یەکێک لە ڕووخسارە ناسراوەکانی بواری فیلم و دەرهێنانی کوردە. ئەو لە هاوینی ساڵی ±1970ی هەتاوی لە شاری #بانە# لە دایکبووە. تاکوو 12 ساڵانە لە بانە ژیاوە و پاشان لەگەڵ بنەماڵەکەی باریان کردووە بۆ شاری #سنە#.
تاکوو خوێندنی ناوەندی لە سنە بووە و پاشان لە ساڵێ 1371ی هەتاوی بۆ درێژەی خوێندن لە زانستگە چووەتە تاران و لە بواری سینمادا لە زانستگەی دەنگ و ڕەنگ خوێندنی درێژە پێ داوە.
بەهمەن قوبادی بە فیلمی ژیان لەنێو مژدا خۆی زیاتر بە جیهانی سینما بەتایبەتی جیهانی دەرەوە ناساند و خەڵاتی زۆری بۆ ئەم فیلەمی وەرگرت. هەروەها ناوبراو بە درووستکردنی فیلمی درێژی ساتێک بۆ مەستی ئەسپەکان خۆی گەیاندە ڕیزی ناوبانگرتین دەرهێنەرەکانی جیهان. ئەم فیلمەش یەکەم فیلمی سینمایی دیکۆمێنتێری یە لە مێژووی سینمای ئێراندا.
دووەمین فیلمی سینمایی و درێژی بەهمەن قوبادی گۆرانییەکانی وڵاتی دایکمە، دواتر فیلمی کیسەڵەکانیش دەتوانن بفڕن سێیەم فیلمی خۆی تۆمار کرد.
بەهمەن قوبادی خاوەنی چەندین خەڵاتی نێونەتەوەییە لەوانە خەڵاتی کان لە فەڕەنسا.
بێجگە لە هونەری سینما بەهمەن قوبادی وێنەگریشی وەک پیشە خوێندووە و شارەزاییەکی زۆری لەم بوارەشدا هەیە.
$بەشداری کردن وەک بڕیاردەر لە دیواندا$
1. فستیڤاڵی نێونەتەوەیی فیلمی کان، دابەش کردنی خەڵاتی کامێرای زێڕین، 1381 هەتاوی
2. فستیڤاڵی نێونەتەوەیی فیلمی ڕۆتردام، هولەند، 6 تاکوو 17 ڕێبەندانی 1384 هەتاوی
3. فستیڤاڵی نێونەتەوەیی فیلمی جونجو، کورە باشووری، 6 تا 16 بانەمەڕی 1385 هەتاوی
4. فستیڤاڵی نێونەتەوەیی فیلمی ڤیلادوکەنده، پورتغاڵ، 12 تا 20 پوشپەڕ 1385
5. بەڕێوەبەر و بەرپرسی کۆڕی دیوانی بڵاو بوونەوەی پێشبڕکێی فستیڤاڵی نێونەتەوەیی فیلمی ئانونی مال، 23 تاکوو 28 گەلاوێژی 1385 هەتاوی
6. فستیڤاڵی نێونەتەوەیی فیلمی سائوپائولو، لە مانگی خەزەڵوەری ساڵی 1385 هەتاوی.
$فیلمناسی بەهمەن قوبادی:$
فیلمشناسی
$فیلمی سینمایی درێژ:$
نیوەمانگ
کیسەڵەکانیش دەتوانن بفڕن
گۆرانییەکانی وڵاتی دایکم
کاتێک بۆ سەرخۆشی ئەسپەکان
$کوورتە فیلم:$
دف
آن مرد آمد (ئەو پیاوە دێ)
جنگ تمام شد (شەڕ تەواو بوو)
باز باران با ترانە (دووبارە باران لەگەڵ گۆرانی)
دنگ
سهمیە دفتر (بەشی دەفتەر)
ماهی خدا (ماسی خودا)
مثل مادر (وەک دایک)
مهمانی (میوانی)
زندگی در مە (ژیان لەنێو تەم و مژدا)
نغمەهای دختران دشت (سۆزەکانی کچی دەشت)
وظیفە م حسینی (ئەرکەکانی م. حەسەن)
سربازی بە نام امین (سەربازێک بە ناوی ئەمین)
پانتول
کبوتر نادر پرید (کۆترەکەی نادر فڕی)
باجە تلفن (کیوسکی تەلەفوون)
بالکن (باڵکۆن، بەرهێوان)
ز مثل زندگی (ژێ وەک ژیان)
گل باجی (گوڵ باجی)
از زاویە دیگر (شاییەکی تر)
سرتراش خانە (سەرتاشەکەی ماڵ)
هفدە تمام (هەڤدەی تەواو)
تێبینی: لەبەر ئەوە زۆربەی بەرهەمەکانی بەهمەن قوبادی بەتایبەتی بەرهەمە کوورتەکانی لە ئێراندا ساز کردووە، ناوەکانیانی بە فارسی لێ ناون.

#بەهمەن قوبادی# دەرهێنەری ناوداری کورد، ڕەخنەی لە هونەرمەند و کەسایەتییە دیارەکانی ئێران گرت و گوتی: مافی ئەوەتان نییە بەدەم گوڵەبەڕۆژە خواردنەوە، سەیری دەمکوتکردنی خەڵک بکەن.
بەهمەن قوبادی لە پەیامێکی ڤیدیۆییدا، ڕووی لە هونەرمەند و کەسانی دیاری ئێرانی کرد و گوتی: خەڵک ئێمەی هونەرمەندانی گەورە کرد، ئێستاش ئێوە ملیۆنان فۆلۆوەرتان هەیە [لە سۆشیال میدیاکان]، بۆیە ئەو قەرزەی لەسەرتانە، بە خەڵکی بدەنەوە.
قوبادی لە پەیامەکەیدا دووپاتیکردەوە، خەڵک بە نووسینی شێعرێک هەڵناخەڵەتێن. بوێر بە. وابزانە ژینا، خوشک، کچ یان هاوسەری تۆیە، قەڵەمەکەت هەڵگرە، ڕەخنە بگرە و یارمەتی خەڵک بدە.
بەهمەن قوبادی، وەک هێمایەک بۆ بەرگریکردن لە خەڵک، باسی عەلی کەریمی یاریزانی ناوداری تۆپی پێی ئێران کرد. عەلی کەریمی لە ڕۆژانی ڕابردوودا لە تۆڕە کۆمەڵایەتییەکانی ئینستاگرام و تویتەر چەندین پۆستی بۆ سەرکۆنەکردنی کوژرانی ژینا ئەمینی و پشتگیری لە خۆپێشاندانی خەڵک، بڵاوکردەوە.[1]

#بەهمەن قوبادی#: من دژایەتی ئەوانە دەکەم کە ژن دەکوژن
دەرهێنەر و سینەماکاری کورد، بەهمەنی قوبادی ڕوونکردنەوە لەبارەی ئەو وشانەی دەدات کە دەوترا لە دژی ئایینی ئیسلام وتویەتی و دەڵێت: هەرگیز مەبەستم نەبووە سوکایەتی بە هیچ ئایینێک بکەم، من هەمیشە عەرەب و خەڵکەکەیم خۆشویستووە، هەرگیز سوکایەتیم بە ئیسلام نەکردووە، بەڵام من لە دژی ئەو ئیسلامییانەم کە منداڵ دەکوژن، کە ژنەکانمان دەکوژن، کە دەستدرێژی دەکەنە سەر ژن و کچەکانمان، ئەو ئیسلامییانەی وشەی اللە دەهێنن و لە تەنیشتی خەنجەرێک دایدەنێن و دەیکەنە سەر ئاڵاکەیان. [1]

ئەحمەد داوودئۆغڵۆ
سەرۆک وەزیرانی بەڕێزی دەوڵەتی تورکیا
لە چەند شەقاو نزیک سنوورەکانی وڵاتی ئێوەدا، یەکێک لە گرینگترین و مێژووییترین کارەساتەکانی ئەم دەیەی ڕابردوو خەریکە ڕوودەدات. ڕووداوگەلێک کە هاوکات بووە لەگەڵ دەستپێکردنی چالاکییەکانی ئێوە وەک سەرۆک وەزیرانی دەوڵەتی تورکیا و هەڵە نابێت ئەگەر بڵێین کە داهاتووی سیاسی ئێوەش بێ شک بەم ڕووداوەوە گرێدراوە. بێ گومان، گرینگی ئەم ڕووداوە لە چارەنووسی سیاسی وڵاتی تورکیا و کەسایەتیی ئێوەدایە کە بەڕێزتانی هاندا چەند ڕۆژ پێش ئێستا، بە فەرمی ڕایبگەیەنن دەوڵەتی تورکیا بە هیچ شێوەیەک ڕێگە نادات کە شاری کۆبانی بکەوێتە دەستی داعشەوە. بەڵێی، باس لەسەر کۆبانی و کوردە بێتاوانەکانی ئەوێیە و ڕێک لەم کاتەدا کە من ئەم نامەیە بۆ ئێوە دەنووسم، دەیان کەس لە پیاوان و ژنانی کورد، سەربەرزیی و گیانی خۆیان ناوەتە لەپی دەستیانەوە و خەریکی داکۆکیکردنن لە مەتر مەتری خاکیی کۆبانی. بەڕێز داوودئۆغڵۆ لەو کاتەدا کە داعش بە کردەوەی نامرۆڤانەوە پێی خستۆتە سەر گەرووی کۆبانییەوە و بە دڵڕەقیی تەواوەوە دەیەوێت کە ئەوێی بکاتە کۆگایەک لە خاک و خۆڵ و خەڵکەکەی کوشتوبڕ بکات و ئەم خەڵکە بۆ داکۆکیکردن لە خۆیان و شارەکەیان پێویستیان بە یارمەتیی نیزامی هەیە، هێزە نیزامییەکانی ئێوە لە چەند شەقام نزیک شاری بێتاوانی کۆبانی، بە کەرەستە و پێداویستیی تەواوەوە تەنیا چاو لە ڕووداوەکە دەکەن. لەبیرتان نەچێت پەیهاتەی ڕووخانی کۆبانی بە دەستی داعش، زیاتر لەو شتەیە کە بتوانرێت مەزندە بکرێت و بێگومان کاریگەری بەسەر ناوچەکە و وڵاتی تورکیاش زۆر بەربڵاوتر دەبێت. کەواتە هێزەکانی ئێوە چاوەڕێی چین؟ چاوەڕێی ژینۆسایدی تەواوی پیاوانی کوردی کۆبانی و بە دیل گرتنی ژنانی ئەم شارەن، تا لە کۆتایی هاتنی ئەم شەڕە و تەقاندنیی چەند فیشەکێک بلًَێین کە تەواوی هەوڵی خۆتاندا؟! داهاتووی سیاسی ئێوە لەم ساتە وەختەی ئێستادا دەخرێتە بەر باس و لێکۆڵینەوەوە. لە بیرتان نەچێت ئەگەر درەنگی ئێوە لە یارمەتیدانی کوردانی کۆبانی دەرئەنجامی تاڵ و قەرەبوونەکراوەی بە شوێنەوە بێت، نە تەنیا لە پێش چاوی خەڵکی دنیادا بەرپرس دەبن، بەڵکوو جگە لە کوردانی تورکیا و سەرتاسەری جیهان، بە خەڵکی مرۆڤدۆستی وڵاتەکەشتان، کە لەگەڵ کوردەکاندا پەیوەندییەکی ئینسانی و برایانەیان بەدەر لە سنوورە ساختە و جوگرافییەکاندا هەیە، دەبێت وڵامدەر بن. بێگومان ئەم ڕۆحییەتە جوامێرانە و داکۆکی لە ڕەگەزە نەتەوایەتییە هاوبەشەکان، لە ئێوەش و لە نەتەوەی تورکیشدا بوونی هەیە. هەر بەم هۆیەوە، لەوباوەڕەدام کە بایەخی ئەم یەکێتیی ئەخلاقی و ئینسانییە بە باشی هەستی پێدەکەن. لەبیرتان نەچێت، کوردەکان مومکینە لە لایەنی جوگرافییەوە نیشتمانێکی یەکپارچە و هاوبەشیان نەبێت و لە یەکتری دوور کەوتبێتنەوە، بەڵام تەنیا یەک ڕۆحن کە هەر بەشێکی لە شوێنێک بەجێیماوە. کوردەکانی کۆبانی مرۆڤن و سەد هەڵبەت دراوسێشتانن. چارەنووسی ئەوان لە ئێوە و ئەوانی دیکە و داهاتوو جوێی نییە. یارمەتیدانی کۆبانی یارمەتیدانی هەموو مرۆڤایەتییە و سەد هەڵبەت یارمەتیدانی خۆشتانە. چونکە لە سبەینێیەکدا کە زۆر دوور نییە و وڵاتی سەربەخۆ و تایبەت بە نەتەوەی کورد لە ژێر ئەم زام و ئێش و ئاور و خۆڵەمێشەدا سەرهەڵدەدات، خەڵکانی زامدار و یارمەتیدەر و یارمەتینەدراو، لە بیریاندەمێنێت کە چ کەسێک زیاتر لە هەمووان ساڕێژی برینەکانیانی دەکرد و داکۆکی لێدەکردن و چ کەسێک لەجیاتی یارمەتی تەنیا ڕیای کردووە. ئێستا بۆ هەمووی ئێمە کاتی کردەوە و نیشاندانی ئەو نییەتانەیە کە سەبارەت بەوان قسەکراوە. کاتژمێرێکی دیکە مومکینە بۆ هەمووان درەنگ بێت. ئەگەر تەنانەت ڕێزەیەک خەم لە دڵتان جێی خۆی کردۆتەوە، لەم هەمووە زامەی کە بەسەر جەستەی دەردەداری خەڵکانی بێتاوانی کورددا هاتووە، لانی کەم سنوورەکانتان بکەنەوە تا کوردانی بێئوقرەی نیشتمانەکەت تەنانەت بە دەستی بەتاڵیشەوە کە بکرێت خۆیان بگەیێنە کۆبانی تا دیسانەوە بۆ چەند هەزارەمین جار بە درێژایی مێژوو، شەڕەف و سەربەرزیی کورد لە داکۆکیکردنی بست بە بستی ئەو خاکەی کە تێدا ژیانی بەسەر دەبەن، بە خەڵکانی جیهان نیشان بدەن. بەڕێز ئەحمەد داوودئۆغڵۆ سبەی مومکینە زۆر درەنگ بێت. هەم بۆ کۆبانی و هەمیش بۆ ئێوە و هەمیش بۆ جیهان.
بەهمەن قوبادی