاگادار، هێزەکانی ئیتلاعات لە ڕێگەی پێوەندیی تەلەفوونیەوە ئەم هاووڵاتییە کوردەیان بانگهێشت کردووە. ئەو سەرچاوەیە گوتیشی: ئەم هاووڵاتییە کوردە بە تۆمەتی هاوکاری لەگەڵ یەکێک لە حیزبەکانی ئۆپۆزیسیۆنی حکوومەتی ئێران دەسبەسەر کراوە.[6]
- هاووڵاتییەکی کورد بە ناوی محەممەد پارەکار تەمەن 30 ساڵ کوڕی کەریم خەڵکی گوندەوێڵە سەر بە شاری #شنۆ# بۆ تێپەڕاندنی ماوەی حوکمەکەی بۆ زیندانی شاری شنۆ ڕاگوێزرا.[6]
$باشووری کوردستان$
- لە شیلادزێ خۆپیشاندان دژی بۆردوومانکردنی داگیرکەری تورک بەڕێوەچوو. خۆپیشاندەران چوونە ناو بارەگایەکی سوپای تورکیاوە لە کۆمەڵگەی سیرێ-ی سەر بە شارەدێی #شیلادزێ# و چەندین ئۆتۆمبێل و تانکی سەربازییان سووتاند، لە سوپا و میتی تورک کوژراو و دیل هەیە و لە خۆپیشاندەرانیش شەهید و بریندار هەن. فڕۆکەکانی داگیرکەری تورک بۆ ترساندنی خۆپیشاندەران بە نزمی بە ئاسمانی شیلادزێ و ناوچەکەدا دەسووڕێنەوە.[2]=KTML_Photo_Begin=https://www.kurdipedia.org/files/relatedfiles/2018/165076/0040.JPG=KTML_Photo_Alt=0040.JPG=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/165076/0040.JPG=KTML_Photo_End=
- تەرمی دوو هاونیشتمانیی دیکەی #ئامێدی# کە بەهۆی بۆردوومانەکەی داگیرکەری تورکیا کە لە گەلی ڕەشاڤا لە ئامێدی گیانیان لەدەستدا، بەیانیی ئەمڕۆ بەخاک سپێردران. [2]
- دەستەی بەڕێوەبەرایەتی #تەڤگەری ئازادیی کۆمەڵگەی کوردستان# لەسەر خۆپیشاندانەکانی خەڵکی شیلادزێ ڕایگەیاند، ڕاپەڕینی جەماوەریی شێلادزێ دژ بە داگیرکاریی پێویستە هەموو باشور بگرێتەوه.[2]
- هێزە ئەمنییەکان هێرشیان کردە سەر تیمەکانی کەناڵی ئێن ئاڕ تی، کە ڕووماڵی گواستنەوەی بریندارانی خۆپیشاندانەکانی شێلادزێیان دەکرد و دەستگیریان کردن. پاشتر هەندێکیان ئازادکران.[2]
- فراکسیۆنی گۆڕان لە پەرلەمانی هەرێمی کوردستان دەڵێت، داواکارین دەوڵەتی تورکیا کۆتایی بە تۆپبارانکردنی خاکی باشوری کوردستان بهێنێت و هێزە سەربازیەکانیان بگەڕێنەوە خاکی تورکیا.[5]
- هێزێکی زێڕەڤانی گەییشتە سێرێ بۆ پاراستنی بنکەکانی سوپای تورک.[2]
- فڕۆکە جەنگییەکانی سوپای تورکیای داگیرکەرناوچەکانی شیلادزی، دێرەلوک وهەرێمی زاپ بۆردومان دەکات.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/165076/0045.JPG=KTML_ImageCaption_Title=بەڵگەنامەکانی ئەمڕۆ: 26-01-2019=KTML_ImageCaption_CaptionStyle=000000=KTML_ImageCaption_Caption=بەڵگەنامەکانی ئەمڕۆ: 26-01-2019=KTML_ImageCaption_End=
- هێزەکانی #حەشدی شەعبی# ماڵ بە ماڵی گوندی #حەسار# لە #کەرکووک# دەپشکنن.[2]
- بەرەبەیانی ئەمڕۆ سەعات 3:15 یەکەم گەشتی هێڵی ئاسمانی تورکش ئێر گەیشتە فڕۆکەخانەی نێودەوڵەتی #سلێمانی#.[1]
- ژمارەیەک تیرۆرستی داعش دوای ئەوەی دزەیان کردبووە ناو گەڕەکی بەختیاری لەباشوری #خانەقین# لەلایەن هێزەکانی ئاسایشەوە وەڵام دراونەتەوه و تێکشکاون.[1]
$رۆژئاوای کوردستان$
- #شەڕڤان#انی هێزەکانی سوریای دیموکراتیک (قەسەدە) لە چوارچێوەی هەڵمەتی گەردەلولی جزیر دا ئەمڕۆ ڕێڕەوێکی ئارام و پارێزەراویان لە نێوان گوندەکانی مەراشلی و باغوزی ژووردا کردەوە و لەو ڕێگەیەوە هەزار و 300 هاووڵاتییان لە دەست چەتەکانی #داعش# ڕزگار کرد. زۆربەی ئەو هاووڵاتییانەی لە دەست چەتەکانی داعش ڕزگارکراون ژن و منداڵن.[3]
$دەرەوەی کوردستان$
- وەزارەتی بەرگریی تورکیا ڕاگەیێندراوێکی لەبارەی خۆپیشاندانەکەی شیلادزێ بڵاوکردەوە و ڕایدەگەیێنێت ''بەهۆی هاندانی #پەکەکە# هێرشکرایە سەر بنکەیەکی سەربازیمان لە باکووری عێراق و زیان بە بەشێک لە ئۆتۆمبێل و کەلوپەلمان گەیشتووە''.[4]