بەرگری شارستانی #سلێمانی# چەند ڕێنماییەکی گرنگ و پێویست بۆ بەکارهێنانی بتڵی (غاز) وە شێوازی سەلامەتی بەکارهێنانی لە ماڵاندا بڵاودەکاتەوە، کە بریتتیە لە...
1. بەکارهێنانی بۆری و سۆندەی تایبەت و حەراری دژە سووتان بۆ گەیاندنی غازەکە بە شوێنی مەبەست کە بەرگەی گەرمی و پەستان بگرێت.
2. نابێت سۆندەی غاز لە پشتی فڕن و گەباخەوە بگوازرێتەوە و کاریگەری گەرمی لەسەر بێت بەردەوام.
3. بە هیچ شێوەیەک نابێت بتڵی غاز لەشوێنی کارکردندا هەبێت یان دابنرێت لە جێگەیەک کە سەقفی گیرابێت و هەوای دەرنەچێت وەک ژێرزەمین و کۆگا و چێشت خانە.
4. کردنەوەی غاز لەسەرەمنچەمەکەوە لەکاتی پێویستی و ئیش کردندا وە کوژانەوەی لە سەرەمنچەمەکەوە نەک تەنها کوژانەوەی لە ئامێری گەرمکەرەوەکەوە.
5. لەکاتی بەستنی بەشی ژێرەوە بتڵی غاز نابێت ئاوی گەرم بکار بهێنیت بۆ توانەوەی سەهۆڵەکە، بەڵکو دەبێت بگڵی غازەکە بگۆڕدرێت دابنرێت هەتا خۆی ئەتوێتەوە، ئەم حاڵەتە کەمتر لە ماڵدا ڕوو دەدات زیاتر لە نانەواخانە و چێشتخانەکاندا ڕوو دەدات بەهۆی بەکار هێنانی سەرە منچەمەی هەزاری.
6. ئەگەر هەستت بە بۆنی غاز کرد لەشوێنە کارکردندا نابێت بە هیچ جۆرێک کارەبا داگیرسێنیت تەنانەت ئەگەر ساحیبەی هەواش بێت، چونکەی بە داگیرساندنی ساحیبە یان تەنها گڵۆپێک ئەبێتە هەوی دروست بوونی شەرارەی ئاگر و بەخێرا ترین شێوە کڵپەدەکات و کارەسات دەخولقێت.
7. کاتێک هەست بەبۆنی غاز دەکەیت باشترین ڕێگە بۆ خۆپاراستن دروست کردنی (تهویە) یە بۆ دەرچونی غازەکە وە لەم حاڵەتەشدا باشترین چارەسەر کردنەوەی دەرگاو پەنجەرەیە.[1]
#15-11-2018#

دواڕۆژ، هۆگر کەمال:
وتەبێژی بەرگری شارستانی سلێمانی ڕایدەگەیەنێت، شەوی ڕابردوو بەهۆی بارانبارین و لافاوەوە نزیکەی 150 ماڵ و 15 فەرمانگە زیانیان بەرکەوتووە و منداڵێکیش خنکاوە.
رێکان جەمال، وتەبێژی بەڕێوەبەرایەتی بەرگری شارستانی سلێمانی، بە دواڕۆژی ڕاگەیاند "بەهۆی ئه و شەپۆلە بارانەی دوو ڕۆژە شاری سلێمانی و دەوروبەری گرتۆتەوە، شەوی ڕابردوو ئاو و باراناو چۆتە ناو نزیکەی 150 ماڵ و 15 فەرمانگە، ئەمە جگەلەوەی ئاوێکی زۆریش لەبەردەم تەلاری فامیلی مۆڵ کۆبۆتەوە".
وتیشی "بەهۆی لافاو و باراناوەوە تەنیا یەک منداڵی کچی ئاوارەی عەرەب لە گوندێکی سەر بە ناحیەی بازیان گیانی لەدەستداوە".
ئاماژەی بەوەشدا "ئه و گەڕەکانەی ئاویان تێچووە بریتی بوون لە (بەکرەجۆ، عەواڵ، کۆستەی چەم، کانی کوردە، کانی بەردینە، تاسڵوجە، کانی گۆمە) و چەندین گەڕەکی دیکە، لەگەڵ (سەنتەری چاندنی مۆخ، هاتووچۆی سلێمانی، ئاسایشی تاسڵوجە، نەخۆشخانەی شەهید ئاسۆ)ە و چەند فەرمانگەیەکی دیکە کە ئاویان تێچووە و زیانیان بەرکەوتووە".
وتەبێژی بەرگری شارستانی سلێمانی، ئەوەشی خستەڕوو "ئەگەرچی زیانەکان زۆرن کە بەر هاوڵاتیان کەوتوون بەتایبەتی لە گەڕەکی تاسڵوجە، بەڵام تا ئێستا نەخەمڵێندراوە، بۆ ئەوەی بزانین لەرووی داراییەوە زیانەکان بەنزیکەیی چەند دەبێت".
- 02-12-2016

دواڕۆژ، ئاکۆ حەمەد ڕابی
بەرگری شارستانی #سۆران# ڕایدەگەیەنێت لەماوەی شەش مانگی یەکەمی ئەمساڵدا 181 ڕووداوی جۆراوجۆر ڕوویانداوە و دوو هاوڵاتیش خنکاون و لەنێو ئەو ڕووداوانەش 162یان ڕووداوی ئاگرکەوتنەوە بوون ئاماژە بەوەشدەکات زیانی کۆی ڕووداوەکان بریتی بووە لە 425 ملیۆن و 625 هەزار دینار.
رائید بەیار باڵەکی، بەرپرسی ڕاگەیاندنی بەڕێوەبەرایەتی بەرگری شارستانی سۆران بە دواڕۆژی ڕاگەیاند لەماوەی شەش مانگی یەکەمی ئەمساڵ لە سنوری هەر چوار قەزای سۆران، #چۆمان#، #ڕواندز# و مێرگەسۆر 162 ڕووداوی جۆراوجۆر ڕوویانداوە لەنێویاندا سێ هاوڵاتی خنکاون و سێ هاوڵاتیش برینداربوون.
وتیشی لەنێو ئەو ڕووداوانەدا 162یان ئاگرکەوتنەوە بوون و بەهۆیەوە 171 دۆنم لە پوش و پاوان سوتاون و زیانی ماددی کۆی ڕووداوەکانی ئاگرکەوتنەوەکانیش بریتی بووە لە 425 ملیۆن و 625 هەزار دینار.
بەرپرسی ڕاگەیاندنی بەرگری شارستانی ئاماژەی بەوەشدا کە هەر لە ماوەی نیوەی یەکەمی ئەمساڵدا 10 ڕووداوی لافاو ڕویانداوە و سێ کەسیش لە خنکان ڕزگارکراون.
وتیشی ڕووداوەکانی ئاگرکەوتنەوەکانیش بەو جۆرە بوون، 21 ڕووداوی سوتانی ماڵ، سوتانی 11 دوکان، سوتانی 13 ئۆتۆمبێل، 78 ڕووداوی سوتانی پوش و پەڵاش و سوتانی سێ ڕەز و باغ و بەنزینخانەیەک لەگەڵ سوتانی چەند شوێنێک.
03-07-2017

ڕۆژنیوز - محەمەد حسێن
لە کۆنگرەیەکی ڕۆژنامەنوسیدا بەرێوبەرایەتی بەرگری شارەستانی ڕاپەرین ئاماری شەش مانگی کار و چالاکییەکانی خۆی ڕاگەیاند. بەرپرسی ڕاگەیاندنی بەرگری شارەستانی ڕاپەرین ڕائید حسێن ئاماری شەش مانگی بەم شێوەیە ڕاگەیاند:لە شەش مانگی 2015دا، 425 ئاگرکەوتنەوە هەبووە بە سەرجەم بنکەکانی سنوری بەڕێوەبەرایەتیمان لە سنوری بیتوێن (232) ئاگر و لە سنوری پشدەر (193) ئاگر هەبووە، بەراورد بە شەش مانگی ساڵی ڕابردوو ڕێژەکە زیادی کردووە. بە نسبەت جۆری ئاگرەکان کەمتەر خەم (42) حاڵەت – نەزانراو (200) ڕووداو – ئەنقەست (23) حاڵەت – جگەرە (23) حاڵەت – کارەبا (55) حاڵەت هەبووە حاڵەتی مردن (1) سووتان (1) و ڕەزگارکردن لەخنکان (2) حاڵەت ڕوویان داوە. پشکنینی فەرمانگە و شوێنە گشتییەکان (105) پشکنینی نەگونجاو و (139) پشکنینی گونجاو هەبووە کۆی زیانی دارایی ئەم شەش مانگە (524،767،600) پێنج سەدوو بیست و چوار ملیۆن و حەسەد وشەست و حەوت هەزار شەسەد دینار خەمڵێنراوە.[1]
#12-07-2015#

دوا بەدوای موشەک بارانکردنی بنکە و بارەگاکانی #حیزبی دێموکراتی کوردستانی ئێران# لە #کۆیە# لەلایەن سوپای پاسدارانی کۆماری ئیسلامی کوردستانەوە لە بەرەبەیانی #28-09-2022# تاوەکو کاتژمێر : 3:00ی دوای نیوەڕۆ، بەڕیوەبەرایەتی بەرگری شارستانی کۆیە بە ئەفسەر و کارمەندانییەوە هەموو بنکەکانی کۆیە و هەرمۆتە و زانکۆ و تیمی بارەگای بەڕێوەبەرایەتی گەیشتنە شوێنی ڕووداوەکان و ئاگری مۆڵگە گڕگرتووەکانیان کوژاندەوە و بەمەش مەترسی تەقینەوەی جبەخانە سەرەکیەکانی دوورخستەوە.[1]

خەندان دانا جەلال
بەڕێوبەری بەرگری شارستانی کۆیە ڕایگەیاند لە ساڵی 2013دا 762 ڕووداوی ئاگر کەوتنەوە بەهۆکاری جیاواز ڕوویانداوه و سێ کەسیش لە زێی بچوک خنکاون و 33 ڕووداوی لافاویش هەبووە.
ئەمڕۆ سێشەمە 31ی کانوونی یەکەمی 2013، عەمید محەمەد سەعید قادر، بەڕێوبەری بەشی بەرگریی شارستانی کۆیە لە کۆنگرەیەکی ڕۆژنامەوانیدا ئاماری 2013 ڕاگەیاند :لە ساڵی 2013دا 762 ڕووداوی ئاگر کەوتنەوە ڕوویانداوە کە بەچەند هۆکارێکی جیاواز بووە و 14 تەنکەری گوێزەرەوەی سوتەمەنی لەمساڵدا سوتاون و شەش کەسیش بە هۆکاری جیاواز گیانیان لەدەستداوە.
بەڕێوبەری بەرگریی شارستانی کۆیە وتیشی: زیانی ماددیی لەمساڵدا بە 433 ملیۆن و 845 هەزار دینار مەزەندە دەکرێت.
- 31-12-2013